| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[446] 8. д̇аггалаж̇аад̇агаван̣н̣анаа
[446] 8. Takkalajātakavaṇṇanā
на д̇аггалаа санд̇и на аалуваанийд̇и ид̣̇ам̣ сад̇т̇аа ж̇зд̇аванз вихаранд̇о згам̣ бид̇убосагам̣ убаасагам̣ аараб̣бха гат̇зси. со гира д̣̇алид̣̇д̣̇агулз бажжааж̇аад̇о маад̇ари гаалагад̇ааяа баад̇ова удтааяа д̣̇анд̇агадтамукод̣̇агад̣̇аанаад̣̇ийни гаронд̇о бхад̇им̣ ваа гасим̣ ваа гад̇ваа лад̣̇д̇хавибхаваануруубзна яааг̇убхад̇д̇аад̣̇ийни самбаад̣̇зд̇ваа бид̇арам̣ босзси. ат̇а нам̣ бид̇аа ааха – ‘‘д̇аад̇а, д̇вам̣ згагова анд̇о жа б̣ахи жа гад̇д̇аб̣б̣ам̣ гароси, згам̣ д̇з гулад̣̇ааригам̣ аанзссаами, саа д̇з г̇зхз гад̇д̇аб̣б̣ам̣ гариссад̇ий’’д̇и. ‘‘д̇аад̇а, ид̇т̇ияо наама гхарам̣ ааг̇ад̇аа нзва маяхам̣, на д̇умхаагам̣ жид̇д̇асукам̣ гариссанд̇и, маа зваруубам̣ жинд̇аяид̇т̇а, ахам̣ яааваж̇ийвам̣ д̇умхз босзд̇ваа д̇умхаагам̣ ажжаязна ж̇ааниссаамий’’д̇и. ат̇асса бид̇аа анижчамаанассзва згам̣ гумааригам̣ аанзси. саа сасурасса жа саамигасса жа убагааригаа ахоси нийжавуд̇д̇и. саамигобиссаа ‘‘мама бид̇у убагааригаа’’д̇и д̇уссид̇ваа лад̣̇д̇хам̣ лад̣̇д̇хам̣ манаабам̣ аахарид̇ваа д̣̇зд̇и, сааби д̇ам̣ сасурассзва убанаамзси. саа абарабхааг̇з жинд̇зси ‘‘маяхам̣ саамиго лад̣̇д̇хам̣ лад̣̇д̇хам̣ бид̇у ад̣̇ад̇ваа маяхамзва д̣̇зд̇и, ад̣̇д̇хаа бид̇ари ниснзхо ж̇аад̇о, имам̣ махаллагам̣ згзнубааязна мама саамигасса бадиггуулам̣ гад̇ваа г̇зхаа ниггад̣дхаабзссаамий’’д̇и.
Na takkalā santi na āluvānīti idaṃ satthā jetavane viharanto ekaṃ pituposakaṃ upāsakaṃ ārabbha kathesi. So kira daliddakule paccājāto mātari kālakatāya pātova uṭṭhāya dantakaṭṭhamukhodakadānādīni karonto bhatiṃ vā kasiṃ vā katvā laddhavibhavānurūpena yāgubhattādīni sampādetvā pitaraṃ posesi. Atha naṃ pitā āha – ‘‘tāta, tvaṃ ekakova anto ca bahi ca kattabbaṃ karosi, ekaṃ te kuladārikaṃ ānessāmi, sā te gehe kattabbaṃ karissatī’’ti. ‘‘Tāta, itthiyo nāma gharaṃ āgatā neva mayhaṃ, na tumhākaṃ cittasukhaṃ karissanti, mā evarūpaṃ cintayittha, ahaṃ yāvajīvaṃ tumhe posetvā tumhākaṃ accayena jānissāmī’’ti. Athassa pitā anicchamānasseva ekaṃ kumārikaṃ ānesi. Sā sasurassa ca sāmikassa ca upakārikā ahosi nīcavutti. Sāmikopissā ‘‘mama pitu upakārikā’’ti tussitvā laddhaṃ laddhaṃ manāpaṃ āharitvā deti, sāpi taṃ sasurasseva upanāmesi. Sā aparabhāge cintesi ‘‘mayhaṃ sāmiko laddhaṃ laddhaṃ pitu adatvā mayhameva deti, addhā pitari nisneho jāto, imaṃ mahallakaṃ ekenupāyena mama sāmikassa paṭikkūlaṃ katvā gehā nikkaḍḍhāpessāmī’’ti.
