Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā

19. бан̃н̃аасанибаад̇о

19. Paññāsanipāto

1. д̇аалабудад̇т̇зраг̇аат̇ааван̣н̣анаа

1. Tālapuṭattheragāthāvaṇṇanā

бан̃н̃аасанибаад̇з гад̣̇аа нуханд̇иаад̣̇игаа ааяасмад̇о д̇аалабудад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяам̣ гусалам̣ убажинид̇ваа имасмим̣ б̣уд̣̇д̇хуббаад̣̇з рааж̇аг̇ахз ан̃н̃ад̇арасмим̣ надагулз ниб̣б̣ад̇д̇ид̇ваа вин̃н̃уд̇ам̣ бад̇д̇о гулаануруубзсу нажжадтаанзсу нибпад̇д̇им̣ г̇анд̇ваа сагалаж̇амб̣уд̣̇ийбз баагадо надаг̇ааман̣и ахоси. со бан̃жасад̇амаад̇уг̇аамабаривааро махад̇аа надавибхавзна г̇ааманиг̇амарааж̇ад̇хаанийсу самаж̇ж̇ам̣ д̣̇ассзд̇ваа, маханд̇ам̣ бууж̇аасаггаарам̣ лабхид̇ваа, вижаранд̇о рааж̇аг̇ахам̣ ааг̇анд̇ваа, наг̇араваасийнам̣ самаж̇ж̇ам̣ д̣̇ассзд̇ваа, лад̣̇д̇хасаммаанасаггааро н̃аан̣асса барибаагам̣ г̇ад̇ад̇д̇аа сад̇т̇у санд̇игам̣ г̇анд̇ваа, ванд̣̇ид̇ваа згаманд̇ам̣ нисинно бхаг̇аванд̇ам̣ зд̇ад̣̇авожа – ‘‘суд̇амзд̇ам̣, бханд̇з, буб̣б̣агаанам̣ аажарияабаажарияаанам̣ надаанам̣ бхаасамаанаанам̣ ‘яо со надо ран̇г̇амаж̇жхз самаж̇ж̇амаж̇жхз сажжаалигзна ж̇анам̣ хаасзд̇и рамзд̇и, со гааяасса бхзд̣̇аа барам̣ маран̣аа бахаасаанам̣ д̣̇зваанам̣ сахаб̣яад̇ам̣ убабаж̇ж̇ад̇ий’д̇и, ид̇ха бхаг̇аваа гимаахаа’’д̇и. ат̇а нам̣ бхаг̇аваа д̇игкад̇д̇ум̣ бадигкиби ‘‘маа мам̣ зд̇ам̣ бужчий’’д̇и. жад̇уд̇т̇аваарам̣ будто ааха – ‘‘г̇ааман̣и, имз сад̇д̇аа багад̇ияааби рааг̇аб̣анд̇ханаб̣ад̣̇д̇хаа д̣̇осаб̣анд̇ханаб̣ад̣̇д̇хаа мохаб̣анд̇ханаб̣ад̣̇д̇хаа д̇зсам̣ бхияяоби раж̇анийяз д̣̇осанийяз моханийяз д̇хаммз убасам̣харанд̇о бамаад̣̇зд̇ваа гааяасса бхзд̣̇аа барам̣ маран̣аа нираяз убабаж̇ж̇ад̇и. сажз банасса звам̣д̣̇идти ход̇и ‘яо со надо ран̇г̇амаж̇жхз самаж̇ж̇амаж̇жхз сажжаалигзна ж̇анам̣ хаасзд̇и рамзд̇и, со гааяасса бхзд̣̇аа барам̣ маран̣аа бахаасаанам̣ д̣̇зваанам̣ сахаб̣яад̇ам̣ убабаж̇ж̇ад̇ий’’’д̇и саасса ход̇и мижчаад̣̇идти. мижчаад̣̇идтисса жа д̣̇виннам̣ г̇ад̇ийнам̣ ан̃н̃ад̇араа г̇ад̇и ижчид̇аб̣б̣аа, нираяасса ваа д̇иражчаанаяонияаа ваад̇и. д̇ам̣ суд̇ваа д̇аалабудо г̇ааман̣и барод̣̇и. нану г̇ааман̣и баг̇зва маяаа бадигкид̇д̇о ‘‘маа мам̣ зд̇ам̣ бужчий’’д̇и (сам̣. ни. 4.354)? ‘‘наахам̣, бханд̇з, зд̇ам̣ род̣̇аами, яам̣ мам̣ бхаг̇аваа надаанам̣ абхисамбарааяам̣ звамаахаа’’д̇и. аби жаахам̣, бханд̇з, буб̣б̣агзхи аажарияабаажариязхи надзхи ван̃жид̇о ‘‘надо махааж̇анасса надасамаж̇ж̇ам̣ д̣̇ассзд̇ваа суг̇ад̇им̣ убабаж̇ж̇ад̇ий’’д̇и. со сад̇т̇у санд̇игз д̇хаммам̣ суд̇ваа бадилад̣̇д̇хасад̣̇д̇хо баб̣б̣аж̇ид̇ваа лад̣̇д̇хуубасамбанно вибассанааяа гаммам̣ гаронд̇о нажирассзва арахад̇д̇ам̣ баабун̣и, ад̇хиг̇ад̇аарахад̇д̇о бана арахад̇д̇аббад̇д̇ид̇о буб̣б̣з язнаагаарзна ад̇д̇ано жид̇д̇ам̣ ниг̇г̇ан̣ханавасзна яонисоманасигааро уд̣̇абаад̣̇и, д̇ам̣ анзгад̇хаа вибхаж̇ид̇ваа д̣̇ассзд̇ум̣ –

Paññāsanipāte kadā nuhantiādikā āyasmato tālapuṭattherassa gāthā. Kā uppatti? Ayampi purimabuddhesu katādhikāro tattha tattha bhave vivaṭṭūpanissayaṃ kusalaṃ upacinitvā imasmiṃ buddhuppāde rājagahe aññatarasmiṃ naṭakule nibbattitvā viññutaṃ patto kulānurūpesu naccaṭṭhānesu nipphattiṃ gantvā sakalajambudīpe pākaṭo naṭagāmaṇi ahosi. So pañcasatamātugāmaparivāro mahatā naṭavibhavena gāmanigamarājadhānīsu samajjaṃ dassetvā, mahantaṃ pūjāsakkāraṃ labhitvā, vicaranto rājagahaṃ āgantvā, nagaravāsīnaṃ samajjaṃ dassetvā, laddhasammānasakkāro ñāṇassa paripākaṃ gatattā satthu santikaṃ gantvā, vanditvā ekamantaṃ nisinno bhagavantaṃ etadavoca – ‘‘sutametaṃ, bhante, pubbakānaṃ ācariyapācariyānaṃ naṭānaṃ bhāsamānānaṃ ‘yo so naṭo raṅgamajjhe samajjamajjhe saccālikena janaṃ hāseti rameti, so kāyassa bhedā paraṃ maraṇā pahāsānaṃ devānaṃ sahabyataṃ upapajjatī’ti, idha bhagavā kimāhā’’ti. Atha naṃ bhagavā tikkhattuṃ paṭikkhipi ‘‘mā maṃ etaṃ pucchī’’ti. Catutthavāraṃ puṭṭho āha – ‘‘gāmaṇi, ime sattā pakatiyāpi rāgabandhanabaddhā dosabandhanabaddhā mohabandhanabaddhā tesaṃ bhiyyopi rajanīye dosanīye mohanīye dhamme upasaṃharanto pamādetvā kāyassa bhedā paraṃ maraṇā niraye upapajjati. Sace panassa evaṃdiṭṭhi hoti ‘yo so naṭo raṅgamajjhe samajjamajjhe saccālikena janaṃ hāseti rameti, so kāyassa bhedā paraṃ maraṇā pahāsānaṃ devānaṃ sahabyataṃ upapajjatī’’’ti sāssa hoti micchādiṭṭhi. Micchādiṭṭhissa ca dvinnaṃ gatīnaṃ aññatarā gati icchitabbā, nirayassa vā tiracchānayoniyā vāti. Taṃ sutvā tālapuṭo gāmaṇi parodi. Nanu gāmaṇi pageva mayā paṭikkhitto ‘‘mā maṃ etaṃ pucchī’’ti (saṃ. ni. 4.354)? ‘‘Nāhaṃ, bhante, etaṃ rodāmi, yaṃ maṃ bhagavā naṭānaṃ abhisamparāyaṃ evamāhā’’ti. Api cāhaṃ, bhante, pubbakehi ācariyapācariyehi naṭehi vañcito ‘‘naṭo mahājanassa naṭasamajjaṃ dassetvā sugatiṃ upapajjatī’’ti. So satthu santike dhammaṃ sutvā paṭiladdhasaddho pabbajitvā laddhūpasampanno vipassanāya kammaṃ karonto nacirasseva arahattaṃ pāpuṇi, adhigatārahatto pana arahattappattito pubbe yenākārena attano cittaṃ niggaṇhanavasena yonisomanasikāro udapādi, taṃ anekadhā vibhajitvā dassetuṃ –

1094.

‘‘гад̣̇аа нухам̣ баб̣б̣ад̇аганд̣̇араасу, згаагияо ад̣̇д̣̇уд̇ияо вихассам̣;

‘‘Kadā nuhaṃ pabbatakandarāsu, ekākiyo addutiyo vihassaṃ;

анижжад̇о саб̣б̣абхавам̣ вибассам̣, д̇ам̣ мз ид̣̇ам̣ д̇ам̣ ну гад̣̇аа бхависсад̇и.

Aniccato sabbabhavaṃ vipassaṃ, taṃ me idaṃ taṃ nu kadā bhavissati.

1095.

‘‘гад̣̇аа нухам̣ бхиннабаданд̇харо муни, гаасаававад̇т̇о амамо нираасо;

‘‘Kadā nuhaṃ bhinnapaṭandharo muni, kāsāvavattho amamo nirāso;

рааг̇ан̃жа д̣̇осан̃жа д̇ат̇зва мохам̣, ханд̇ваа сукий баванаг̇ад̇о вихассам̣.

Rāgañca dosañca tatheva mohaṃ, hantvā sukhī pavanagato vihassaṃ.

1096.

‘‘гад̣̇аа анижжам̣ вад̇харог̇анийл̣ам̣, гааяам̣ имам̣ мажжуж̇арааяубад̣̇д̣̇уд̇ам̣;

‘‘Kadā aniccaṃ vadharoganīḷaṃ, kāyaṃ imaṃ maccujarāyupaddutaṃ;

вибассамаано вийд̇абхаяо вихассам̣, зго ванз д̇ам̣ ну гад̣̇аа бхависсад̇и.

Vipassamāno vītabhayo vihassaṃ, eko vane taṃ nu kadā bhavissati.

1097.

‘‘гад̣̇аа нухам̣ бхаяаж̇ананим̣ д̣̇укаавахам̣, д̇ан̣хаалад̇ам̣ б̣ахувид̇хаанувад̇д̇аним̣;

‘‘Kadā nuhaṃ bhayajananiṃ dukhāvahaṃ, taṇhālataṃ bahuvidhānuvattaniṃ;

бан̃н̃аамаяам̣ д̇икин̣амасим̣ г̇ахзд̇ваа, чзд̇ваа васз д̇амби гад̣̇аа бхависсад̇и.

Paññāmayaṃ tikhiṇamasiṃ gahetvā, chetvā vase tampi kadā bhavissati.

1098.

‘‘гад̣̇аа ну бан̃н̃аамаяамуг̇г̇ад̇зж̇ам̣, сад̇т̇ам̣ исийнам̣ сахасаад̣̇ияид̇ваа;

‘‘Kadā nu paññāmayamuggatejaṃ, satthaṃ isīnaṃ sahasādiyitvā;

маарам̣ сасзнам̣ сахасаа бхан̃ж̇иссам̣, сийхаасанз д̇ам̣ ну гад̣̇аа бхависсад̇и.

Māraṃ sasenaṃ sahasā bhañjissaṃ, sīhāsane taṃ nu kadā bhavissati.

1099.

‘‘гад̣̇аа нухам̣ саб̣бхи самааг̇амзсу, д̣̇идто бхавз д̇хаммаг̇аруухи д̇аад̣̇ибхи;

‘‘Kadā nuhaṃ sabbhi samāgamesu, diṭṭho bhave dhammagarūhi tādibhi;

яаат̇аавад̣̇ассийхи ж̇ид̇инд̣̇риязхи, бад̇хаанияо д̇ам̣ ну гад̣̇аа бхависсад̇и.

Yāthāvadassīhi jitindriyehi, padhāniyo taṃ nu kadā bhavissati.

1100.

‘‘гад̣̇аа ну мам̣ д̇анд̣̇и куд̣̇аа бибаасаа, ваад̇аад̇абаа гийдасарийсабаа ваа;

‘‘Kadā nu maṃ tandi khudā pipāsā, vātātapā kīṭasarīsapā vā;

на б̣аад̇хаяиссанд̇и на д̇ам̣ г̇ириб̣б̣аж̇з, ад̇т̇ад̇т̇ияам̣ д̇ам̣ ну гад̣̇аа бхависсад̇и.

Na bādhayissanti na taṃ giribbaje, atthatthiyaṃ taṃ nu kadā bhavissati.

1101.

‘‘гад̣̇аа ну ко яам̣ вид̣̇ид̇ам̣ махзсинаа, жад̇д̇аари сажжаани суд̣̇уд̣̇д̣̇асаани;

‘‘Kadā nu kho yaṃ viditaṃ mahesinā, cattāri saccāni sududdasāni;

самаахид̇ад̇д̇о сад̇имаа аг̇ажчам̣, бан̃н̃ааяа д̇ам̣ д̇ам̣ ну гад̣̇аа бхависсад̇и.

Samāhitatto satimā agacchaṃ, paññāya taṃ taṃ nu kadā bhavissati.

1102.

‘‘гад̣̇аа ну руубз амид̇з жа сад̣̇д̣̇з, г̇анд̇хз расз пусид̇аб̣б̣з жа д̇хаммз;

‘‘Kadā nu rūpe amite ca sadde, gandhe rase phusitabbe ca dhamme;

аад̣̇ид̇д̇ад̇охам̣ самат̇зхи яуд̇д̇о, бан̃н̃ааяа д̣̇ажчам̣ д̇ад̣̇ид̣̇ам̣ гад̣̇аа мз.

Ādittatohaṃ samathehi yutto, paññāya dacchaṃ tadidaṃ kadā me.

1103.

‘‘гад̣̇аа нухам̣ д̣̇уб̣б̣ажанзна вуд̇д̇о, д̇ад̇о нимид̇д̇ам̣ вимано на хзссам̣;

‘‘Kadā nuhaṃ dubbacanena vutto, tato nimittaṃ vimano na hessaṃ;

ат̇о басад̇т̇оби д̇ад̇о нимид̇д̇ам̣, д̇удто на хзссам̣ д̇ад̣̇ид̣̇ам̣ гад̣̇аа мз.

Atho pasatthopi tato nimittaṃ, tuṭṭho na hessaṃ tadidaṃ kadā me.

1104.

‘‘гад̣̇аа ну гадтз жа д̇ин̣з лад̇аа жа, канд̇хз имзхам̣ амид̇з жа д̇хаммз;

‘‘Kadā nu kaṭṭhe ca tiṇe latā ca, khandhe imehaṃ amite ca dhamme;

аж̇жхад̇д̇игаанзва жа б̣аахираани жа, самам̣ д̇улзяяам̣ д̇ад̣̇ид̣̇ам̣ гад̣̇аа мз.

Ajjhattikāneva ca bāhirāni ca, samaṃ tuleyyaṃ tadidaṃ kadā me.

1105.

‘‘гад̣̇аа ну мам̣ баавусагааламзгхо, навзна д̇оязна сажийварам̣ ванз;

‘‘Kadā nu maṃ pāvusakālamegho, navena toyena sacīvaraṃ vane;

исиббаяаад̇амхи бат̇з важ̇анд̇ам̣, овассад̇з д̇ам̣ ну гад̣̇аа бхависсад̇и.

Isippayātamhi pathe vajantaṃ, ovassate taṃ nu kadā bhavissati.

1106.

‘‘гад̣̇аа маяуурасса сикан̣д̣ино ванз, д̣̇иж̇асса суд̇ваа г̇ириг̇аб̣бхарз руд̇ам̣;

‘‘Kadā mayūrassa sikhaṇḍino vane, dijassa sutvā girigabbhare rutaṃ;

бажжудтахид̇ваа амад̇асса бад̇д̇ияаа, сам̣жинд̇аяз д̇ам̣ ну гад̣̇аа бхависсад̇и.

Paccuṭṭhahitvā amatassa pattiyā, saṃcintaye taṃ nu kadā bhavissati.

1107.

‘‘гад̣̇аа ну г̇ан̇г̇ам̣ яамунам̣ сарассад̇им̣, баад̇аалакид̇д̇ам̣ вал̣аваамукан̃жа;

‘‘Kadā nu gaṅgaṃ yamunaṃ sarassatiṃ, pātālakhittaṃ vaḷavāmukhañca;

асаж̇ж̇амаано бад̇арзяяамид̣̇д̇хияаа, вибхим̣санам̣ д̇ам̣ ну гад̣̇аа бхависсад̇и.

Asajjamāno patareyyamiddhiyā, vibhiṃsanaṃ taṃ nu kadā bhavissati.

1108.

