| Library / Tipiṭaka / ཏིཔིཊཀ • Tipiṭaka / མིལིནྡཔཉྷཔཱལི༹ • Milindapañhapāḷi |
༡༠. ཏཙྪཀངྒཔཉྷོ
10. Tacchakaṅgapañho
༡༠. ‘‘བྷནྟེ ནཱགསེན, ‘ཏཙྪཀསྶ དྭེ ཨངྒཱནི གཧེཏབྦཱནཱི’ཏི ཡཾ ཝདེསི, ཀཏམཱནི ཏཱནི དྭེ ཨངྒཱནི གཧེཏབྦཱནཱི’’ཏི? ‘‘ཡཐཱ, མཧཱརཱཛ, ཏཙྪཀོ ཀཱལ༹སུཏྟཾ ཨནུལོམེཏྭཱ རུཀྑཾ ཏཙྪཏི, ཨེཝམེཝ ཁོ, མཧཱརཱཛ, ཡོགིནཱ ཡོགཱཝཙརེན ཛིནསཱསནམནུལོམཡིཏྭཱ སཱིལཔཐཝིཡཾ པཏིཊྛཧིཏྭཱ སདྡྷཱཧཏྠེན པཉྙཱཝཱསིཾ གཧེཏྭཱ ཀིལེསཱ ཏཙྪེཏབྦཱ། ཨིདཾ, མཧཱརཱཛ, ཏཙྪཀསྶ པཋམཾ ཨངྒཾ གཧེཏབྦཾ།
10. ‘‘Bhante nāgasena, ‘tacchakassa dve aṅgāni gahetabbānī’ti yaṃ vadesi, katamāni tāni dve aṅgāni gahetabbānī’’ti? ‘‘Yathā, mahārāja, tacchako kāḷasuttaṃ anulometvā rukkhaṃ tacchati, evameva kho, mahārāja, yoginā yogāvacarena jinasāsanamanulomayitvā sīlapathaviyaṃ patiṭṭhahitvā saddhāhatthena paññāvāsiṃ gahetvā kilesā tacchetabbā. Idaṃ, mahārāja, tacchakassa paṭhamaṃ aṅgaṃ gahetabbaṃ.
‘‘པུན ཙཔརཾ, མཧཱརཱཛ, ཏཙྪཀོ ཕེགྒུཾ ཨཔཧརིཏྭཱ སཱརམཱདིཡཏི, ཨེཝམེཝ ཁོ, མཧཱརཱཛ, ཡོགིནཱ ཡོགཱཝཙརེན སསྶཏཾ ཨུཙྪེདཾ ཏཾ ཛཱིཝཾ ཏཾ སརཱིརཾ ཨཉྙཾ ཛཱིཝཾ ཨཉྙཾ སརཱིརཾ ཏདུཏྟམཾ ཨཉྙདུཏྟམཾ ཨཀཏམབྷབྦཾ ཨཔུརིསཀཱརཾ ཨབྲཧྨཙརིཡཝཱསཾ སཏྟཝིནཱསཾ ནཝསཏྟཔཱཏུབྷཱཝཾ སངྑཱརསསྶཏབྷཱཝཾ ཡོ ཀརོཏི, སོ པཊིསཾཝེདེཏི, ཨཉྙོ ཀརོཏི, ཨཉྙོ པཊིསཾཝེདེཏི, ཀམྨཕལདསྶནཱ ཙ ཀིརིཡཕལདིཊྛི ཙ ཨིཏི ཨེཝརཱུཔཱནི ཙེཝ ཨཉྙཱནི ཙ ཝིཝཱདཔཐཱནི ཨཔནེཏྭཱ སངྑཱརཱནཾ སབྷཱཝཾ པརམསུཉྙཏཾ ནིརཱིཧནིཛྫཱིཝཏཾ 1 ཨཙྩནྟཾ སུཉྙཏཾ ཨཱདིཡིཏབྦཾ། ཨིདཾ, མཧཱརཱཛ, ཏཙྪཀསྶ དུཏིཡཾ ཨངྒཾ གཧེཏབྦཾ། བྷཱསིཏམྤེཏཾ, མཧཱརཱཛ, བྷགཝཏཱ དེཝཱཏིདེཝེན སུཏྟནིཔཱཏེ –
‘‘Puna caparaṃ, mahārāja, tacchako phegguṃ apaharitvā sāramādiyati, evameva kho, mahārāja, yoginā yogāvacarena sassataṃ ucchedaṃ taṃ jīvaṃ taṃ sarīraṃ aññaṃ jīvaṃ aññaṃ sarīraṃ taduttamaṃ aññaduttamaṃ akatamabhabbaṃ apurisakāraṃ abrahmacariyavāsaṃ sattavināsaṃ navasattapātubhāvaṃ saṅkhārasassatabhāvaṃ yo karoti, so paṭisaṃvedeti, añño karoti, añño paṭisaṃvedeti, kammaphaladassanā ca kiriyaphaladiṭṭhi ca iti evarūpāni ceva aññāni ca vivādapathāni apanetvā saṅkhārānaṃ sabhāvaṃ paramasuññataṃ nirīhanijjīvataṃ 2 accantaṃ suññataṃ ādiyitabbaṃ. Idaṃ, mahārāja, tacchakassa dutiyaṃ aṅgaṃ gahetabbaṃ. Bhāsitampetaṃ, mahārāja, bhagavatā devātidevena suttanipāte –
‘‘‘ཀཱརཎྜཝཾ ནིདྡྷམཐ, ཀསམྦུཾ ཨཔཀསྶཐ།
‘‘‘Kāraṇḍavaṃ niddhamatha, kasambuṃ apakassatha;
ཏཏོ པལཱཔེ ཝཱཧེཐ, ཨསྶམཎེ སམཎམཱནིནེ༎
Tato palāpe vāhetha, assamaṇe samaṇamānine.
‘‘‘ནིདྡྷམིཏྭཱན པཱཔིཙྪེ, པཱཔཨཱཙཱརགོཙརེ།
‘‘‘Niddhamitvāna pāpicche, pāpaācāragocare;
སུདྡྷཱ སུདྡྷེཧི སཾཝཱསཾ, ཀཔྤཡཝ྄ཧོ པཏིསྶཏཱ།
Suddhā suddhehi saṃvāsaṃ, kappayavho patissatā;
ཏཏོ སམགྒཱ ནིཔཀཱ, དུཀྑསྶནྟཾ ཀརིསྶཐཱ’’’ཏི༎
Tato samaggā nipakā, dukkhassantaṃ karissathā’’’ti.
ཏཙྪཀངྒཔཉྷོ དསམོ།
Tacchakaṅgapañho dasamo.
མཀྐཊཀཝགྒོ ཚཊྛོ།
Makkaṭakavaggo chaṭṭho.
ཏསྶུདྡཱནཾ –
Tassuddānaṃ –
མཀྐཊོ དཱརཀོ ཀུམྨོ, ཝནཾ རུཀྑོ ཙ པཉྩམོ།
Makkaṭo dārako kummo, vanaṃ rukkho ca pañcamo;
མེགྷོ མཎི མཱགཝིཀོ, བཱལི༹སཱི ཏཙྪཀེན ཙཱཏི༎
Megho maṇi māgaviko, bāḷisī tacchakena cāti.
Footnotes:
