| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
намо д̇асса бхаг̇авад̇о арахад̇о саммаасамб̣уд̣̇д̇хасса
Namo tassa bhagavato arahato sammāsambuddhassa
жуул̣аваг̇г̇аван̣н̣анаа
Cūḷavaggavaṇṇanā
1. гаммагканд̇хаго
1. Kammakkhandhako
д̇аж̇ж̇анийяагаммагат̇ааван̣н̣анаа
Tajjanīyakammakathāvaṇṇanā
1. жуул̣аваг̇г̇асса батамз гаммагканд̇хагз д̇аава ‘‘б̣алавааб̣алава’’нд̇и ид̣̇ам̣ згабад̣̇ам̣. ‘‘б̣алаваб̣алава’’нд̇и вад̇д̇аб̣б̣з аагаарам̣ гад̇ваа ‘‘б̣алавааб̣алава’’нд̇и вуд̇д̇ам̣. д̇ан̃жа ‘‘д̣̇угкад̣̇угка’’нд̇иаад̣̇ийсу вияа ад̇исаяад̇т̇з вад̇д̇ад̇ийд̇и ааха ‘‘судту б̣алавам̣ бадивад̣̇ат̇аа’’д̇и, ад̇и вияа б̣алавам̣ гад̇ваа бадиважанам̣ д̣̇зт̇аад̇и ад̇т̇о.
1. Cūḷavaggassa paṭhame kammakkhandhake tāva ‘‘balavābalava’’nti idaṃ ekapadaṃ. ‘‘Balavabalava’’nti vattabbe ākāraṃ katvā ‘‘balavābalava’’nti vuttaṃ. Tañca ‘‘dukkhadukkha’’ntiādīsu viya atisayatthe vattatīti āha ‘‘suṭṭhu balavaṃ paṭivadathā’’ti, ati viya balavaṃ katvā paṭivacanaṃ dethāti attho.
2. баал̣ияам̣ аабад̇д̇и ааробзд̇аб̣б̣аад̇и зд̇т̇а гин̃жааби ‘‘маа ко д̇умхз ааяасманд̇о зсо аж̇зсий’’д̇иаад̣̇игз бхан̣д̣анаад̣̇иж̇анагз важанз бан̃н̃ад̇д̇аа гаажи аабад̇д̇и наама над̇т̇и мусаабзсун̃н̃аад̣̇ийсу зд̇асса аббавидтад̇д̇аа, д̇ат̇ааби бхигкуухи висум̣, сан̇гхамаж̇жхз жа ‘‘маа, аавусо, бхигкуу ан̃н̃аман̃н̃ам̣ баяож̇зд̇ваа бхан̣д̣анаад̣̇им̣ агааси, нзд̣̇ам̣ аббижчад̇аад̣̇ийнам̣ ад̇т̇ааяа вад̇д̇ад̇ий’’д̇и звам̣ абан̃н̃ад̇д̇зна вужжамаанасса бхигкуно анаад̣̇ариязна анораманабажжаяаа ваа ан̃н̃аваад̣̇авихзсаад̣̇игаран̣абажжаяаа ваа яаа аабад̇д̇и ход̇и, саа аабад̇д̇и ааробзд̇аб̣б̣аа д̣̇идтивибаннасса вияаад̇и звамад̇т̇о д̣̇адтаб̣б̣о.
2. Pāḷiyaṃ āpatti āropetabbāti ettha kiñcāpi ‘‘mā kho tumhe āyasmanto eso ajesī’’tiādike bhaṇḍanādijanake vacane paññattā kāci āpatti nāma natthi musāpesuññādīsu etassa appaviṭṭhattā, tathāpi bhikkhūhi visuṃ, saṅghamajjhe ca ‘‘mā, āvuso, bhikkhū aññamaññaṃ payojetvā bhaṇḍanādiṃ akāsi, nedaṃ appicchatādīnaṃ atthāya vattatī’’ti evaṃ apaññattena vuccamānassa bhikkhuno anādariyena anoramanapaccayā vā aññavādavihesādikaraṇapaccayā vā yā āpatti hoti, sā āpatti āropetabbā diṭṭhivipannassa viyāti evamattho daṭṭhabbo.
