| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੨. ਤਾਲਪੁਟਸੁਤ੍ਤવਣ੍ਣਨਾ
2. Tālapuṭasuttavaṇṇanā
੩੫੪. ਦੁਤਿਯੇ ਤਾਲਪੁਟੋਤਿ ਏવਂਨਾਮਕੋ। ਤਸ੍ਸ ਕਿਰ ਬਨ੍ਧਨਾ ਪਮੁਤ੍ਤਤਾਲਪਕ੍ਕવਣ੍ਣੋ વਿਯ ਮੁਖવਣ੍ਣੋ વਿਪ੍ਪਸਨ੍ਨੋ ਅਹੋਸਿ, ਤੇਨਸ੍ਸ ਤਾਲਪੁਟੋਤਿ ਨਾਮਂ ਅਕਂਸੁ। ਸ੍વਾਯਂ ਅਭਿਨੀਹਾਰਸਮ੍ਪਨ੍ਨੋ ਪਚ੍ਛਿਮਭવਿਕਪੁਗ੍ਗਲੋ। ਯਸ੍ਮਾ ਪਨ ਪਟਿਸਨ੍ਧਿ ਨਾਮ ਅਨਿਯਤਾ ਆਕਾਸੇ ਖਿਤ੍ਤਦਣ੍ਡਸਦਿਸਾ, ਤਸ੍ਮਾ ਏਸ ਨਟਕੁਲੇ ਨਿਬ੍ਬਤ੍ਤਿ। વੁਡ੍ਢਿਪ੍ਪਤ੍ਤੋ ਪਨ ਨਟਸਿਪ੍ਪੇ ਅਗ੍ਗੋ ਹੁਤ੍વਾ ਸਕਲਜਮ੍ਬੁਦੀਪੇ ਪਾਕਟੋ ਜਾਤੋ। ਤਸ੍ਸ ਪਞ੍ਚ ਸਕਟਸਤਾਨਿ ਪਞ੍ਚ ਮਾਤੁਗਾਮਸਤਾਨਿ ਪਰਿવਾਰੋ, ਭਰਿਯਾਯਪਿਸ੍ਸ ਤਾવਤਕਾવਾਤਿ ਮਾਤੁਗਾਮਸਹਸ੍ਸੇਨ ਚੇવ ਸਕਟਸਹਸ੍ਸੇਨ ਚ ਸਦ੍ਧਿਂ ਯਂ ਯਂ ਨਗਰਂ વਾ ਨਿਗਮਂ વਾ ਪવਿਸਤਿ, ਤਤ੍ਥਸ੍ਸ ਪੁਰੇਤਰਮੇવ ਸਤਸਹਸ੍ਸਂ ਦੇਨ੍ਤਿ। ਸਮਜ੍ਜવੇਸਂ ਗਣ੍ਹਿਤ੍વਾ ਪਨ ਮਾਤੁਗਾਮਸਹਸ੍ਸੇਨ ਸਦ੍ਧਿਂ ਕੀਲ਼ਂ ਕਰੋਨ੍ਤਸ੍ਸ ਯਂ ਹਤ੍ਥੂਪਗਪਾਦੂਪਗਾਦਿਆਭਰਣਜਾਤਂ ਖਿਪਨ੍ਤਿ, ਤਸ੍ਸ ਪਰਿਯਨ੍ਤੋ ਨਤ੍ਥਿ। ਸੋ ਤਂਦਿવਸਂ ਮਾਤੁਗਾਮਸਹਸ੍ਸਪਰਿવਾਰਿਤੋ ਰਾਜਗਹੇ ਕੀਲ਼ਂ ਕਤ੍વਾ ਪਰਿਪਕ੍ਕਞਾਣਤ੍ਤਾ ਸਪਰਿવਾਰੋવ ਯੇਨ ਭਗવਾ ਤੇਨੁਪਸਙ੍ਕਮਿ।
354. Dutiye tālapuṭoti evaṃnāmako. Tassa kira bandhanā pamuttatālapakkavaṇṇo viya mukhavaṇṇo vippasanno ahosi, tenassa tālapuṭoti nāmaṃ akaṃsu. Svāyaṃ abhinīhārasampanno pacchimabhavikapuggalo. Yasmā pana paṭisandhi nāma aniyatā ākāse khittadaṇḍasadisā, tasmā esa naṭakule nibbatti. Vuḍḍhippatto pana naṭasippe aggo hutvā sakalajambudīpe pākaṭo jāto. Tassa pañca sakaṭasatāni pañca mātugāmasatāni parivāro, bhariyāyapissa tāvatakāvāti mātugāmasahassena ceva sakaṭasahassena ca saddhiṃ yaṃ yaṃ nagaraṃ vā nigamaṃ vā pavisati, tatthassa puretarameva satasahassaṃ denti. Samajjavesaṃ gaṇhitvā pana mātugāmasahassena saddhiṃ kīḷaṃ karontassa yaṃ hatthūpagapādūpagādiābharaṇajātaṃ khipanti, tassa pariyanto natthi. So taṃdivasaṃ mātugāmasahassaparivārito rājagahe kīḷaṃ katvā paripakkañāṇattā saparivārova yena bhagavā tenupasaṅkami.
