| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[492] 9. д̇ажчасуугараж̇аад̇агаван̣н̣анаа
[492] 9. Tacchasūkarajātakavaṇṇanā
яад̣̇зсамаанаа вижаримхаад̇и ид̣̇ам̣ сад̇т̇аа ж̇зд̇аванз вихаранд̇о д̣̇вз махаллагад̇т̇зрз аараб̣бха гат̇зси. махаагосало гира ран̃н̃о б̣имб̣исаарасса д̇хийд̇арам̣ д̣̇знд̇о д̇хийд̇у нхаанийяамуулад̇т̇ааяа гаасиг̇аамам̣ ад̣̇ааси. басзнад̣̇и рааж̇аа аж̇аад̇асад̇д̇унаа бид̇ари маарид̇з д̇ам̣ г̇аамам̣ ажчинд̣̇и. д̇зсу д̇ассад̇т̇ааяа яуж̇жханд̇зсу батамам̣ аж̇аад̇асад̇д̇усса ж̇аяо ахоси. госаларааж̇аа барааж̇аяаббад̇д̇о амажжз бужчи ‘‘гзна ну ко убааязна аж̇аад̇асад̇д̇ум̣ г̇ан̣хзяяаамаа’’д̇и. махаарааж̇а, бхигкуу наама манд̇агусалаа хонд̇и, жарабурисз бзсзд̇ваа вихаарз бхигкуунам̣ гат̇ам̣ бариг̇г̇ан̣хид̇ум̣ ваддад̇ийд̇и. рааж̇аа ‘‘саад̇хуу’’д̇и бадиссун̣ид̇ваа ‘‘зт̇а, д̇умхз вихаарам̣ г̇анд̇ваа бадижчаннаа худ̇ваа бхад̣̇анд̇аанам̣ гат̇ам̣ бариг̇г̇ан̣хат̇аа’’д̇и жарабурисз баяож̇зси. ж̇зд̇аванзби б̣ахуу рааж̇абурисаа баб̣б̣аж̇ид̇аа хонд̇и. д̇зсу д̣̇вз махаллагад̇т̇зраа вихаарабажжанд̇з бан̣н̣асаалааяам̣ васанд̇и, зго д̇хануг̇г̇ахад̇иссад̇т̇зро наама, зго манд̇ид̣̇ад̇д̇ад̇т̇зро наама. д̇з саб̣б̣арад̇д̇им̣ субид̇ваа бажжуусагаалз баб̣уж̇жхим̣су.
Yadesamānā vicarimhāti idaṃ satthā jetavane viharanto dve mahallakatthere ārabbha kathesi. Mahākosalo kira rañño bimbisārassa dhītaraṃ dento dhītu nhānīyamūlatthāya kāsigāmaṃ adāsi. Pasenadi rājā ajātasattunā pitari mārite taṃ gāmaṃ acchindi. Tesu tassatthāya yujjhantesu paṭhamaṃ ajātasattussa jayo ahosi. Kosalarājā parājayappatto amacce pucchi ‘‘kena nu kho upāyena ajātasattuṃ gaṇheyyāmā’’ti. Mahārāja, bhikkhū nāma mantakusalā honti, carapurise pesetvā vihāre bhikkhūnaṃ kathaṃ pariggaṇhituṃ vaṭṭatīti. Rājā ‘‘sādhū’’ti paṭissuṇitvā ‘‘etha, tumhe vihāraṃ gantvā paṭicchannā hutvā bhadantānaṃ kathaṃ pariggaṇhathā’’ti carapurise payojesi. Jetavanepi bahū rājapurisā pabbajitā honti. Tesu dve mahallakattherā vihārapaccante paṇṇasālāyaṃ vasanti, eko dhanuggahatissatthero nāma, eko mantidattatthero nāma. Te sabbarattiṃ supitvā paccūsakāle pabujjhiṃsu.
д̇зсу д̇хануг̇г̇ахад̇иссад̇т̇зро аг̇г̇им̣ ж̇аалзд̇ваа ааха ‘‘бханд̇з, манд̇ид̣̇ад̇д̇ад̇т̇зраа’’д̇и. ‘‘гим̣ бханд̇з’’д̇и. ‘‘нид̣̇д̣̇ааяат̇а д̇умхз’’д̇и. ‘‘на нид̣̇д̣̇ааяаами, гим̣ гаад̇аб̣б̣а’’нд̇и? ‘‘бханд̇з, лаалаго вад̇ааяам̣ госаларааж̇аа жаадимад̇д̇абхож̇анамзва бхун̃ж̇ид̇ум̣ ж̇аанаад̇ий’’д̇и. ‘‘ат̇а гим̣ бханд̇з’’д̇и. ‘‘ад̇д̇ано гужчимхи баан̣агамад̇д̇зна аж̇аад̇асад̇д̇унаа барааж̇ид̇о рааж̇аа’’д̇и. ‘‘гинд̇и бана бханд̇з гаад̇ум̣ ваддад̇ий’’д̇и? ‘‘бханд̇з, манд̇ид̣̇ад̇д̇ад̇т̇зра яуд̣̇д̇хам̣ наама сагадаб̣яуухажаггаб̣яуухабад̣̇умаб̣яуухавасзна д̇ивид̇хам̣. д̇зсу бхааг̇инзяяам̣ аж̇аад̇асад̇д̇ум̣ г̇ан̣ханд̇зна сагадаб̣яуухам̣ гад̇ваа г̇ан̣хид̇ум̣ ваддад̇и, асугасмим̣ наама баб̣б̣ад̇аган̣н̣з д̣̇вийсу бассзсу суурабурисз табзд̇ваа бурад̇о б̣алам̣ д̣̇ассзд̇ваа анд̇о бавидтабхаавам̣ н̃ад̇ваа над̣̇ид̇ваа ваг̇г̇ид̇ваа гуминз бавидтамажчам̣ вияа анд̇омудтияам̣ гад̇ваава нам̣ г̇ахзд̇ум̣ саггаа’’д̇и.
Tesu dhanuggahatissatthero aggiṃ jāletvā āha ‘‘bhante, mantidattattherā’’ti. ‘‘Kiṃ bhante’’ti. ‘‘Niddāyatha tumhe’’ti. ‘‘Na niddāyāmi, kiṃ kātabba’’nti? ‘‘Bhante, lālako vatāyaṃ kosalarājā cāṭimattabhojanameva bhuñjituṃ jānātī’’ti. ‘‘Atha kiṃ bhante’’ti. ‘‘Attano kucchimhi pāṇakamattena ajātasattunā parājito rājā’’ti. ‘‘Kinti pana bhante kātuṃ vaṭṭatī’’ti? ‘‘Bhante, mantidattatthera yuddhaṃ nāma sakaṭabyūhacakkabyūhapadumabyūhavasena tividhaṃ. Tesu bhāgineyyaṃ ajātasattuṃ gaṇhantena sakaṭabyūhaṃ katvā gaṇhituṃ vaṭṭati, asukasmiṃ nāma pabbatakaṇṇe dvīsu passesu sūrapurise ṭhapetvā purato balaṃ dassetvā anto paviṭṭhabhāvaṃ ñatvā naditvā vaggitvā kumine paviṭṭhamacchaṃ viya antomuṭṭhiyaṃ katvāva naṃ gahetuṃ sakkā’’ti.
баяож̇ид̇абурисаа д̇ам̣ гат̇ам̣ суд̇ваа ран̃н̃о аарожзсум̣. рааж̇аа махад̇ияаа сзнааяа г̇анд̇ваа д̇ат̇аа гад̇ваа аж̇аад̇асад̇д̇ум̣ г̇ахзд̇ваа сан̇калигаб̣анд̇ханзна б̣анд̇хид̇ваа гад̇ибаахам̣ ниммад̣̇ам̣ гад̇ваа ‘‘буна зваруубам̣ маа гарий’’д̇и ассаасзд̇ваа можзд̇ваа д̇хийд̇арам̣ важ̇ирагумаарим̣ наама д̇асса д̣̇ад̇ваа маханд̇зна бариваарзна виссаж̇ж̇зси. ‘‘госаларан̃н̃аа д̇хануг̇г̇ахад̇иссад̇т̇зрасса сам̣вид̇хаанзна аж̇аад̇асад̇д̇у г̇ахид̇о’’д̇и бхигкуунам̣ анд̇арз гат̇аа самудтахи, д̇хаммасабхааяамби д̇амзва гат̇ам̣ самудтаабзсум̣. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, ид̣̇аанзва, буб̣б̣зби д̇хануг̇г̇ахад̇иссо яуд̣̇д̇хасам̣вид̇хаанз чзгоязваа’’д̇и вад̇ваа ад̇ийд̇ам̣ аахари.
Payojitapurisā taṃ kathaṃ sutvā rañño ārocesuṃ. Rājā mahatiyā senāya gantvā tathā katvā ajātasattuṃ gahetvā saṅkhalikabandhanena bandhitvā katipāhaṃ nimmadaṃ katvā ‘‘puna evarūpaṃ mā karī’’ti assāsetvā mocetvā dhītaraṃ vajirakumāriṃ nāma tassa datvā mahantena parivārena vissajjesi. ‘‘Kosalaraññā dhanuggahatissattherassa saṃvidhānena ajātasattu gahito’’ti bhikkhūnaṃ antare kathā samuṭṭhahi, dhammasabhāyampi tameva kathaṃ samuṭṭhāpesuṃ. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, idāneva, pubbepi dhanuggahatisso yuddhasaṃvidhāne chekoyevā’’ti vatvā atītaṃ āhari.
ад̇ийд̇з б̣аараан̣асинаг̇арасса д̣̇ваараг̇аамаваасий зго вад̣дхагий д̣̇ааруад̇т̇ааяа аран̃н̃ам̣ г̇анд̇ваа ааваадз бад̇ид̇ам̣ згам̣ суугарабод̇агам̣ д̣̇исваа аанзд̇ваа ‘‘д̇ажчасуугаро’’д̇исса наамам̣ гад̇ваа босзси. со д̇асса убагаараго ахоси. д̇ун̣д̣зна ругкз баривад̇д̇зд̇ваа д̣̇зд̇и, д̣̇аатааяа взтзд̇ваа гаал̣асуд̇д̇ам̣ гад̣дхад̇и, мукзна д̣ам̣сид̇ваа ваасиникаад̣̇анамуг̇г̇арз аахарад̇и. со вуд̣дхиббад̇д̇о махааб̣ало махаасарийро ахоси. ат̇а вад̣дхагий д̇асмим̣ буд̇д̇абзмам̣ бажжубадтаабзд̇ваа ‘‘имам̣ ид̇ха васанд̇ам̣ гожид̣̇зва хим̣сзяяаа’’д̇и аран̃н̃з виссаж̇ж̇зси. со жинд̇зси ‘‘ахам̣ имасмим̣ аран̃н̃з згагова васид̇ум̣ на сагкиссаами, н̃аад̇агз бариязсид̇ваа д̇зхи баривуд̇о васиссаамий’’д̇и. со ванагхадааяа суугарз бариязсанд̇о б̣ахуу суугарз д̣̇исваа д̇уссид̇ваа д̇иссо г̇аат̇аа абхааси –
Atīte bārāṇasinagarassa dvāragāmavāsī eko vaḍḍhakī dāruatthāya araññaṃ gantvā āvāṭe patitaṃ ekaṃ sūkarapotakaṃ disvā ānetvā ‘‘tacchasūkaro’’tissa nāmaṃ katvā posesi. So tassa upakārako ahosi. Tuṇḍena rukkhe parivattetvā deti, dāṭhāya veṭhetvā kāḷasuttaṃ kaḍḍhati, mukhena ḍaṃsitvā vāsinikhādanamuggare āharati. So vuḍḍhippatto mahābalo mahāsarīro ahosi. Atha vaḍḍhakī tasmiṃ puttapemaṃ paccupaṭṭhāpetvā ‘‘imaṃ idha vasantaṃ kocideva hiṃseyyā’’ti araññe vissajjesi. So cintesi ‘‘ahaṃ imasmiṃ araññe ekakova vasituṃ na sakkhissāmi, ñātake pariyesitvā tehi parivuto vasissāmī’’ti. So vanaghaṭāya sūkare pariyesanto bahū sūkare disvā tussitvā tisso gāthā abhāsi –
160.
160.
‘‘яад̣̇зсамаанаа вижаримха, баб̣б̣ад̇аани ванаани жа;
‘‘Yadesamānā vicarimha, pabbatāni vanāni ca;
анвзсам̣ вижарим̣ н̃аад̇ий, д̇змз ад̇хиг̇ад̇аа маяаа.
Anvesaṃ vicariṃ ñātī, teme adhigatā mayā.
161.
161.
‘‘б̣ахун̃жид̣̇ам̣ муулапалам̣, бхагко жааяам̣ анаббаго;
‘‘Bahuñcidaṃ mūlaphalaṃ, bhakkho cāyaṃ anappako;
раммаа жимаа г̇ирийнаж̇ж̇о, паасуваасо бхависсад̇и.
Rammā cimā girīnajjo, phāsuvāso bhavissati.
162.
162.
‘‘ид̇хзваахам̣ васиссаами, саха саб̣б̣зхи н̃аад̇ибхи;
‘‘Idhevāhaṃ vasissāmi, saha sabbehi ñātibhi;
аббоссугго нираасан̇гий, асого агуд̇обхаяо’’д̇и.
Appossukko nirāsaṅkī, asoko akutobhayo’’ti.
д̇ад̇т̇а яад̣̇зсамаанаад̇и яам̣ н̃аад̇иг̇ан̣ам̣ бариязсанд̇аа маяам̣ вижаримха. анвзсанд̇и жирам̣ вад̇а анвзсанд̇о вижарим̣. д̇змзд̇и д̇з имз. бхагкод̇и свзва ванамуулапаласан̇каад̇о бхагко. аббоссуггод̇и ануссугго худ̇ваа.
Tattha yadesamānāti yaṃ ñātigaṇaṃ pariyesantā mayaṃ vicarimha. Anvesanti ciraṃ vata anvesanto vicariṃ. Temeti te ime. Bhakkhoti sveva vanamūlaphalasaṅkhāto bhakkho. Appossukkoti anussukko hutvā.
суугараа д̇асса важанам̣ суд̇ваа жад̇уд̇т̇ам̣ г̇аат̇амаахам̣су –
Sūkarā tassa vacanaṃ sutvā catutthaṃ gāthamāhaṃsu –
163.
163.
‘‘ан̃н̃амби лзн̣ам̣ бариязса, сад̇д̇у но ид̇ха виж̇ж̇ад̇и;
‘‘Aññampi leṇaṃ pariyesa, sattu no idha vijjati;
со д̇ажча суугарз ханд̇и, ид̇хааг̇анд̇ваа варам̣ вара’’нд̇и.
So taccha sūkare hanti, idhāgantvā varaṃ vara’’nti.
д̇ад̇т̇а д̇ажчаад̇и д̇ам̣ наамзнаалабанд̇и. варам̣ варанд̇и суугарз хананд̇о т̇ууламам̣сам̣ варам̣ варан̃н̃зва ханад̇и.
Tattha tacchāti taṃ nāmenālapanti. Varaṃ varanti sūkare hananto thūlamaṃsaṃ varaṃ varaññeva hanati.
ид̇о барам̣ уд̇д̇аанасамб̣анд̇хаг̇аат̇аа баал̣инаязна взд̣̇ид̇аб̣б̣аа –
Ito paraṃ uttānasambandhagāthā pāḷinayena veditabbā –
164.
164.
‘‘го нумхаагам̣ ид̇ха сад̇д̇у, го н̃аад̇ий сусамааг̇ад̇з;
‘‘Ko numhākaṃ idha sattu, ko ñātī susamāgate;
д̣̇уббад̇хам̣сз бад̇хам̣сзд̇и, д̇ам̣ мз агкаат̇а бужчид̇аа.
Duppadhaṃse padhaṃseti, taṃ me akkhātha pucchitā.
165.
165.
‘‘уд̣̇д̇хаг̇г̇арааж̇ий миг̇арааж̇аа, б̣алий д̣̇аатаавуд̇хо миг̇о;
‘‘Uddhaggarājī migarājā, balī dāṭhāvudho migo;
со д̇ажча суугарз ханд̇и, ид̇хааг̇анд̇ваа варам̣ варам̣.
So taccha sūkare hanti, idhāgantvā varaṃ varaṃ.
166.
166.
‘‘на но д̣̇аатаа на виж̇ж̇анд̇и, б̣алам̣ гааяз самохид̇ам̣;
‘‘Na no dāṭhā na vijjanti, balaṃ kāye samohitaṃ;
саб̣б̣з самаг̇г̇аа худ̇ваана, васам̣ гаахаама згагам̣.
Sabbe samaggā hutvāna, vasaṃ kāhāma ekakaṃ.
167.
167.
‘‘хад̣̇аяан̇г̇амам̣ ган̣н̣асукам̣, ваажам̣ бхаасаси д̇ажчага;
‘‘Hadayaṅgamaṃ kaṇṇasukhaṃ, vācaṃ bhāsasi tacchaka;
яоби яуд̣̇д̇хз балааязяяа, д̇амби бажчаа ханаамасз’’д̇и.
Yopi yuddhe palāyeyya, tampi pacchā hanāmase’’ti.
д̇ад̇т̇а го нумхааганд̇и ахам̣ д̇умхз д̣̇исваава ‘‘имз суугараа аббамам̣салохид̇аа, бхаязна нзсам̣ бхавид̇аб̣б̣а’’нд̇и жинд̇зсим̣, д̇асмаа мз аажигкат̇а, го ну амхаагам̣ ид̇ха сад̇д̇у. уд̣̇д̇хаг̇г̇арааж̇ийд̇и уд̣̇д̇хаг̇г̇аахи сарийрарааж̇ийхи саманнааг̇ад̇о. б̣яаг̇гхам̣ санд̇хааязвамаахам̣су. яобийд̇и яо амхаагам̣ анд̇арз згоби балааяиссад̇и, д̇амби маяам̣ бажчаа ханиссаамаад̇и.
Tattha ko numhākanti ahaṃ tumhe disvāva ‘‘ime sūkarā appamaṃsalohitā, bhayena nesaṃ bhavitabba’’nti cintesiṃ, tasmā me ācikkhatha, ko nu amhākaṃ idha sattu. Uddhaggarājīti uddhaggāhi sarīrarājīhi samannāgato. Byagghaṃ sandhāyevamāhaṃsu. Yopīti yo amhākaṃ antare ekopi palāyissati, tampi mayaṃ pacchā hanissāmāti.