‘‘гад̣̇аа ну нааг̇ова асан̇г̇ажаарий, бад̣̇аалаяз гаамаг̇ун̣зсу чанд̣̇ам̣;

‘‘Kadā nu nāgova asaṅgacārī, padālaye kāmaguṇesu chandaṃ;

ниб̣б̣аж̇ж̇аяам̣ саб̣б̣асубхам̣ нимид̇д̇ам̣, жхаанз яуд̇о д̇ам̣ ну гад̣̇аа бхависсад̇и.

Nibbajjayaṃ sabbasubhaṃ nimittaṃ, jhāne yuto taṃ nu kadā bhavissati.

1109.

‘‘гад̣̇аа ин̣аддова д̣̇алид̣̇д̣̇аго нид̇хим̣, аараад̇хаяид̇ваа д̇ханигзхи бийл̣ид̇о;

‘‘Kadā iṇaṭṭova daliddako nidhiṃ, ārādhayitvā dhanikehi pīḷito;

д̇удто бхависсам̣ ад̇хиг̇амма саасанам̣, махзсино д̇ам̣ ну гад̣̇аа бхависсад̇и.

Tuṭṭho bhavissaṃ adhigamma sāsanaṃ, mahesino taṃ nu kadā bhavissati.

1110.

‘‘б̣ахууни вассаани д̇аяаамхи яаажид̇о, аг̇аараваасзна алам̣ ну д̇з ид̣̇ам̣;

‘‘Bahūni vassāni tayāmhi yācito, agāravāsena alaṃ nu te idaṃ;

д̇ам̣ д̣̇аани мам̣ баб̣б̣аж̇ид̇ам̣ самаанам̣, гим̣гааран̣аа жид̇д̇а д̇увам̣ на яун̃ж̇аси.

Taṃ dāni maṃ pabbajitaṃ samānaṃ, kiṃkāraṇā citta tuvaṃ na yuñjasi.

1111.

‘‘нану ахам̣ жид̇д̇а д̇аяаамхи яаажид̇о, г̇ириб̣б̣аж̇з жид̇рачад̣̇аа вихан̇г̇амаа;

‘‘Nanu ahaṃ citta tayāmhi yācito, giribbaje citrachadā vihaṅgamā;

махинд̣̇агхосад̇т̇анид̇аабхиг̇аж̇ж̇ино, д̇з д̇ам̣ рамзссанд̇и ванамхи жхааяинам̣.

Mahindaghosatthanitābhigajjino, te taṃ ramessanti vanamhi jhāyinaṃ.

1112.

‘‘гуламхи мид̇д̇з жа бияз жа н̃аад̇агз, кид̣д̣аарад̇им̣ гаамаг̇ун̣ан̃жа логз;

‘‘Kulamhi mitte ca piye ca ñātake, khiḍḍāratiṃ kāmaguṇañca loke;

саб̣б̣ам̣ бахааяа имамаж̇жхубааг̇ад̇о, ат̇оби д̇вам̣ жид̇д̇а на маяха д̇уссаси.

Sabbaṃ pahāya imamajjhupāgato, athopi tvaṃ citta na mayha tussasi.

1113.

‘‘мамзва зд̇ам̣ на хи д̇вам̣ барзсам̣, саннаахагаалз барид̣̇звид̇зна гим̣;

‘‘Mameva etaṃ na hi tvaṃ paresaṃ, sannāhakāle paridevitena kiṃ;

саб̣б̣ам̣ ид̣̇ам̣ жаламид̇и бзгкамаано, абхинигкамим̣ амад̇абад̣̇ам̣ ж̇иг̇ийсам̣.

Sabbaṃ idaṃ calamiti pekkhamāno, abhinikkhamiṃ amatapadaṃ jigīsaṃ.

1114.

‘‘суяуд̇д̇аваад̣̇ий д̣̇вибад̣̇аанамуд̇д̇амо, махаабхисагго нарад̣̇аммасаарат̇и;

‘‘Suyuttavādī dvipadānamuttamo, mahābhisakko naradammasārathi;

жид̇д̇ам̣ жалам̣ маггадасаннибхам̣ ид̇и, авийд̇арааг̇зна суд̣̇унниваараяам̣.

Cittaṃ calaṃ makkaṭasannibhaṃ iti, avītarāgena sudunnivārayaṃ.

1115.

‘‘гаамаа хи жид̇раа мад̇хураа манорамаа, авид̣̇д̣̇асуу яад̇т̇а сид̇аа бут̇уж̇ж̇анаа;

‘‘Kāmā hi citrā madhurā manoramā, aviddasū yattha sitā puthujjanā;

д̇з д̣̇угкамижчанд̇и бунаб̣бхавзсино, жид̇д̇зна нийд̇аа нираяз нираагад̇аа.

Te dukkhamicchanti punabbhavesino, cittena nītā niraye nirākatā.

1116.

‘‘маяуурагон̃жаабхируд̇амхи гаананз, д̣̇ийбийхи б̣яаг̇гхзхи бурагкад̇о васам̣;

‘‘Mayūrakoñcābhirutamhi kānane, dīpīhi byagghehi purakkhato vasaṃ;

гааяз абзгкам̣ ж̇аха маа вираад̇хаяа, ид̇иссу мам̣ жид̇д̇а бурз нияун̃ж̇аси.

Kāye apekkhaṃ jaha mā virādhaya, itissu maṃ citta pure niyuñjasi.

1117.

‘‘бхаавзхи жхаанаани жа инд̣̇рияаани жа, б̣алаани б̣ож̇жхан̇г̇асамаад̇хибхааванаа;

‘‘Bhāvehi jhānāni ca indriyāni ca, balāni bojjhaṅgasamādhibhāvanā;

д̇иссо жа виж̇ж̇аа пуса б̣уд̣̇д̇хасаасанз, ид̇иссу мам̣ жид̇д̇а бурз нияун̃ж̇аси.

Tisso ca vijjā phusa buddhasāsane, itissu maṃ citta pure niyuñjasi.

1118.

‘‘бхаавзхи маг̇г̇ам̣ амад̇асса бад̇д̇ияаа, нияяаанигам̣ саб̣б̣ад̣̇укагкаяог̇ад̇хам̣;

‘‘Bhāvehi maggaṃ amatassa pattiyā, niyyānikaṃ sabbadukhakkhayogadhaṃ;

адтан̇г̇игам̣ саб̣б̣агилзсасод̇ханам̣, ид̇иссу мам̣ жид̇д̇а бурз нияун̃ж̇аси.

Aṭṭhaṅgikaṃ sabbakilesasodhanaṃ, itissu maṃ citta pure niyuñjasi.

1119.

‘‘д̣̇угканд̇и канд̇хз бадибасса яонисо, яад̇о жа д̣̇угкам̣ самуд̣̇зд̇и д̇ам̣ ж̇аха;

‘‘Dukkhanti khandhe paṭipassa yoniso, yato ca dukkhaṃ samudeti taṃ jaha;

ид̇хзва д̣̇угкасса гарохи анд̇ам̣, ид̇иссу мам̣ жид̇д̇а бурз нияун̃ж̇аси.

Idheva dukkhassa karohi antaṃ, itissu maṃ citta pure niyuñjasi.

1120.

‘‘анижжам̣ д̣̇угканд̇и вибасса яонисо, сун̃н̃ам̣ анад̇д̇аад̇и агхам̣ вад̇ханд̇и жа;

‘‘Aniccaṃ dukkhanti vipassa yoniso, suññaṃ anattāti aghaṃ vadhanti ca;

мановижаарз убарунд̇ха жзд̇асо, ид̇иссу мам̣ жид̇д̇а бурз нияун̃ж̇аси.

Manovicāre uparundha cetaso, itissu maṃ citta pure niyuñjasi.

1121.

‘‘мун̣д̣о вируубо абхисаабамааг̇ад̇о, габаалахад̇т̇ова гулзсу бхигкасу;

‘‘Muṇḍo virūpo abhisāpamāgato, kapālahatthova kulesu bhikkhasu;

яун̃ж̇ассу сад̇т̇уважанз махзсино, ид̇иссу мам̣ жид̇д̇а бурз нияун̃ж̇аси.

Yuñjassu satthuvacane mahesino, itissu maṃ citta pure niyuñjasi.

1122.

‘‘сусам̣вуд̇ад̇д̇о висиканд̇арз жарам̣, гулзсу гаамзсу асан̇г̇амаанасо;

‘‘Susaṃvutatto visikhantare caraṃ, kulesu kāmesu asaṅgamānaso;

жанд̣̇о яат̇аа д̣̇осинабун̣н̣амаасияаа, ид̇иссу мам̣ жид̇д̇а бурз нияун̃ж̇аси.

Cando yathā dosinapuṇṇamāsiyā, itissu maṃ citta pure niyuñjasi.

1123.

‘‘ааран̃н̃иго хохи жа бин̣д̣абаад̇иго, сосааниго хохи жа бам̣сугуулиго;

‘‘Āraññiko hohi ca piṇḍapātiko, sosāniko hohi ca paṃsukūliko;

нзсаж̇ж̇иго хохи сад̣̇аа д̇худ̇з рад̇о, ид̇иссу мам̣ жид̇д̇а бурз нияун̃ж̇аси.

Nesajjiko hohi sadā dhute rato, itissu maṃ citta pure niyuñjasi.

1124.

‘‘робзд̇ва ругкаани яат̇аа палзсий, муулз д̇арум̣ чзд̇д̇у д̇амзва ижчаси;

‘‘Ropetva rukkhāni yathā phalesī, mūle taruṃ chettu tameva icchasi;

д̇ат̇уубамам̣ жид̇д̇амид̣̇ам̣ гароси, яам̣ мам̣ анижжамхи жалз нияун̃ж̇аси.

Tathūpamaṃ cittamidaṃ karosi, yaṃ maṃ aniccamhi cale niyuñjasi.

1125.

‘‘арууба д̣̇ууран̇г̇ама згажаари, на д̇з гариссам̣ важанам̣ ид̣̇аанихам̣;

‘‘Arūpa dūraṅgama ekacāri, na te karissaṃ vacanaṃ idānihaṃ;

д̣̇угкаа хи гаамаа гадугаа махаб̣бхаяаа, ниб̣б̣аанамзваабхимано жариссам̣.

Dukkhā hi kāmā kaṭukā mahabbhayā, nibbānamevābhimano carissaṃ.

1126.

‘‘наахам̣ алагкяаа ахириггад̇ааяа ваа,

‘‘Nāhaṃ alakkhyā ahirikkatāya vā,

на жид̇д̇ахзд̇уу на жа д̣̇уураганд̇анаа;

Na cittahetū na ca dūrakantanā;

ааж̇ийвахзд̇уу жа ахам̣ на нигкамим̣,

Ājīvahetū ca ahaṃ na nikkhamiṃ,

гад̇о жа д̇з жид̇д̇а бадиссаво маяаа.

Kato ca te citta paṭissavo mayā.

1127.

‘‘аббижчад̇аа саббурисзхи ван̣н̣ид̇аа, магкаббахаанам̣ вуубасамо д̣̇укасса;

‘‘Appicchatā sappurisehi vaṇṇitā, makkhappahānaṃ vūpasamo dukhassa;

ид̇иссу мам̣ жид̇д̇а д̇ад̣̇аа нияун̃ж̇аси, ид̣̇аани д̇вам̣ г̇ажчаси буб̣б̣ажин̣н̣ам̣.

Itissu maṃ citta tadā niyuñjasi, idāni tvaṃ gacchasi pubbaciṇṇaṃ.

1128.

‘‘д̇ан̣хаа авиж̇ж̇аа жа бияаабияан̃жа, субхаани руубаани сукаа жа взд̣̇анаа;

‘‘Taṇhā avijjā ca piyāpiyañca, subhāni rūpāni sukhā ca vedanā;

манаабияаа гаамаг̇ун̣аа жа ванд̇аа, ванд̇з ахам̣ аавамид̇ум̣ на уссахз.

Manāpiyā kāmaguṇā ca vantā, vante ahaṃ āvamituṃ na ussahe.

1129.

‘‘саб̣б̣ад̇т̇а д̇з жид̇д̇а важо гад̇ам̣ маяаа, б̣ахуусу ж̇аад̇ийсу намзси гобид̇о;

‘‘Sabbattha te citta vaco kataṃ mayā, bahūsu jātīsu namesi kopito;

аж̇жхад̇д̇асамбхаво гад̇ан̃н̃уд̇ааяа д̇з, д̣̇угкз жирам̣ сам̣сарид̇ам̣ д̇аяаа гад̇з.

Ajjhattasambhavo kataññutāya te, dukkhe ciraṃ saṃsaritaṃ tayā kate.

1130.

‘‘д̇ван̃н̃зва но жид̇д̇а гароси б̣раахман̣о, д̇вам̣ кад̇д̇ияо рааж̇ад̣̇асий гароси;

‘‘Tvaññeva no citta karosi brāhmaṇo, tvaṃ khattiyo rājadasī karosi;

взссаа жа суд̣̇д̣̇аа жа бхаваама згад̣̇аа, д̣̇звад̇д̇анам̣ вааби д̇авзва ваахасаа.

Vessā ca suddā ca bhavāma ekadā, devattanaṃ vāpi taveva vāhasā.

1131.

‘‘д̇авзва хзд̇уу асураа бхаваамасз, д̇вам̣муулагам̣ нзраяигаа бхаваамасз;

‘‘Taveva hetū asurā bhavāmase, tvaṃmūlakaṃ nerayikā bhavāmase;

ат̇о д̇иражчаанаг̇ад̇ааби згад̣̇аа, бзд̇ад̇д̇анам̣ вааби д̇авзва ваахасаа.

Atho tiracchānagatāpi ekadā, petattanaṃ vāpi taveva vāhasā.

1132.

‘‘нану д̣̇уб̣бхиссаси мам̣ бунаббунам̣, мухум̣ мухум̣ жааран̣игам̣ва д̣̇ассаяам̣;

‘‘Nanu dubbhissasi maṃ punappunaṃ, muhuṃ muhuṃ cāraṇikaṃva dassayaṃ;

уммад̇д̇агзнзва маяаа балобхаси, гин̃жааби д̇з жид̇д̇а вираад̇хид̇ам̣ маяаа.

Ummattakeneva mayā palobhasi, kiñcāpi te citta virādhitaṃ mayā.

1133.

‘‘ид̣̇ам̣ бурз жид̇д̇амажаари жааригам̣, язнижчагам̣ яад̇т̇агаамам̣ яат̇аасукам̣;

‘‘Idaṃ pure cittamacāri cārikaṃ, yenicchakaṃ yatthakāmaṃ yathāsukhaṃ;

д̇ад̣̇аж̇ж̇ахам̣ ниг̇г̇ахзссаами яонисо, хад̇т̇иббабхиннам̣ вияа ан̇г̇усаг̇г̇ахо.

Tadajjahaṃ niggahessāmi yoniso, hatthippabhinnaṃ viya aṅgusaggaho.

1134.

‘‘сад̇т̇аа жа мз логамимам̣ ад̇хидтахи, анижжад̇о ад̣̇д̇хувад̇о асаарад̇о;

‘‘Satthā ca me lokamimaṃ adhiṭṭhahi, aniccato addhuvato asārato;

багканд̣̇а мам̣ жид̇д̇а ж̇инасса саасанз, д̇аарзхи огхаа махад̇аа суд̣̇уд̇д̇араа.

Pakkhanda maṃ citta jinassa sāsane, tārehi oghā mahatā suduttarā.

1135.

‘‘на д̇з ид̣̇ам̣ жид̇д̇а яат̇аа бураан̣агам̣, наахам̣ алам̣ д̇уяха васз нивад̇д̇ид̇ум̣;

‘‘Na te idaṃ citta yathā purāṇakaṃ, nāhaṃ alaṃ tuyha vase nivattituṃ;

махзсино баб̣б̣аж̇ид̇омхи саасанз, на маад̣̇исаа хонд̇и винаасад̇хаарино.

Mahesino pabbajitomhi sāsane, na mādisā honti vināsadhārino.

1136.

‘‘наг̇аа самуд̣̇д̣̇аа сарид̇аа васунд̇хараа, д̣̇исаа жад̇ассо вид̣̇исаа ад̇хо д̣̇иваа;

‘‘Nagā samuddā saritā vasundharā, disā catasso vidisā adho divā;

саб̣б̣з анижжаа д̇ибхаваа убад̣̇д̣̇уд̇аа, гухим̣ г̇ад̇о жид̇д̇а сукам̣ рамиссаси.

Sabbe aniccā tibhavā upaddutā, kuhiṃ gato citta sukhaṃ ramissasi.

1137.

‘‘д̇хид̇иббарам̣ гим̣ мама жид̇д̇а гаахиси, на д̇з алам̣ жид̇д̇а васаанувад̇д̇аго;

‘‘Dhitipparaṃ kiṃ mama citta kāhisi, na te alaṃ citta vasānuvattako;

на ж̇аад̇у бхасд̇ам̣ убхад̇омукам̣ чубз, д̇хирад̇т̇у буурам̣ навасод̇асанд̣̇аним̣.

Na jātu bhastaṃ ubhatomukhaṃ chupe, dhiratthu pūraṃ navasotasandaniṃ.

1138.

‘‘вараахазн̣зяяавиг̇аал̣хасзвид̇з, баб̣бхаарагуддз багад̇зва сунд̣̇арз;

‘‘Varāhaeṇeyyavigāḷhasevite, pabbhārakuṭṭe pakateva sundare;

навамб̣унаа баавусасид̇д̇агаананз, д̇ахим̣ г̇ухааг̇зхаг̇ад̇о рамиссаси.

