| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
2. д̇аалабудасуд̇д̇аван̣н̣анаа
2. Tālapuṭasuttavaṇṇanā
354. д̣̇уд̇ияз д̇аалабудод̇и звам̣наамаго. д̇асса гира б̣анд̇ханаа бамуд̇д̇ад̇аалабаггаван̣н̣о вияа мукаван̣н̣о виббасанно ахоси, д̇знасса д̇аалабудод̇и наамам̣ агам̣су. свааяам̣ абхинийхаарасамбанно бажчимабхавигабуг̇г̇ало. яасмаа бана бадисанд̇хи наама анияад̇аа аагаасз кид̇д̇ад̣̇ан̣д̣асад̣̇исаа, д̇асмаа зса надагулз ниб̣б̣ад̇д̇и. вуд̣дхиббад̇д̇о бана надасиббз аг̇г̇о худ̇ваа сагалаж̇амб̣уд̣̇ийбз баагадо ж̇аад̇о. д̇асса бан̃жа сагадасад̇аани бан̃жа маад̇уг̇аамасад̇аани баривааро, бхарияааяабисса д̇аавад̇агааваад̇и маад̇уг̇аамасахассзна жзва сагадасахассзна жа сад̣̇д̇хим̣ яам̣ яам̣ наг̇арам̣ ваа ниг̇амам̣ ваа бависад̇и, д̇ад̇т̇асса бурзд̇арамзва сад̇асахассам̣ д̣̇знд̇и. самаж̇ж̇авзсам̣ г̇ан̣хид̇ваа бана маад̇уг̇аамасахассзна сад̣̇д̇хим̣ гийл̣ам̣ гаронд̇асса яам̣ хад̇т̇уубаг̇абаад̣̇уубаг̇аад̣̇иаабхаран̣аж̇аад̇ам̣ кибанд̇и, д̇асса барияанд̇о над̇т̇и. со д̇ам̣д̣̇ивасам̣ маад̇уг̇аамасахассабариваарид̇о рааж̇аг̇ахз гийл̣ам̣ гад̇ваа барибагган̃аан̣ад̇д̇аа сабариваарова язна бхаг̇аваа д̇знубасан̇гами.
354. Dutiye tālapuṭoti evaṃnāmako. Tassa kira bandhanā pamuttatālapakkavaṇṇo viya mukhavaṇṇo vippasanno ahosi, tenassa tālapuṭoti nāmaṃ akaṃsu. Svāyaṃ abhinīhārasampanno pacchimabhavikapuggalo. Yasmā pana paṭisandhi nāma aniyatā ākāse khittadaṇḍasadisā, tasmā esa naṭakule nibbatti. Vuḍḍhippatto pana naṭasippe aggo hutvā sakalajambudīpe pākaṭo jāto. Tassa pañca sakaṭasatāni pañca mātugāmasatāni parivāro, bhariyāyapissa tāvatakāvāti mātugāmasahassena ceva sakaṭasahassena ca saddhiṃ yaṃ yaṃ nagaraṃ vā nigamaṃ vā pavisati, tatthassa puretarameva satasahassaṃ denti. Samajjavesaṃ gaṇhitvā pana mātugāmasahassena saddhiṃ kīḷaṃ karontassa yaṃ hatthūpagapādūpagādiābharaṇajātaṃ khipanti, tassa pariyanto natthi. So taṃdivasaṃ mātugāmasahassaparivārito rājagahe kīḷaṃ katvā paripakkañāṇattā saparivārova yena bhagavā tenupasaṅkami.
сажжаалигзнаад̇и сажжзна жа алигзна жа. д̇идтад̇зд̇анд̇и д̇идтад̇у зд̇ам̣. раж̇анийяаад̇и рааг̇аббажжаяаа мукад̇о бан̃жаван̣н̣асуд̇д̇анийхаран̣аваад̇авудтид̣̇ассанаад̣̇аяо ан̃н̃з жа гаамассаад̣̇асам̣яуд̇д̇аагаарад̣̇ассанагаа абхинаяаа. бхияяосомад̇д̇ааяаад̇и ад̇хигаббамаан̣ад̇д̇ааяа. д̣̇осанийяаад̇и д̣̇осаббажжаяаа хад̇т̇абаад̣̇ажчзд̣̇аад̣̇ид̣̇ассанаагаараа. моханийяаад̇и мохаббажжаяаа уд̣̇агам̣ г̇ахзд̇ваа д̇злагаран̣ам̣, д̇злам̣ г̇ахзд̇ваа уд̣̇агагаран̣анд̇и звамаад̣̇аяо мааяаабабхзд̣̇аа.
Saccālikenāti saccena ca alikena ca. Tiṭṭhatetanti tiṭṭhatu etaṃ. Rajanīyāti rāgappaccayā mukhato pañcavaṇṇasuttanīharaṇavātavuṭṭhidassanādayo aññe ca kāmassādasaṃyuttākāradassanakā abhinayā. Bhiyyosomattāyāti adhikappamāṇattāya. Dosanīyāti dosappaccayā hatthapādacchedādidassanākārā. Mohanīyāti mohappaccayā udakaṃ gahetvā telakaraṇaṃ, telaṃ gahetvā udakakaraṇanti evamādayo māyāpabhedā.
бахаасо наама нираяод̇и висум̣ бахаасанаамаго нираяо наама над̇т̇и, авийжиссзва бана згасмим̣ годтаасз нажжанд̇аа вияа г̇ааяанд̇аа вияа жа надавзсам̣ г̇ахзд̇ваава бажжанд̇и, д̇ам̣ санд̇хааязд̇ам̣ вуд̇д̇ам̣. наахам̣, бханд̇з, зд̇ам̣ род̣̇аамийд̇и ахам̣, бханд̇з, зд̇ам̣ бхаг̇авад̇о б̣яаагаран̣ам̣ на род̣̇аамийд̇и звам̣ сагаммагавасзнзд̇т̇а ад̇т̇о взд̣̇ид̇аб̣б̣о, на ассувиможанамад̇д̇зна. ‘‘мад̇ам̣ ваа аммарод̣̇анд̇ий’’д̇иаад̣̇аяо жзд̇т̇а ан̃н̃зби вохаараа взд̣̇ид̇аб̣б̣аа.
Pahāsonāma nirayoti visuṃ pahāsanāmako nirayo nāma natthi, avīcisseva pana ekasmiṃ koṭṭhāse naccantā viya gāyantā viya ca naṭavesaṃ gahetvāva paccanti, taṃ sandhāyetaṃ vuttaṃ. Nāhaṃ, bhante, etaṃ rodāmīti ahaṃ, bhante, etaṃ bhagavato byākaraṇaṃ na rodāmīti evaṃ sakammakavasenettha attho veditabbo, na assuvimocanamattena. ‘‘Mataṃ vā ammarodantī’’tiādayo cettha aññepi vohārā veditabbā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 2. д̇аалабудасуд̇д̇ам̣ • 2. Tālapuṭasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 2. д̇аалабудасуд̇д̇аван̣н̣анаа • 2. Tālapuṭasuttavaṇṇanā