д̇ажчасуугаро саб̣б̣з суугарз згажид̇д̇з гад̇ваа бужчи ‘‘гааяа взлааяа б̣яаг̇гхо ааг̇амиссад̇ий’’д̇и. аж̇ж̇а баад̇ова згам̣ г̇ахзд̇ваа г̇ад̇о, свз баад̇ова ааг̇амиссад̇ийд̇и. со яуд̣̇д̇хагусало ‘‘имасмим̣ таанз тид̇зна саггаа ж̇зд̇у’’нд̇и бхуумисийсам̣ баж̇аанаад̇и, д̇асмаа згам̣ бад̣̇зсам̣ саллагкзд̇ваа рад̇д̇имзва суугарз г̇ожарам̣ г̇аахаабзд̇ваа б̣алавабажжуусад̇о бадтааяа ‘‘яуд̣̇д̇хам̣ наама сагадаб̣яуухаад̣̇ивасзна д̇ивид̇хам̣ ход̇ий’’д̇и вад̇ваа бад̣̇умаб̣яуухам̣ сам̣вид̣̇ахад̇и. маж̇жхз таанз кийрабивагз суугарабод̇агз табзси. д̇з бариваарзд̇ваа д̇зсам̣ маад̇аро, д̇аа бариваарзд̇ваа ван̃жхаа суугарияо, д̇аасам̣ ананд̇араа суугарабод̇агз, д̇зсам̣ ананд̇араа магулад̣̇аатз д̇арун̣асуугарз, д̇зсам̣ ананд̇араа махаад̣̇аатз, д̇зсам̣ ананд̇араа ж̇ин̣н̣асуугарз, д̇ад̇о д̇ад̇т̇а д̇ад̇т̇а д̣̇асаваг̇г̇ам̣ вийсад̇иваг̇г̇ам̣ д̇им̣саваг̇г̇ан̃жа гад̇ваа б̣алаг̇умб̣ам̣ табзси. ад̇д̇ано ад̇т̇ааяа згам̣ ааваадам̣, б̣яаг̇гхасса бад̇анад̇т̇ааяа згам̣ суббасан̣таанам̣ баб̣бхаарам̣ гад̇ваа кан̣аабзси. д̣̇виннам̣ ааваадаанам̣ анд̇арз ад̇д̇ано васанад̇т̇ааяа бийтагам̣ гаарзси. со т̇аамасамбаннз яод̇хасуугарз г̇ахзд̇ваа д̇асмим̣ д̇асмим̣ таанз суугарз ассаасзнд̇о вижари. д̇ассзвам̣ гаронд̇ассзва суурияо уг̇г̇ажчад̇и.
Tacchasūkaro sabbe sūkare ekacitte katvā pucchi ‘‘kāya velāya byaggho āgamissatī’’ti. Ajja pātova ekaṃ gahetvā gato, sve pātova āgamissatīti. So yuddhakusalo ‘‘imasmiṃ ṭhāne ṭhitena sakkā jetu’’nti bhūmisīsaṃ pajānāti, tasmā ekaṃ padesaṃ sallakkhetvā rattimeva sūkare gocaraṃ gāhāpetvā balavapaccūsato paṭṭhāya ‘‘yuddhaṃ nāma sakaṭabyūhādivasena tividhaṃ hotī’’ti vatvā padumabyūhaṃ saṃvidahati. Majjhe ṭhāne khīrapivake sūkarapotake ṭhapesi. Te parivāretvā tesaṃ mātaro, tā parivāretvā vañjhā sūkariyo, tāsaṃ anantarā sūkarapotake, tesaṃ anantarā makuladāṭhe taruṇasūkare, tesaṃ anantarā mahādāṭhe, tesaṃ anantarā jiṇṇasūkare, tato tattha tattha dasavaggaṃ vīsativaggaṃ tiṃsavaggañca katvā balagumbaṃ ṭhapesi. Attano atthāya ekaṃ āvāṭaṃ, byagghassa patanatthāya ekaṃ suppasaṇṭhānaṃ pabbhāraṃ katvā khaṇāpesi. Dvinnaṃ āvāṭānaṃ antare attano vasanatthāya pīṭhakaṃ kāresi. So thāmasampanne yodhasūkare gahetvā tasmiṃ tasmiṃ ṭhāne sūkare assāsento vicari. Tassevaṃ karontasseva sūriyo uggacchati.
ат̇а б̣яаг̇гхарааж̇аа гуудаж̇адиласса ассамабад̣̇аа нигкамид̇ваа баб̣б̣ад̇ад̇алз адтааси. д̇ам̣ д̣̇исваа суугараа ‘‘ааг̇ад̇о но бханд̇з взрий’’д̇и вад̣̇им̣су. маа бхааяат̇а, яам̣ яам̣ зса гарод̇и, д̇ам̣ саб̣б̣ам̣ саригкаа худ̇ваа гарот̇аад̇и. б̣яаг̇гхо сарийрам̣ вид̇хунид̇ваа осагганд̇о вияа бассаавамагааси, суугарааби д̇ат̇зва гарим̣су. б̣яаг̇гхо суугарз ологзд̇ваа махаанад̣̇ам̣ над̣̇и, д̇зби д̇ат̇зва гарим̣су. со д̇зсам̣ гирияам̣ д̣̇исваа жинд̇зси ‘‘на имз буб̣б̣асад̣̇исаа, аж̇ж̇а маяхам̣ бадисад̇д̇уно худ̇ваа ваг̇г̇аваг̇г̇аа тид̇аа, сам̣вид̣̇ахаго нзсам̣ сзнаанааяагоби ад̇т̇и, аж̇ж̇а маяаа зд̇зсам̣ санд̇игам̣ г̇анд̇ум̣ на ваддад̇ий’’д̇и маран̣абхаяад̇аж̇ж̇ид̇о нивад̇д̇ид̇ваа гуудаж̇адиласса санд̇игам̣ г̇ад̇о. ат̇а нам̣ со д̇ужчахад̇т̇ам̣ д̣̇исваа навамам̣ г̇аат̇амааха –
Atha byaggharājā kūṭajaṭilassa assamapadā nikkhamitvā pabbatatale aṭṭhāsi. Taṃ disvā sūkarā ‘‘āgato no bhante verī’’ti vadiṃsu. Mā bhāyatha, yaṃ yaṃ esa karoti, taṃ sabbaṃ sarikkhā hutvā karothāti. Byaggho sarīraṃ vidhunitvā osakkanto viya passāvamakāsi, sūkarāpi tatheva kariṃsu. Byaggho sūkare oloketvā mahānadaṃ nadi, tepi tatheva kariṃsu. So tesaṃ kiriyaṃ disvā cintesi ‘‘na ime pubbasadisā, ajja mayhaṃ paṭisattuno hutvā vaggavaggā ṭhitā, saṃvidahako nesaṃ senānāyakopi atthi, ajja mayā etesaṃ santikaṃ gantuṃ na vaṭṭatī’’ti maraṇabhayatajjito nivattitvā kūṭajaṭilassa santikaṃ gato. Atha naṃ so tucchahatthaṃ disvā navamaṃ gāthamāha –
168.
