| Library / Tipiṭaka / තිපිටක • Tipiṭaka / මහාවග්‌ග-අට්‌ඨකථා • Mahāvagga-aṭṭhakathā |
තජ්‌ජනීයකම්‌මකථා
Tajjanīyakammakathā
407. ඉධ පන භික්‌ඛවෙ භික්‌ඛු භණ්‌ඩනකාරකොතිආදි ‘‘අධම්‌මෙනවග්‌ගං, අධම්‌මෙනසමග්‌ගං; ධම්‌මෙනවග්‌ගං, ධම්‌මපතිරූපකෙනවග්‌ගං, ධම්‌මපතිරූපකෙනසමග්‌ග’’න්‌ති ඉමෙසං වසෙන චක්‌කං බන්‌ධිත්‌වා තජ්‌ජනීයාදීසු සත්‌තසු කම්‌මෙසු පටිපස්‌සද්‌ධීසු ච විපත්‌තිදස්‌සනත්‌ථං වුත්‌තං. තත්‌ථ අනපදානොති අපදානවිරහිතො. අපදානං වුච්‌චති පරිච්‌ඡෙදො; ආපත්‌තිපරිච්‌ඡෙදවිරහිතොති අත්‌ථො. තතො පරං පටිකුට්‌ඨකතකම්‌මප්‌පභෙදං දස්‌සෙතුං සායෙව පාළි ‘‘අකතං කම්‌ම’’න්‌තිආදීහි සංසන්‌දිත්‌වා වුත්‌තා. තත්‌ථ න කිඤ්‌චි පාළිඅනුසාරෙන න සක්‌කා විදිතුං, තස්‌මා වණ්‌ණනං න විත්‌ථාරයිම්‌හාති.
407.Idha pana bhikkhave bhikkhu bhaṇḍanakārakotiādi ‘‘adhammenavaggaṃ, adhammenasamaggaṃ; dhammenavaggaṃ, dhammapatirūpakenavaggaṃ, dhammapatirūpakenasamagga’’nti imesaṃ vasena cakkaṃ bandhitvā tajjanīyādīsu sattasu kammesu paṭipassaddhīsu ca vipattidassanatthaṃ vuttaṃ. Tattha anapadānoti apadānavirahito. Apadānaṃ vuccati paricchedo; āpattiparicchedavirahitoti attho. Tato paraṃ paṭikuṭṭhakatakammappabhedaṃ dassetuṃ sāyeva pāḷi ‘‘akataṃ kamma’’ntiādīhi saṃsanditvā vuttā. Tattha na kiñci pāḷianusārena na sakkā vidituṃ, tasmā vaṇṇanaṃ na vitthārayimhāti.
චම්‌පෙය්‍යක්‌ඛන්‌ධකවණ්‌ණනා නිට්‌ඨිතා.
Campeyyakkhandhakavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / මහාවග්‌ගපාළි • Mahāvaggapāḷi / 242. තජ්‌ජනීයකම්‌මකථා • 242. Tajjanīyakammakathā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / 242. තජ්‌ජනීයකම්‌මකථා • 242. Tajjanīyakammakathā
