| Library / Tipiṭaka / ติปิฎก • Tipiṭaka / ชาตกปาฬิ • Jātakapāḷi |
๔๔๖. ตกฺกลชาตกํ (๘)
446. Takkalajātakaṃ (8)
๘๒.
82.
น ตกฺกลา สนฺติ น อาลุวานิ 1, น พิฬาลิโย น กฬมฺพานิ ตาต;
Na takkalā santi na āluvāni 2, na biḷāliyo na kaḷambāni tāta;
เอโก อรญฺญมฺหิ สุสานมเชฺฌ, กิมตฺถิโก ตาต ขณาสิ กาสุํฯ
Eko araññamhi susānamajjhe, kimatthiko tāta khaṇāsi kāsuṃ.
๘๓.
83.
ปิตามโห ตาต สุทุพฺพโล เต, อเนกพฺยาธีหิ ทุเขน ผุโฎฺฐ;
Pitāmaho tāta sudubbalo te, anekabyādhīhi dukhena phuṭṭho;
ตมชฺชหํ นิขณิสฺสามิ โสเพฺภ, น หิสฺส ตํ ชีวิตํ โรจยามิฯ
Tamajjahaṃ nikhaṇissāmi sobbhe, na hissa taṃ jīvitaṃ rocayāmi.
๘๔.
84.
สงฺกปฺปเมตํ ปฎิลทฺธ ปาปกํ, อจฺจาหิตํ กมฺม กโรสิ ลุทฺทํ;
Saṅkappametaṃ paṭiladdha pāpakaṃ, accāhitaṃ kamma karosi luddaṃ;
มยาปิ ตาต ปฎิลจฺฉเส ตุวํ, เอตาทิสํ กมฺม ชรูปนีโต;
Mayāpi tāta paṭilacchase tuvaṃ, etādisaṃ kamma jarūpanīto;
ตํ กุลฺลวตฺตํ อนุวตฺตมาโน, อหมฺปิ ตํ นิขณิสฺสามิ โสเพฺภฯ
Taṃ kullavattaṃ anuvattamāno, ahampi taṃ nikhaṇissāmi sobbhe.
๘๕.
85.
ผรุสาหิ วาจาหิ ปกุพฺพมาโน, อาสชฺช มํ ตฺวํ วทเส กุมาร;
Pharusāhi vācāhi pakubbamāno, āsajja maṃ tvaṃ vadase kumāra;
ปุโตฺต มมํ โอรสโก สมาโน, อหิตานุกมฺปี มม ตฺวํสิ ปุตฺตฯ
Putto mamaṃ orasako samāno, ahitānukampī mama tvaṃsi putta.
๘๖.
86.
ปาปญฺจ ตํ กมฺม ปกุพฺพมานํ, อรหามิ โน วารยิตุํ ตโตฯ
Pāpañca taṃ kamma pakubbamānaṃ, arahāmi no vārayituṃ tato.
๘๗.
87.
โย มาตรํ วา ปิตรํ สวิฎฺฐ 7, อทูสเก หิํสติ ปาปธโมฺม;
Yo mātaraṃ vā pitaraṃ saviṭṭha 8, adūsake hiṃsati pāpadhammo;
กายสฺส เภทา อภิสมฺปรายํ, อสํสยํ โส นิรยํ อุเปติ 9ฯ
Kāyassa bhedā abhisamparāyaṃ, asaṃsayaṃ so nirayaṃ upeti 10.
๘๘.
88.
โย มาตรํ วา ปิตรํ สวิฎฺฐ, อเนฺนน ปาเนน อุปฎฺฐหาติ;
Yo mātaraṃ vā pitaraṃ saviṭṭha, annena pānena upaṭṭhahāti;
กายสฺส เภทา อภิสมฺปรายํ, อสํสยํ โส สุคติํ อุเปติฯ
Kāyassa bhedā abhisamparāyaṃ, asaṃsayaṃ so sugatiṃ upeti.
๘๙.
89.
น เม ตฺวํ ปุตฺต อหิตานุกมฺปี, หิตานุกมฺปี เม 11 ตฺวํสิ ปุตฺต;
Na me tvaṃ putta ahitānukampī, hitānukampī me 12 tvaṃsi putta;
อหญฺจ ตํ มาตรา วุจฺจมาโน, เอตาทิสํ กมฺม กโรมิ ลุทฺทํฯ
Ahañca taṃ mātarā vuccamāno, etādisaṃ kamma karomi luddaṃ.
๙๐.
90.
ยา เต สา ภริยา อนริยรูปา, มาตา มเมสา สกิยา ชเนตฺติ;
Yā te sā bhariyā anariyarūpā, mātā mamesā sakiyā janetti;
นิทฺธาปเย 13 ตญฺจ สกา อคารา, อญฺญมฺปิ เต สา ทุขมาวเหยฺยฯ
Niddhāpaye 14 tañca sakā agārā, aññampi te sā dukhamāvaheyya.
๙๑.
91.
ยา เต สา ภริยา อนริยรูปา, มาตา มเมสา สกิยา ชเนตฺติ;
Yā te sā bhariyā anariyarūpā, mātā mamesā sakiyā janetti;
ทนฺตา กเรณูว วสูปนีตา, สา ปาปธมฺมา ปุนราวชาตูติฯ
Dantā kareṇūva vasūpanītā, sā pāpadhammā punarāvajātūti.
ตกฺกลชาตกํ อฎฺฐมํฯ
Takkalajātakaṃ aṭṭhamaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / ชาตก-อฎฺฐกถา • Jātaka-aṭṭhakathā / [๔๔๖] ๘. ตกฺกลชาตกวณฺณนา • [446] 8. Takkalajātakavaṇṇanā