168.
‘‘баан̣аад̇ибаад̇аа вирад̇о ну аж̇ж̇а, абхаяам̣ ну д̇з саб̣б̣абхууд̇зсу д̣̇иннам̣;
‘‘Pāṇātipātā virato nu ajja, abhayaṃ nu te sabbabhūtesu dinnaṃ;
д̣̇аатаа ну д̇з миг̇авад̇хааяа на санд̇и, яо сан̇гхабад̇д̇о габан̣ова жхааяасий’’д̇и.
Dāṭhā nu te migavadhāya na santi, yo saṅghapatto kapaṇova jhāyasī’’ti.
д̇ад̇т̇а сан̇гхабад̇д̇од̇и яо д̇вам̣ суугарасан̇гхабад̇д̇о худ̇ваа гин̃жи г̇ожарам̣ алабхид̇ваа габан̣о вияа жхааяасийд̇и.
Tattha saṅghapattoti yo tvaṃ sūkarasaṅghapatto hutvā kiñci gocaraṃ alabhitvā kapaṇo viya jhāyasīti.
ат̇а б̣яаг̇гхо д̇иссо г̇аат̇аа абхааси –
Atha byaggho tisso gāthā abhāsi –
169.
169.
‘‘на мз д̣̇аатаа на виж̇ж̇анд̇и, б̣алам̣ гааяз самохид̇ам̣;
‘‘Na me dāṭhā na vijjanti, balaṃ kāye samohitaṃ;
н̃аад̇ий жа д̣̇исваана саамаг̇г̇ий згад̇о, д̇асмаа жа жхааяаами ванамхи згаго.
Ñātī ca disvāna sāmaggī ekato, tasmā ca jhāyāmi vanamhi ekako.
170.
170.
‘‘имассуд̣̇ам̣ яанд̇и д̣̇исод̣̇исам̣ бурз, бхаяаддид̇аа лзн̣аг̇авзсино бут̇у;
‘‘Imassudaṃ yanti disodisaṃ pure, bhayaṭṭitā leṇagavesino puthu;
д̇з д̣̇аани сан̇г̇амма васанд̇и згад̇о, яад̇т̇адтид̇аа д̣̇уббасахаж̇ж̇а д̇з маяаа.
Te dāni saṅgamma vasanti ekato, yatthaṭṭhitā duppasahajja te mayā.
171.
171.
‘‘барин̣ааяагасамбаннаа , сахид̇аа згаваад̣̇ино;
‘‘Pariṇāyakasampannā , sahitā ekavādino;
д̇з мам̣ самаг̇г̇аа хим̣сзяяум̣, д̇асмаа нзсам̣ на бад̇т̇аяз’’д̇и.
Te maṃ samaggā hiṃseyyuṃ, tasmā nesaṃ na patthaye’’ti.
д̇ад̇т̇а саамаг̇г̇ий згад̇од̇и сахид̇аа худ̇ваа згад̇о тид̇з. имассуд̣̇анд̇и имз суд̣̇ам̣ маяаа агкийни уммийлзд̇ваа ологид̇амад̇д̇аава буб̣б̣з д̣̇исод̣̇исам̣ г̇ажчанд̇и. бут̇ууд̇и висум̣ висум̣. яад̇т̇адтид̇аад̇и яасмим̣ бхуумибхааг̇з тид̇аа. барин̣ааяагасамбаннаад̇и сзнаанааяагзна самбаннаа. д̇асмаа нзсам̣ на бад̇т̇аязд̇и д̇зна гааран̣зна зд̇зсам̣ на бад̇т̇зми.
Tattha sāmaggī ekatoti sahitā hutvā ekato ṭhite. Imassudanti ime sudaṃ mayā akkhīni ummīletvā olokitamattāva pubbe disodisaṃ gacchanti. Puthūti visuṃ visuṃ. Yatthaṭṭhitāti yasmiṃ bhūmibhāge ṭhitā. Pariṇāyakasampannāti senānāyakena sampannā. Tasmā nesaṃ na patthayeti tena kāraṇena etesaṃ na patthemi.
д̇ам̣ суд̇ваа гуудаж̇адило д̇асса уссаахам̣ ж̇анаяанд̇о г̇аат̇амааха –
Taṃ sutvā kūṭajaṭilo tassa ussāhaṃ janayanto gāthamāha –
172.
172.
‘‘згова инд̣̇о асурз ж̇инаад̇и, згова сзно ханд̇и д̣̇иж̇з басаяха;
‘‘Ekova indo asure jināti, ekova seno hanti dije pasayha;
згова б̣яаг̇гхо миг̇асан̇гхабад̇д̇о, варам̣ варам̣ ханд̇и б̣алан̃хи д̇аад̣̇иса’’нд̇и.
Ekova byaggho migasaṅghapatto, varaṃ varaṃ hanti balañhi tādisa’’nti.
д̇ад̇т̇а миг̇асан̇гхабад̇д̇од̇и миг̇аг̇ан̣абад̇д̇о худ̇ваа варам̣ варам̣ миг̇ам̣ ханд̇и. б̣алан̃хи д̇аад̣̇исанд̇и д̇аад̣̇исан̃хи д̇асса б̣алам̣.
Tattha migasaṅghapattoti migagaṇapatto hutvā varaṃ varaṃ migaṃ hanti. Balañhi tādisanti tādisañhi tassa balaṃ.
ат̇а б̣яаг̇гхо г̇аат̇амааха –
Atha byaggho gāthamāha –
173.
173.
‘‘на хзва инд̣̇о на сзно, наби б̣яаг̇гхо миг̇аад̇хибо;
‘‘Na heva indo na seno, napi byaggho migādhipo;
самаг̇г̇з сахид̇з н̃аад̇ий, на б̣яаг̇гхз гуруд̇з васз’’д̇и.