Navambunā pāvusasittakānane, tahiṃ guhāgehagato ramissasi.

1139.

‘‘сунийлаг̇ийваа сусикаа субзкунаа, сужид̇д̇абад̇д̇ажчад̣̇анаа вихан̇г̇амаа;

‘‘Sunīlagīvā susikhā supekhunā, sucittapattacchadanā vihaṅgamā;

суман̃ж̇угхосад̇т̇анид̇аабхиг̇аж̇ж̇ино, д̇з д̇ам̣ рамзссанд̇и ванамхи жхааяинам̣.

Sumañjughosatthanitābhigajjino, te taṃ ramessanti vanamhi jhāyinaṃ.

1140.

‘‘вудтамхи д̣̇звз жад̇уран̇г̇улз д̇ин̣з, сам̣бубпид̇з мзгханибхамхи гаананз;

‘‘Vuṭṭhamhi deve caturaṅgule tiṇe, saṃpupphite meghanibhamhi kānane;

наг̇анд̇арз видабисамо саяиссам̣, д̇ам̣ мз муд̣̇уу хзхид̇и д̇ууласаннибхам̣.

Nagantare viṭapisamo sayissaṃ, taṃ me mudū hehiti tūlasannibhaṃ.

1141.

‘‘д̇ат̇аа д̇у гассаами яат̇ааби иссаро, яам̣ лаб̣бхад̇и д̇знаби ход̇у мз алам̣;

‘‘Tathā tu kassāmi yathāpi issaro, yaṃ labbhati tenapi hotu me alaṃ;

на д̇аахам̣ гассаами яат̇аа ад̇анд̣̇ид̇о, б̣ил̣аарабхасд̇ам̣ва яат̇аа сумад̣̇д̣̇ид̇ам̣.

Na tāhaṃ kassāmi yathā atandito, biḷārabhastaṃva yathā sumadditaṃ.

1142.

‘‘д̇ат̇аа д̇у гассаами яат̇ааби иссаро, яам̣ лаб̣бхад̇и д̇знаби ход̇у мз алам̣;

‘‘Tathā tu kassāmi yathāpi issaro, yaṃ labbhati tenapi hotu me alaṃ;

вириязна д̇ам̣ маяха васаанаяиссам̣, г̇аж̇ам̣ва мад̇д̇ам̣ гусалан̇гусаг̇г̇ахо.

Viriyena taṃ mayha vasānayissaṃ, gajaṃva mattaṃ kusalaṅkusaggaho.

1143.

‘‘д̇аяаа суд̣̇анд̇зна авадтид̇зна хи, хаязна яог̇г̇аажарияова уж̇ж̇унаа;

‘‘Tayā sudantena avaṭṭhitena hi, hayena yoggācariyova ujjunā;

бахоми маг̇г̇ам̣ бадибаж̇ж̇ид̇ум̣ сивам̣, жид̇д̇аанурагкийхи сад̣̇аа нисзвид̇ам̣.

Pahomi maggaṃ paṭipajjituṃ sivaṃ, cittānurakkhīhi sadā nisevitaṃ.

1144.

‘‘аарамман̣з д̇ам̣ б̣аласаа ниб̣анд̇хисам̣, нааг̇ам̣ва т̇амбхамхи д̣̇ал̣хааяа раж̇ж̇уяаа;

‘‘Ārammaṇe taṃ balasā nibandhisaṃ, nāgaṃva thambhamhi daḷhāya rajjuyā;

д̇ам̣ мз суг̇уд̇д̇ам̣ сад̇ияаа субхаавид̇ам̣, аниссид̇ам̣ саб̣б̣абхавзсу хзхиси.

Taṃ me suguttaṃ satiyā subhāvitaṃ, anissitaṃ sabbabhavesu hehisi.

1145.

‘‘бан̃н̃ааяа чзд̇ваа вибат̇аанусааринам̣, яог̇зна ниг̇г̇аяха бат̇з нивзсияа;

‘‘Paññāya chetvā vipathānusārinaṃ, yogena niggayha pathe nivesiya;

д̣̇исваа самуд̣̇аяам̣ вибхаван̃жа самбхавам̣, д̣̇ааяаад̣̇аго хзхиси аг̇г̇аваад̣̇ино.

Disvā samudayaṃ vibhavañca sambhavaṃ, dāyādako hehisi aggavādino.

1146.

‘‘жад̇уб̣б̣ибаллаасавасам̣ ад̇хидтид̇ам̣, г̇ааман̣д̣алам̣ва баринзси жид̇д̇а мам̣;

‘‘Catubbipallāsavasaṃ adhiṭṭhitaṃ, gāmaṇḍalaṃva parinesi citta maṃ;

нану сам̣яож̇анаб̣анд̇ханажчид̣̇ам̣, сам̣сзвасз гаарун̣игам̣ махаамуним̣.

Nanu saṃyojanabandhanacchidaṃ, saṃsevase kāruṇikaṃ mahāmuniṃ.

1147.

‘‘миг̇о яат̇аа сзри сужид̇д̇агаананз, раммам̣ г̇ирим̣ баавусааб̣бхамаалиним̣;

‘‘Migo yathā seri sucittakānane, rammaṃ giriṃ pāvusaabbhamāliniṃ;

анаагулз д̇ад̇т̇а наг̇з рамиссам̣, асам̣саяам̣ жид̇д̇а бараа бхависсаси.

Anākule tattha nage ramissaṃ, asaṃsayaṃ citta parā bhavissasi.

1148.

‘‘яз д̇уяха чанд̣̇зна васзна вад̇д̇ино,

‘‘Ye tuyha chandena vasena vattino,

нараа жа наарий жа анубхонд̇и яам̣ сукам̣;

Narā ca nārī ca anubhonti yaṃ sukhaṃ;

авид̣̇д̣̇асуу мааравасаанувад̇д̇ино,

Aviddasū māravasānuvattino,

бхаваабхинанд̣̇ий д̇ава жид̇д̇а саавагаа’’д̇и.

Bhavābhinandī tava citta sāvakā’’ti.

д̇ад̇т̇а гад̣̇аа нуханд̇и гад̣̇аа ну ахам̣. баб̣б̣ад̇аганд̣̇араасууд̇и баб̣б̣ад̇зсу жа ганд̣̇арзсу жа, баб̣б̣ад̇асса ваа ганд̣̇араасу. згаагияод̇и згаго. ад̣̇д̣̇уд̇ияод̇и нид̇д̇ан̣хо. д̇ан̣хаа хи бурисасса д̣̇уд̇ияаа наама. вихассанд̇и вихариссаами. анижжад̇о саб̣б̣абхавам̣ вибассанд̇и гаамабхаваад̣̇ибхзд̣̇ам̣ саб̣б̣амби бхавам̣ ‘‘худ̇ваа абхаавадтзна анижжа’’нд̇и вибассанд̇о гад̣̇аа ну вихариссанд̇и яож̇анаа. нид̣̇ассанамад̇д̇ан̃жзд̇ам̣, ‘‘яад̣̇анижжам̣ д̇ам̣ д̣̇угкам̣, яам̣ д̣̇угкам̣ д̇ад̣̇анад̇д̇аа’’д̇и важанад̇о (сам̣. ни. 3.15) ид̇арамби лагкан̣ад̣̇ваяам̣ вуд̇д̇амзваад̇и д̣̇адтаб̣б̣ам̣. д̇ам̣ мз ид̣̇ам̣ д̇ам̣ ну гад̣̇аа бхависсад̇ийд̇и д̇ам̣ ид̣̇ам̣ мз баривид̇аггид̇ам̣ гад̣̇аа ну бхависсад̇и, гад̣̇аа ну ко мад̇т̇агам̣ баабун̣иссад̇ийд̇и ад̇т̇о. д̇ам̣ нууд̇и жзд̇т̇а д̇анд̇и нибаад̇амад̇д̇ам̣. аяан̃хзд̇т̇а сан̇кзбад̇т̇о – гад̣̇аа ну ко ахам̣ махааг̇аж̇о вияа сан̇калигаб̣анд̇ханам̣, г̇ихиб̣анд̇ханам̣ чинд̣̇ид̇ваа баб̣б̣аж̇ид̇ваа гааяавивзгам̣ бариб̣руухаяанд̇о згаагий баб̣б̣ад̇аганд̣̇араасу ад̣̇уд̇ияо саб̣б̣ад̇т̇а нирабзгко саб̣б̣асан̇каараг̇ад̇ам̣ анижжаад̣̇ид̇о вибассанд̇о вихариссаамийд̇и.

Tattha kadā nuhanti kadā nu ahaṃ. Pabbatakandarāsūti pabbatesu ca kandaresu ca, pabbatassa vā kandarāsu. Ekākiyoti ekako. Addutiyoti nittaṇho. Taṇhā hi purisassa dutiyā nāma. Vihassanti viharissāmi. Aniccato sabbabhavaṃ vipassanti kāmabhavādibhedaṃ sabbampi bhavaṃ ‘‘hutvā abhāvaṭṭhena anicca’’nti vipassanto kadā nu viharissanti yojanā. Nidassanamattañcetaṃ, ‘‘yadaniccaṃ taṃ dukkhaṃ, yaṃ dukkhaṃ tadanattā’’ti vacanato (saṃ. ni. 3.15) itarampi lakkhaṇadvayaṃ vuttamevāti daṭṭhabbaṃ. Taṃ me idaṃ taṃ nu kadā bhavissatīti taṃ idaṃ me parivitakkitaṃ kadā nu bhavissati, kadā nu kho matthakaṃ pāpuṇissatīti attho. Taṃ nūti cettha tanti nipātamattaṃ. Ayañhettha saṅkhepattho – kadā nu kho ahaṃ mahāgajo viya saṅkhalikabandhanaṃ, gihibandhanaṃ chinditvā pabbajitvā kāyavivekaṃ paribrūhayanto ekākī pabbatakandarāsu adutiyo sabbattha nirapekkho sabbasaṅkhāragataṃ aniccādito vipassanto viharissāmīti.

бхиннабаданд̇харод̇и бхиннавад̇т̇ад̇харо, г̇аат̇аасукад̇т̇ам̣ нагаарааг̇амам̣ гад̇ваа вуд̇д̇ам̣. сад̇т̇агажчиннааг̇гхапассаван̣н̣абхиннам̣ бадажийварам̣ д̇хаарзнд̇од̇и ад̇т̇о. мунийд̇и баб̣б̣аж̇ид̇о. амамод̇и гулз ваа г̇ан̣з ваа мамад̇д̇аабхаавзна амамо. гад̇т̇ажиби аарамман̣з аасийсанааяа абхаавзна нираасо. ханд̇ваа сукий баванаг̇ад̇о вихассанд̇и рааг̇аад̣̇игз гилзсз арияамаг̇г̇зна самужчинд̣̇ид̇ваа маг̇г̇асукзна паласукзна сукий махааванаг̇ад̇о гад̣̇аа ну ко ахам̣ вихариссаами.

Bhinnapaṭandharoti bhinnavatthadharo, gāthāsukhatthaṃ nakārāgamaṃ katvā vuttaṃ. Satthakacchinnaagghaphassavaṇṇabhinnaṃ paṭacīvaraṃ dhārentoti attho. Munīti pabbajito. Amamoti kule vā gaṇe vā mamattābhāvena amamo. Katthacipi ārammaṇe āsīsanāya abhāvena nirāso. Hantvā sukhī pavanagato vihassanti rāgādike kilese ariyamaggena samucchinditvā maggasukhena phalasukhena sukhī mahāvanagato kadā nu kho ahaṃ viharissāmi.

вад̇харог̇анийл̣анд̇и маран̣асса жа рог̇асса жа гулаавагабхууд̇ам̣. гааяам̣ иманд̇и имам̣ канд̇хабан̃жагасан̇каад̇ам̣ гааяам̣. канд̇хабан̃жагоби хи ‘‘авиж̇ж̇ааг̇ад̇асса, бхигкавз, бурисабуг̇г̇аласса д̇ан̣хаануг̇ад̇асса аяамзва гааяо б̣ахид̣̇д̇хаа наамарууба’’нд̇иаад̣̇ийсу гааяо вужжад̇и. мажжуж̇арааяубад̣̇д̣̇уд̇анд̇и маран̣зна жзва ж̇арааяа жа бийл̣ид̇ам̣, вибассамаано ахам̣ бхаяахзд̇убахаанзна вийд̇абхаяо, д̇ам̣ ну гад̣̇аа бхависсад̇ийд̇и ад̇т̇о.

Vadharoganīḷanti maraṇassa ca rogassa ca kulāvakabhūtaṃ. Kāyaṃ imanti imaṃ khandhapañcakasaṅkhātaṃ kāyaṃ. Khandhapañcakopi hi ‘‘avijjāgatassa, bhikkhave, purisapuggalassa taṇhānugatassa ayameva kāyo bahiddhā nāmarūpa’’ntiādīsu kāyo vuccati. Maccujarāyupaddutanti maraṇena ceva jarāya ca pīḷitaṃ, vipassamāno ahaṃ bhayahetupahānena vītabhayo, taṃ nu kadā bhavissatīti attho.

бхаяаж̇ананинд̇и бан̃жавийсад̇ияаа махаабхаяаанам̣ уббаад̣̇агааран̣абхууд̇ам̣ гааяигасса жа жзд̇асигасса жа сагалассаби ваддад̣̇угкасса ааваханад̇о д̣̇укаавахам̣. д̇ан̣хаалад̇ам̣ б̣ахувид̇хаанувад̇д̇анинд̇и б̣ахувид̇хан̃жа аарамман̣ам̣ бхавамзва ваа анувад̇д̇ад̇и санд̇анод̇ийд̇и б̣ахувид̇хаанувад̇д̇аним̣, д̇ан̣хаасан̇каад̇алад̇ам̣. бан̃н̃аамаяанд̇и маг̇г̇абан̃н̃аамаяам̣ сунисид̇ам̣ асикаг̇г̇ам̣ вийрияабаг̇г̇ахид̇зна сад̣̇д̇хаахад̇т̇зна г̇ахзд̇ваа самужчинд̣̇ид̇ваа ‘‘гад̣̇аа нухам̣ васз’’д̇и яам̣ баривид̇аггид̇ам̣, д̇амби гад̣̇аа бхависсад̇ийд̇и яож̇анаа.

Bhayajananinti pañcavīsatiyā mahābhayānaṃ uppādakāraṇabhūtaṃ kāyikassa ca cetasikassa ca sakalassapi vaṭṭadukkhassa āvahanato dukhāvahaṃ. Taṇhālataṃ bahuvidhānuvattaninti bahuvidhañca ārammaṇaṃ bhavameva vā anuvattati santanotīti bahuvidhānuvattaniṃ, taṇhāsaṅkhātalataṃ. Paññāmayanti maggapaññāmayaṃ sunisitaṃ asikhaggaṃ vīriyapaggahitena saddhāhatthena gahetvā samucchinditvā ‘‘kadā nuhaṃ vase’’ti yaṃ parivitakkitaṃ, tampi kadā bhavissatīti yojanā.

уг̇г̇ад̇зж̇анд̇и самат̇авибассанаавасзна нисид̇ад̇ааяа д̇игкад̇зж̇ам̣. сад̇т̇ам̣ исийнанд̇и б̣уд̣̇д̇хабажжзгаб̣уд̣̇д̇хаарияасаавагаисийнам̣ сад̇т̇абхууд̇ам̣ . маарам̣ сасзнам̣ сахасаа бхан̃ж̇иссанд̇и гилзсасзнааяа сасзнам̣ абхисан̇каараад̣̇имаарам̣ сахасаа сийгхамзва бхан̃ж̇иссаами. сийхаасанзд̇и т̇ираасанз, абарааж̇ид̇абаллан̇гзд̇и ад̇т̇о.

Uggatejanti samathavipassanāvasena nisitatāya tikkhatejaṃ. Satthaṃ isīnanti buddhapaccekabuddhaariyasāvakaisīnaṃ satthabhūtaṃ . Māraṃ sasenaṃ sahasā bhañjissanti kilesasenāya sasenaṃ abhisaṅkhārādimāraṃ sahasā sīghameva bhañjissāmi. Sīhāsaneti thirāsane, aparājitapallaṅketi attho.

саб̣бхи самааг̇амзсу д̣̇идто бхавзд̇и д̇хаммаг̇аараваяуд̇д̇ад̇ааяа д̇хаммаг̇аруухи д̇аад̣̇илагкан̣аббад̇д̇ияаа д̇аад̣̇ийхи авибарийд̇ад̣̇ассид̇ааяа яаат̇аавад̣̇ассийхи арияамаг̇г̇знзва баабаж̇ид̇инд̣̇рияад̇ааяа ж̇ид̇инд̣̇риязхи б̣уд̣̇д̇хаад̣̇ийхи саад̇хуухи самааг̇амзсу ‘‘гад̣̇аа ну ахам̣ бад̇хаанияод̇и д̣̇идто бхавзяяа’’нд̇и яам̣ мз баривид̇аггид̇ам̣, д̇ам̣ ну гад̣̇аа бхависсад̇ийд̇и яож̇анаа. иминаа наязна саб̣б̣ад̇т̇а бад̣̇аяож̇анаа взд̣̇ид̇аб̣б̣аа, бад̣̇ад̇т̇амад̇д̇амзва ван̣н̣аяиссаама.

