| Library / Tipiṭaka / ติปิฎก • Tipiṭaka / ปาจิตฺยาทิโยชนาปาฬิ • Pācityādiyojanāpāḷi |
ฯ นโม ตสฺส ภควโต อรหโต สมฺมาสมฺพุทฺธสฺสฯ
Namo tassa bhagavato arahato sammāsambuddhassa
ปาจิตฺยาทิโยชนา
Pācityādiyojanā
จูฬวคฺคโยชนา
Cūḷavaggayojanā
มหาวคฺคขนฺธกเสฺสวํ , กตฺวาน โยชนานยํ;
Mahāvaggakhandhakassevaṃ , katvāna yojanānayaṃ;
อธุนา จูฬวคฺคสฺส, กริสฺสํ โยชนานยํฯ
Adhunā cūḷavaggassa, karissaṃ yojanānayaṃ.
๑. กมฺมกฺขนฺธกํ
1. Kammakkhandhakaṃ
๑. ตชฺชนียกมฺมกถา
1. Tajjanīyakammakathā
๑. จูฬวคฺคสฺส ปฐเม กมฺมกฺขนฺธเก เอวมโตฺถ เวทิตโพฺพติ โยชนาฯ ‘‘จูฬวคฺคสฺสา’’ติ ปทํ ‘‘กมฺมกฺขนฺธเก’’ติ ปเท อวยวิสมฺพโนฺธฯ ตาวาติ ปาริวาสิกกฺขนฺธกาทิโต , ปาริวาสิกฺขนฺธกาทีนํ วา ปฐมํฯ เจวสโทฺท จ จสโทฺท จ ‘‘ปณฺฑุกโลหิตกา’’ติ ปทสฺส อสมาหารทฺวนฺทวากฺยํ ทีเปนฺติฯ นิสฺสยานํ นามํ นิสฺสิเตสุ อุปจารวเสน เตสํ สทฺธิวิหาริกอเนฺตวาสิกาปิ ปณฺฑุกโลหิตกนามาเยว โหนฺตีติ ทเสฺสโนฺต อาห ‘‘เตสํ นิสฺสิตกาปี’’ติอาทิฯ ปิสเทฺทน อุปจารตฺถํ สมฺปิเณฺฑติฯ ‘‘สุฎฺฐุ พลว’’นฺติ อิมินา พลวาพลวนฺติ ทฺวินฺนํ สทฺทานํ ปริยายภาเวน วุตฺตตฺตา อติสยโตฺถติ ทเสฺสติฯ ‘‘พลวพลว’’นฺติ วตฺตเพฺพ วาจาสิลิฎฺฐวเสน ทีฆํ กตฺวา เอวํ วุตฺตํฯ ปฎิวทถาติ ปฎิจฺฉนฺนฎฺฐาเน กเถถฯ อิมินา ปฎิมเนฺตถาติ เอตฺถ มนฺตธาตุยา คุตฺตภาสนตฺถํ ทเสฺสติฯ อเตฺถสุ กรณภาสนกิเจฺจสุ อลํ สมตฺถาติ อลมตฺถา, เตสํ วิเสเสนาติ อลมตฺถตราติ ทเสฺสโนฺต อาห ‘‘สมตฺถตรา’’ติฯ
1. Cūḷavaggassa paṭhame kammakkhandhake evamattho veditabboti yojanā. ‘‘Cūḷavaggassā’’ti padaṃ ‘‘kammakkhandhake’’ti pade avayavisambandho. Tāvāti pārivāsikakkhandhakādito , pārivāsikkhandhakādīnaṃ vā paṭhamaṃ. Cevasaddo ca casaddo ca ‘‘paṇḍukalohitakā’’ti padassa asamāhāradvandavākyaṃ dīpenti. Nissayānaṃ nāmaṃ nissitesu upacāravasena tesaṃ saddhivihārikaantevāsikāpi paṇḍukalohitakanāmāyeva hontīti dassento āha ‘‘tesaṃ nissitakāpī’’tiādi. Pisaddena upacāratthaṃ sampiṇḍeti. ‘‘Suṭṭhu balava’’nti iminā balavābalavanti dvinnaṃ saddānaṃ pariyāyabhāvena vuttattā atisayatthoti dasseti. ‘‘Balavabalava’’nti vattabbe vācāsiliṭṭhavasena dīghaṃ katvā evaṃ vuttaṃ. Paṭivadathāti paṭicchannaṭṭhāne kathetha. Iminā paṭimantethāti ettha mantadhātuyā guttabhāsanatthaṃ dasseti. Atthesu karaṇabhāsanakiccesu alaṃ samatthāti alamatthā, tesaṃ visesenāti alamatthatarāti dassento āha ‘‘samatthatarā’’ti.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / จูฬวคฺคปาฬิ • Cūḷavaggapāḷi / ๑. ตชฺชนียกมฺมํ • 1. Tajjanīyakammaṃ
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / จูฬวคฺค-อฎฺฐกถา • Cūḷavagga-aṭṭhakathā / ตชฺชนียกมฺมกถา • Tajjanīyakammakathā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / ตชฺชนียกมฺมกถาวณฺณนา • Tajjanīyakammakathāvaṇṇanā