Samagge sahite ñātī, na byagghe kurute vase’’ti.
д̇ад̇т̇а б̣яаг̇гхзд̇и б̣яаг̇гхасад̣̇исз худ̇ваа сарийравид̇хуунанаад̣̇ийни гад̇ваа тид̇з васз на гуруд̇з, ад̇д̇ано васз вад̇д̇аабзд̇ум̣ на саггод̇ийд̇и ад̇т̇о.
Tattha byaggheti byagghasadise hutvā sarīravidhūnanādīni katvā ṭhite vase na kurute, attano vase vattāpetuṃ na sakkotīti attho.
буна ж̇адило д̇ам̣ уссаахзнд̇о д̣̇вз г̇аат̇аа абхааси –
Puna jaṭilo taṃ ussāhento dve gāthā abhāsi –
174.
174.
‘‘гумбхийлагаа сагун̣агаа, сан̇гхино г̇ан̣ажаарино;
‘‘Kumbhīlakā sakuṇakā, saṅghino gaṇacārino;
саммод̣̇амаанаа згаж̇жхам̣, уббад̇анд̇и д̣аяанд̇и жа.
Sammodamānā ekajjhaṃ, uppatanti ḍayanti ca.
175.
175.
‘‘д̇зсан̃жа д̣аяамаанаанам̣, згзд̇т̇а абасаггад̇и;
‘‘Tesañca ḍayamānānaṃ, ekettha apasakkati;
д̇ан̃жа сзно нид̇аал̣зд̇и, взяяаг̇гхиязва саа г̇ад̇ий’’д̇и.
Tañca seno nitāḷeti, veyyagghiyeva sā gatī’’ti.
д̇ад̇т̇а гумбхийлагаад̇и звам̣наамагаа куд̣̇д̣̇агасагун̣аа. уббад̇анд̇ийд̇и г̇ожарам̣ жаранд̇аа уббад̇анд̇и. д̣аяанд̇и жаад̇и г̇ожарам̣ г̇ахзд̇ваа аагаасзна г̇ажчанд̇и. згзд̇т̇а абасаггад̇ийд̇и зго зд̇зсу осаггид̇ваа ваа згабассзна ваа висум̣ г̇ажчад̇и. нид̇аал̣зд̇ийд̇и бахарид̇ваа г̇ан̣хаад̇и. взяяаг̇гхиязва саа г̇ад̇ийд̇и б̣яаг̇гхаанам̣ зсаад̇и взяяаг̇гхи, самаг̇г̇аанам̣ г̇ажчанд̇аанамби зсаа зваруубаа г̇ад̇и б̣яаг̇гхаанам̣ г̇ад̇иязва наама ход̇и. на хи саггаа саб̣б̣зхи згад̇ова г̇анд̇ум̣, д̇асмаа яо звам̣ д̇ад̇т̇а зго г̇ажчад̇и, д̇ам̣ г̇ан̣хаад̇и.
Tattha kumbhīlakāti evaṃnāmakā khuddakasakuṇā. Uppatantīti gocaraṃ carantā uppatanti. Ḍayanti cāti gocaraṃ gahetvā ākāsena gacchanti. Ekettha apasakkatīti eko etesu osakkitvā vā ekapassena vā visuṃ gacchati. Nitāḷetīti paharitvā gaṇhāti. Veyyagghiyeva sā gatīti byagghānaṃ esāti veyyagghi, samaggānaṃ gacchantānampi esā evarūpā gati byagghānaṃ gatiyeva nāma hoti. Na hi sakkā sabbehi ekatova gantuṃ, tasmā yo evaṃ tattha eko gacchati, taṃ gaṇhāti.
зван̃жа бана вад̇ваа ‘‘б̣яаг̇гхарааж̇а д̇вам̣ ад̇д̇ано б̣алам̣ на ж̇аанааси, маа бхааяи, гзвалам̣ д̇вам̣ над̣̇ид̇ваа багканд̣̇а, д̣̇вз згад̇о г̇ажчанд̇аа наама на бхависсанд̇ий’’д̇и уссаахзси . со д̇ат̇аа агааси. д̇амад̇т̇ам̣ багаасзнд̇о сад̇т̇аа ааха –
Evañca pana vatvā ‘‘byaggharāja tvaṃ attano balaṃ na jānāsi, mā bhāyi, kevalaṃ tvaṃ naditvā pakkhanda, dve ekato gacchantā nāma na bhavissantī’’ti ussāhesi . So tathā akāsi. Tamatthaṃ pakāsento satthā āha –
176.
176.
‘‘уссаахид̇о ж̇адилзна, луд̣̇д̣̇знаамисажагкунаа;
‘‘Ussāhito jaṭilena, luddenāmisacakkhunā;
д̣̇аатий д̣̇аатийсу багканд̇и, ман̃н̃амаано яат̇аа бурз’’д̇и.
Dāṭhī dāṭhīsu pakkhanti, maññamāno yathā pure’’ti.
д̇ад̇т̇а д̣̇аатийд̇и саяам̣ д̣̇аатаавуд̇хо ид̇арзсу д̣̇аатаавуд̇хзсу багканд̣̇и. яат̇аа бурзд̇и яат̇аа буб̣б̣з ман̃н̃ад̇и, д̇ат̇зва ман̃н̃амаано.
Tattha dāṭhīti sayaṃ dāṭhāvudho itaresu dāṭhāvudhesu pakkhandi. Yathā pureti yathā pubbe maññati, tatheva maññamāno.
