| Library / Tipiṭaka / තිපිටක • Tipiṭaka / ජාතකපාළි • Jātakapāḷi |
446. තක්‌කලජාතකං (8)
446. Takkalajātakaṃ (8)
82.
82.
න තක්‌කලා සන්‌ති න ආලුවානි 1, න බිළාලියො න කළම්‌බානි තාත;
Na takkalā santi na āluvāni 2, na biḷāliyo na kaḷambāni tāta;
එකො අරඤ්‌ඤම්‌හි සුසානමජ්‌ඣෙ, කිමත්‌ථිකො තාත ඛණාසි කාසුං.
Eko araññamhi susānamajjhe, kimatthiko tāta khaṇāsi kāsuṃ.
83.
83.
පිතාමහො තාත සුදුබ්‌බලො තෙ, අනෙකබ්‍යාධීහි දුඛෙන ඵුට්‌ඨො;
Pitāmaho tāta sudubbalo te, anekabyādhīhi dukhena phuṭṭho;
තමජ්‌ජහං නිඛණිස්‌සාමි සොබ්‌භෙ, න හිස්‌ස තං ජීවිතං රොචයාමි.
Tamajjahaṃ nikhaṇissāmi sobbhe, na hissa taṃ jīvitaṃ rocayāmi.
84.
84.
සඞ්‌කප්‌පමෙතං පටිලද්‌ධ පාපකං, අච්‌චාහිතං කම්‌ම කරොසි ලුද්‌දං;
Saṅkappametaṃ paṭiladdha pāpakaṃ, accāhitaṃ kamma karosi luddaṃ;
මයාපි තාත පටිලච්‌ඡසෙ තුවං, එතාදිසං කම්‌ම ජරූපනීතො;
Mayāpi tāta paṭilacchase tuvaṃ, etādisaṃ kamma jarūpanīto;
තං කුල්‌ලවත්‌තං අනුවත්‌තමානො, අහම්‌පි තං නිඛණිස්‌සාමි සොබ්‌භෙ.
Taṃ kullavattaṃ anuvattamāno, ahampi taṃ nikhaṇissāmi sobbhe.
85.
85.
ඵරුසාහි වාචාහි පකුබ්‌බමානො, ආසජ්‌ජ මං ත්‌වං වදසෙ කුමාර;
Pharusāhi vācāhi pakubbamāno, āsajja maṃ tvaṃ vadase kumāra;
පුත්‌තො මමං ඔරසකො සමානො, අහිතානුකම්‌පී මම ත්‌වංසි පුත්‌ත.
Putto mamaṃ orasako samāno, ahitānukampī mama tvaṃsi putta.
86.
86.
පාපඤ්‌ච තං කම්‌ම පකුබ්‌බමානං, අරහාමි නො වාරයිතුං තතො.
Pāpañca taṃ kamma pakubbamānaṃ, arahāmi no vārayituṃ tato.
87.
87.
යො මාතරං වා පිතරං සවිට්‌ඨ 7, අදූසකෙ හිංසති පාපධම්‌මො;
Yo mātaraṃ vā pitaraṃ saviṭṭha 8, adūsake hiṃsati pāpadhammo;
කායස්‌ස භෙදා අභිසම්‌පරායං, අසංසයං සො නිරයං උපෙති 9.
Kāyassa bhedā abhisamparāyaṃ, asaṃsayaṃ so nirayaṃ upeti 10.
88.
88.
යො මාතරං වා පිතරං සවිට්‌ඨ, අන්‌නෙන පානෙන උපට්‌ඨහාති;
Yo mātaraṃ vā pitaraṃ saviṭṭha, annena pānena upaṭṭhahāti;
කායස්‌ස භෙදා අභිසම්‌පරායං, අසංසයං සො සුගතිං උපෙති.
Kāyassa bhedā abhisamparāyaṃ, asaṃsayaṃ so sugatiṃ upeti.
89.
89.
න මෙ ත්‌වං පුත්‌ත අහිතානුකම්‌පී, හිතානුකම්‌පී මෙ 11 ත්‌වංසි පුත්‌ත;
Na me tvaṃ putta ahitānukampī, hitānukampī me 12 tvaṃsi putta;
අහඤ්‌ච තං මාතරා වුච්‌චමානො, එතාදිසං කම්‌ම කරොමි ලුද්‌දං.
Ahañca taṃ mātarā vuccamāno, etādisaṃ kamma karomi luddaṃ.
90.
90.
යා තෙ සා භරියා අනරියරූපා, මාතා මමෙසා සකියා ජනෙත්‌ති;
Yā te sā bhariyā anariyarūpā, mātā mamesā sakiyā janetti;
නිද්‌ධාපයෙ 13 තඤ්‌ච සකා අගාරා, අඤ්‌ඤම්‌පි තෙ සා දුඛමාවහෙය්‍ය.
Niddhāpaye 14 tañca sakā agārā, aññampi te sā dukhamāvaheyya.
91.
91.
යා තෙ සා භරියා අනරියරූපා, මාතා මමෙසා සකියා ජනෙත්‌ති;
Yā te sā bhariyā anariyarūpā, mātā mamesā sakiyā janetti;
දන්‌තා කරෙණූව වසූපනීතා, සා පාපධම්‌මා පුනරාවජාතූති.
Dantā kareṇūva vasūpanītā, sā pāpadhammā punarāvajātūti.
තක්‌කලජාතකං අට්‌ඨමං.
Takkalajātakaṃ aṭṭhamaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / ජාතක-අට්‌ඨකථා • Jātaka-aṭṭhakathā / [446] 8. තක්‌කලජාතකවණ්‌ණනා • [446] 8. Takkalajātakavaṇṇanā