саа д̇ад̇о бадтааяа уд̣̇агам̣ ад̇исийд̇ам̣ ваа ажжун̣хам̣ ваа, аахаарам̣ ад̇илон̣ам̣ ваа алон̣ам̣ ваа , бхад̇д̇ам̣ уд̇д̇ан̣д̣улам̣ ваа ад̇игилиннам̣ ваад̇и звамаад̣̇ийни д̇асса год̇хуббад̇д̇игааран̣аани гад̇ваа д̇асмим̣ гуж̇жханд̇з ‘‘го имам̣ махаллагам̣ убадтаад̇ум̣ сагкиссад̇ий’’д̇и парусаани вад̇ваа галахам̣ вад̣дхзси. д̇ад̇т̇а д̇ад̇т̇а кзл̣абин̣д̣аад̣̇ийни чад̣д̣зд̇вааби саамигам̣ уж̇жхаабзси ‘‘басса бид̇у гаммам̣, ‘ид̣̇ан̃жид̣̇ан̃жа маа гарий’д̇и вуд̇д̇з гуж̇жхад̇и, имасмим̣ г̇зхз бид̇арам̣ ваа васаабзхи мам̣ ваа’’д̇и. ат̇а нам̣ со ‘‘бхад̣̇д̣̇з, д̇вам̣ д̣̇ахараа яад̇т̇а гад̇т̇ажи ж̇ийвид̇ум̣ сагкиссаси, маяхам̣ бид̇аа махаллаго, д̇вам̣ д̇асса асаханд̇ий имамхаа г̇зхаа нигкамаа’’д̇и ааха. саа бхийд̇аа ‘‘ид̇о бадтааяа звам̣ на гариссаамий’’д̇и сасурасса баад̣̇зсу бад̇ид̇ваа камаабзд̇ваа багад̇инияаамзнзва бадиж̇аг̇г̇ид̇ум̣ аарабхи. ат̇а со убаасаго буримад̣̇ивасзсу д̇ааяа уб̣б̣аал̣хо сад̇т̇у санд̇игам̣ д̇хаммассаванааяа аг̇анд̇ваа д̇ассаа багад̇ияаа бад̇идтид̇агаалз аг̇амааси. ат̇а нам̣ сад̇т̇аа ‘‘гим̣, убаасага, сад̇д̇адта д̣̇ивасаани д̇хаммассаванааяа нааг̇ад̇осий’’д̇и бужчи. со д̇ам̣ гааран̣ам̣ гат̇зси. сад̇т̇аа ‘‘ид̣̇аани д̇аава д̇ассаа гат̇ам̣ аг̇г̇ахзд̇ваа бид̇арам̣ на нийхараабзси, буб̣б̣з бана зд̇иссаа гат̇ам̣ г̇ахзд̇ваа бид̇арам̣ аамагасусаанам̣ нзд̇ваа ааваадам̣ кан̣ид̇ваа д̇ад̇т̇а нам̣ багкибид̇ваа мааран̣агаалз ахам̣ сад̇д̇авассиго худ̇ваа маад̇аабид̇уунам̣ г̇ун̣ам̣ гат̇зд̇ваа бид̇угхаад̇агагаммаа ниваарзсим̣, д̇ад̣̇аа д̇вам̣ мама гат̇ам̣ суд̇ваа д̇ава бид̇арам̣ яааваж̇ийвам̣ бадиж̇аг̇г̇ид̇ваа саг̇г̇абарааяан̣о ж̇аад̇о, свааяам̣ маяаа д̣̇инно оваад̣̇о бхаванд̇араг̇ад̇амби на виж̇ахад̇и, иминаа гааран̣зна д̇ассаа гат̇ам̣ аг̇г̇ахзд̇ваа ид̣̇аани д̇аяаа бид̇аа на нийхадо’’д̇и вад̇ваа д̇зна яаажид̇о ад̇ийд̇ам̣ аахари.
Sā tato paṭṭhāya udakaṃ atisītaṃ vā accuṇhaṃ vā, āhāraṃ atiloṇaṃ vā aloṇaṃ vā , bhattaṃ uttaṇḍulaṃ vā atikilinnaṃ vāti evamādīni tassa kodhuppattikāraṇāni katvā tasmiṃ kujjhante ‘‘ko imaṃ mahallakaṃ upaṭṭhātuṃ sakkhissatī’’ti pharusāni vatvā kalahaṃ vaḍḍhesi. Tattha tattha kheḷapiṇḍādīni chaḍḍetvāpi sāmikaṃ ujjhāpesi ‘‘passa pitu kammaṃ, ‘idañcidañca mā karī’ti vutte kujjhati, imasmiṃ gehe pitaraṃ vā vasāpehi maṃ vā’’ti. Atha naṃ so ‘‘bhadde, tvaṃ daharā yattha katthaci jīvituṃ sakkhissasi, mayhaṃ pitā mahallako, tvaṃ tassa asahantī imamhā gehā nikkhamā’’ti āha. Sā bhītā ‘‘ito paṭṭhāya evaṃ na karissāmī’’ti sasurassa pādesu patitvā khamāpetvā pakatiniyāmeneva paṭijaggituṃ ārabhi. Atha so upāsako purimadivasesu tāya ubbāḷho satthu santikaṃ dhammassavanāya agantvā tassā pakatiyā patiṭṭhitakāle agamāsi. Atha naṃ satthā ‘‘kiṃ, upāsaka, sattaṭṭha divasāni dhammassavanāya nāgatosī’’ti pucchi. So taṃ kāraṇaṃ kathesi. Satthā ‘‘idāni tāva tassā kathaṃ aggahetvā pitaraṃ na nīharāpesi, pubbe pana etissā kathaṃ gahetvā pitaraṃ āmakasusānaṃ netvā āvāṭaṃ khaṇitvā tattha naṃ pakkhipitvā māraṇakāle ahaṃ sattavassiko hutvā mātāpitūnaṃ guṇaṃ kathetvā pitughātakakammā nivāresiṃ, tadā tvaṃ mama kathaṃ sutvā tava pitaraṃ yāvajīvaṃ paṭijaggitvā saggaparāyaṇo