со гира г̇анд̇ваа баб̣б̣ад̇ад̇алз д̇аава адтааси. суугараа ‘‘бунааг̇ад̇о саами, жоро’’д̇и д̇ажчасса аарожзсум̣. со ‘‘маа бхааяат̇аа’’д̇и д̇з ассаасзд̇ваа удтааяа д̣̇виннам̣ ааваадаанам̣ анд̇арз бийтагааяа адтааси. б̣яаг̇гхо взг̇ам̣ ж̇анзд̇ваа д̇ажчасуугарам̣ санд̇хааяа багканд̣̇и. д̇ажчасуугаро баривад̇д̇ид̇ваа бажчаамуко буримаааваадз бад̇и. б̣яаг̇гхо жа взг̇ам̣ санд̇хаарзд̇ум̣ асаггонд̇о г̇анд̇ваа суббабаб̣бхаарз ааваадз бад̇ид̇ваа бун̃ж̇агид̇ова адтааси. д̇ажчасуугаро взг̇зна удтааяа д̇асса анд̇арасад̇т̇имхи д̣̇аатам̣ од̇аарзд̇ваа яаава хад̣̇аяаа паалзд̇ваа мам̣сам̣ каад̣̇ид̇ваа мукзна д̣ам̣сид̇ваа б̣ахиааваадз баад̇зд̇ваа ‘‘г̇ан̣хат̇имам̣ д̣̇ааса’’нд̇и ааха. батамааг̇ад̇аа згаваарамзва д̇ун̣д̣од̇ааран̣амад̇д̇ам̣ лабхим̣су, бажчаа ааг̇ад̇аа алабхид̇ваа ‘‘б̣яаг̇гхамам̣сам̣ наама гийд̣̇иса’’нд̇и вад̣̇им̣су. д̇ажчасуугаро ааваадаа уд̇д̇арид̇ваа суугарз ологзд̇ваа ‘‘гим̣ ну ко на д̇уссат̇аа’’д̇и ааха. ‘‘саами, зго д̇аава б̣яаг̇гхо г̇ахид̇о, ан̃н̃о банзго д̣̇асаб̣яаг̇гхаг̇гханаго ад̇т̇ий’’д̇и? ‘‘го наамзсо’’д̇и? ‘‘б̣яаг̇гхзна аабхад̇аабхад̇амам̣сам̣ каад̣̇аго гуудаж̇адило’’д̇и. ‘‘д̇зна хи зт̇а, г̇ан̣хиссаама на’’нд̇и д̇зхи сад̣̇д̇хим̣ взг̇зна багканд̣̇и.
So kira gantvā pabbatatale tāva aṭṭhāsi. Sūkarā ‘‘punāgato sāmi, coro’’ti tacchassa ārocesuṃ. So ‘‘mā bhāyathā’’ti te assāsetvā uṭṭhāya dvinnaṃ āvāṭānaṃ antare pīṭhakāya aṭṭhāsi. Byaggho vegaṃ janetvā tacchasūkaraṃ sandhāya pakkhandi. Tacchasūkaro parivattitvā pacchāmukho purimaāvāṭe pati. Byaggho ca vegaṃ sandhāretuṃ asakkonto gantvā suppapabbhāre āvāṭe patitvā puñjakitova aṭṭhāsi. Tacchasūkaro vegena uṭṭhāya tassa antarasatthimhi dāṭhaṃ otāretvā yāva hadayā phāletvā maṃsaṃ khāditvā mukhena ḍaṃsitvā bahiāvāṭe pātetvā ‘‘gaṇhathimaṃ dāsa’’nti āha. Paṭhamāgatā ekavārameva tuṇḍotāraṇamattaṃ labhiṃsu, pacchā āgatā alabhitvā ‘‘byagghamaṃsaṃ nāma kīdisa’’nti vadiṃsu. Tacchasūkaro āvāṭā uttaritvā sūkare oloketvā ‘‘kiṃ nu kho na tussathā’’ti āha. ‘‘Sāmi, eko tāva byaggho gahito, añño paneko dasabyagghagghanako atthī’’ti? ‘‘Ko nāmeso’’ti? ‘‘Byagghena ābhatābhatamaṃsaṃ khādako kūṭajaṭilo’’ti. ‘‘Tena hi etha, gaṇhissāma na’’nti tehi saddhiṃ vegena pakkhandi.
ж̇адило ‘‘б̣яаг̇гхо жирааяад̇ий’’д̇и д̇асса ааг̇аманамаг̇г̇ам̣ ологзнд̇о б̣ахуу суугарз ааг̇ажчанд̇з д̣̇исваа ‘‘имз б̣яаг̇гхам̣ маарзд̇ваа мама мааран̣ад̇т̇ааяа ааг̇ажчанд̇и ман̃н̃з’’д̇и балааяид̇ваа згам̣ уд̣̇умб̣араругкам̣ абхирухи. суугараа ‘‘зса ругкам̣ аарул̣хо’’д̇и вад̣̇им̣су. ‘‘гим̣ ругка’’нд̇и. ‘‘уд̣̇умб̣араругка’’нд̇и. ‘‘д̇зна хи маа жинд̇аяид̇т̇а, ид̣̇аани нам̣ г̇ан̣хиссаамаа’’д̇и д̇арун̣асуугарз баггосид̇ваа ругкамуулад̇аа бам̣сум̣ абаб̣яуухаабзси, суугарийхи мукабуурам̣ уд̣̇агам̣ аахараабзси, махаад̣̇аатасуугарзхи саманд̇аа муулаани чинд̣̇аабзси. згам̣ уж̇угам̣ од̇ин̣н̣амууламзва адтааси. д̇ад̇о сзсасуугарз ‘‘д̇умхз абзт̇аа’’д̇и уссаарзд̇ваа ж̇ан̣н̣угзхи бад̇идтахид̇ваа д̣̇аатааяа муулам̣ бахари, парасунаа бахадам̣ вияа чиж̇ж̇ид̇ваа г̇ад̇ам̣. ругко баривад̇д̇ид̇ваа бад̇и. д̇ам̣ гуудаж̇адилам̣ бад̇анд̇амзва самбадижчид̇ваа мам̣сам̣ бхагкзсум̣. д̇ам̣ ажчарияам̣ д̣̇исваа ругкад̣̇звад̇аа г̇аат̇амааха –
Jaṭilo ‘‘byaggho cirāyatī’’ti tassa āgamanamaggaṃ olokento bahū sūkare āgacchante disvā ‘‘ime byagghaṃ māretvā mama māraṇatthāya āgacchanti maññe’’ti palāyitvā ekaṃ udumbararukkhaṃ abhiruhi. Sūkarā ‘‘esa rukkhaṃ āruḷho’’ti vadiṃsu. ‘‘Kiṃ rukkha’’nti. ‘‘Udumbararukkha’’nti. ‘‘Tena hi mā cintayittha, idāni naṃ gaṇhissāmā’’ti taruṇasūkare pakkositvā rukkhamūlatā paṃsuṃ apabyūhāpesi, sūkarīhi mukhapūraṃ udakaṃ āharāpesi, mahādāṭhasūkarehi samantā mūlāni chindāpesi. Ekaṃ ujukaṃ otiṇṇamūlameva aṭṭhāsi. Tato sesasūkare ‘‘tumhe apethā’’ti ussāretvā jaṇṇukehi patiṭṭhahitvā dāṭhāya mūlaṃ pahari, pharasunā pahaṭaṃ viya chijjitvā gataṃ. Rukkho parivattitvā pati. Taṃ kūṭajaṭilaṃ patantameva sampaṭicchitvā maṃsaṃ bhakkhesuṃ. Taṃ acchariyaṃ disvā rukkhadevatā gāthamāha –
177.