яасса бана ид̣̇ам̣ важанам̣ винаава гааяаваажаахи аабаннаа лахугаабад̇д̇и ад̇т̇и, д̇ассаби ааробзд̇аб̣б̣аава. яам̣ бана гаммаваажааяа ‘‘ад̇д̇анаа бхан̣д̣анагаарагаа’’д̇и ад̇д̇анаа-сад̣̇д̣̇аг̇г̇ахан̣ам̣, ‘‘язби жан̃н̃з бхигкуу бхан̣д̣анагаарагаа…бз… д̇з убасан̇гамид̇ваа’’д̇иаад̣̇иважанан̃жа, д̇ам̣ вад̇т̇увасзна г̇ахид̇ам̣. яо бана саяамзва бхан̣д̣анагаараго ход̇и, ан̃н̃з бана бхан̣д̣анагаарагз убасан̇гамид̇ваа ‘‘маа ко д̇умхз’’д̇иаад̣̇иважанам̣ на вад̣̇ад̇и, д̇ассаабзд̇ам̣ гаммам̣ гаад̇аб̣б̣амзва. гаронд̇зхи жа ‘‘сун̣аад̇у мз, бханд̇з, сан̇гхо, аяам̣ ид̇т̇аннаамо бхигку бхан̣д̣анагаараго…бз… сан̇гхз ад̇хигаран̣агаараго. яад̣̇и сан̇гхасса бад̇д̇агалла’’нд̇иаад̣̇инаава гаммаваажаа гаад̇аб̣б̣аа. яо жа ан̃н̃зби бхигкуу галахааяа самаад̣̇абзд̇и, д̇ассааби звамзва гаммаваажам̣ гаад̇ум̣ ваддад̇и ан̃н̃зсам̣ самаад̣̇аабанассаби бхан̣д̣анагаарагад̇д̇з зва бависанад̇о. ан̃н̃зсам̣ самаад̣̇аабанаагаарамби вад̇ваава, гаммаваажам̣ гаад̇угаамзнаби жа д̇зхи вуд̇д̇аважанад̇т̇амзва г̇ахзд̇ваа д̇ад̣̇ануг̇ун̣ам̣ яож̇зд̇ваава гаад̇аб̣б̣ам̣, на ид̇хааг̇ад̇авасзнзва саб̣б̣зсамби ид̇хааг̇ад̇авасзнзва важанаасамбхаваа. бхууд̇зна вад̇т̇унаа гад̇амзва хи авибаннам̣ ход̇и, наан̃н̃анд̇и г̇ахзд̇аб̣б̣ам̣. зса наяо нияассагаммаад̣̇ийсуби.
Yassa pana idaṃ vacanaṃ vināva kāyavācāhi āpannā lahukāpatti atthi, tassapi āropetabbāva. Yaṃ pana kammavācāya ‘‘attanā bhaṇḍanakārakā’’ti attanā-saddaggahaṇaṃ, ‘‘yepi caññe bhikkhū bhaṇḍanakārakā…pe… te upasaṅkamitvā’’tiādivacanañca, taṃ vatthuvasena gahitaṃ. Yo pana sayameva bhaṇḍanakārako hoti, aññe pana bhaṇḍanakārake upasaṅkamitvā ‘‘mā kho tumhe’’tiādivacanaṃ na vadati, tassāpetaṃ kammaṃ kātabbameva. Karontehi ca ‘‘suṇātu me, bhante, saṅgho, ayaṃ itthannāmo bhikkhu bhaṇḍanakārako…pe… saṅghe adhikaraṇakārako. Yadi saṅghassa pattakalla’’ntiādināva kammavācā kātabbā. Yo ca aññepi bhikkhū kalahāya samādapeti, tassāpi evameva kammavācaṃ kātuṃ vaṭṭati aññesaṃ samādāpanassapi bhaṇḍanakārakatte eva pavisanato. Aññesaṃ samādāpanākārampi vatvāva, kammavācaṃ kātukāmenapi ca tehi vuttavacanatthameva gahetvā tadanuguṇaṃ yojetvāva kātabbaṃ, na idhāgatavaseneva sabbesampi idhāgatavaseneva vacanāsambhavā. Bhūtena vatthunā katameva hi avipannaṃ hoti, nāññanti gahetabbaṃ. Esa nayo niyassakammādīsupi.
д̇аж̇ж̇анийяагаммагат̇ааван̣н̣анаа нидтид̇аа.
Tajjanīyakammakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi / 1. д̇аж̇ж̇анийяагаммам̣ • 1. Tajjanīyakammaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / д̇аж̇ж̇анийяагаммагат̇аа • Tajjanīyakammakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / д̇аж̇ж̇анийяагаммагат̇ааван̣н̣анаа • Tajjanīyakammakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 1. д̇аж̇ж̇анийяагаммагат̇аа • 1. Tajjanīyakammakathā