ਸਚ੍ਚਾਲਿਕੇਨਾਤਿ ਸਚ੍ਚੇਨ ਚ ਅਲਿਕੇਨ ਚ। ਤਿਟ੍ਠਤੇਤਨ੍ਤਿ ਤਿਟ੍ਠਤੁ ਏਤਂ। ਰਜਨੀਯਾਤਿ ਰਾਗਪ੍ਪਚ੍ਚਯਾ ਮੁਖਤੋ ਪਞ੍ਚવਣ੍ਣਸੁਤ੍ਤਨੀਹਰਣવਾਤવੁਟ੍ਠਿਦਸ੍ਸਨਾਦਯੋ ਅਞ੍ਞੇ ਚ ਕਾਮਸ੍ਸਾਦਸਂਯੁਤ੍ਤਾਕਾਰਦਸ੍ਸਨਕਾ ਅਭਿਨਯਾ। ਭਿਯ੍ਯੋਸੋਮਤ੍ਤਾਯਾਤਿ ਅਧਿਕਪ੍ਪਮਾਣਤ੍ਤਾਯ। ਦੋਸਨੀਯਾਤਿ ਦੋਸਪ੍ਪਚ੍ਚਯਾ ਹਤ੍ਥਪਾਦਚ੍ਛੇਦਾਦਿਦਸ੍ਸਨਾਕਾਰਾ। ਮੋਹਨੀਯਾਤਿ ਮੋਹਪ੍ਪਚ੍ਚਯਾ ਉਦਕਂ ਗਹੇਤ੍વਾ ਤੇਲਕਰਣਂ, ਤੇਲਂ ਗਹੇਤ੍વਾ ਉਦਕਕਰਣਨ੍ਤਿ ਏવਮਾਦਯੋ ਮਾਯਾਪਭੇਦਾ।
Saccālikenāti saccena ca alikena ca. Tiṭṭhatetanti tiṭṭhatu etaṃ. Rajanīyāti rāgappaccayā mukhato pañcavaṇṇasuttanīharaṇavātavuṭṭhidassanādayo aññe ca kāmassādasaṃyuttākāradassanakā abhinayā. Bhiyyosomattāyāti adhikappamāṇattāya. Dosanīyāti dosappaccayā hatthapādacchedādidassanākārā. Mohanīyāti mohappaccayā udakaṃ gahetvā telakaraṇaṃ, telaṃ gahetvā udakakaraṇanti evamādayo māyāpabhedā.
ਪਹਾਸੋ ਨਾਮ ਨਿਰਯੋਤਿ વਿਸੁਂ ਪਹਾਸਨਾਮਕੋ ਨਿਰਯੋ ਨਾਮ ਨਤ੍ਥਿ, ਅવੀਚਿਸ੍ਸੇવ ਪਨ ਏਕਸ੍ਮਿਂ ਕੋਟ੍ਠਾਸੇ ਨਚ੍ਚਨ੍ਤਾ વਿਯ ਗਾਯਨ੍ਤਾ વਿਯ ਚ ਨਟવੇਸਂ ਗਹੇਤ੍વਾવ ਪਚ੍ਚਨ੍ਤਿ, ਤਂ ਸਨ੍ਧਾਯੇਤਂ વੁਤ੍ਤਂ। ਨਾਹਂ, ਭਨ੍ਤੇ, ਏਤਂ ਰੋਦਾਮੀਤਿ ਅਹਂ, ਭਨ੍ਤੇ, ਏਤਂ ਭਗવਤੋ ਬ੍ਯਾਕਰਣਂ ਨ ਰੋਦਾਮੀਤਿ ਏવਂ ਸਕਮ੍ਮਕવਸੇਨੇਤ੍ਥ ਅਤ੍ਥੋ વੇਦਿਤਬ੍ਬੋ, ਨ ਅਸ੍ਸੁવਿਮੋਚਨਮਤ੍ਤੇਨ। ‘‘ਮਤਂ વਾ ਅਮ੍ਮਰੋਦਨ੍ਤੀ’’ਤਿਆਦਯੋ ਚੇਤ੍ਥ ਅਞ੍ਞੇਪਿ વੋਹਾਰਾ વੇਦਿਤਬ੍ਬਾ।
Pahāsonāma nirayoti visuṃ pahāsanāmako nirayo nāma natthi, avīcisseva pana ekasmiṃ koṭṭhāse naccantā viya gāyantā viya ca naṭavesaṃ gahetvāva paccanti, taṃ sandhāyetaṃ vuttaṃ. Nāhaṃ, bhante, etaṃ rodāmīti ahaṃ, bhante, etaṃ bhagavato byākaraṇaṃ na rodāmīti evaṃ sakammakavasenettha attho veditabbo, na assuvimocanamattena. ‘‘Mataṃ vā ammarodantī’’tiādayo cettha aññepi vohārā veditabbā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੨. ਤਾਲਪੁਟਸੁਤ੍ਤਂ • 2. Tālapuṭasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੨. ਤਾਲਪੁਟਸੁਤ੍ਤવਣ੍ਣਨਾ • 2. Tālapuṭasuttavaṇṇanā
