| Library / Tipiṭaka / තිපිටක • Tipiṭaka / අපදානපාළි • Apadānapāḷi |
9. තාලඵලදායකත්‌ථෙරඅපදානං
9. Tālaphaladāyakattheraapadānaṃ
85.
85.
‘‘සතරංසී නාම භගවා, සයම්‌භූ අපරාජිතො;
‘‘Sataraṃsī nāma bhagavā, sayambhū aparājito;
විවෙකා වුට්‌ඨහිත්‌වාන, ගොචරායාභිනික්‌ඛමි.
Vivekā vuṭṭhahitvāna, gocarāyābhinikkhami.
86.
86.
‘‘ඵලහත්‌ථො අහං දිස්‌වා, උපගච්‌ඡිං නරාසභං;
‘‘Phalahattho ahaṃ disvā, upagacchiṃ narāsabhaṃ;
පසන්‌නචිත්‌තො සුමනො, තාලඵලං අදාසහං.
Pasannacitto sumano, tālaphalaṃ adāsahaṃ.
87.
87.
‘‘චතුන්‌නවුතිතො කප්‌පෙ, යං ඵලං අදදිං තදා;
‘‘Catunnavutito kappe, yaṃ phalaṃ adadiṃ tadā;
දුග්‌ගතිං නාභිජානාමි, ඵලදානස්‌සිදං ඵලං.
Duggatiṃ nābhijānāmi, phaladānassidaṃ phalaṃ.
88.
88.
‘‘කිලෙසා ඣාපිතා මය්‌හං…පෙ.… විහරාමි අනාසවො.
‘‘Kilesā jhāpitā mayhaṃ…pe… viharāmi anāsavo.
89.
89.
‘‘ස්‌වාගතං වත මෙ ආසි…පෙ.… කතං බුද්‌ධස්‌ස සාසනං.
‘‘Svāgataṃ vata me āsi…pe… kataṃ buddhassa sāsanaṃ.
90.
90.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා තාලඵලදායකො ථෙරො ඉමා ගාථායො
Itthaṃ sudaṃ āyasmā tālaphaladāyako thero imā gāthāyo
අභාසිත්‌ථාති.
Abhāsitthāti.
තාලඵලදායකත්‌ථෙරස්‌සාපදානං නවමං.
Tālaphaladāyakattherassāpadānaṃ navamaṃ.