Sabbhi samāgamesu diṭṭho bhaveti dhammagāravayuttatāya dhammagarūhi tādilakkhaṇappattiyā tādīhi aviparītadassitāya yāthāvadassīhi ariyamaggeneva pāpajitindriyatāya jitindriyehi buddhādīhi sādhūhi samāgamesu ‘‘kadā nu ahaṃ padhāniyoti diṭṭho bhaveyya’’nti yaṃ me parivitakkitaṃ, taṃ nu kadā bhavissatīti yojanā. Iminā nayena sabbattha padayojanā veditabbā, padatthamattameva vaṇṇayissāma.

д̇анд̣̇ийд̇и ааласияам̣. куд̣̇аад̇и ж̇игхажчаа. гийдасарийсабаад̇и гийдан̃жзва сарийсабаа жа. на б̣аад̇хаяиссанд̇ийд̇и мам̣ на б̣яаад̇хаяиссанд̇и сукад̣̇угкасоманассад̣̇оманассаанам̣ жхаанзхи бадиб̣аахид̇ад̇д̇аад̇и ад̇хиббааяо. г̇ириб̣б̣аж̇зд̇и баб̣б̣ад̇аганд̣̇арааяа. ад̇т̇ад̇т̇ияанд̇и сад̣̇ад̇т̇асан̇каад̇зна ад̇т̇зна ад̇т̇игам̣.

Tandīti ālasiyaṃ. Khudāti jighacchā. Kīṭasarīsapāti kīṭañceva sarīsapā ca. Na bādhayissantīti maṃ na byādhayissanti sukhadukkhasomanassadomanassānaṃ jhānehi paṭibāhitattāti adhippāyo. Giribbajeti pabbatakandarāya. Atthatthiyanti sadatthasaṅkhātena atthena atthikaṃ.

яам̣ вид̣̇ид̇ам̣ махзсинаад̇и яам̣ жад̇усажжам̣ махзсинаа саммаасамб̣уд̣̇д̇хзна саяамбхуун̃аан̣зна н̃аад̇ам̣ бадивид̣̇д̇хам̣, д̇аани жад̇д̇аари сажжаани анубажид̇агусаласамбхаарзхи судту д̣̇уд̣̇д̣̇асаани маг̇г̇асамаад̇хинаа самаахид̇ад̇д̇о, саммаасад̇ияаа сад̇имаа, арияамаг̇г̇абан̃н̃ааяа ахам̣ аг̇ажчам̣ бадивиж̇жхиссам̣ ад̇хиг̇амиссанд̇и ад̇т̇о.

Yaṃ viditaṃ mahesināti yaṃ catusaccaṃ mahesinā sammāsambuddhena sayambhūñāṇena ñātaṃ paṭividdhaṃ, tāni cattāri saccāni anupacitakusalasambhārehi suṭṭhu duddasāni maggasamādhinā samāhitatto, sammāsatiyā satimā, ariyamaggapaññāya ahaṃ agacchaṃ paṭivijjhissaṃ adhigamissanti attho.

руубзд̇и жагкувин̃н̃зяяаруубз. амид̇зд̇и н̃аан̣зна амид̇з, абарижчиннз абарин̃н̃аад̇зд̇и ад̇т̇о. пусид̇аб̣б̣зд̇и, подтаб̣б̣з. д̇хаммзд̇и мановин̃н̃зяяад̇хаммз. амид̇зд̇и ваа абаримаан̣з нийлаад̣̇ивасзна анзгабхзд̣̇абхиннз руубз бхзрисад̣̇д̣̇аад̣̇ивасзна, мууларасаад̣̇ивасзна, гагкал̣амуд̣̇уд̇аад̣̇ивасзна, сукад̣̇угкаад̣̇ивасзна жа, анзгабхзд̣̇асад̣̇д̣̇аад̣̇игз жаад̇и ад̇т̇о. аад̣̇ид̇д̇ад̇од̇и згаад̣̇асахи аг̇г̇ийхи аад̣̇ид̇д̇абхаавад̇о. самат̇зхи яуд̇д̇од̇и жхаанавибассанаамаг̇г̇асамаад̇хийхи саманнааг̇ад̇о. бан̃н̃ааяа д̣̇ажчанд̇и вибассанаабан̃н̃аасахид̇ааяа маг̇г̇абан̃н̃ааяа д̣̇агкиссам̣.

Rūpeti cakkhuviññeyyarūpe. Amiteti ñāṇena amite, aparicchinne apariññāteti attho. Phusitabbeti, phoṭṭhabbe. Dhammeti manoviññeyyadhamme. Amiteti vā aparimāṇe nīlādivasena anekabhedabhinne rūpe bherisaddādivasena, mūlarasādivasena, kakkhaḷamudutādivasena, sukhadukkhādivasena ca, anekabhedasaddādike cāti attho. Ādittatoti ekādasahi aggīhi ādittabhāvato. Samathehi yuttoti jhānavipassanāmaggasamādhīhi samannāgato. Paññāya dacchanti vipassanāpaññāsahitāya maggapaññāya dakkhissaṃ.

д̣̇уб̣б̣ажанзна вуд̇д̇од̇и д̣̇уруд̇д̇аважанзна гхаддид̇о. д̇ад̇о нимид̇д̇анд̇и парусаваажаахзд̇у. вимано на хзссанд̇и д̣̇оманассид̇о на бхавзяяам̣. ат̇од̇и ат̇а. басад̇т̇од̇и гзнажи басам̣сид̇о.

Dubbacanena vuttoti duruttavacanena ghaṭṭito. Tato nimittanti pharusavācāhetu. Vimano na hessanti domanassito na bhaveyyaṃ. Athoti atha. Pasatthoti kenaci pasaṃsito.

гадтзд̇и д̣̇ааругканд̇хз. д̇ин̣зд̇и д̇ин̣аанам̣ канд̇хз. имзд̇и имз мама санд̇ад̇ибарияаабаннз бан̃жа канд̇хз . амид̇з жа д̇хаммзд̇и д̇ад̇о ан̃н̃зна инд̣̇рияагканд̇хзна амид̇з руубад̇хаммз. д̇знааха – ‘‘аж̇жхад̇д̇игаанзва жа б̣аахираани жаа’’д̇и. самам̣ д̇улзяяанд̇и анижжаад̣̇ивасзна жзва асаараад̣̇иубамаавасзна жа саб̣б̣ам̣ самамзва гад̇ваа д̇ийрзяяам̣.

Kaṭṭheti dārukkhandhe. Tiṇeti tiṇānaṃ khandhe. Imeti ime mama santatipariyāpanne pañca khandhe . Amite ca dhammeti tato aññena indriyakkhandhena amite rūpadhamme. Tenāha – ‘‘ajjhattikāneva ca bāhirāni cā’’ti. Samaṃ tuleyyanti aniccādivasena ceva asārādiupamāvasena ca sabbaṃ samameva katvā tīreyyaṃ.

исиббаяаад̇амхи бат̇з важ̇анд̇анд̇и б̣уд̣̇д̇хаад̣̇ийхи махзсийхи саммад̣̇зва баяаад̇з самат̇авибассанаамаг̇г̇з важ̇анд̇ам̣ бадибаж̇ж̇анд̇ам̣. баавусасамаяз гааламзгхо навзна д̇оязна вассод̣̇агзна сажийварам̣ баванз гад̣̇аа ну овассад̇и, д̇змзд̇ийд̇и ад̇д̇ано аб̣бхогаасигабхаавабаривид̇аггид̇ам̣ д̣̇ассзд̇и.

Isippayātamhipathe vajantanti buddhādīhi mahesīhi sammadeva payāte samathavipassanāmagge vajantaṃ paṭipajjantaṃ. Pāvusasamaye kālamegho navena toyena vassodakena sacīvaraṃ pavane kadā nu ovassati, temetīti attano abbhokāsikabhāvaparivitakkitaṃ dasseti.

маяуурасса сикан̣д̣ино ванз д̣̇иж̇ассаад̇и маад̇угужчид̇о ан̣д̣агосад̇о жаад̇и д̣̇вигкад̇д̇ум̣ ж̇ааяанавасзна д̣̇иж̇асса, сикаасамбхавзна сикан̣д̣ино жа маяуурасса ванз гад̣̇аа бана г̇ириг̇аб̣бхарз руд̇ам̣ гзгааравам̣ суд̇ваа взлам̣ саллагкид̇ваа саяанад̇о вудтахид̇ваа амад̇асса бад̇д̇ияаа ниб̣б̣аанаад̇хиг̇амааяа. сам̣жинд̇аязд̇и вужжамаанз бхавз анижжаад̣̇ид̇о манаси гарзяяам̣ вибассзяяанд̇и ад̇т̇о.

Mayūrassa sikhaṇḍino vane dijassāti mātukucchito aṇḍakosato cāti dvikkhattuṃ jāyanavasena dijassa, sikhāsambhavena sikhaṇḍino ca mayūrassa vane kadā pana girigabbhare rutaṃ kekāravaṃ sutvā velaṃ sallakkhitvā sayanato vuṭṭhahitvā amatassa pattiyā nibbānādhigamāya. Saṃcintayeti vuccamāne bhave aniccādito manasi kareyyaṃ vipasseyyanti attho.

г̇ан̇г̇ам̣ яамунам̣ сарассад̇инд̇и зд̇аа махаанад̣̇ияо асаж̇ж̇амаано бхааванаамаяааяа ид̣̇д̇хияаа гад̣̇аа ну бад̇арзяяанд̇и яож̇анаа. баад̇аалакид̇д̇ам̣ б̣ал̣аваамукан̃жаад̇и баад̇ааяа алам̣ барияад̇д̇анд̇и баад̇аалам̣, д̇ад̣̇зва кид̇д̇ам̣, бат̇авияаа сан̣таханагаалз д̇ат̇аа тид̇анд̇и баад̇аалакид̇д̇ам̣. яож̇анасад̇игаад̣̇ибхзд̣̇аани самуд̣̇д̣̇асса анд̇обат̇авияаа д̇ийрадтаанаани, язсу гаанижи нааг̇аад̣̇ийнам̣ васанадтаанаани хонд̇и, гаанижи сун̃н̃ааниязва худ̇ваа д̇идтанд̇и. б̣ал̣аваамуканд̇и махаасамуд̣̇д̣̇з маханд̇ам̣ ааваддамукам̣. махаанираяад̣̇ваарасса хи вивадагаалз махаааг̇г̇игканд̇хо д̇ад̇о нигканд̇о д̇ад̣̇абхимукам̣ анзгаяож̇анасад̇ааяаамавид̇т̇аарам̣ хздтаа самуд̣̇д̣̇абад̣̇зсам̣ д̣ахад̇и, д̇асмим̣ д̣̇ад̣дхз убари уд̣̇агам̣ ааваддаагаарзна бариб̣бхаманд̇ам̣ махад̇аа сад̣̇д̣̇зна хздтаа нибад̇ад̇и. д̇ад̇т̇а б̣ал̣аваамукасаман̃н̃аа, ид̇и д̇ан̃жа баад̇аалакид̇д̇ам̣ б̣ал̣аваамукан̃жа вибхим̣санам̣ бхаяаанагам̣ асаж̇ж̇амаано ид̣̇д̇хияаа гад̣̇аа ну бад̇арзяяанд̇и яам̣ баривид̇аггид̇ам̣, д̇ам̣ гад̣̇аа ну бхависсад̇и, бхааванаамаяам̣ ид̣̇д̇хим̣ ниб̣б̣ад̇д̇зд̇ваа гад̣̇аа ну звам̣ ид̣̇д̇хим̣ вал̣ан̃ж̇иссаамийд̇и ад̇т̇о.

Gaṅgaṃ yamunaṃ sarassatinti etā mahānadiyo asajjamāno bhāvanāmayāya iddhiyā kadā nu patareyyanti yojanā. Pātālakhittaṃ baḷavāmukhañcāti pātāya alaṃ pariyattanti pātālaṃ, tadeva khittaṃ, pathaviyā saṇṭhahanakāle tathā ṭhitanti pātālakhittaṃ. Yojanasatikādibhedāni samuddassa antopathaviyā tīraṭṭhānāni, yesu kānici nāgādīnaṃ vasanaṭṭhānāni honti, kānici suññāniyeva hutvā tiṭṭhanti. Baḷavāmukhanti mahāsamudde mahantaṃ āvaṭṭamukhaṃ. Mahānirayadvārassa hi vivaṭakāle mahāaggikkhandho tato nikkhanto tadabhimukhaṃ anekayojanasatāyāmavitthāraṃ heṭṭhā samuddapadesaṃ ḍahati, tasmiṃ daḍḍhe upari udakaṃ āvaṭṭākārena paribbhamantaṃ mahatā saddena heṭṭhā nipatati. Tattha baḷavāmukhasamaññā, iti tañca pātālakhittaṃ baḷavāmukhañca vibhiṃsanaṃ bhayānakaṃ asajjamāno iddhiyā kadā nu patareyyanti yaṃ parivitakkitaṃ, taṃ kadā nu bhavissati, bhāvanāmayaṃ iddhiṃ nibbattetvā kadā nu evaṃ iddhiṃ vaḷañjissāmīti attho.

нааг̇ова асан̇г̇ажаарий бад̣̇аалаязд̇и яат̇аа мад̇д̇авааран̣о д̣̇ал̣хат̇амбхам̣ бхинд̣̇ид̇ваа аяасан̇калигам̣ вид̣̇д̇хам̣сзд̇ваа асан̇г̇ажаарий ванам̣ бависид̇ваа зго ад̣̇уд̇ияо худ̇ваа ад̇д̇ано руживасзна жарад̇и, звамахам̣ гад̣̇аа ну саб̣б̣асубхам̣ нимид̇д̇ам̣ ниб̣б̣аж̇ж̇аяам̣ ниравасзсад̇о важ̇ж̇аяанд̇о гаамажчанд̣̇авасо ахуд̇ваа жхаанз яуд̇о баяуд̇д̇о гаамаг̇ун̣зсу чанд̣̇ам̣ саммад̣̇зва бад̣̇аалзяяам̣ чинд̣̇зяяам̣ баж̇ахзяяанд̇и яам̣ баривид̇аггид̇ам̣, д̇ам̣ ну гад̣̇аа бхависсад̇и.

Nāgova asaṅgacārī padālayeti yathā mattavāraṇo daḷhathambhaṃ bhinditvā ayasaṅkhalikaṃ viddhaṃsetvā asaṅgacārī vanaṃ pavisitvā eko adutiyo hutvā attano rucivasena carati, evamahaṃ kadā nu sabbasubhaṃ nimittaṃ nibbajjayaṃ niravasesato vajjayanto kāmacchandavaso ahutvā jhāne yuto payutto kāmaguṇesu chandaṃ sammadeva padāleyyaṃ chindeyyaṃ pajaheyyanti yaṃ parivitakkitaṃ, taṃ nu kadā bhavissati.

ин̣аддова д̣̇алид̣̇д̣̇аго нид̇хим̣ аараад̇хаяид̇ваад̇и яат̇аа гожи д̣̇алид̣̇д̣̇о ж̇ийвигабагад̇о ин̣ам̣ г̇ахзд̇ваа д̇ам̣ сод̇хзд̇ум̣ асаггонд̇о ин̣аддо ин̣зна аддид̇о д̇ханигзхи бийл̣ид̇о нид̇хим̣ аараад̇хаяид̇ваа ад̇хиг̇анд̇ваа ин̣ан̃жа сод̇хзд̇ваа сукзна жа ж̇ийванд̇о д̇удто бхавзяяа, звам̣ ахамби гад̣̇аа ну ин̣асад̣̇исам̣ гаамажчанд̣̇ам̣ бахааяа махзсино арияад̇ханасамбун̣н̣ад̇ааяа ман̣иганагаад̣̇ирад̇анасамбун̣н̣анид̇хисад̣̇исам̣ б̣уд̣̇д̇хасса саасанам̣ ад̇хиг̇анд̇ваа д̇удто бхавзяяанд̇и яам̣ баривид̇аггид̇ам̣, д̇ам̣ гад̣̇аа ну бхависсад̇ийд̇и.

Iṇaṭṭovadaliddako nidhiṃ ārādhayitvāti yathā koci daliddo jīvikapakato iṇaṃ gahetvā taṃ sodhetuṃ asakkonto iṇaṭṭo iṇena aṭṭito dhanikehi pīḷito nidhiṃ ārādhayitvā adhigantvā iṇañca sodhetvā sukhena ca jīvanto tuṭṭho bhaveyya, evaṃ ahampi kadā nu iṇasadisaṃ kāmacchandaṃ pahāya mahesino ariyadhanasampuṇṇatāya maṇikanakādiratanasampuṇṇanidhisadisaṃ buddhassa sāsanaṃ adhigantvā tuṭṭho bhaveyyanti yaṃ parivitakkitaṃ, taṃ kadā nu bhavissatīti.

звам̣ баб̣б̣аж̇ж̇ад̇о буб̣б̣з нзгкаммавид̇аггавасзна бавад̇д̇ам̣ ад̇д̇ано вид̇аггабавад̇д̇им̣ д̣̇ассзд̇ваа ид̣̇аани баб̣б̣аж̇ид̇ваа язхаагаарзхи ад̇д̇аанам̣ овад̣̇ид̇ваа ад̇хиг̇ажчи, д̇з д̣̇ассзнд̇о ‘‘б̣ахууни вассааний’’д̇иаад̣̇игаа г̇аат̇аа абхааси. д̇ад̇т̇а б̣ахууни вассаани д̇аяаамхи яаажид̇о, аг̇аараваасзна алам̣ ну д̇з ид̣̇анд̇и анзгасам̣важчараани вивид̇хад̣̇угкаануб̣анд̇хзна аг̇аарамаж̇жхз ваасзна алам̣ барияад̇д̇амзва д̇зд̇и, амбхо жид̇д̇а, ид̣̇ам̣ д̇аяаа анзгаани сам̣важчараани ахам̣ амхи нану яаажид̇о. д̇ам̣ д̣̇аани мам̣ баб̣б̣аж̇ид̇ам̣ самаананд̇и д̇ам̣ мам̣ д̇аяаа д̇ат̇аа уссааханзна баб̣б̣аж̇ид̇ам̣ самаанам̣ гзна гааран̣зна жид̇д̇а д̇увам̣ на яун̃ж̇аси, самат̇авибассанам̣ чад̣д̣зд̇ваа нихийнз ааласияз нияож̇зсийд̇и ад̇т̇о.