jāto, svāyaṃ mayā dinno ovādo bhavantaragatampi na vijahati, iminā kāraṇena tassā kathaṃ aggahetvā idāni tayā pitā na nīhaṭo’’ti vatvā tena yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з ан̃н̃ад̇арасмим̣ гаасиг̇аамз згасса гуласса гхарз згабуд̇д̇аго ахоси наамзна савидтаго наама. со маад̇аабид̇аро бадиж̇аг̇г̇анд̇о абарабхааг̇з маад̇ари гаалагад̇ааяа бид̇арам̣ босзсийд̇и саб̣б̣ам̣ вад̇т̇у бажжуббаннавад̇т̇унияаамзнзва гат̇зд̇аб̣б̣ам̣. аяам̣ банзд̇т̇а висзсо. д̇ад̣̇аа саа ид̇т̇ий ‘‘басса бид̇у гаммам̣, ‘ид̣̇ан̃жид̣̇ан̃жа маа гарий’д̇и вуд̇д̇з гуж̇жхад̇ий’’д̇и вад̇ваа ‘‘саами, бид̇аа д̇з жан̣д̣о парусо нижжам̣ галахам̣ гарод̇и, ж̇арааж̇ин̣н̣о б̣яаад̇хибийл̣ид̇о на жирассзва мариссад̇и, ахан̃жа зд̇зна сад̣̇д̇хим̣ згаг̇зхз васид̇ум̣ на саггоми, саяамбзса гад̇ибаахзна мариссад̇иязва, д̇вам̣ зд̇ам̣ аамагасусаанам̣ нзд̇ваа ааваадам̣ кан̣ид̇ваа д̇ад̇т̇а нам̣ багкибид̇ваа гуд̣̇д̣̇аалзна сийсам̣ чинд̣̇ид̇ваа ж̇ийвид̇агкаяам̣ баабзд̇ваа убари бам̣сунаа чаад̣̇зд̇ваа ааг̇ажчаахий’’д̇и ааха. со д̇ааяа бунаббунам̣ вужжамаано ‘‘бхад̣̇д̣̇з, бурисамааран̣ам̣ наама бхаарияам̣, гат̇ам̣ нам̣ маарзссаамий’’д̇и ааха. ‘‘ахам̣ д̇з убааяам̣ аажигкиссаамий’’д̇и. ‘‘аажигка д̇ааваа’’д̇и. ‘‘саами, д̇вам̣ бажжуусагаалз бид̇у нисиннадтаанам̣ г̇анд̇ваа яат̇аа саб̣б̣з сун̣анд̇и, звам̣ махаасад̣̇д̣̇ам̣ гад̇ваа ‘д̇аад̇а, асугаг̇аамз д̇умхаагам̣ уд̣̇д̇хааран̣аго ад̇т̇и, маяи г̇ад̇з на д̣̇зд̇и, д̇умхаагам̣ ажжаязна на д̣̇ассад̇зва, свз яаанагз нисийд̣̇ид̇ваа баад̇ова г̇ажчиссаамаа’д̇и вад̇ваа д̇зна вуд̇д̇авзлааяамзва удтааяа яаанагам̣ яож̇зд̇ваа д̇ад̇т̇а нисийд̣̇аабзд̇ваа аамагасусаанам̣ нзд̇ваа ааваадам̣ кан̣ид̇ваа жорзхи ажчиннасад̣̇д̣̇ам̣ гад̇ваа маарзд̇ваа ааваадз багкибид̇ваа сийсам̣ чинд̣̇ид̇ваа нхааяид̇ваа ааг̇ажчаа’’д̇и.
Atīte bārāṇasiyaṃ brahmadatte rajjaṃ kārente aññatarasmiṃ kāsigāme ekassa kulassa ghare ekaputtako ahosi nāmena saviṭṭhako nāma. So mātāpitaro paṭijagganto aparabhāge mātari kālakatāya pitaraṃ posesīti sabbaṃ vatthu paccuppannavatthuniyāmeneva kathetabbaṃ. Ayaṃ panettha viseso. Tadā sā itthī ‘‘passa pitu kammaṃ, ‘idañcidañca mā karī’ti vutte kujjhatī’’ti vatvā ‘‘sāmi, pitā te caṇḍo pharuso niccaṃ kalahaṃ karoti, jarājiṇṇo byādhipīḷito na cirasseva marissati, ahañca etena saddhiṃ ekagehe vasituṃ na sakkomi, sayampesa katipāhena marissatiyeva, tvaṃ etaṃ āmakasusānaṃ netvā āvāṭaṃ khaṇitvā tattha naṃ pakkhipitvā kuddālena sīsaṃ chinditvā jīvitakkhayaṃ pāpetvā upari paṃsunā chādetvā āgacchāhī’’ti āha. So tāya punappunaṃ vuccamāno ‘‘bhadde, purisamāraṇaṃ nāma bhāriyaṃ, kathaṃ naṃ māressāmī’’ti āha. ‘‘Ahaṃ te upāyaṃ ācikkhissāmī’’ti. ‘‘Ācikkha tāvā’’ti. ‘‘Sāmi, tvaṃ paccūsakāle pitu nisinnaṭṭhānaṃ gantvā yathā sabbe suṇanti, evaṃ mahāsaddaṃ katvā ‘tāta, asukagāme tumhākaṃ uddhāraṇako atthi, mayi gate na deti, tumhākaṃ accayena na dassateva, sve yānake nisīditvā pātova gacchissāmā’ti vatvā tena vuttavelāyameva uṭṭhāya yānakaṃ yojetvā tattha nisīdāpetvā āmakasusānaṃ netvā āvāṭaṃ khaṇitvā corehi acchinnasaddaṃ katvā māretvā āvāṭe pakkhipitvā sīsaṃ chinditvā nhāyitvā āgacchā’’ti.
савидтаго ‘‘ад̇т̇зса убааяо’’д̇и д̇ассаа важанам̣ самбадижчид̇ваа яаанагам̣ г̇аманасаж̇ж̇ам̣ агааси. д̇асса банзго сад̇д̇авассиго буд̇д̇о ад̇т̇и бан̣д̣ид̇о б̣яад̇д̇о. со маад̇у важанам̣ суд̇ваа ‘‘маяхам̣ маад̇аа баабад̇хаммаа бид̇арам̣ мз бид̇угхаад̇агаммам̣ гаарзд̇и, ахам̣ имасса бид̇угхаад̇агаммам̣ гаад̇ум̣ на д̣̇ассаамий’’д̇и сан̣игам̣ г̇анд̇ваа аяяагзна сад̣̇д̇хим̣ нибаж̇ж̇и. савидтагоби ид̇арааяа вуд̇д̇авзлааяа яаанагам̣ яож̇зд̇ваа ‘‘зхи, д̇аад̇а, уд̣̇д̇хаарам̣ сод̇хзссаамаа’’д̇и бид̇арам̣ яаанагз нисийд̣̇аабзси. гумаароби батамад̇арам̣ яаанагам̣ абхирухи. савидтаго д̇ам̣ ниваарзд̇ум̣ асаггонд̇о д̇знзва сад̣̇д̇хим̣ аамагасусаанам̣ г̇анд̇ваа бид̇аран̃жа гумаарагзна сад̣̇д̇хим̣ згаманд̇з табзд̇ваа саяам̣ од̇арид̇ваа гуд̣̇д̣̇аалабидагам̣ аад̣̇ааяа згасмим̣ бадижчаннадтаанз жад̇урассааваадам̣ кан̣ид̇ум̣ аарабхи. гумаараго од̇арид̇ваа д̇асса санд̇игам̣ г̇анд̇ваа аж̇аананд̇о вияа гат̇ам̣ самудтаабзд̇ваа батамам̣ г̇аат̇амааха –
Saviṭṭhako ‘‘atthesa upāyo’’ti tassā vacanaṃ sampaṭicchitvā yānakaṃ gamanasajjaṃ akāsi. Tassa paneko sattavassiko putto atthi paṇḍito byatto. So mātu vacanaṃ sutvā ‘‘mayhaṃ mātā pāpadhammā pitaraṃ me pitughātakammaṃ kāreti, ahaṃ imassa pitughātakammaṃ kātuṃ na dassāmī’’ti saṇikaṃ gantvā ayyakena saddhiṃ nipajji. Saviṭṭhakopi itarāya vuttavelāya yānakaṃ yojetvā ‘‘ehi, tāta, uddhāraṃ sodhessāmā’’ti pitaraṃ yānake nisīdāpesi. Kumāropi paṭhamataraṃ yānakaṃ abhiruhi. Saviṭṭhako taṃ nivāretuṃ asakkonto teneva saddhiṃ āmakasusānaṃ gantvā pitarañca kumārakena saddhiṃ ekamante ṭhapetvā sayaṃ otaritvā kuddālapiṭakaṃ ādāya ekasmiṃ paṭicchannaṭṭhāne caturassāvāṭaṃ khaṇituṃ ārabhi. Kumārako otaritvā tassa santikaṃ gantvā ajānanto viya kathaṃ samuṭṭhāpetvā paṭhamaṃ gāthamāha –
82.
82.
‘‘на д̇аггалаа санд̇и на аалуваани, на б̣ил̣аалияо на гал̣амб̣аани д̇аад̇а;
‘‘Na takkalā santi na āluvāni, na biḷāliyo na kaḷambāni tāta;
зго аран̃н̃амхи сусаанамаж̇жхз, гимад̇т̇иго д̇аад̇а кан̣ааси гаасу’’нд̇и.
Eko araññamhi susānamajjhe, kimatthiko tāta khaṇāsi kāsu’’nti.
д̇ад̇т̇а на д̇аггалаа санд̇ийд̇и бин̣д̣аалуганд̣̇аа на санд̇и. аалуваанийд̇и аалуваганд̣̇аа. б̣ил̣аалияод̇и б̣ил̣аариваллиганд̣̇аа. гал̣амб̣аанийд̇и д̇аалаганд̣̇аа.
Tattha na takkalā santīti piṇḍālukandā na santi. Āluvānīti āluvakandā. Biḷāliyoti biḷārivallikandā. Kaḷambānīti tālakandā.
ат̇асса бид̇аа д̣̇уд̇ияам̣ г̇аат̇амааха –
Athassa pitā dutiyaṃ gāthamāha –
83.
83.
