| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
॥ ਨਮੋ ਤਸ੍ਸ ਭਗવਤੋ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ॥
Namo tassa bhagavato arahato sammāsambuddhassa
ਪਾਚਿਤ੍ਯਾਦਿਯੋਜਨਾ
Pācityādiyojanā
ਚੂਲ਼વਗ੍ਗਯੋਜਨਾ
Cūḷavaggayojanā
ਮਹਾવਗ੍ਗਖਨ੍ਧਕਸ੍ਸੇવਂ , ਕਤ੍વਾਨ ਯੋਜਨਾਨਯਂ।
Mahāvaggakhandhakassevaṃ , katvāna yojanānayaṃ;
ਅਧੁਨਾ ਚੂਲ਼વਗ੍ਗਸ੍ਸ, ਕਰਿਸ੍ਸਂ ਯੋਜਨਾਨਯਂ॥
Adhunā cūḷavaggassa, karissaṃ yojanānayaṃ.
੧. ਕਮ੍ਮਕ੍ਖਨ੍ਧਕਂ
1. Kammakkhandhakaṃ
੧. ਤਜ੍ਜਨੀਯਕਮ੍ਮਕਥਾ
1. Tajjanīyakammakathā
੧. ਚੂਲ਼વਗ੍ਗਸ੍ਸ ਪਠਮੇ ਕਮ੍ਮਕ੍ਖਨ੍ਧਕੇ ਏવਮਤ੍ਥੋ વੇਦਿਤਬ੍ਬੋਤਿ ਯੋਜਨਾ। ‘‘ਚੂਲ਼વਗ੍ਗਸ੍ਸਾ’’ਤਿ ਪਦਂ ‘‘ਕਮ੍ਮਕ੍ਖਨ੍ਧਕੇ’’ਤਿ ਪਦੇ ਅવਯવਿਸਮ੍ਬਨ੍ਧੋ। ਤਾવਾਤਿ ਪਾਰਿવਾਸਿਕਕ੍ਖਨ੍ਧਕਾਦਿਤੋ , ਪਾਰਿવਾਸਿਕ੍ਖਨ੍ਧਕਾਦੀਨਂ વਾ ਪਠਮਂ। ਚੇવਸਦ੍ਦੋ ਚ ਚਸਦ੍ਦੋ ਚ ‘‘ਪਣ੍ਡੁਕਲੋਹਿਤਕਾ’’ਤਿ ਪਦਸ੍ਸ ਅਸਮਾਹਾਰਦ੍વਨ੍ਦવਾਕ੍ਯਂ ਦੀਪੇਨ੍ਤਿ। ਨਿਸ੍ਸਯਾਨਂ ਨਾਮਂ ਨਿਸ੍ਸਿਤੇਸੁ ਉਪਚਾਰવਸੇਨ ਤੇਸਂ ਸਦ੍ਧਿવਿਹਾਰਿਕਅਨ੍ਤੇવਾਸਿਕਾਪਿ ਪਣ੍ਡੁਕਲੋਹਿਤਕਨਾਮਾਯੇવ ਹੋਨ੍ਤੀਤਿ ਦਸ੍ਸੇਨ੍ਤੋ ਆਹ ‘‘ਤੇਸਂ ਨਿਸ੍ਸਿਤਕਾਪੀ’’ਤਿਆਦਿ। ਪਿਸਦ੍ਦੇਨ ਉਪਚਾਰਤ੍ਥਂ ਸਮ੍ਪਿਣ੍ਡੇਤਿ। ‘‘ਸੁਟ੍ਠੁ ਬਲવ’’ਨ੍ਤਿ ਇਮਿਨਾ ਬਲવਾਬਲવਨ੍ਤਿ ਦ੍વਿਨ੍ਨਂ ਸਦ੍ਦਾਨਂ ਪਰਿਯਾਯਭਾવੇਨ વੁਤ੍ਤਤ੍ਤਾ ਅਤਿਸਯਤ੍ਥੋਤਿ ਦਸ੍ਸੇਤਿ। ‘‘ਬਲવਬਲવ’’ਨ੍ਤਿ વਤ੍ਤਬ੍ਬੇ વਾਚਾਸਿਲਿਟ੍ਠવਸੇਨ ਦੀਘਂ ਕਤ੍વਾ ਏવਂ વੁਤ੍ਤਂ। ਪਟਿવਦਥਾਤਿ ਪਟਿਚ੍ਛਨ੍ਨਟ੍ਠਾਨੇ ਕਥੇਥ। ਇਮਿਨਾ ਪਟਿਮਨ੍ਤੇਥਾਤਿ ਏਤ੍ਥ ਮਨ੍ਤਧਾਤੁਯਾ ਗੁਤ੍ਤਭਾਸਨਤ੍ਥਂ ਦਸ੍ਸੇਤਿ। ਅਤ੍ਥੇਸੁ ਕਰਣਭਾਸਨਕਿਚ੍ਚੇਸੁ ਅਲਂ ਸਮਤ੍ਥਾਤਿ ਅਲਮਤ੍ਥਾ, ਤੇਸਂ વਿਸੇਸੇਨਾਤਿ ਅਲਮਤ੍ਥਤਰਾਤਿ ਦਸ੍ਸੇਨ੍ਤੋ ਆਹ ‘‘ਸਮਤ੍ਥਤਰਾ’’ਤਿ।
1. Cūḷavaggassa paṭhame kammakkhandhake evamattho veditabboti yojanā. ‘‘Cūḷavaggassā’’ti padaṃ ‘‘kammakkhandhake’’ti pade avayavisambandho. Tāvāti pārivāsikakkhandhakādito , pārivāsikkhandhakādīnaṃ vā paṭhamaṃ. Cevasaddo ca casaddo ca ‘‘paṇḍukalohitakā’’ti padassa asamāhāradvandavākyaṃ dīpenti. Nissayānaṃ nāmaṃ nissitesu upacāravasena tesaṃ saddhivihārikaantevāsikāpi paṇḍukalohitakanāmāyeva hontīti dassento āha ‘‘tesaṃ nissitakāpī’’tiādi. Pisaddena upacāratthaṃ sampiṇḍeti. ‘‘Suṭṭhu balava’’nti iminā balavābalavanti dvinnaṃ saddānaṃ pariyāyabhāvena vuttattā atisayatthoti dasseti. ‘‘Balavabalava’’nti vattabbe vācāsiliṭṭhavasena dīghaṃ katvā evaṃ vuttaṃ. Paṭivadathāti paṭicchannaṭṭhāne kathetha. Iminā paṭimantethāti ettha mantadhātuyā guttabhāsanatthaṃ dasseti. Atthesu karaṇabhāsanakiccesu alaṃ samatthāti alamatthā, tesaṃ visesenāti alamatthatarāti dassento āha ‘‘samatthatarā’’ti.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਚੂਲ਼વਗ੍ਗਪਾਲ਼ਿ • Cūḷavaggapāḷi / ੧. ਤਜ੍ਜਨੀਯਕਮ੍ਮਂ • 1. Tajjanīyakammaṃ
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਚੂਲ਼વਗ੍ਗ-ਅਟ੍ਠਕਥਾ • Cūḷavagga-aṭṭhakathā / ਤਜ੍ਜਨੀਯਕਮ੍ਮਕਥਾ • Tajjanīyakammakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਤਜ੍ਜਨੀਯਕਮ੍ਮਕਥਾવਣ੍ਣਨਾ • Tajjanīyakammakathāvaṇṇanā