Evaṃ pabbajjato pubbe nekkhammavitakkavasena pavattaṃ attano vitakkapavattiṃ dassetvā idāni pabbajitvā yehākārehi attānaṃ ovaditvā adhigacchi, te dassento ‘‘bahūni vassānī’’tiādikā gāthā abhāsi. Tattha bahūni vassāni tayāmhi yācito, agāravāsena alaṃ nu te idanti anekasaṃvaccharāni vividhadukkhānubandhena agāramajjhe vāsena alaṃ pariyattameva teti, ambho citta, idaṃ tayā anekāni saṃvaccharāni ahaṃ amhi nanu yācito. Taṃ dāni maṃ pabbajitaṃ samānanti taṃ maṃ tayā tathā ussāhanena pabbajitaṃ samānaṃ kena kāraṇena citta tuvaṃ na yuñjasi, samathavipassanaṃ chaḍḍetvā nihīne ālasiye niyojesīti attho.

нану ахам̣, жид̇д̇а, д̇аяаамхи яаажид̇од̇и, амбхо жид̇д̇а, ахам̣ д̇аяаа нану яаажид̇о амхи ааяаажид̇о ман̃н̃з. яад̣̇и яаажид̇о, гасмаа ид̣̇аани д̇ад̣̇ануруубам̣ на бадибаж̇ж̇асийд̇и ад̇хиббааяо. ‘‘г̇ириб̣б̣аж̇з’’д̇иаад̣̇инаа яаажид̇аагаарам̣ д̣̇ассзд̇и. жид̇рачад̣̇аа вихан̇г̇амаа вижид̇рабзкун̣абагкино, маяуураад̇и ад̇т̇о. махинд̣̇агхосад̇т̇анид̇аабхиг̇аж̇ж̇инод̇и ж̇алагхосад̇т̇анид̇зна хзд̇унаа судту г̇аж̇ж̇анасийлаа. д̇з д̇ам̣ рамзссанд̇и ванамхи жхааяинанд̇и д̇з маяуураа д̇ам̣ ванз жхаанабасуд̇ам̣ рамзссанд̇ийд̇и нану д̇аяаа яаажид̇од̇и д̣̇ассзд̇и.

Nanu ahaṃ, citta, tayāmhi yācitoti, ambho citta, ahaṃ tayā nanu yācito amhi āyācito maññe. Yadi yācito, kasmā idāni tadanurūpaṃ na paṭipajjasīti adhippāyo. ‘‘Giribbaje’’tiādinā yācitākāraṃ dasseti. Citrachadā vihaṅgamā vicitrapekhuṇapakkhino, mayūrāti attho. Mahindaghosatthanitābhigajjinoti jalaghosatthanitena hetunā suṭṭhu gajjanasīlā. Te taṃ ramessanti vanamhi jhāyinanti te mayūrā taṃ vane jhānapasutaṃ ramessantīti nanu tayā yācitoti dasseti.

гуламхийд̇и гулабариваддз. имамаж̇жхубааг̇ад̇од̇и имам̣ аран̃н̃адтаанам̣ баб̣б̣аж̇ж̇ам̣ ваа аж̇жхубааг̇ад̇о. ат̇оби д̇вам̣, жид̇д̇а, на маяха д̇уссасийд̇и д̇вам̣ анувад̇д̇ид̇ваа тид̇амби мам̣ наараад̇хзссасийд̇и ад̇т̇о.

Kulamhīti kulaparivaṭṭe. Imamajjhupāgatoti imaṃ araññaṭṭhānaṃ pabbajjaṃ vā ajjhupāgato. Athopi tvaṃ, citta, na mayha tussasīti tvaṃ anuvattitvā ṭhitampi maṃ nārādhessasīti attho.

мамзва зд̇ам̣ на хи д̇вам̣ барзсанд̇и зд̇ам̣, жид̇д̇а, мамзва д̇асмаа д̇вам̣ барзсам̣ на хоси. д̇вам̣ бана ан̃н̃зсам̣ вияа гад̇ваа саннаахагаалз гилзсамаарз яуж̇жхид̇ум̣ бхааванаасаннаахагаалз над̇и вад̇ваа барид̣̇звид̇зна гим̣ баяож̇анам̣, ид̣̇аани д̇ам̣ ан̃н̃ат̇аа вад̇д̇ид̇ум̣ на д̣̇ассаамийд̇и ад̇хиббааяо. саб̣б̣ам̣ ид̣̇ам̣ жаламид̇и бзгкамаанод̇и яасмаа ‘‘ид̣̇ам̣ жид̇д̇ам̣ ан̃н̃ан̃жа саб̣б̣ам̣ д̇збхуумагасан̇каарам̣ жалам̣ анавадтид̇а’’нд̇и бан̃н̃аажагкунаа ологзнд̇о г̇зхад̇о гаамзхи жа абхинигкамим̣ амад̇абад̣̇ам̣ ниб̣б̣аанам̣ ж̇иг̇ийсам̣ бариязсанд̇о, д̇асмаа, жид̇д̇а, ананувад̇д̇анд̇о ниб̣б̣аанам̣ бариязсанамзва гаромийд̇и ад̇хиббааяо.

Mameva etaṃ na hi tvaṃ paresanti etaṃ, citta, mameva tasmā tvaṃ paresaṃ na hosi. Tvaṃ pana aññesaṃ viya katvā sannāhakāle kilesamāre yujjhituṃ bhāvanāsannāhakāle nati vatvā paridevitena kiṃ payojanaṃ, idāni taṃ aññathā vattituṃ na dassāmīti adhippāyo. Sabbaṃ idaṃ calamiti pekkhamānoti yasmā ‘‘idaṃ cittaṃ aññañca sabbaṃ tebhūmakasaṅkhāraṃ calaṃ anavaṭṭhita’’nti paññācakkhunā olokento gehato kāmehi ca abhinikkhamiṃ amatapadaṃ nibbānaṃ jigīsaṃ pariyesanto, tasmā, citta, ananuvattanto nibbānaṃ pariyesanameva karomīti adhippāyo.

авийд̇арааг̇зна суд̣̇унниваараяам̣ жид̇д̇ам̣ жалам̣ маггадасаннибхам̣ ванамаггадасад̣̇исам̣ ид̇и суяуд̇д̇аваад̣̇ий субхаасид̇аваад̣̇ий д̣̇вибад̣̇аанамуд̇д̇амо махаабхисагго нарад̣̇аммасаарат̇ийд̇и яож̇анаа.

Avītarāgena sudunnivārayaṃ cittaṃ calaṃ makkaṭasannibhaṃ vanamakkaṭasadisaṃ iti suyuttavādī subhāsitavādī dvipadānamuttamo mahābhisakko naradammasārathīti yojanā.

авид̣̇д̣̇асуу яад̇т̇а сид̇аа бут̇уж̇ж̇анаад̇и яад̇т̇а язсу вад̇т̇угаамзсу гилзсагаамзсу жа сид̇аа бадиб̣ад̣̇д̇хаа д̇з анд̇хабут̇уж̇ж̇анаа д̇зна гаамарааг̇зна бунаб̣бхавзсино зганд̇знзва д̣̇угкамижчанд̇и. ижчанд̇аа жа жид̇д̇зна нийд̇аа нираяз нираагад̇аад̇и жид̇д̇авасигаа нираяасам̣вад̇д̇анигам̣ гаммам̣ гаронд̇аа хид̇асукад̇о нираагад̇аа худ̇ваа ад̇д̇ано жид̇д̇знзва нираяз нийд̇аа на ан̃н̃ат̇аад̇и жид̇д̇ассзва ниг̇г̇ахзд̇аб̣б̣ад̇ам̣ д̣̇ассзд̇и.

Aviddasū yattha sitā puthujjanāti yattha yesu vatthukāmesu kilesakāmesu ca sitā paṭibaddhā te andhaputhujjanā tena kāmarāgena punabbhavesino ekanteneva dukkhamicchanti. Icchantā ca cittena nītā niraye nirākatāti cittavasikā nirayasaṃvattanikaṃ kammaṃ karontā hitasukhato nirākatā hutvā attano citteneva niraye nītā na aññathāti cittasseva niggahetabbataṃ dasseti.

бунаби жид̇д̇ам̣язва ниг̇г̇ахзд̇ум̣ манд̇знд̇о ‘‘маяуурагон̃жаабхируд̇амхий’’д̇иаад̣̇имааха. д̇ад̇т̇а маяуурагон̃жаабхируд̇амхийд̇и сикийхи саарасзхи жа абхигууж̇ид̇з. д̣̇ийбийхи б̣яаг̇гхзхи бурагкад̇о васанд̇и мзд̇д̇аавихаарид̇ааяа зваруубзхи д̇иражчаанаг̇ад̇зхи бурагкад̇о бариваарид̇о худ̇ваа ванз васанд̇о, зд̇зна сун̃н̃абхаавабариб̣рууханамааха. гааяз абзгкам̣ ж̇ахаад̇и саб̣б̣асо гааяз нирабзгко ж̇аха, зд̇зна бахид̇ад̇д̇ад̇ам̣ вад̣̇ад̇и. маа вираад̇хаяаад̇и имам̣ суд̣̇уллабхам̣ навамам̣ кан̣ам̣ маа вираад̇хзхи. ид̇иссу мам̣, жид̇д̇а, бурз нияун̃ж̇асийд̇и зван̃хи д̇вам̣, жид̇д̇а, мам̣ баб̣б̣аж̇ж̇ад̇о буб̣б̣з саммаабадибад̇д̇ияам̣ уяяож̇зсийд̇и ад̇т̇о.

Punapi cittaṃyeva niggahetuṃ mantento ‘‘mayūrakoñcābhirutamhī’’tiādimāha. Tattha mayūrakoñcābhirutamhīti sikhīhi sārasehi ca abhikūjite. Dīpīhi byagghehi purakkhato vasanti mettāvihāritāya evarūpehi tiracchānagatehi purakkhato parivārito hutvā vane vasanto, etena suññabhāvaparibrūhanamāha. Kāye apekkhaṃ jahāti sabbaso kāye nirapekkho jaha, etena pahitattataṃ vadati. Mā virādhayāti imaṃ sudullabhaṃ navamaṃ khaṇaṃ mā virādhehi. Itissu maṃ, citta, pure niyuñjasīti evañhi tvaṃ, citta, maṃ pabbajjato pubbe sammāpaṭipattiyaṃ uyyojesīti attho.

бхаавзхийд̇и уббаад̣̇зхи вад̣дхзхи жа. жхаанаанийд̇и батамаад̣̇ийни жад̇д̇аари жхаанаани. инд̣̇рияаанийд̇и сад̣̇д̇хаад̣̇ийни бан̃жинд̣̇рияаани. б̣алаанийд̇и д̇ааниязва бан̃жа б̣алаани. б̣ож̇жхан̇г̇асамаад̇хибхааванаад̇и сад̇д̇а б̣ож̇жхан̇г̇з жад̇ассо самаад̇хибхааванаа жа. д̇иссо жа виж̇ж̇аад̇и буб̣б̣зниваасан̃аан̣аад̣̇игаа д̇иссо виж̇ж̇аа жа. пуса баабун̣аахи б̣уд̣̇д̇хасаасанз саммаасамб̣уд̣̇д̇хаоваад̣̇з тид̇о.

Bhāvehīti uppādehi vaḍḍhehi ca. Jhānānīti paṭhamādīni cattāri jhānāni. Indriyānīti saddhādīni pañcindriyāni. Balānīti tāniyeva pañca balāni. Bojjhaṅgasamādhibhāvanāti satta bojjhaṅge catasso samādhibhāvanā ca. Tisso ca vijjāti pubbenivāsañāṇādikā tisso vijjā ca. Phusa pāpuṇāhi buddhasāsane sammāsambuddhaovāde ṭhito.

нияяааниганд̇и ваддад̣̇угкад̇о нияхаанавахам̣. саб̣б̣ад̣̇угкагкаяог̇ад̇ханд̇и амад̇ог̇ад̇хам̣ ниб̣б̣аанабад̇идтам̣ ниб̣б̣аанаарамман̣ам̣. саб̣б̣агилзсасод̇хананд̇и анавасзсагилзсамалависод̇ханам̣.

Niyyānikanti vaṭṭadukkhato niyhānavahaṃ. Sabbadukkhakkhayogadhanti amatogadhaṃ nibbānapatiṭṭhaṃ nibbānārammaṇaṃ. Sabbakilesasodhananti anavasesakilesamalavisodhanaṃ.

канд̇хзд̇и убаад̣̇аанагканд̇хз. бадибасса яонисод̇и рог̇ад̇о г̇ан̣д̣ад̇о саллад̇о агхад̇о ааб̣аад̇хад̇од̇и звамаад̣̇ийхи вивид̇хзхи багаарзхи вибассанаан̃аан̣зна саммаа убааязна наязна басса. д̇ам̣ ж̇ахаад̇и д̇ам̣ д̣̇угкасса самуд̣̇аяам̣ д̇ан̣хам̣ баж̇аха, самужчинд̣̇а. ид̇хзваад̇и имасмим̣язва ад̇д̇абхаавз.

Khandheti upādānakkhandhe. Paṭipassa yonisoti rogato gaṇḍato sallato aghato ābādhatoti evamādīhi vividhehi pakārehi vipassanāñāṇena sammā upāyena nayena passa. Taṃ jahāti taṃ dukkhassa samudayaṃ taṇhaṃ pajaha, samucchinda. Idhevāti imasmiṃyeva attabhāve.

анижжанд̇иаад̣̇и анд̇аванд̇ад̇о анижжанд̇игад̇о д̇аавагаалигад̇о нижжабадигкзбад̇о жа анижжанд̇и ваа басса. д̣̇угканд̇и д̇з уд̣̇аяаб̣б̣аяабадибийл̣анад̇о саббадибхаяад̇о д̣̇угкамад̇о сукабадигкзбад̇о д̣̇угканд̇и ваа басса. сун̃н̃анд̇и авасавад̇д̇анад̇о асаамигад̇о асаарад̇о ад̇д̇абадигкзбад̇о жа сун̃н̃ам̣, д̇ад̇о зва анад̇д̇аад̇и. виг̇арахид̇аб̣б̣ад̇о авад̣дхиааб̣аад̇ханад̇о жа агханд̇и жа вад̇ханд̇и жа вибасса яонисод̇и яож̇анаа. мановижаарз убарунд̇ха жзд̇асод̇и мановижаарасан̃н̃ино г̇зхасид̇асоманассубавижаараад̣̇игз адтаараса жзд̇асо убарунд̇ха ваарзхи нирод̇хзхи.

Aniccantiādi antavantato aniccantikato tāvakālikato niccapaṭikkhepato ca aniccanti vā passa. Dukkhanti te udayabbayapaṭipīḷanato sappaṭibhayato dukkhamato sukhapaṭikkhepato dukkhanti vā passa. Suññanti avasavattanato asāmikato asārato attapaṭikkhepato ca suññaṃ, tato eva anattāti. Vigarahitabbato avaḍḍhiābādhanato ca aghanti ca vadhanti ca vipassa yonisoti yojanā. Manovicāreuparundha cetasoti manovicārasaññino gehasitasomanassupavicārādike aṭṭhārasa cetaso uparundha vārehi nirodhehi.

мун̣д̣од̇и мун̣д̣абхаавам̣ убаг̇ад̇о, охаарид̇агзсамассуго. вируубод̇и д̇зна мун̣д̣абхаавзна баруул̣халомад̇ааяа чиннабхиннагаасааяа вад̇т̇ад̇ааяа вируубо взван̣н̣ияам̣ убаг̇ад̇о. абхисаабамааг̇ад̇од̇и ‘‘бин̣д̣оло вижарад̇и бад̇д̇абаан̣ий’’д̇и ариязхи гаад̇аб̣б̣ам̣ абхисаабам̣ убаг̇ад̇о. вуд̇д̇ан̃хзд̇ам̣ – ‘‘абхисаабояам̣, бхигкавз, логасмим̣ бин̣д̣оло вижараси бад̇д̇абаан̣ий’’д̇и (сам̣. ни. 3.80). д̇знааха ‘‘габаалахад̇т̇ова гулзсу бхигкасуу’’д̇и. яун̃ж̇ассу сад̇т̇уважанзд̇и саммаасамб̣уд̣̇д̇хасса оваад̣̇з яог̇ам̣ гарохи ануяун̃ж̇ассу.

Muṇḍoti muṇḍabhāvaṃ upagato, ohāritakesamassuko. Virūpoti tena muṇḍabhāvena parūḷhalomatāya chinnabhinnakāsāya vatthatāya virūpo vevaṇṇiyaṃ upagato. Abhisāpamāgatoti ‘‘piṇḍolo vicarati pattapāṇī’’ti ariyehi kātabbaṃ abhisāpaṃ upagato. Vuttañhetaṃ – ‘‘abhisāpoyaṃ, bhikkhave, lokasmiṃ piṇḍolo vicarasi pattapāṇī’’ti (saṃ. ni. 3.80). Tenāha ‘‘kapālahatthova kulesu bhikkhasū’’ti. Yuñjassu satthuvacaneti sammāsambuddhassa ovāde yogaṃ karohi anuyuñjassu.

