| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
10. д̇ажчаган̇г̇абан̃хо
10. Tacchakaṅgapañho
10. ‘‘бханд̇з нааг̇асзна, ‘д̇ажчагасса д̣̇вз ан̇г̇аани г̇ахзд̇аб̣б̣ааний’д̇и яам̣ вад̣̇зси, гад̇амаани д̇аани д̣̇вз ан̇г̇аани г̇ахзд̇аб̣б̣ааний’’д̇и? ‘‘яат̇аа, махаарааж̇а, д̇ажчаго гаал̣асуд̇д̇ам̣ ануломзд̇ваа ругкам̣ д̇ажчад̇и, звамзва ко, махаарааж̇а, яог̇инаа яог̇ааважарзна ж̇инасаасанамануломаяид̇ваа сийлабат̇авияам̣ бад̇идтахид̇ваа сад̣̇д̇хаахад̇т̇зна бан̃н̃ааваасим̣ г̇ахзд̇ваа гилзсаа д̇ажчзд̇аб̣б̣аа. ид̣̇ам̣, махаарааж̇а, д̇ажчагасса батамам̣ ан̇г̇ам̣ г̇ахзд̇аб̣б̣ам̣.
10. ‘‘Bhante nāgasena, ‘tacchakassa dve aṅgāni gahetabbānī’ti yaṃ vadesi, katamāni tāni dve aṅgāni gahetabbānī’’ti? ‘‘Yathā, mahārāja, tacchako kāḷasuttaṃ anulometvā rukkhaṃ tacchati, evameva kho, mahārāja, yoginā yogāvacarena jinasāsanamanulomayitvā sīlapathaviyaṃ patiṭṭhahitvā saddhāhatthena paññāvāsiṃ gahetvā kilesā tacchetabbā. Idaṃ, mahārāja, tacchakassa paṭhamaṃ aṅgaṃ gahetabbaṃ.
‘‘буна жабарам̣, махаарааж̇а, д̇ажчаго пзг̇г̇ум̣ абахарид̇ваа саарамаад̣̇ияад̇и, звамзва ко, махаарааж̇а, яог̇инаа яог̇ааважарзна сассад̇ам̣ ужчзд̣̇ам̣ д̇ам̣ ж̇ийвам̣ д̇ам̣ сарийрам̣ ан̃н̃ам̣ ж̇ийвам̣ ан̃н̃ам̣ сарийрам̣ д̇ад̣̇уд̇д̇амам̣ ан̃н̃ад̣̇уд̇д̇амам̣ агад̇амабхаб̣б̣ам̣ абурисагаарам̣ аб̣рахмажарияаваасам̣ сад̇д̇авинаасам̣ навасад̇д̇абаад̇убхаавам̣ сан̇каарасассад̇абхаавам̣ яо гарод̇и, со бадисам̣взд̣̇зд̇и, ан̃н̃о гарод̇и, ан̃н̃о бадисам̣взд̣̇зд̇и, гаммапалад̣̇ассанаа жа гирияапалад̣̇идти жа ид̇и зваруубаани жзва ан̃н̃аани жа виваад̣̇абат̇аани абанзд̇ваа сан̇каараанам̣ сабхаавам̣ барамасун̃н̃ад̇ам̣ нирийханиж̇ж̇ийвад̇ам̣ 1 ажжанд̇ам̣ сун̃н̃ад̇ам̣ аад̣̇ияид̇аб̣б̣ам̣. ид̣̇ам̣, махаарааж̇а, д̇ажчагасса д̣̇уд̇ияам̣ ан̇г̇ам̣ г̇ахзд̇аб̣б̣ам̣. бхаасид̇амбзд̇ам̣, махаарааж̇а, бхаг̇авад̇аа д̣̇зваад̇ид̣̇звзна суд̇д̇анибаад̇з –
‘‘Puna caparaṃ, mahārāja, tacchako phegguṃ apaharitvā sāramādiyati, evameva kho, mahārāja, yoginā yogāvacarena sassataṃ ucchedaṃ taṃ jīvaṃ taṃ sarīraṃ aññaṃ jīvaṃ aññaṃ sarīraṃ taduttamaṃ aññaduttamaṃ akatamabhabbaṃ apurisakāraṃ abrahmacariyavāsaṃ sattavināsaṃ navasattapātubhāvaṃ saṅkhārasassatabhāvaṃ yo karoti, so paṭisaṃvedeti, añño karoti, añño paṭisaṃvedeti, kammaphaladassanā ca kiriyaphaladiṭṭhi ca iti evarūpāni ceva aññāni ca vivādapathāni apanetvā saṅkhārānaṃ sabhāvaṃ paramasuññataṃ nirīhanijjīvataṃ 2 accantaṃ suññataṃ ādiyitabbaṃ. Idaṃ, mahārāja, tacchakassa dutiyaṃ aṅgaṃ gahetabbaṃ. Bhāsitampetaṃ, mahārāja, bhagavatā devātidevena suttanipāte –
‘‘‘гааран̣д̣авам̣ нид̣̇д̇хамат̇а, гасамб̣ум̣ абагассат̇а;
‘‘‘Kāraṇḍavaṃ niddhamatha, kasambuṃ apakassatha;
д̇ад̇о балаабз ваахзт̇а, ассаман̣з саман̣амаанинз.
Tato palāpe vāhetha, assamaṇe samaṇamānine.
‘‘‘нид̣̇д̇хамид̇ваана баабижчз, баабааажаараг̇ожарз;
‘‘‘Niddhamitvāna pāpicche, pāpaācāragocare;
суд̣̇д̇хаа суд̣̇д̇хзхи сам̣ваасам̣, габбаяавхо бад̇иссад̇аа;
Suddhā suddhehi saṃvāsaṃ, kappayavho patissatā;
д̇ад̇о самаг̇г̇аа нибагаа, д̣̇угкассанд̇ам̣ гариссат̇аа’’’д̇и.
Tato samaggā nipakā, dukkhassantaṃ karissathā’’’ti.
д̇ажчаган̇г̇абан̃хо д̣̇асамо.
Tacchakaṅgapañho dasamo.
маггадагаваг̇г̇о чадто.
Makkaṭakavaggo chaṭṭho.
д̇ассуд̣̇д̣̇аанам̣ –
Tassuddānaṃ –
маггадо д̣̇аараго гуммо, ванам̣ ругко жа бан̃жамо;
Makkaṭo dārako kummo, vanaṃ rukkho ca pañcamo;
мзгхо ман̣и мааг̇авиго, б̣аал̣исий д̇ажчагзна жаад̇и.
Megho maṇi māgaviko, bāḷisī tacchakena cāti.
Footnotes:
