| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
2. д̇аалабудасуд̇д̇аван̣н̣анаа
2. Tālapuṭasuttavaṇṇanā
354. ваалод̇и вужжад̇и д̇аало, д̇асса д̇аалабудам̣ наама. яат̇аа аамалагийпаласамаанагам̣, со бана д̇ааласад̣̇исамукаван̣н̣ад̇д̇аа д̇аалабудод̇и звам̣наамаго. д̇знааха ‘‘д̇асса гираа’’д̇иаад̣̇и. абхинийхаарасамбанно анзгзсу габбзсу самбхад̇асаавагаб̣од̇хисамбхааро. д̇ат̇аа хзса асийд̇ияаа махаасаавагзсу аб̣бханд̇аро ж̇аад̇о. сахассам̣ д̣̇знд̇и нажжам̣ бассид̇угаамаа. самаж̇ж̇авзсанд̇и нзбажжавзсам̣. гийл̣ам̣ гад̇ваад̇и нажжагийл̣ид̇ам̣ гийл̣ид̇ваа, нажжид̇ваад̇и ад̇т̇о.
354. Vāloti vuccati tālo, tassa tālapuṭaṃ nāma. Yathā āmalakīphalasamānakaṃ, so pana tālasadisamukhavaṇṇattā tālapuṭoti evaṃnāmako. Tenāha ‘‘tassa kirā’’tiādi. Abhinīhārasampanno anekesu kappesu sambhatasāvakabodhisambhāro. Tathā hesa asītiyā mahāsāvakesu abbhantaro jāto. Sahassaṃ denti naccaṃ passitukāmā. Samajjavesanti nepaccavesaṃ. Kīḷaṃ katvāti naccakīḷitaṃ kīḷitvā, naccitvāti attho.
буб̣б̣з д̇ат̇аабавад̇д̇авуд̇д̇анд̇ад̣̇ассанз сажжзна, д̇аб̣б̣ибарияааяз алигзна. рааг̇абажжаяаад̇и рааг̇уббад̇д̇ияаа гааран̣абхууд̇аа. мукад̇о…бз… д̣̇ассанаад̣̇аяод̇и аад̣̇и-сад̣̇д̣̇зна мукад̇о аг̇г̇иж̇ааланигкамад̣̇ассанаад̣̇игз сан̇г̇ан̣хаад̇и. ан̃н̃з жа…бз… абхинаяаад̇и гаамассаад̣̇асам̣яуд̇д̇аанам̣ син̇г̇аарахассааб̣бхуд̇арасаанан̃жзва ‘‘ан̃н̃з жаа’’д̇и вуд̇д̇асанд̇аб̣ийбхажчарасаанан̃жа д̣̇ассанагаа абхинаяаа. д̣̇осабажжаяаад̇и д̣̇осуббад̇д̇ияаа гааран̣абхууд̇аа. хад̇т̇абаад̣̇ажчзд̣̇аад̣̇ийд̇и аад̣̇и-сад̣̇д̣̇зна сан̇г̇ахид̇аанам̣ руд̣̇д̣̇авийрабхаяаанагарасаанам̣ д̣̇ассанагаа абхинаяаа. мохабажжаяаад̇и мохуббад̇д̇ияаа гааран̣абхууд̇аа. звамаад̣̇аяод̇и аад̣̇и-сад̣̇д̣̇зна сан̇г̇ахид̇аанам̣ гарун̣аасанд̇абхаяаанагарасаанам̣ д̣̇ассанагаа абхинаяаа. д̇з хи расз санд̇хааяа баал̣ияам̣ ‘‘яз д̇хаммаа раж̇анийяаа, яз д̇хаммаа д̣̇осанийяаа, яз д̇хаммаа моханийяаа’’д̇и жа вуд̇д̇ам̣.