сусам̣вуд̇ад̇д̇од̇и судту гааяаваажаажид̇д̇зхи саммад̣̇зва сам̣вуд̇о. висиканд̇арз жаранд̇и бхигкаажарияааяа ижчаависзсзсу жаранд̇о. жанд̣̇о яат̇аа д̣̇осинабун̣н̣амаасияаад̇и виг̇ад̇ад̣̇осааяа бун̣н̣амааяа гулзсу нижжанавасааяа баасаад̣̇игад̇ааяа жанд̣̇имаа вияа жараад̇и яож̇анаа.

Susaṃvutattoti suṭṭhu kāyavācācittehi sammadeva saṃvuto. Visikhantare caranti bhikkhācariyāya icchāvisesesu caranto. Cando yathā dosinapuṇṇamāsiyāti vigatadosāya puṇṇamāya kulesu niccanavasāya pāsādikatāya candimā viya carāti yojanā.

сад̣̇аа д̇худ̇з рад̇од̇и саб̣б̣агаалан̃жа д̇худ̇аг̇ун̣з абхирад̇о. д̇ат̇уубамам̣ жид̇д̇амид̣̇ам̣ гаросийд̇и яат̇аа гожи бурисо палаани ижчанд̇о паларугкз робзд̇ваа д̇ад̇о алад̣̇д̇хапалова д̇з муулад̇о чинд̣̇ид̇ум̣ ижчад̇и, жид̇д̇а, д̇вам̣ д̇ат̇уубамам̣ д̇аббадибхааг̇ам̣ ид̣̇ам̣ гароси. яам̣ мам̣ анижжамхи жалз нияун̃ж̇асийд̇и яам̣ мам̣ баб̣б̣аж̇ж̇ааяа нияож̇зд̇ваа баб̣б̣аж̇ид̇ваа ад̣̇д̇хааг̇ад̇ам̣ баб̣б̣аж̇ж̇аапалам̣ анижжамхи жалз сам̣саарамукз нияун̃ж̇аси нияож̇анавасзна бавад̇д̇зси.

Sadā dhute ratoti sabbakālañca dhutaguṇe abhirato. Tathūpamaṃ cittamidaṃ karosīti yathā koci puriso phalāni icchanto phalarukkhe ropetvā tato aladdhaphalova te mūlato chindituṃ icchati, citta, tvaṃ tathūpamaṃ tappaṭibhāgaṃ idaṃ karosi. Yaṃ maṃ aniccamhi cale niyuñjasīti yaṃ maṃ pabbajjāya niyojetvā pabbajitvā addhāgataṃ pabbajjāphalaṃ aniccamhi cale saṃsāramukhe niyuñjasi niyojanavasena pavattesi.

руубаабхаавад̇о аруубаа. жид̇д̇асса хи д̇аад̣̇исам̣ сан̣таанам̣ нийлаад̣̇иван̣н̣абхзд̣̇о ваа над̇т̇и, д̇асмаа вуд̇д̇ам̣ аруубаад̇и. д̣̇уурадтаанаббавад̇д̇ияаа д̣̇ууран̇г̇ама. яад̣̇иби жид̇д̇асса маггадасуд̇д̇амад̇д̇амби бурад̇т̇имаад̣̇ид̣̇исаабхааг̇зна г̇аманам̣ наама над̇т̇и, д̣̇уурз санд̇ам̣ бана аарамман̣ам̣ самбадижчад̇ийд̇и д̣̇ууран̇г̇ама. згоязва худ̇ваа жаран̣авасзна бавад̇д̇анад̇о згажаари, анд̇амасо д̣̇вз д̇ийн̣иби жид̇д̇аани згад̇о уббаж̇ж̇ид̇ум̣ самад̇т̇аани наама над̇т̇и, згамзва бана жид̇д̇ам̣ згасмим̣ санд̇аанз уббаж̇ж̇ад̇и. д̇асмим̣ нируд̣̇д̇хз абарамби згамзва уббаж̇ж̇ад̇и, д̇асмаа згажаари. на д̇з гариссам̣ важанам̣ ид̣̇ааниханд̇и яад̣̇иби буб̣б̣з д̇ава васз анувад̇д̇им̣, ид̣̇аани бана сад̇т̇у оваад̣̇ам̣ лад̣̇д̇хагаалад̇о бадтааяа жид̇д̇авасиго на бхависсаами. гасмаад̇и жз? д̣̇угкаа хи гаамаа гадугаа махаб̣бхаяаа гаамаа наамзд̇з ад̇ийд̇зби д̣̇угкаа, ааяад̇имби гадугапалаа, ад̇д̇аануваад̣̇аад̣̇ибхзд̣̇зна махад̇аа бхаязна ануб̣анд̇ханд̇аа махаб̣бхаяаа. ниб̣б̣аанамзваабхимано жариссам̣ д̇асмаа ниб̣б̣аанамзва уд̣̇д̣̇исса абхимукажид̇д̇о вихариссам̣.

Rūpābhāvato arūpā. Cittassa hi tādisaṃ saṇṭhānaṃ nīlādivaṇṇabhedo vā natthi, tasmā vuttaṃ arūpāti. Dūraṭṭhānappavattiyā dūraṅgama. Yadipi cittassa makkaṭasuttamattampi puratthimādidisābhāgena gamanaṃ nāma natthi, dūre santaṃ pana ārammaṇaṃ sampaṭicchatīti dūraṅgama. Ekoyeva hutvā caraṇavasena pavattanato ekacāri, antamaso dve tīṇipi cittāni ekato uppajjituṃ samatthāni nāma natthi, ekameva pana cittaṃ ekasmiṃ santāne uppajjati. Tasmiṃ niruddhe aparampi ekameva uppajjati, tasmā ekacāri. Na te karissaṃ vacanaṃ idānihanti yadipi pubbe tava vase anuvattiṃ, idāni pana satthu ovādaṃ laddhakālato paṭṭhāya cittavasiko na bhavissāmi. Kasmāti ce? Dukkhā hi kāmā kaṭukā mahabbhayā kāmā nāmete atītepi dukkhā, āyatimpi kaṭukaphalā, attānuvādādibhedena mahatā bhayena anubandhantā mahabbhayā. Nibbānamevābhimano carissaṃ tasmā nibbānameva uddissa abhimukhacitto viharissaṃ.

д̇амзва ниб̣б̣аанаабхимукабхаавам̣ д̣̇ассзнд̇о ‘‘наахам̣ алагкяаа’’д̇иаад̣̇имааха. д̇ад̇т̇а наахам̣ алагкяаад̇и алагкигад̇ааяа ниссирийгад̇ааяа наахам̣ г̇зхад̇о нигкаминд̇и яож̇анаа.

Tameva nibbānābhimukhabhāvaṃ dassento ‘‘nāhaṃ alakkhyā’’tiādimāha. Tattha nāhaṃ alakkhyāti alakkhikatāya nissirīkatāya nāhaṃ gehato nikkhaminti yojanā.

ахириггад̇ааяаад̇и яат̇ааваж̇ж̇ам̣ гзл̣им̣ гаронд̇о вияа ниллаж̇ж̇ад̇ааяа. жид̇д̇ахзд̇ууд̇и згад̣̇аа ниг̇ан̣то, згад̣̇аа бариб̣б̣ааж̇агаад̣̇иго хонд̇о анавадтид̇ажид̇д̇о бурисо вияа жид̇д̇авасиго худ̇ваа. д̣̇уураганд̇анаад̇и рааж̇аад̣̇ийхи мзд̇д̇ам̣ гад̇ваа д̇зсу д̣̇уб̣бхид̇ваа д̣̇уб̣бхибхаавзна. ааж̇ийвахзд̇ууд̇и ааж̇ийвагааран̣аа ж̇ийвигаабагад̇о худ̇ваа ааж̇ийвигаабхаязна ахам̣ на нигкамим̣ на баб̣б̣аж̇им̣. гад̇о жа д̇з, жид̇д̇а, бадиссаво маяаад̇и, ‘‘баб̣б̣аж̇ид̇агаалад̇о бадтааяа на д̇ава васз вад̇д̇аами, мамзва бана васз вад̇д̇аамий’’д̇и, жид̇д̇а, маяаа нану бадин̃н̃аа гад̇аад̇и д̣̇ассзд̇и.

Ahirikkatāyāti yathāvajjaṃ keḷiṃ karonto viya nillajjatāya. Cittahetūti ekadā nigaṇṭho, ekadā paribbājakādiko honto anavaṭṭhitacitto puriso viya cittavasiko hutvā. Dūrakantanāti rājādīhi mettaṃ katvā tesu dubbhitvā dubbhibhāvena. Ājīvahetūti ājīvakāraṇā jīvikāpakato hutvā ājīvikābhayena ahaṃ na nikkhamiṃ na pabbajiṃ. Kato ca te, citta, paṭissavo mayāti, ‘‘pabbajitakālato paṭṭhāya na tava vase vattāmi, mameva pana vase vattāmī’’ti, citta, mayā nanu paṭiññā katāti dasseti.

аббижчад̇аа саббурисзхи ван̣н̣ид̇аад̇и ‘‘бажжаязсу саб̣б̣асо аббижчаа наама саад̇хуу’’д̇и б̣уд̣̇д̇хаад̣̇ийхи басадтаа, д̇ат̇аа магкаббахаанам̣ барзсам̣ г̇ун̣з магканасса бахаанам̣ вуубасамо саб̣б̣асса д̣̇угкасса вуубасамо ниб̣б̣аабанам̣ саббурисзхи ван̣н̣ид̇ам̣. ид̇иссу мам̣, жид̇д̇а, д̇ад̣̇аа нияун̃ж̇аси, ‘‘самма, д̇аяаа д̇зсу г̇ун̣зсу бад̇идтаад̇аб̣б̣а’’нд̇и, жид̇д̇а, д̇вам̣ звам̣ д̇ад̣̇аа нияун̃ж̇аси. ид̣̇аани д̇вам̣ г̇ажчаси буб̣б̣ажин̣н̣ам̣ ид̣̇аани мам̣ д̇вам̣ бахааяа ад̇д̇ано буримаажин̣н̣ам̣ махижчад̇аад̣̇им̣ бадибаж̇ж̇аси, гим̣ наамзд̇анд̇и ад̇хиббааяо.

Appicchatā sappurisehi vaṇṇitāti ‘‘paccayesu sabbaso appicchā nāma sādhū’’ti buddhādīhi pasaṭṭhā, tathā makkhappahānaṃ paresaṃ guṇe makkhanassa pahānaṃ vūpasamo sabbassa dukkhassa vūpasamo nibbāpanaṃ sappurisehi vaṇṇitaṃ. Itissu maṃ, citta, tadā niyuñjasi, ‘‘samma, tayā tesu guṇesu patiṭṭhātabba’’nti, citta, tvaṃ evaṃ tadā niyuñjasi. Idāni tvaṃ gacchasi pubbaciṇṇaṃ idāni maṃ tvaṃ pahāya attano purimāciṇṇaṃ mahicchatādiṃ paṭipajjasi, kiṃ nāmetanti adhippāyo.

яамад̇т̇ам̣ санд̇хааяа ‘‘г̇ажчаси буб̣б̣ажин̣н̣а’’нд̇и вуд̇д̇ам̣. д̇ам̣ д̣̇ассзд̇ум̣ ‘‘д̇ан̣хаа авиж̇ж̇аа жаа’’д̇иаад̣̇и вуд̇д̇ам̣. д̇ад̇т̇а д̇ан̣хаад̇и бажжаязсу д̇ан̣хаа, авиж̇ж̇аад̇и д̇ад̇т̇зва аад̣̇ийнавабадижчаад̣̇игаа авиж̇ж̇аа. бияаабияанд̇и буд̇д̇ад̣̇аараад̣̇ийсу бзмасан̇каад̇о бияабхааво жзва банд̇асзнаасанзсу ад̇хигусалад̇хаммзсу анабхирад̇исан̇каад̇о аббияабхааво жа убхаяад̇т̇а анурод̇хабадивирод̇хо. субхаани руубаанийд̇и аж̇жхад̇д̇ам̣ б̣ахид̣̇д̇хаа жа субхаруубаани. сукаа взд̣̇анаад̇и идтаарамман̣з бадижжа уббаж̇ж̇анасукавзд̣̇анаа. манаабияаа гаамаг̇ун̣аад̇и вуд̇д̇аавасзсаа манорамаа гаамагодтаасаа. ванд̇аад̇и нируубад̇о д̇ам̣ниссид̇асса чанд̣̇арааг̇асса вигкамбханабахаанзна чад̣д̣ид̇ад̇ааяа барижжад̇д̇ад̇ааяа жа ванд̇аа. ванд̇з ахам̣ аавамид̇ум̣ на уссахзд̇и звам̣ д̇з чад̣д̣ид̇з буна бажжаавамид̇ум̣ ахам̣ на саггоми, барижжад̇д̇аа зва хонд̇ийд̇и вад̣̇ад̇и.

Yamatthaṃ sandhāya ‘‘gacchasi pubbaciṇṇa’’nti vuttaṃ. Taṃ dassetuṃ ‘‘taṇhā avijjā cā’’tiādi vuttaṃ. Tattha taṇhāti paccayesu taṇhā, avijjāti tattheva ādīnavapaṭicchādikā avijjā. Piyāpiyanti puttadārādīsu pemasaṅkhāto piyabhāvo ceva pantasenāsanesu adhikusaladhammesu anabhiratisaṅkhāto appiyabhāvo ca ubhayattha anurodhapaṭivirodho. Subhāni rūpānīti ajjhattaṃ bahiddhā ca subharūpāni. Sukhā vedanāti iṭṭhārammaṇe paṭicca uppajjanasukhavedanā. Manāpiyā kāmaguṇāti vuttāvasesā manoramā kāmakoṭṭhāsā. Vantāti nirūpato taṃnissitassa chandarāgassa vikkhambhanapahānena chaḍḍitatāya pariccattatāya ca vantā. Vante ahaṃ āvamituṃ na ussaheti evaṃ te chaḍḍite puna paccāvamituṃ ahaṃ na sakkomi, pariccattā eva hontīti vadati.

саб̣б̣ад̇т̇аад̇и саб̣б̣зсу бхавзсу саб̣б̣аасу яонийсу саб̣б̣аасу г̇ад̇ийсу вин̃н̃аан̣адтид̇ийсу жа. важо гад̇ам̣ маяаад̇и, амбхо жид̇д̇а, д̇ава важанам̣ маяаа гад̇ам̣. гаронд̇о жа б̣ахуусу ж̇аад̇ийсу на мзси гобид̇од̇и анзгаасу ж̇аад̇ийсу бана маяаа на гобид̇о аси. маяаа нзва барибхавид̇о. д̇ат̇ааби аж̇жхад̇д̇асамбхаво ад̇д̇ани самбхууд̇о худ̇вааби д̇ава агад̇ан̃н̃уд̇ааяа д̣̇угкз жийрам̣ сам̣сарид̇ам̣ д̇аяаа гад̇зд̇и д̇аяаа ниб̣б̣ад̇д̇ид̇з анаад̣̇имад̇и сам̣саарад̣̇угкз сужирагаалам̣ маяаа сам̣сарид̇ам̣ бариб̣бхамид̇ам̣.

Sabbatthāti sabbesu bhavesu sabbāsu yonīsu sabbāsu gatīsu viññāṇaṭṭhitīsu ca. Vaco kataṃ mayāti, ambho citta, tava vacanaṃ mayā kataṃ. Karonto ca bahūsu jātīsu na mesi kopitoti anekāsu jātīsu pana mayā na kopito asi. Mayā neva paribhavito. Tathāpi ajjhattasambhavo attani sambhūto hutvāpi tava akataññutāya dukkhe cīraṃ saṃsaritaṃ tayā kateti tayā nibbattite anādimati saṃsāradukkhe sucirakālaṃ mayā saṃsaritaṃ paribbhamitaṃ.

ид̣̇аани ‘‘д̣̇угкз жирам̣ сам̣сарид̇ам̣ д̇аяаа гад̇з’’д̇и сан̇кзбад̇о вуд̇д̇амад̇т̇ам̣ уббад̇д̇ибхзд̣̇зна г̇ад̇ибхзд̣̇зна жа вид̇т̇аарад̇о д̣̇ассзнд̇о ‘‘д̇ван̃н̃зваа’’д̇иаад̣̇имааха. д̇ад̇т̇а рааж̇ад̣̇асийд̇и рааж̇аа аси, д̣̇агааро бад̣̇асанд̇хигаро, взссаа жа суд̣̇д̣̇аа жа бхаваама згад̣̇аа д̇авзва ваахасаад̇и яож̇анаа . д̣̇звад̇д̇анам̣ ваабийд̇и д̣̇звабхаавам̣ вааби д̇вам̣язва но амхаагам̣, жид̇д̇а, гаросийд̇и яож̇анаа. ваахасаад̇и гааран̣абхаавзна.

