| Library / Tipiṭaka / တိပိဋက • Tipiṭaka / မဟာဝဂ္ဂ-အဋ္ဌကထာ • Mahāvagga-aṭṭhakathā |
တဇ္ဇနီယကမ္မကထာ
Tajjanīyakammakathā
၄၀၇. ဣဓ ပန ဘိက္ခဝေ ဘိက္ခု ဘဏ္ဍနကာရကောတိအာဒိ ‘‘အဓမ္မေနဝဂ္ဂံ, အဓမ္မေနသမဂ္ဂံ; ဓမ္မေနဝဂ္ဂံ, ဓမ္မပတိရူပကေနဝဂ္ဂံ, ဓမ္မပတိရူပကေနသမဂ္ဂ’’န္တိ ဣမေသံ ဝသေန စက္ကံ ဗန္ဓိတ္ဝာ တဇ္ဇနီယာဒီသု သတ္တသု ကမ္မေသု ပဋိပသ္သဒ္ဓီသု စ ဝိပတ္တိဒသ္သနတ္ထံ ဝုတ္တံ။ တတ္ထ အနပဒာနောတိ အပဒာနဝိရဟိတော။ အပဒာနံ ဝုစ္စတိ ပရိစ္ဆေဒော; အာပတ္တိပရိစ္ဆေဒဝိရဟိတောတိ အတ္ထော။ တတော ပရံ ပဋိကုဋ္ဌကတကမ္မပ္ပဘေဒံ ဒသ္သေတုံ သာယေဝ ပာဠိ ‘‘အကတံ ကမ္မ’’န္တိအာဒီဟိ သံသန္ဒိတ္ဝာ ဝုတ္တာ။ တတ္ထ န ကိဉ္စိ ပာဠိအနုသာရေန န သက္ကာ ဝိဒိတုံ, တသ္မာ ဝဏ္ဏနံ န ဝိတ္ထာရယိမ္ဟာတိ။
407.Idha pana bhikkhave bhikkhu bhaṇḍanakārakotiādi ‘‘adhammenavaggaṃ, adhammenasamaggaṃ; dhammenavaggaṃ, dhammapatirūpakenavaggaṃ, dhammapatirūpakenasamagga’’nti imesaṃ vasena cakkaṃ bandhitvā tajjanīyādīsu sattasu kammesu paṭipassaddhīsu ca vipattidassanatthaṃ vuttaṃ. Tattha anapadānoti apadānavirahito. Apadānaṃ vuccati paricchedo; āpattiparicchedavirahitoti attho. Tato paraṃ paṭikuṭṭhakatakammappabhedaṃ dassetuṃ sāyeva pāḷi ‘‘akataṃ kamma’’ntiādīhi saṃsanditvā vuttā. Tattha na kiñci pāḷianusārena na sakkā vidituṃ, tasmā vaṇṇanaṃ na vitthārayimhāti.
စမ္ပေယ္ယက္ခန္ဓကဝဏ္ဏနာ နိဋ္ဌိတာ။
Campeyyakkhandhakavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝဂ္ဂပာဠိ • Mahāvaggapāḷi / ၂၄၂. တဇ္ဇနီယကမ္မကထာ • 242. Tajjanīyakammakathā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၂၄၂. တဇ္ဇနီယကမ္မကထာ • 242. Tajjanīyakammakathā