‘‘бид̇аамахо д̇аад̇а суд̣̇уб̣б̣ало д̇з, анзгаб̣яаад̇хийхи д̣̇укзна пудто;
‘‘Pitāmaho tāta sudubbalo te, anekabyādhīhi dukhena phuṭṭho;
д̇амаж̇ж̇ахам̣ никан̣иссаами соб̣бхз, на хисса д̇ам̣ ж̇ийвид̇ам̣ рожаяаамий’’д̇и.
Tamajjahaṃ nikhaṇissāmi sobbhe, na hissa taṃ jīvitaṃ rocayāmī’’ti.
д̇ад̇т̇а анзгаб̣яаад̇хийхийд̇и анзгзхи б̣яаад̇хийхи уббаннзна д̣̇угкзна пудто. на хисса д̇анд̇и ахан̃хи д̇асса д̇ава бид̇аамахасса д̇ам̣ д̣̇уж̇ж̇ийвид̇ам̣ на ижчаами, ‘‘зваруубаа ж̇ийвид̇аа маран̣амзвасса вара’’нд̇и ман̃н̃амаано д̇ам̣ соб̣бхз никан̣иссаамийд̇и.
Tattha anekabyādhīhīti anekehi byādhīhi uppannena dukkhena phuṭṭho. Na hissa tanti ahañhi tassa tava pitāmahassa taṃ dujjīvitaṃ na icchāmi, ‘‘evarūpā jīvitā maraṇamevassa vara’’nti maññamāno taṃ sobbhe nikhaṇissāmīti.
д̇ам̣ суд̇ваа гумааро убад̣дхам̣ г̇аат̇амааха –
Taṃ sutvā kumāro upaḍḍhaṃ gāthamāha –
84.
84.
‘‘сан̇габбамзд̇ам̣ бадилад̣̇д̇ха баабагам̣, ажжаахид̇ам̣ гамма гароси луд̣̇д̣̇а’’нд̇и.
‘‘Saṅkappametaṃ paṭiladdha pāpakaṃ, accāhitaṃ kamma karosi ludda’’nti.
д̇ассад̇т̇о – д̇аад̇а, д̇вам̣ ‘‘бийд̇арам̣ д̣̇угкаа баможзссаамий’’д̇и маран̣ад̣̇угкзна яож̇знд̇о зд̇ам̣ баабагам̣ сан̇габбам̣ бадилад̣̇д̇хаа д̇асса жа сан̇габбавасзна хид̇ам̣ ад̇иггамма тид̇ад̇д̇аа ажжаахид̇ам̣ гаммам̣ гароси луд̣̇д̣̇анд̇и.
Tassattho – tāta, tvaṃ ‘‘pītaraṃ dukkhā pamocessāmī’’ti maraṇadukkhena yojento etaṃ pāpakaṃ saṅkappaṃ paṭiladdhā tassa ca saṅkappavasena hitaṃ atikkamma ṭhitattā accāhitaṃ kammaṃ karosi luddanti.
зван̃жа бана вад̇ваа гумааро бид̇у хад̇т̇ад̇о гуд̣̇д̣̇аалам̣ г̇ахзд̇ваа авид̣̇уурз ан̃н̃ад̇арам̣ ааваадам̣ кан̣ид̇ум̣ аарабхи. ат̇а нам̣ бид̇аа убасан̇гамид̇ваа ‘‘гасмаа, д̇аад̇а, ааваадам̣ кан̣асий’’д̇и бужчи. со д̇асса гат̇знд̇о д̇ад̇ияам̣ г̇аат̇амааха –
Evañca pana vatvā kumāro pitu hatthato kuddālaṃ gahetvā avidūre aññataraṃ āvāṭaṃ khaṇituṃ ārabhi. Atha naṃ pitā upasaṅkamitvā ‘‘kasmā, tāta, āvāṭaṃ khaṇasī’’ti pucchi. So tassa kathento tatiyaṃ gāthamāha –
‘‘маяааби д̇аад̇а бадилажчасз д̇увам̣, зд̇аад̣̇исам̣ гамма ж̇аруубанийд̇о;
‘‘Mayāpi tāta paṭilacchase tuvaṃ, etādisaṃ kamma jarūpanīto;
д̇ам̣ гуллавад̇д̇ам̣ анувад̇д̇амаано, ахамби д̇ам̣ никан̣иссаами соб̣бхз’’д̇и.
Taṃ kullavattaṃ anuvattamāno, ahampi taṃ nikhaṇissāmi sobbhe’’ti.
д̇ассад̇т̇о – д̇аад̇а, ахамби зд̇асмим̣ соб̣бхз д̇ам̣ махаллагагаалз никан̣иссаами, ид̇и ко д̇аад̇а, маяааби гад̇з имасмим̣ соб̣бхз д̇увам̣ ж̇аруубанийд̇о зд̇аад̣̇исам̣ гаммам̣ бадилажчасз, яам̣ зд̇ам̣ д̇аяаа бавад̇д̇ид̇ам̣ гулавад̇д̇ам̣, д̇ам̣ анувад̇д̇амаано ваяаббад̇д̇о бхарияааяа сад̣̇д̇хим̣ васанд̇о ахамби д̇ам̣ никан̣иссаами соб̣бхзд̇и.