Idāni ‘‘dukkhe ciraṃ saṃsaritaṃ tayā kate’’ti saṅkhepato vuttamatthaṃ uppattibhedena gatibhedena ca vitthārato dassento ‘‘tvaññevā’’tiādimāha. Tattha rājadasīti rājā asi, dakāro padasandhikaro, vessā ca suddā ca bhavāma ekadā taveva vāhasāti yojanā . Devattanaṃ vāpīti devabhāvaṃ vāpi tvaṃyeva no amhākaṃ, citta, karosīti yojanā. Vāhasāti kāraṇabhāvena.

д̇авзва хзд̇ууд̇и д̇авзва хзд̇убхаавзна. д̇вам̣муулаганд̇и д̇вам̣нимид̇д̇ам̣.

Taveva hetūti taveva hetubhāvena. Tvaṃmūlakanti tvaṃnimittaṃ.

нану д̣̇уб̣бхиссаси мам̣ бунаббунанд̇и бунаббунам̣ д̣̇уб̣бхиссаси нуна, яат̇аа буб̣б̣з д̇вам̣ ананд̇аасу ж̇аад̇ийсу, жид̇д̇а, мид̇д̇абадируубаго сабад̇д̇о худ̇ваа маяхам̣ бунаббунам̣ д̣̇уб̣бхи, ид̣̇аани д̇ат̇аа д̣̇уб̣бхиссаси ман̃н̃з, буб̣б̣з вияа жаарзд̇ум̣ на д̣̇ассаамийд̇и ад̇хиббааяо. мухум̣ мухум̣ жааран̣игам̣ва д̣̇ассаяанд̇и абхин̣хад̇о жаран̣аарахам̣ вияа мано д̣̇ассзнд̇о жаран̣аарахам̣ бурисам̣ ван̃жзд̇ваа жараг̇обагам̣ нибпаад̣̇знд̇о вияа бунаббунам̣ д̇ам̣ д̇ам̣ бхавам̣ д̣̇ассзнд̇о. уммад̇д̇агзнзва маяаа балобхасийд̇и уммад̇д̇агабурисзна вияа маяаа сад̣̇д̇хим̣ гийл̣анд̇о д̇ам̣ д̇ам̣ балобханийяам̣ д̣̇ассзд̇ваа балобхаси. гин̃жааби д̇з, жид̇д̇а, вираад̇хид̇ам̣ маяаад̇и, амбхо жид̇д̇а, гим̣ наама д̇з маяаа вирад̣̇д̇хам̣, д̇ам̣ гат̇зхийд̇и ад̇хиббааяо.

Nanu dubbhissasi maṃ punappunanti punappunaṃ dubbhissasi nuna, yathā pubbe tvaṃ anantāsu jātīsu, citta, mittapaṭirūpako sapatto hutvā mayhaṃ punappunaṃ dubbhi, idāni tathā dubbhissasi maññe, pubbe viya cāretuṃ na dassāmīti adhippāyo. Muhuṃ muhuṃ cāraṇikaṃva dassayanti abhiṇhato caraṇārahaṃ viya mano dassento caraṇārahaṃ purisaṃ vañcetvā caragopakaṃ nipphādento viya punappunaṃ taṃ taṃ bhavaṃ dassento. Ummattakeneva mayā palobhasīti ummattakapurisena viya mayā saddhiṃ kīḷanto taṃ taṃ palobhanīyaṃ dassetvā palobhasi. Kiñcāpi te, citta, virādhitaṃ mayāti, ambho citta, kiṃ nāma te mayā viraddhaṃ, taṃ kathehīti adhippāyo.

ид̣̇ам̣ бурз жид̇д̇анд̇и ид̣̇ам̣ жид̇д̇ам̣ наама ид̇о буб̣б̣з руубаад̣̇ийсу аарамман̣зсу раж̇ж̇анаад̣̇инаа, язна аагаарзна ижчад̇и, яад̇т̇зва жасса гаамо уббаж̇ж̇ад̇и, д̇асса васзна яад̇т̇агаамам̣ яат̇аа вижаранд̇асса сукам̣ ход̇и, д̇ат̇зва жа жаранд̇о яат̇аасукам̣ д̣̇ийгхарад̇д̇ам̣ жааригам̣ ажари. аж̇ж̇аахам̣ бабхиннамад̣̇ам̣ мад̇д̇ахад̇т̇им̣ хад̇т̇аажарияасан̇каад̇о чзго ан̇гусаг̇г̇ахо ан̇гусзна вияа яонисоманасигаарзна нам̣ ниг̇г̇ахзссаами, насса вийд̇иггамид̇ум̣ д̣̇ассаамийд̇и.

Idaṃ pure cittanti idaṃ cittaṃ nāma ito pubbe rūpādīsu ārammaṇesu rajjanādinā, yena ākārena icchati, yattheva cassa kāmo uppajjati, tassa vasena yatthakāmaṃ yathā vicarantassa sukhaṃ hoti, tatheva ca caranto yathāsukhaṃ dīgharattaṃ cārikaṃ acari. Ajjāhaṃ pabhinnamadaṃ mattahatthiṃ hatthācariyasaṅkhāto cheko aṅkusaggaho aṅkusena viya yonisomanasikārena naṃ niggahessāmi, nassa vītikkamituṃ dassāmīti.

сад̇т̇аа жа мз логамимам̣ ад̇хидтахийд̇и мама сад̇т̇аа саммаасамб̣уд̣̇д̇хо имам̣ анавасзсаканд̇халогам̣ н̃аан̣зна ад̇хидтахи. гинд̇и? худ̇ваа абхаавадтзна анижжад̇о, гассажиби д̇хувасса т̇ааварасса абхаавад̇о ад̣̇д̇хувад̇о сукасаараад̣̇ийнам̣ абхаавад̇о асаарад̇о. багканд̣̇а мам̣, жид̇д̇а, ж̇инасса саасанзд̇и д̇асмаа яаат̇аавад̇о бадибаж̇ж̇ид̇ум̣, жид̇д̇а, мам̣ ж̇инасса бхаг̇авад̇о саасанз багканд̣̇зхи ануббавзсзхи. ‘‘багканд̣̇има’’нд̇иби баал̣и, ж̇инасса саасанз имам̣ логам̣ н̃аан̣зна багканд̣̇а, яаат̇аавад̇о д̇аарзхи, багканд̣̇анд̇о жа вибассанаан̃аан̣амаг̇г̇зна яаабзнд̇о суд̣̇уд̇д̇арад̇о маханд̇ад̇о сам̣саарамахогхад̇о мам̣ д̇аарзхи.

Satthā ca me lokamimaṃ adhiṭṭhahīti mama satthā sammāsambuddho imaṃ anavasesakhandhalokaṃ ñāṇena adhiṭṭhahi. Kinti? Hutvā abhāvaṭṭhena aniccato, kassacipi dhuvassa thāvarassa abhāvato addhuvato sukhasārādīnaṃ abhāvato asārato. Pakkhanda maṃ, citta, jinassa sāsaneti tasmā yāthāvato paṭipajjituṃ, citta, maṃ jinassa bhagavato sāsane pakkhandehi anuppavesehi. ‘‘Pakkhandima’’ntipi pāḷi, jinassa sāsane imaṃ lokaṃ ñāṇena pakkhanda, yāthāvato tārehi, pakkhandanto ca vipassanāñāṇamaggena yāpento suduttarato mahantato saṃsāramahoghato maṃ tārehi.

на д̇з ид̣̇ам̣, жид̇д̇а, яат̇аа бураан̣аганд̇и, амбхо жид̇д̇а, ид̣̇ам̣ ад̇д̇абхааваг̇зхам̣ бораан̣агам̣ вияа д̇ава на ход̇ийд̇и ад̇т̇о. гасмаа? наахам̣ алам̣ д̇уяха васз нивад̇д̇ид̇унд̇и ид̣̇аанаахам̣ д̇ава васз нивад̇д̇ид̇ум̣ на яуд̇д̇о. яасмаа махзсино бхаг̇авад̇о баб̣б̣аж̇ид̇омхи саасанз. баб̣б̣аж̇ид̇агаалад̇о жа бадтааяа саман̣аа наама маад̣̇исаава на хонд̇и винаасад̇хаарино, згам̣сад̇о саман̣ааязва хонд̇ийд̇и ад̇т̇о.

Na te idaṃ, citta, yathā purāṇakanti, ambho citta, idaṃ attabhāvagehaṃ porāṇakaṃ viya tava na hotīti attho. Kasmā? Nāhaṃ alaṃ tuyha vase nivattitunti idānāhaṃ tava vase nivattituṃ na yutto. Yasmā mahesino bhagavato pabbajitomhi sāsane. Pabbajitakālato ca paṭṭhāya samaṇā nāma mādisāva na honti vināsadhārino, ekaṃsato samaṇāyeva hontīti attho.

наг̇аад̇и синзрухимаванд̇аад̣̇аяо саб̣б̣з баб̣б̣ад̇аа. самуд̣̇д̣̇аад̇и бурад̇т̇имасамуд̣̇д̣̇аад̣̇аяо сийд̇асамуд̣̇д̣̇аад̣̇аяо, на саб̣б̣з самуд̣̇д̣̇аа. сарид̇аад̇и г̇ан̇г̇аад̣̇аяо саб̣б̣аа над̣̇ияо жа. васунд̇хараад̇и бат̇авий. д̣̇исаа жад̇ассод̇и бурад̇т̇имаад̣̇ибхзд̣̇аа жад̇ассо д̣̇исаа. вид̣̇исаад̇и бурад̇т̇имад̣̇агкин̣аад̣̇аяо жад̇ассо ануд̣̇исаа. ад̇ход̇и хздтаа яаава уд̣̇агасанд̇хаарагавааяуканд̇хаа. д̣̇иваад̇и д̣̇звалогаа. д̣̇ивааг̇г̇ахан̣зна жзд̇т̇а д̇ад̇т̇а г̇ад̇з сад̇д̇асан̇каарз вад̣̇ад̇и. саб̣б̣з анижжаа д̇ибхаваа убад̣̇д̣̇уд̇аад̇и саб̣б̣з гаамабхаваад̣̇аяо д̇аяо бхаваа анижжаа жзва ж̇аад̇иаад̣̇ийхи рааг̇аад̣̇ийхи гилзсзхи убад̣̇д̣̇уд̇аа бийл̣ид̇аа жа, на зд̇т̇а гин̃жи кзмадтаанам̣ наама ад̇т̇и, д̇ад̣̇абхаавад̇о гухим̣ г̇ад̇о, жид̇д̇а, сукам̣ рамиссаси, д̇асмаа д̇ад̇о ниссаран̣ан̃жзд̇т̇а бариязсаахийд̇и ад̇хиббааяо.

Nagāti sineruhimavantādayo sabbe pabbatā. Samuddāti puratthimasamuddādayo sītasamuddādayo, na sabbe samuddā. Saritāti gaṅgādayo sabbā nadiyo ca. Vasundharāti pathavī. Disā catassoti puratthimādibhedā catasso disā. Vidisāti puratthimadakkhiṇādayo catasso anudisā. Adhoti heṭṭhā yāva udakasandhārakavāyukhandhā. Divāti devalokā. Divāggahaṇena cettha tattha gate sattasaṅkhāre vadati. Sabbe aniccā tibhavā upaddutāti sabbe kāmabhavādayo tayo bhavā aniccā ceva jātiādīhi rāgādīhi kilesehi upaddutā pīḷitā ca, na ettha kiñci khemaṭṭhānaṃ nāma atthi, tadabhāvato kuhiṃ gato, citta, sukhaṃ ramissasi, tasmā tato nissaraṇañcettha pariyesāhīti adhippāyo.

д̇хид̇иббаранд̇и д̇хид̇ибарааяан̣ам̣ барамам̣ т̇ирабхаавз тид̇ам̣ мамам̣, жид̇д̇а, гим̣ гаахиси, д̇ад̇о ийсагамби мам̣ жаалзд̇ум̣ наасагкиссасийд̇и ад̇т̇о. д̇знааха ‘‘на д̇з алам̣, жид̇д̇а, васаанувад̇д̇аго’’д̇и. ид̣̇аани д̇амзвад̇т̇ам̣ баагадад̇арам̣ гад̇ваа д̣̇ассзнд̇о ‘‘на ж̇аад̇у бхасд̇ам̣ убхад̇омукам̣ чубз , д̇хирад̇т̇у буурам̣ навасод̇асанд̣̇ани’’нд̇и ааха. д̇ад̇т̇а бхасд̇анд̇и руд̇д̇им̣. убхад̇омуканд̇и буд̇ол̣ияаа убхад̇омукам̣. на ж̇аад̇у чубзд̇и згам̣сзнзва баад̣̇знааби на чубзяяа, д̇ат̇аа д̇хирад̇т̇у буурам̣ навасод̇асанд̣̇анинд̇и наанаббагаарасса асужино буурам̣ навахи сод̇зхи ван̣амукзхи асужисанд̣̇аним̣ савад̇им̣. д̇ааяа важжагудияаа д̇хий ад̇т̇у, д̇ассаа г̇арахаа ход̇у.

Dhitipparanti dhitiparāyaṇaṃ paramaṃ thirabhāve ṭhitaṃ mamaṃ, citta, kiṃ kāhisi, tato īsakampi maṃ cāletuṃ nāsakkhissasīti attho. Tenāha ‘‘na te alaṃ, citta, vasānuvattako’’ti. Idāni tamevatthaṃ pākaṭataraṃ katvā dassento ‘‘na jātu bhastaṃ ubhatomukhaṃ chupe , dhiratthu pūraṃ navasotasandani’’nti āha. Tattha bhastanti ruttiṃ. Ubhatomukhanti putoḷiyā ubhatomukhaṃ. Na jātu chupeti ekaṃseneva pādenāpi na chupeyya, tathā dhiratthu pūraṃ navasotasandaninti nānappakārassa asucino pūraṃ navahi sotehi vaṇamukhehi asucisandaniṃ savatiṃ. Tāya vaccakuṭiyā dhī atthu, tassā garahā hotu.

звам̣ адтавийсад̇ияаа г̇аат̇аахи ниг̇г̇ан̣ханавасзна жид̇д̇ам̣ овад̣̇ид̇ваа ид̣̇аани вивзгадтаанаажигкан̣аад̣̇инаа самбахам̣сзнд̇о ‘‘вараахазн̣зяяавиг̇аал̣хасзвид̇з’’д̇иаад̣̇имааха. д̇ад̇т̇а вараахазн̣зяяавиг̇аал̣хасзвид̇зд̇и вараахзхи жзва зн̣зяязхи жа ог̇аахзд̇ваа сзвид̇з. баб̣бхаарагуддзд̇и баб̣бхаарадтаанз жзва баб̣б̣ад̇асикарз жа. багад̇зва сунд̣̇арзд̇и багад̇ияаа зва сунд̣̇арз ад̇ид̇д̇иманохарз. ‘‘багад̇ивасунд̇харз’’д̇и ваа баато, баагад̇игз бхуумибад̣̇зсзд̇и ад̇т̇о. навамб̣унаа баавусасид̇д̇агаананзд̇и баавусавасзна вудтзна мзгход̣̇агзна убасид̇д̇авассз сут̇звз ванз. д̇ахим̣ г̇ухааг̇зхаг̇ад̇о рамиссасийд̇и д̇асмим̣ баб̣б̣ад̇агаананз г̇ухаасан̇каад̇ам̣ г̇зхам̣ убаг̇ад̇о бхааванаарад̇ияаа абхирамиссаси.

Evaṃ aṭṭhavīsatiyā gāthāhi niggaṇhanavasena cittaṃ ovaditvā idāni vivekaṭṭhānācikkhaṇādinā sampahaṃsento ‘‘varāhaeṇeyyavigāḷhasevite’’tiādimāha. Tattha varāhaeṇeyyavigāḷhaseviteti varāhehi ceva eṇeyyehi ca ogāhetvā sevite. Pabbhārakuṭṭeti pabbhāraṭṭhāne ceva pabbatasikhare ca. Pakateva sundareti pakatiyā eva sundare atittimanohare. ‘‘Pakativasundhare’’ti vā pāṭho, pākatike bhūmipadeseti attho. Navambunā pāvusasittakānaneti pāvusavasena vuṭṭhena meghodakena upasittavasse sutheve vane. Tahiṃ guhāgehagato ramissasīti tasmiṃ pabbatakānane guhāsaṅkhātaṃ gehaṃ upagato bhāvanāratiyā abhiramissasi.

д̇з д̇ам̣ рамзссанд̇ийд̇и д̇з маяуураад̣̇аяо ванасан̃н̃ам̣ уббаад̣̇знд̇аа д̇ам̣ рамзссанд̇ийд̇и ад̇т̇о.

Te taṃ ramessantīti te mayūrādayo vanasaññaṃ uppādentā taṃ ramessantīti attho.

вудтамхи д̣̇звзд̇и мзгхз ад̇хиббавудтз. жад̇уран̇г̇улз д̇ин̣зд̇и д̇знзва г̇ассод̣̇агабаад̇зна д̇ад̇т̇а д̇ад̇т̇а д̇ин̣з сурад̇д̇аван̣н̣агамб̣аласад̣̇исз жад̇уран̇г̇улз ж̇аад̇з. сам̣бубпид̇з мзгханибхамхи гаананзд̇и баавусамзгхасан̇гаасз гаананз саммад̣̇зва бубпид̇з. наг̇анд̇арзд̇и баб̣б̣ад̇анд̇арз. видабисамо саяиссанд̇и д̇арусад̣̇исо абариг̇г̇ахо худ̇ваа нибаж̇ж̇иссам̣. д̇ам̣ мз муд̣̇уу хзхид̇и д̇ууласаннибханд̇и д̇ам̣ д̇ин̣абажжад̇т̇аран̣ам̣ муд̣̇у сукасампассам̣ д̇ууласаннибхам̣ д̇уулигасад̣̇исам̣ саяанам̣ мз бхависсад̇и.

