| Library / Tipiṭaka / तिपिटक • Tipiṭaka / जातकपाळि • Jātakapāḷi |
४८१. तक्कारियजातकं (८)
481. Takkāriyajātakaṃ (8)
१०४.
104.
अहमेव दुब्भासितं भासि बालो, भेकोवरञ्ञे अहिमव्हायमानो 1।
Ahameva dubbhāsitaṃ bhāsi bālo, bhekovaraññe ahimavhāyamāno 2;
१०५.
105.
पप्पोति मच्चो अतिवेलभाणी, बन्धं वधं सोकपरिद्दवञ्च।
Pappoti macco ativelabhāṇī, bandhaṃ vadhaṃ sokapariddavañca;
अत्तानमेव गरहासि एत्थ, आचेर यं तं निखणन्ति सोब्भे॥
Attānameva garahāsi ettha, ācera yaṃ taṃ nikhaṇanti sobbhe.
१०६.
106.
नग्गोवहं 11 वत्थयुगञ्च जीनो, अयम्पि अत्थो बहुतादिसोव॥
Naggovahaṃ 12 vatthayugañca jīno, ayampi attho bahutādisova.
१०७.
107.
यो युज्झमानानमयुज्झमानो 13, मेण्डन्तरं अच्चुपती कुलिङ्गो।
Yo yujjhamānānamayujjhamāno 14, meṇḍantaraṃ accupatī kuliṅgo;
सो पिंसितो मेण्डसिरेहि तत्थ, अयम्पि अत्थो बहुतादिसोव॥
So piṃsito meṇḍasirehi tattha, ayampi attho bahutādisova.
१०८.
108.
चतुरो जना पोत्थकमग्गहेसुं, एकञ्च पोसं अनुरक्खमाना।
Caturo janā potthakamaggahesuṃ, ekañca posaṃ anurakkhamānā;
सब्बेव ते भिन्नसिरा सयिंसु, अयम्पि अत्थो बहुतादिसोव॥
Sabbeva te bhinnasirā sayiṃsu, ayampi attho bahutādisova.
१०९.
109.
अजा यथा वेळुगुम्बस्मिं बद्धा 15, अवक्खिपन्ती असिमज्झगच्छि।
Ajā yathā veḷugumbasmiṃ baddhā 16, avakkhipantī asimajjhagacchi;
तेनेव तस्सा गलकावकन्तं 17, अयम्पि अत्थो बहुतादिसोव॥
Teneva tassā galakāvakantaṃ 18, ayampi attho bahutādisova.
११०.
110.
इमे न देवा न गन्धब्बपुत्ता, मिगा इमे अत्थवसं गता मे 19।
Ime na devā na gandhabbaputtā, migā ime atthavasaṃ gatā me 20;
एकञ्च नं सायमासे पचन्तु, एकं पुनप्पातरासे 21 पचन्तु॥
Ekañca naṃ sāyamāse pacantu, ekaṃ punappātarāse 22 pacantu.
१११.
111.
सतं सहस्सानि दुभासितानि, कलम्पि नाग्घन्ति सुभासितस्स।
Sataṃ sahassāni dubhāsitāni, kalampi nāgghanti subhāsitassa;
११२.
112.
इमञ्च खो देन्तु महानसाय, पातोव नं पातरासे पचन्तु॥
Imañca kho dentu mahānasāya, pātova naṃ pātarāse pacantu.
११३.
113.
पज्जुन्ननाथा पसवो, पसुनाथा अयं पजा।
Pajjunnanāthā pasavo, pasunāthā ayaṃ pajā;
द्विन्नमञ्ञतरं ञत्वा, मुत्तो गच्छेय्य पब्बतं॥
Dvinnamaññataraṃ ñatvā, mutto gaccheyya pabbataṃ.
११४.
114.
न वे निन्दा सुपरिवज्जयेथ 35, नाना जना सेवितब्बा जनिन्द।
Na ve nindā suparivajjayetha 36, nānā janā sevitabbā janinda;
येनेव एको लभते पसंसं, तेनेव अञ्ञो लभते निन्दितारं॥
Yeneva eko labhate pasaṃsaṃ, teneva añño labhate ninditāraṃ.
११५.
115.
सब्बो लोको परिचित्तो अतिचित्तो 37, सब्बो लोको चित्तवा सम्हि चित्ते।
Sabbo loko paricitto aticitto 38, sabbo loko cittavā samhi citte;
पच्चेकचित्ता पुथु सब्बसत्ता, कस्सीध चित्तस्स वसे न वत्ते॥
Paccekacittā puthu sabbasattā, kassīdha cittassa vase na vatte.
११६.
116.
तुण्ही अहू किम्पुरिसो सभरियो 39, यो दानि ब्याहासि भयस्स भीतो।
Tuṇhī ahū kimpuriso sabhariyo 40, yo dāni byāhāsi bhayassa bhīto;
सो दानि मुत्तो सुखितो अरोगो, वाचाकिरेवत्तवती नरानन्ति॥
So dāni mutto sukhito arogo, vācākirevattavatī narānanti.
तक्कारियजातकं अट्ठमं।
Takkāriyajātakaṃ aṭṭhamaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / जातक-अट्ठकथा • Jātaka-aṭṭhakathā / [४८१] ८. तक्कारियजातकवण्णना • [481] 8. Takkāriyajātakavaṇṇanā