Tassattho – tāta, ahampi etasmiṃ sobbhe taṃ mahallakakāle nikhaṇissāmi, iti kho tāta, mayāpi kate imasmiṃ sobbhe tuvaṃ jarūpanīto etādisaṃ kammaṃ paṭilacchase, yaṃ etaṃ tayā pavattitaṃ kulavattaṃ, taṃ anuvattamāno vayappatto bhariyāya saddhiṃ vasanto ahampi taṃ nikhaṇissāmi sobbheti.
ат̇асса бид̇аа жад̇уд̇т̇ам̣ г̇аат̇амааха –
Athassa pitā catutthaṃ gāthamāha –
85.
85.
‘‘парусаахи ваажаахи багуб̣б̣амаано, аасаж̇ж̇а мам̣ д̇вам̣ вад̣̇асз гумаара;
‘‘Pharusāhi vācāhi pakubbamāno, āsajja maṃ tvaṃ vadase kumāra;
буд̇д̇о мамам̣ орасаго самаано, ахийд̇аанугамбий мама д̇вам̣си буд̇д̇аа’’д̇и.
Putto mamaṃ orasako samāno, ahītānukampī mama tvaṃsi puttā’’ti.
д̇ад̇т̇а багуб̣б̣амаанод̇и абхибхаванд̇о. аасаж̇ж̇аад̇и гхаддзд̇ваа.
Tattha pakubbamānoti abhibhavanto. Āsajjāti ghaṭṭetvā.
звам̣ вуд̇д̇з бан̣д̣ид̇агумаараго згам̣ бадиважанаг̇аат̇ам̣, д̣̇вз уд̣̇аанаг̇аат̇аад̇и д̇иссо г̇аат̇аа абхааси –
Evaṃ vutte paṇḍitakumārako ekaṃ paṭivacanagāthaṃ, dve udānagāthāti tisso gāthā abhāsi –
86.
86.
‘‘на д̇аахам̣ д̇аад̇а ахид̇аанугамбий, хид̇аанугамбий д̇з ахамби д̇аад̇а;
‘‘Na tāhaṃ tāta ahitānukampī, hitānukampī te ahampi tāta;
баабан̃жа д̇ам̣ гамма багуб̣б̣амаанам̣, арахаами но ваараяид̇ум̣ д̇ад̇о.
Pāpañca taṃ kamma pakubbamānaṃ, arahāmi no vārayituṃ tato.
87.
87.
‘‘яо маад̇арам̣ ваа бид̇арам̣ савидта, ад̣̇уусагз хим̣сад̇и баабад̇хаммо;
‘‘Yo mātaraṃ vā pitaraṃ saviṭṭha, adūsake hiṃsati pāpadhammo;
гааяасса бхзд̣̇аа абхисамбарааяам̣, асам̣саяам̣ со нираяам̣ убзд̇и.
Kāyassa bhedā abhisamparāyaṃ, asaṃsayaṃ so nirayaṃ upeti.
88.
88.
‘‘яо маад̇арам̣ ваа бид̇арам̣ савидта, аннзна баанзна убадтахаад̇и;
‘‘Yo mātaraṃ vā pitaraṃ saviṭṭha, annena pānena upaṭṭhahāti;
гааяасса бхзд̣̇аа абхисамбарааяам̣, асам̣саяам̣ со суг̇ад̇им̣ убзд̇ий’’д̇и. –
Kāyassa bhedā abhisamparāyaṃ, asaṃsayaṃ so sugatiṃ upetī’’ti. –
имам̣ бана буд̇д̇асса д̇хаммагат̇ам̣ суд̇ваа бид̇аа адтамам̣ г̇аат̇амааха –
Imaṃ pana puttassa dhammakathaṃ sutvā pitā aṭṭhamaṃ gāthamāha –
89.
89.
‘‘на мз д̇вам̣ буд̇д̇а ахид̇аанугамбий, хид̇аанугамбий мз д̇вам̣си буд̇д̇а;
‘‘Na me tvaṃ putta ahitānukampī, hitānukampī me tvaṃsi putta;
ахан̃жа д̇ам̣ маад̇араа вужжамаано, зд̇аад̣̇исам̣ гамма гароми луд̣̇д̣̇а’’нд̇и.
Ahañca taṃ mātarā vuccamāno, etādisaṃ kamma karomi ludda’’nti.
д̇ад̇т̇а ахан̃жа д̇ам̣ маад̇араад̇и ахан̃жа д̇з маад̇араа, аяамзва ваа баато.
Tattha ahañca taṃ mātarāti ahañca te mātarā, ayameva vā pāṭho.
д̇ам̣ суд̇ваа гумааро ‘‘д̇аад̇а, ид̇т̇ияо наама уббаннз д̣̇осз аниг̇г̇аяхамаанаа бунаббунам̣ баабам̣ гаронд̇и, мама маад̇аа яат̇аа буна зваруубам̣ на гарод̇и, д̇ат̇аа нам̣ бан̣аамзд̇ум̣ ваддад̇ий’’д̇и навамам̣ г̇аат̇амааха –
Taṃ sutvā kumāro ‘‘tāta, itthiyo nāma uppanne dose aniggayhamānā punappunaṃ pāpaṃ karonti, mama mātā yathā puna evarūpaṃ na karoti, tathā naṃ paṇāmetuṃ vaṭṭatī’’ti navamaṃ gāthamāha –
90.
90.