Pubbe tathāpavattavuttantadassane saccena, tabbipariyāye alikena. Rāgapaccayāti rāguppattiyā kāraṇabhūtā. Mukhato…pe… dassanādayoti ādi-saddena mukhato aggijālanikkhamadassanādike saṅgaṇhāti. Aññe ca…pe… abhinayāti kāmassādasaṃyuttānaṃ siṅgārahassaabbhutarasānañceva ‘‘aññe cā’’ti vuttasantabībhaccharasānañca dassanakā abhinayā. Dosapaccayāti dosuppattiyā kāraṇabhūtā. Hatthapādacchedādīti ādi-saddena saṅgahitānaṃ ruddavīrabhayānakarasānaṃ dassanakā abhinayā. Mohapaccayāti mohuppattiyā kāraṇabhūtā. Evamādayoti ādi-saddena saṅgahitānaṃ karuṇāsantabhayānakarasānaṃ dassanakā abhinayā. Te hi rase sandhāya pāḷiyaṃ ‘‘ye dhammā rajanīyā, ye dhammā dosanīyā, ye dhammā mohanīyā’’ti ca vuttaṃ.
надавзсам̣ г̇ахзд̇ваава бажжанд̇и гаммасаригкавибаагавасзна. д̇ам̣ санд̇хааяаад̇и д̇ам̣ яат̇аавуд̇д̇ам̣ нираяз бажжанам̣ санд̇хааяа. зд̇ам̣ ‘‘бахаасо наама нираяо, д̇ад̇т̇а убабаж̇ж̇ад̇ий’’д̇и вуд̇д̇ам̣. яат̇аа логз ад̇т̇ависзсавасзна сагаммагааниби бад̣̇аани агаммагаани бхаванд̇и ‘‘вимужжад̇и бурисо’’д̇и, звам̣ ид̇ха ад̇т̇ависзсавасзна агаммагам̣ сагаммагам̣ гад̇ваа вуд̇д̇ам̣ – ‘‘наахам̣, бханд̇з, зд̇ам̣ род̣̇аамий’’д̇и. го бана со ад̇т̇ависзсо? асаханам̣ агкаманам̣, д̇асмаа на род̣̇аами на сахаами, на агкамаамийд̇и ад̇т̇о. род̣̇анагааран̣ан̃хи асаханд̇о д̇зна абхибхууд̇о род̣̇ад̇и. д̇амзвасса сагаммагабхаавасса гааран̣абхууд̇ам̣ ад̇т̇ависзсам̣ ‘‘на ассувиможанамад̇д̇знаа’’д̇и вуд̇д̇ам̣. мад̇ам̣ ваа, амма, род̣̇анд̇ийд̇и зд̇т̇ааби мад̇ам̣ род̣̇анд̇и, д̇асса маран̣ам̣ на саханд̇и, нагкаманд̇ийд̇и баагадояамад̇т̇од̇и.
Naṭavesaṃgahetvāva paccanti kammasarikkhavipākavasena. Taṃ sandhāyāti taṃ yathāvuttaṃ niraye paccanaṃ sandhāya. Etaṃ ‘‘pahāso nāma nirayo, tattha upapajjatī’’ti vuttaṃ. Yathā loke atthavisesavasena sakammakānipi padāni akammakāni bhavanti ‘‘vimuccati puriso’’ti, evaṃ idha atthavisesavasena akammakaṃ sakammakaṃ katvā vuttaṃ – ‘‘nāhaṃ, bhante, etaṃ rodāmī’’ti. Ko pana so atthaviseso? Asahanaṃ akkhamanaṃ, tasmā na rodāmi na sahāmi, na akkhamāmīti attho. Rodanakāraṇañhi asahanto tena abhibhūto rodati. Tamevassa sakammakabhāvassa kāraṇabhūtaṃ atthavisesaṃ ‘‘na assuvimocanamattenā’’ti vuttaṃ. Mataṃ vā, amma, rodantīti etthāpi mataṃ rodanti, tassa maraṇaṃ na sahanti, nakkhamantīti pākaṭoyamatthoti.
д̇аалабудасуд̇д̇аван̣н̣анаа нидтид̇аа.
Tālapuṭasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 2. д̇аалабудасуд̇д̇ам̣ • 2. Tālapuṭasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 2. д̇аалабудасуд̇д̇аван̣н̣анаа • 2. Tālapuṭasuttavaṇṇanā
