| Library / Tipiṭaka / ཏིཔིཊཀ • Tipiṭaka / མཧཱཝགྒ-ཨཊྛཀཐཱ • Mahāvagga-aṭṭhakathā |
ཏཛྫནཱིཡཀམྨཀཐཱ
Tajjanīyakammakathā
༤༠༧. ཨིདྷ པན བྷིཀྑཝེ བྷིཀྑུ བྷཎྜནཀཱརཀོཏིཨཱདི ‘‘ཨདྷམྨེནཝགྒཾ, ཨདྷམྨེནསམགྒཾ; དྷམྨེནཝགྒཾ, དྷམྨཔཏིརཱུཔཀེནཝགྒཾ, དྷམྨཔཏིརཱུཔཀེནསམགྒ’’ནྟི ཨིམེསཾ ཝསེན ཙཀྐཾ བནྡྷིཏྭཱ ཏཛྫནཱིཡཱདཱིསུ སཏྟསུ ཀམྨེསུ པཊིཔསྶདྡྷཱིསུ ཙ ཝིཔཏྟིདསྶནཏྠཾ ཝུཏྟཾ། ཏཏྠ ཨནཔདཱནོཏི ཨཔདཱནཝིརཧིཏོ། ཨཔདཱནཾ ཝུཙྩཏི པརིཙྪེདོ; ཨཱཔཏྟིཔརིཙྪེདཝིརཧིཏོཏི ཨཏྠོ། ཏཏོ པརཾ པཊིཀུཊྛཀཏཀམྨཔྤབྷེདཾ དསྶེཏུཾ སཱཡེཝ པཱལི༹ ‘‘ཨཀཏཾ ཀམྨ’’ནྟིཨཱདཱིཧི སཾསནྡིཏྭཱ ཝུཏྟཱ། ཏཏྠ ན ཀིཉྩི པཱལི༹ཨནུསཱརེན ན སཀྐཱ ཝིདིཏུཾ, ཏསྨཱ ཝཎྞནཾ ན ཝིཏྠཱརཡིམྷཱཏི།
407.Idha pana bhikkhave bhikkhu bhaṇḍanakārakotiādi ‘‘adhammenavaggaṃ, adhammenasamaggaṃ; dhammenavaggaṃ, dhammapatirūpakenavaggaṃ, dhammapatirūpakenasamagga’’nti imesaṃ vasena cakkaṃ bandhitvā tajjanīyādīsu sattasu kammesu paṭipassaddhīsu ca vipattidassanatthaṃ vuttaṃ. Tattha anapadānoti apadānavirahito. Apadānaṃ vuccati paricchedo; āpattiparicchedavirahitoti attho. Tato paraṃ paṭikuṭṭhakatakammappabhedaṃ dassetuṃ sāyeva pāḷi ‘‘akataṃ kamma’’ntiādīhi saṃsanditvā vuttā. Tattha na kiñci pāḷianusārena na sakkā vidituṃ, tasmā vaṇṇanaṃ na vitthārayimhāti.
ཙམྤེཡྻཀྑནྡྷཀཝཎྞནཱ ནིཊྛིཏཱ།
Campeyyakkhandhakavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / མཧཱཝགྒཔཱལི༹ • Mahāvaggapāḷi / ༢༤༢. ཏཛྫནཱིཡཀམྨཀཐཱ • 242. Tajjanīyakammakathā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༢༤༢. ཏཛྫནཱིཡཀམྨཀཐཱ • 242. Tajjanīyakammakathā