‘‘яаа д̇з саа бхарияаа анарияаруубаа, маад̇аа мамзсаа сагияаа ж̇анзд̇д̇и;
‘‘Yā te sā bhariyā anariyarūpā, mātā mamesā sakiyā janetti;
нид̣̇д̇хаабаяз д̇ан̃жа сагаа аг̇аараа, ан̃н̃амби д̇з саа д̣̇укамаавахзяяаа’’д̇и.
Niddhāpaye tañca sakā agārā, aññampi te sā dukhamāvaheyyā’’ti.
савидтаго бан̣д̣ид̇абуд̇д̇асса гат̇ам̣ суд̇ваа соманассаж̇аад̇о худ̇ваа ‘‘г̇ажчаама, д̇аад̇аа’’д̇и сад̣̇д̇хим̣ буд̇д̇зна жа бид̇араа жа яаанагз нисийд̣̇ид̇ваа бааяааси. сааби ко анаажаараа ‘‘нигканд̇аа но г̇зхаа гаал̣аган̣н̣ий’’д̇и хадтад̇удтаа аллаг̇омаязна г̇зхам̣ убалимбзд̇ваа бааяаасам̣ бажид̇ваа ааг̇аманамаг̇г̇ам̣ ологзнд̇ий д̇з ааг̇ажчанд̇з д̣̇исваа ‘‘нигканд̇ам̣ гаал̣аган̣н̣им̣ буна г̇ахзд̇ваа ааг̇ад̇о’’д̇и гуж̇жхид̇ваа ‘‘арз нигад̇ига, нигканд̇ам̣ гаал̣аган̣н̣им̣ буна аад̣̇ааяа ааг̇ад̇осий’’д̇и барибхааси. савидтаго гин̃жи авад̇ваа яаанагам̣ можзд̇ваа ‘‘анаажаарз гим̣ вад̣̇зсий’’д̇и д̇ам̣ сугоддид̇ам̣ годдзд̇ваа ‘‘ид̇о бадтааяа маа имам̣ г̇зхам̣ баависий’’д̇и баад̣̇з г̇ахзд̇ваа ниггад̣дхи. д̇ад̇о бид̇аран̃жа буд̇д̇ан̃жа нхаабзд̇ваа саяамби нхааяид̇ваа д̇аяоби бааяаасам̣ барибхун̃ж̇им̣су. сааби баабад̇хаммаа гад̇ибаахам̣ ан̃н̃асмим̣ г̇зхз васи. д̇асмим̣ гаалз буд̇д̇о бид̇арам̣ ааха – ‘‘д̇аад̇а, мама маад̇аа зд̇д̇агзна на б̣уж̇жхад̇и, д̇умхз мама маад̇у ман̇губхаавагаран̣ад̇т̇ам̣ ‘асугаг̇аамагз мама маад̇улад̇хийд̇аа ад̇т̇и , саа маяхам̣ бид̇аран̃жа буд̇д̇ан̃жа ман̃жа бадиж̇аг̇г̇иссад̇и, д̇ам̣ аанзссаамий’д̇и вад̇ваа маалааг̇анд̇хаад̣̇ийни аад̣̇ааяа яаанагзна нигкамид̇ваа кзд̇д̇ам̣ анувижарид̇ваа сааяам̣ ааг̇ажчат̇аа’’д̇и. со д̇ат̇аа агааси.
Saviṭṭhako paṇḍitaputtassa kathaṃ sutvā somanassajāto hutvā ‘‘gacchāma, tātā’’ti saddhiṃ puttena ca pitarā ca yānake nisīditvā pāyāsi. Sāpi kho anācārā ‘‘nikkhantā no gehā kāḷakaṇṇī’’ti haṭṭhatuṭṭhā allagomayena gehaṃ upalimpetvā pāyāsaṃ pacitvā āgamanamaggaṃ olokentī te āgacchante disvā ‘‘nikkhantaṃ kāḷakaṇṇiṃ puna gahetvā āgato’’ti kujjhitvā ‘‘are nikatika, nikkhantaṃ kāḷakaṇṇiṃ puna ādāya āgatosī’’ti paribhāsi. Saviṭṭhako kiñci avatvā yānakaṃ mocetvā ‘‘anācāre kiṃ vadesī’’ti taṃ sukoṭṭitaṃ koṭṭetvā ‘‘ito paṭṭhāya mā imaṃ gehaṃ pāvisī’’ti pāde gahetvā nikkaḍḍhi. Tato pitarañca puttañca nhāpetvā sayampi nhāyitvā tayopi pāyāsaṃ paribhuñjiṃsu. Sāpi pāpadhammā katipāhaṃ aññasmiṃ gehe vasi. Tasmiṃ kāle putto pitaraṃ āha – ‘‘tāta, mama mātā ettakena na bujjhati, tumhe mama mātu maṅkubhāvakaraṇatthaṃ ‘asukagāmake mama mātuladhītā atthi , sā mayhaṃ pitarañca puttañca mañca paṭijaggissati, taṃ ānessāmī’ti vatvā mālāgandhādīni ādāya yānakena nikkhamitvā khettaṃ anuvicaritvā sāyaṃ āgacchathā’’ti. So tathā akāsi.