177.
‘‘саад̇ху самб̣ахулаа н̃аад̇ий, аби ругкаа аран̃н̃аж̇аа;
‘‘Sādhu sambahulā ñātī, api rukkhā araññajā;
суугарзхи самаг̇г̇зхи, б̣яаг̇гхо згааяанз хад̇о’’д̇и.
Sūkarehi samaggehi, byaggho ekāyane hato’’ti.
д̇ад̇т̇а згааяанз хад̇од̇и згаг̇аманасмим̣язва хад̇о.
Tattha ekāyane hatoti ekagamanasmiṃyeva hato.
убхиннам̣ бана нзсам̣ хад̇абхаавам̣ багаасзнд̇о сад̇т̇аа ид̇арам̣ г̇аат̇амааха –
Ubhinnaṃ pana nesaṃ hatabhāvaṃ pakāsento satthā itaraṃ gāthamāha –
178.
178.
‘‘б̣раахман̣ан̃жзва б̣яаг̇гхан̃жа, убхо ханд̇ваана суугараа;
‘‘Brāhmaṇañceva byagghañca, ubho hantvāna sūkarā;
аананд̣̇ино бамуд̣̇ид̇аа, махаанаад̣̇ам̣ банаад̣̇ису’’нд̇и.
Ānandino pamuditā, mahānādaṃ panādisu’’nti.
буна д̇ажчасуугаро д̇з бужчи ‘‘ан̃н̃зби во амид̇д̇аа ад̇т̇ий’’д̇и? суугараа ‘‘над̇т̇и, саамий’’д̇и вад̇ваа ‘‘д̇ам̣ абхисин̃жид̇ваа рааж̇аанам̣ гариссаамаа’’д̇и уд̣̇агам̣ бариязсанд̇аа ж̇адиласса баанийяасан̇кам̣ д̣̇исваа д̇ам̣ д̣̇агкин̣ааваддам̣ сан̇карад̇анам̣ буурзд̇ваа уд̣̇агам̣ абхихарид̇ваа д̇ажчасуугарам̣ уд̣̇умб̣араругкамуулзязва абхисин̃жим̣су. абхисзгауд̣̇агам̣ аасид̇д̇ам̣, суугаримзвасса аг̇г̇амахзсим̣ гарим̣су. д̇ад̇о бадтааяа уд̣̇умб̣арабхад̣̇д̣̇абийтз нисийд̣̇аабзд̇ваа д̣̇агкин̣ааваддасан̇кзна абхисзгагаран̣ам̣ бавад̇д̇ам̣. д̇амби ад̇т̇ам̣ багаасзнд̇о сад̇т̇аа осаанаг̇аат̇амааха –
Puna tacchasūkaro te pucchi ‘‘aññepi vo amittā atthī’’ti? Sūkarā ‘‘natthi, sāmī’’ti vatvā ‘‘taṃ abhisiñcitvā rājānaṃ karissāmā’’ti udakaṃ pariyesantā jaṭilassa pānīyasaṅkhaṃ disvā taṃ dakkhiṇāvaṭṭaṃ saṅkharatanaṃ pūretvā udakaṃ abhiharitvā tacchasūkaraṃ udumbararukkhamūleyeva abhisiñciṃsu. Abhisekaudakaṃ āsittaṃ, sūkarimevassa aggamahesiṃ kariṃsu. Tato paṭṭhāya udumbarabhaddapīṭhe nisīdāpetvā dakkhiṇāvaṭṭasaṅkhena abhisekakaraṇaṃ pavattaṃ. Tampi atthaṃ pakāsento satthā osānagāthamāha –
179.
179.
‘‘д̇з су уд̣̇умб̣арамууласмим̣, суугараа сусамааг̇ад̇аа;
‘‘Te su udumbaramūlasmiṃ, sūkarā susamāgatā;
д̇ажчагам̣ абхисин̃жим̣су, д̇вам̣ но рааж̇ааси иссаро’’д̇и.
Tacchakaṃ abhisiñciṃsu, tvaṃ no rājāsi issaro’’ti.
д̇ад̇т̇а д̇з сууд̇и д̇з суугараа, су-гааро нибаад̇амад̇д̇ам̣. уд̣̇умб̣арамууласминд̇и уд̣̇умб̣арасса муулз.
Tattha te sūti te sūkarā, su-kāro nipātamattaṃ. Udumbaramūlasminti udumbarassa mūle.
сад̇т̇аа имам̣ д̇хаммад̣̇зсанам̣ аахарид̇ваа ‘‘на, бхигкавз, ид̣̇аанзва, буб̣б̣зби д̇хануг̇г̇ахад̇иссад̇т̇зро яуд̣̇д̇хасам̣вид̣̇аханз чзгоязваа’’д̇и вад̇ваа ж̇аад̇агам̣ самод̇хаанзси – ‘‘д̇ад̣̇аа гуудаж̇адило д̣̇звад̣̇ад̇д̇о ахоси, д̇ажчасуугаро д̇хануг̇г̇ахад̇иссо, ругкад̣̇звад̇аа бана ахамзва ахоси’’нд̇и.
Satthā imaṃ dhammadesanaṃ āharitvā ‘‘na, bhikkhave, idāneva, pubbepi dhanuggahatissatthero yuddhasaṃvidahane chekoyevā’’ti vatvā jātakaṃ samodhānesi – ‘‘tadā kūṭajaṭilo devadatto ahosi, tacchasūkaro dhanuggahatisso, rukkhadevatā pana ahameva ahosi’’nti.
д̇ажчасуугараж̇аад̇агаван̣н̣анаа навамаа.
Tacchasūkarajātakavaṇṇanā navamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 492. д̇ажчасуугараж̇аад̇агам̣ • 492. Tacchasūkarajātakaṃ