бадивиссагагулз ид̇т̇ияо ‘‘саамиго гира д̇з ан̃н̃ам̣ бхарияам̣ аанзд̇ум̣ асугаг̇аамам̣ наама г̇ад̇о’’д̇и д̇ассаа аажигким̣су. саа ‘‘д̣̇аанимхи надтаа, над̇т̇и мз буна огаасо’’д̇и бхийд̇аа д̇асид̇аа худ̇ваа ‘‘буд̇д̇амзва яаажиссаамий’’д̇и бан̣д̣ид̇абуд̇д̇асса санд̇игам̣ г̇анд̇ваа д̇асса баад̣̇зсу бад̇ид̇ваа ‘‘д̇аад̇а, д̇ам̣ табзд̇ваа ан̃н̃о мама бадисаран̣ам̣ над̇т̇и, ид̇о бадтааяа д̇ава бид̇аран̃жа бид̇аамахан̃жа алан̇гад̇ажзд̇ияам̣ вияа бадиж̇аг̇г̇иссаами, буна маяхам̣ имасмим̣ гхарз бавзсанам̣ гарохий’’д̇и ааха. со ‘‘саад̇ху, амма, сажз буна зваруубам̣ на гариссат̇а, гариссаами, аббамад̇д̇аа хот̇аа’’д̇и вад̇ваа бид̇у ааг̇ад̇агаалз д̣̇асамам̣ г̇аат̇амааха –
Paṭivissakakule itthiyo ‘‘sāmiko kira te aññaṃ bhariyaṃ ānetuṃ asukagāmaṃ nāma gato’’ti tassā ācikkhiṃsu. Sā ‘‘dānimhi naṭṭhā, natthi me puna okāso’’ti bhītā tasitā hutvā ‘‘puttameva yācissāmī’’ti paṇḍitaputtassa santikaṃ gantvā tassa pādesu patitvā ‘‘tāta, taṃ ṭhapetvā añño mama paṭisaraṇaṃ natthi, ito paṭṭhāya tava pitarañca pitāmahañca alaṅkatacetiyaṃ viya paṭijaggissāmi, puna mayhaṃ imasmiṃ ghare pavesanaṃ karohī’’ti āha. So ‘‘sādhu, amma, sace puna evarūpaṃ na karissatha, karissāmi, appamattā hothā’’ti vatvā pitu āgatakāle dasamaṃ gāthamāha –
91.
91.
‘‘яаа д̇з саа бхарияаа анарияаруубаа, маад̇аа мамзсаа сагияаа ж̇анзд̇д̇и;
‘‘Yā te sā bhariyā anariyarūpā, mātā mamesā sakiyā janetti;
д̣̇анд̇аа гарзн̣уува васуубанийд̇аа, саа баабад̇хаммаа бунарааваж̇аад̇уу’’д̇и.
Dantā kareṇūva vasūpanītā, sā pāpadhammā punarāvajātū’’ti.
д̇ад̇т̇а гарзн̣ууваад̇и д̇аад̇а, ид̣̇аани саа аанзн̃ж̇агааран̣ам̣ гааригаа хад̇т̇иний вияа д̣̇анд̇аа васам̣ убанийд̇аа ниб̣б̣исзванаа ж̇аад̇аа. бунарааг̇аж̇аад̇ууд̇и буна имам̣ г̇зхам̣ ааг̇ажчад̇ууд̇и.
Tattha kareṇūvāti tāta, idāni sā āneñjakāraṇaṃ kārikā hatthinī viya dantā vasaṃ upanītā nibbisevanā jātā. Punarāgajātūti puna imaṃ gehaṃ āgacchatūti.
звам̣ со бид̇у д̇хаммам̣ гат̇зд̇ваа г̇анд̇ваа маад̇арам̣ аанзси. саа саамиган̃жа сасуран̃жа камаабзд̇ваа д̇ад̇о бадтааяа д̣̇анд̇аа д̇хаммзна саманнааг̇ад̇аа худ̇ваа саамиган̃жа сасуран̃жа буд̇д̇ан̃жа бадиж̇аг̇г̇и. убхоби жа буд̇д̇асса оваад̣̇з тад̇ваа д̣̇аанаад̣̇ийни бун̃н̃аани гарид̇ваа саг̇г̇абарааяан̣аа ахзсум̣.
Evaṃ so pitu dhammaṃ kathetvā gantvā mātaraṃ ānesi. Sā sāmikañca sasurañca khamāpetvā tato paṭṭhāya dantā dhammena samannāgatā hutvā sāmikañca sasurañca puttañca paṭijaggi. Ubhopi ca puttassa ovāde ṭhatvā dānādīni puññāni karitvā saggaparāyaṇā ahesuṃ.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз бид̇убосаго сод̇аабад̇д̇ипалз бад̇идтахи. д̇ад̣̇аа бид̇аа жа буд̇д̇о жа сун̣исаа жа д̇зязва ахзсум̣, бан̣д̣ид̇агумааро бана ахамзва ахосинд̇и.
Satthā imaṃ dhammadesanaṃ āharitvā saccāni pakāsetvā jātakaṃ samodhānesi, saccapariyosāne pituposako sotāpattiphale patiṭṭhahi. Tadā pitā ca putto ca suṇisā ca teyeva ahesuṃ, paṇḍitakumāro pana ahameva ahosinti.
д̇аггалаж̇аад̇агаван̣н̣анаа адтамаа.
Takkalajātakavaṇṇanā aṭṭhamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 446. д̇аггалаж̇аад̇агам̣ • 446. Takkalajātakaṃ