Vuṭṭhamhi deveti meghe adhippavuṭṭhe. Caturaṅgule tiṇeti teneva gassodakapātena tattha tattha tiṇe surattavaṇṇakambalasadise caturaṅgule jāte. Saṃpupphite meghanibhamhi kānaneti pāvusameghasaṅkāse kānane sammadeva pupphite. Nagantareti pabbatantare. Viṭapisamo sayissanti tarusadiso apariggaho hutvā nipajjissaṃ. Taṃ me mudū hehiti tūlasannibhanti taṃ tiṇapaccattharaṇaṃ mudu sukhasamphassaṃ tūlasannibhaṃ tūlikasadisaṃ sayanaṃ me bhavissati.

д̇ат̇аа д̇у гассаами яат̇ааби иссарод̇и яат̇аа гожи иссарабурисо ад̇д̇ано важанагарад̣̇аасаад̣̇им̣ васз вад̇д̇зд̇и, ахамби, жид̇д̇а, д̇ам̣ д̇ат̇аа гариссаами, маяхам̣ васз вад̇д̇змиязва. гат̇ам̣? яам̣ лаб̣бхад̇и д̇знаби ход̇у мз аланд̇и жад̇уусу бажжаязсу яам̣ яаад̣̇исам̣ ваа д̇аад̣̇исам̣ ваа лаб̣бхад̇и, д̇зна жа маяхам̣ алам̣ барияад̇д̇ам̣ ход̇у. зд̇зна ид̣̇ам̣ д̣̇ассзд̇и – яасмаа ид̇хзгажжз сад̇д̇аа д̇ан̣хуббаад̣̇ахзд̇у жид̇д̇асса васз анувад̇д̇анд̇и, ахам̣ бана д̇ан̣хуббаад̣̇ам̣ д̣̇уурад̇о важ̇ж̇знд̇о жид̇д̇ам̣ д̣̇аасам̣ вияа гаронд̇о ад̇д̇ано васз вад̇д̇змийд̇и. на д̇аахам̣ гассаами яат̇аа ад̇анд̣̇ид̇о, б̣ил̣аарабхасд̇ам̣ва яат̇аа сумад̣̇д̣̇ид̇анд̇и жид̇д̇а д̇ан̣хуббаад̣̇абариваж̇ж̇анахзд̇у, буна д̇анд̇и жид̇д̇ам̣ аамасад̇и, яат̇аа ан̃н̃оби гожи саммаббад̇хаанаяог̇зна бхааванааяа ад̇анд̣̇ид̇о ад̇д̇ано жид̇д̇ам̣ гаммагкамам̣, гаммаяог̇г̇ам̣ гарод̇и, д̇ат̇аа ахамби, жид̇д̇а, д̇ам̣ гаммагкамам̣, гаммаяог̇г̇ам̣ маяхам̣ васз вад̇д̇ам̣ гариссаами . яат̇аа гим̣? б̣ил̣аарабхасд̇ам̣ва яат̇аа сумад̣̇д̣̇ид̇ам̣, наид̇и нибаад̇амад̇д̇ам̣. яат̇аа судту мад̣̇д̣̇ид̇ам̣ б̣ил̣аарабхасд̇ам̣ гаммагкамам̣, гаммаяог̇г̇ам̣ сукзна барихаран̣ийяан̃жа ход̇и, д̇ат̇аахам̣ д̇ам̣ гариссаами.

Tathātu kassāmi yathāpi issaroti yathā koci issarapuriso attano vacanakaradāsādiṃ vase vatteti, ahampi, citta, taṃ tathā karissāmi, mayhaṃ vase vattemiyeva. Kathaṃ? Yaṃ labbhati tenapi hotu me alanti catūsu paccayesu yaṃ yādisaṃ vā tādisaṃ vā labbhati, tena ca mayhaṃ alaṃ pariyattaṃ hotu. Etena idaṃ dasseti – yasmā idhekacce sattā taṇhuppādahetu cittassa vase anuvattanti, ahaṃ pana taṇhuppādaṃ dūrato vajjento cittaṃ dāsaṃ viya karonto attano vase vattemīti. Na tāhaṃ kassāmi yathā atandito, biḷārabhastaṃva yathā sumadditanti citta taṇhuppādaparivajjanahetu, puna tanti cittaṃ āmasati, yathā aññopi koci sammappadhānayogena bhāvanāya atandito attano cittaṃ kammakkhamaṃ, kammayoggaṃ karoti, tathā ahampi, citta, taṃ kammakkhamaṃ, kammayoggaṃ mayhaṃ vase vattaṃ karissāmi . Yathā kiṃ? Biḷārabhastaṃva yathā sumadditaṃ, naiti nipātamattaṃ. Yathā suṭṭhu madditaṃ biḷārabhastaṃ kammakkhamaṃ, kammayoggaṃ sukhena pariharaṇīyañca hoti, tathāhaṃ taṃ karissāmi.

вийриязна д̇ам̣ маяха васаанаяиссанд̇и, амбхо жид̇д̇а, д̇ам̣ ад̇д̇ано вийриязна бхааванааб̣алам̣ уббаад̣̇зд̇ваа д̇зна маяхам̣ васам̣ аанаяиссам̣. г̇аж̇ам̣ва мад̇д̇ам̣ гусалан̇гусаг̇г̇аход̇и яат̇аа гусало чзго ан̇гусаг̇г̇ахо хад̇т̇аажарияо ад̇д̇ано сигкааб̣алзна мад̇д̇ахад̇т̇им̣ ад̇д̇ано васам̣ аанзд̇и, д̇ат̇зваад̇и ад̇т̇о.

Vīriyena taṃ mayha vasānayissanti, ambho citta, taṃ attano vīriyena bhāvanābalaṃ uppādetvā tena mayhaṃ vasaṃ ānayissaṃ. Gajaṃva mattaṃ kusalaṅkusaggahoti yathā kusalo cheko aṅkusaggaho hatthācariyo attano sikkhābalena mattahatthiṃ attano vasaṃ āneti, tathevāti attho.

д̇аяаа суд̣̇анд̇зна авадтид̇зна хийд̇и хийд̇и нибаад̇амад̇д̇ам̣, жид̇д̇а, самат̇авибассанаабхааванаахи судту д̣̇анд̇зна д̇ад̇о зва саммад̣̇зва вибассанаавийт̇им̣ бадибаннад̇д̇аа авадтид̇зна д̇аяаа. хаязна яог̇г̇аажарияова уж̇ж̇унаад̇и яат̇аа суд̣̇анд̇зна суд̣̇анд̇ад̇д̇аа зва уж̇унаа аван̇гаг̇ад̇инаа ассааж̇аанийязна яог̇г̇аажарияо ассад̣̇аммасаарат̇и акзмадтаанад̇о кзманд̇абхуумим̣ бадибаж̇ж̇ид̇ум̣ саггод̇и, звам̣ бахоми маг̇г̇ам̣ бадибаж̇ж̇ид̇ум̣ сиванд̇и асивабхаавагараанам̣ гилзсаанам̣ абхаавзна сивам̣. жид̇д̇аанурагкийхийд̇и ад̇д̇ано жид̇д̇ам̣ анурагкан̣асийлзхи б̣уд̣̇д̇хаад̣̇ийхи саб̣б̣агаалам̣ сзвид̇ам̣ арияамаг̇г̇ам̣ ахам̣ бадибаж̇ж̇ид̇ум̣ ад̇хиг̇анд̇ум̣ бахоми саггомийд̇и.

Tayā sudantena avaṭṭhitena hīti hīti nipātamattaṃ, citta, samathavipassanābhāvanāhi suṭṭhu dantena tato eva sammadeva vipassanāvīthiṃ paṭipannattā avaṭṭhitena tayā. Hayena yoggācariyova ujjunāti yathā sudantena sudantattā eva ujunā avaṅkagatinā assājānīyena yoggācariyo assadammasārathi akhemaṭṭhānato khemantabhūmiṃ paṭipajjituṃ sakkoti, evaṃ pahomi maggaṃ paṭipajjituṃ sivanti asivabhāvakarānaṃ kilesānaṃ abhāvena sivaṃ. Cittānurakkhīhīti attano cittaṃ anurakkhaṇasīlehi buddhādīhi sabbakālaṃ sevitaṃ ariyamaggaṃ ahaṃ paṭipajjituṃ adhigantuṃ pahomi sakkomīti.

аарамман̣з д̇ам̣ б̣аласаа ниб̣анд̇хисам̣, нааг̇ам̣ва т̇амбхамхи д̣̇ал̣хааяа раж̇ж̇уяаад̇и яат̇аа хад̇т̇аажарияо махаахад̇т̇им̣ аал̣аанат̇амбхз д̣̇ал̣хааяа т̇ирааяа раж̇ж̇уяаа ниб̣анд̇хад̇и, звамахам̣, жид̇д̇а, гаммадтаанаарамман̣з бхааванааб̣алзна ниб̣анд̇хиссам̣. д̇ам̣ мз суг̇уд̇д̇ам̣ сад̇ияаа субхаавид̇анд̇и д̇ам̣ д̇вам̣, жид̇д̇а, мама сад̇ияаа суг̇уд̇д̇ам̣ субхаавид̇ан̃жа худ̇ваа. аниссид̇ам̣ саб̣б̣абхавзсу хзхисийд̇и арияамаг̇г̇абхааванаад̣̇иб̣алзна гаамабхаваад̣̇ийсу саб̣б̣зсуби бхавзсу д̇ан̣хаад̣̇иниссаязхи аниссид̇ам̣ бхависсаси.

Ārammaṇetaṃ balasā nibandhisaṃ, nāgaṃva thambhamhi daḷhāyarajjuyāti yathā hatthācariyo mahāhatthiṃ āḷānathambhe daḷhāya thirāya rajjuyā nibandhati, evamahaṃ, citta, kammaṭṭhānārammaṇe bhāvanābalena nibandhissaṃ. Taṃ me suguttaṃ satiyā subhāvitanti taṃ tvaṃ, citta, mama satiyā suguttaṃ subhāvitañca hutvā. Anissitaṃ sabbabhavesu hehisīti ariyamaggabhāvanādibalena kāmabhavādīsu sabbesupi bhavesu taṇhādinissayehi anissitaṃ bhavissasi.

бан̃н̃ааяа чзд̇ваа вибат̇аанусааринанд̇и уббат̇аг̇ааминам̣ ааяад̇анасамуд̣̇аяам̣ яаат̇аавад̇о д̣̇исваа язна самуд̣̇аязна уббат̇аг̇аамий, д̇асса гилзсависсанд̣̇анам̣ гилзсавибпанд̣̇ид̇ам̣ инд̣̇рияасам̣варуубаниссаяааяа бадисан̇каанабан̃н̃ааяа чинд̣̇ид̇ваа сод̇авижчзд̣̇анавасзна ааваран̣ам̣ гад̇ваа. яог̇зна ниг̇г̇аяхаад̇и вибассанаабхааванаасан̇каад̇зна яог̇зна саамад̇т̇ияавид̇хаманзна ниг̇г̇ахзд̇ваа. бат̇з нивзсияаад̇и вибассанаавийт̇ияам̣ нивзсзд̇ваа, бад̇идтабзд̇ваа. яад̣̇аа бана вибассанаа уссуггаабид̇аа маг̇г̇зна гхаддзд̇и, д̇ад̣̇аа маг̇г̇абан̃н̃ааяа ‘‘яам̣гин̃жи самуд̣̇аяад̇хаммам̣, саб̣б̣ам̣ д̇ам̣ нирод̇хад̇хамма’’нд̇и (махаава. 16; сам̣. ни. 5.1081) нид̣̇ассанзна саб̣б̣асо ааяад̇анасамуд̣̇аяасса вибхавам̣ самбхаван̃жа асаммохад̇о д̣̇исваа сад̣̇звагз логз аг̇г̇аваад̣̇ино саммаасамб̣уд̣̇д̇хасса д̣̇ааяаад̣̇о орасабуд̇д̇о хзхиси бхависсасийд̇и ад̇т̇о.

Paññāya chetvā vipathānusārinanti uppathagāminaṃ āyatanasamudayaṃ yāthāvato disvā yena samudayena uppathagāmī, tassa kilesavissandanaṃ kilesavipphanditaṃ indriyasaṃvarūpanissayāya paṭisaṅkhānapaññāya chinditvā sotavicchedanavasena āvaraṇaṃ katvā. Yogena niggayhāti vipassanābhāvanāsaṅkhātena yogena sāmatthiyavidhamanena niggahetvā. Pathe nivesiyāti vipassanāvīthiyaṃ nivesetvā, patiṭṭhapetvā. Yadā pana vipassanā ussukkāpitā maggena ghaṭṭeti, tadā maggapaññāya ‘‘yaṃkiñci samudayadhammaṃ, sabbaṃ taṃ nirodhadhamma’’nti (mahāva. 16; saṃ. ni. 5.1081) nidassanena sabbaso āyatanasamudayassa vibhavaṃ sambhavañca asammohato disvā sadevake loke aggavādino sammāsambuddhassa dāyādo orasaputto hehisi bhavissasīti attho.

жад̇уб̣б̣ибаллаасавасам̣ ад̇хидтид̇анд̇и анижжз нижжанд̇и, асубхз субханд̇и, д̣̇угкз суканд̇и, анад̇д̇ани ад̇д̇аад̇и имзсам̣ жад̇уннам̣ вибаллаасаанам̣ васам̣ ад̇хидтид̇ам̣ анувад̇д̇анд̇ам̣. г̇ааман̣д̣алам̣ва баринзси, жид̇д̇а, манд̇и, амбхо жид̇д̇а, мам̣ г̇аамад̣̇аарагам̣ вияа баригад̣дхаси, ид̇о жид̇о баригад̣дхаси. нану сам̣яож̇анаб̣анд̇ханажчид̣̇анд̇и сам̣яож̇анасан̇каад̇аанам̣ д̣̇асаннам̣ б̣анд̇ханаанам̣ чзд̣̇агам̣ гаарун̣игам̣ махаамуним̣ саммаасамб̣уд̣̇д̇хам̣ сам̣сзваси нану, ‘‘д̇ат̇ааруубз махаанубхаавз д̣̇уурад̇ова важ̇ж̇зси, маад̣̇исз бана д̇абассинз яат̇ааружи баринзсий’’д̇и аббасаад̣̇алзсзна сад̇т̇аарам̣ басам̣сад̇и.

Catubbipallāsavasaṃadhiṭṭhitanti anicce niccanti, asubhe subhanti, dukkhe sukhanti, anattani attāti imesaṃ catunnaṃ vipallāsānaṃ vasaṃ adhiṭṭhitaṃ anuvattantaṃ. Gāmaṇḍalaṃva parinesi, citta, manti, ambho citta, maṃ gāmadārakaṃ viya parikaḍḍhasi, ito cito parikaḍḍhasi. Nanu saṃyojanabandhanacchidanti saṃyojanasaṅkhātānaṃ dasannaṃ bandhanānaṃ chedakaṃ kāruṇikaṃ mahāmuniṃ sammāsambuddhaṃ saṃsevasi nanu, ‘‘tathārūpe mahānubhāve dūratova vajjesi, mādise pana tapassine yathāruci parinesī’’ti appasādalesena satthāraṃ pasaṃsati.

миг̇о яат̇аад̇и яат̇аа миг̇о ругкаг̇ажчалад̇аад̣̇ийхи судту жид̇д̇авижид̇д̇з анаагулз гаананз сзри саяам̣васий рамад̇и. раммам̣ г̇ирим̣ баавусааб̣бхамаалининд̇и звам̣ баавусагаалз саманд̇ад̇о сумаалинийхи т̇алаж̇аж̇алаж̇амаалаахи саманнааг̇ад̇ад̇д̇аа аб̣бхамаалиним̣ ж̇анавивид̇д̇ад̇ааяа манорамад̇ааяа жа раммам̣ баб̣б̣ад̇ам̣ лабхид̇ваа д̇ад̇т̇а наг̇з рамиссам̣, асам̣саяам̣ згам̣сзнзва д̇вам̣, жид̇д̇а, бараабхависсаси, сам̣саараб̣яасанзхи тассасийд̇и ад̇т̇о.

Migo yathāti yathā migo rukkhagacchalatādīhi suṭṭhu cittavicitte anākule kānane seri sayaṃvasī ramati. Rammaṃ giriṃ pāvusaabbhamālininti evaṃ pāvusakāle samantato sumālinīhi thalajajalajamālāhi samannāgatattā abbhamāliniṃ janavivittatāya manoramatāya ca rammaṃ pabbataṃ labhitvā tattha nage ramissaṃ, asaṃsayaṃ ekaṃseneva tvaṃ, citta, parābhavissasi, saṃsārabyasanehi ṭhassasīti attho.

яз д̇уяха чанд̣̇зна васзна вад̇д̇инод̇и саб̣б̣з бут̇уж̇ж̇анз жид̇д̇асааман̃н̃зна г̇ахзд̇ваа вад̣̇ад̇и. д̇ассад̇т̇о – яз наранаарияо, амбхо жид̇д̇а, д̇уяхам̣ чанд̣̇зна васзна ружияаа тид̇аа яам̣ г̇зханиссид̇ам̣ сукам̣ анубхонд̇и анубхависсанд̇и, д̇з авид̣̇д̣̇асуу анд̇хаб̣аалаа, мааравасаанувад̇д̇ино гилзсамаараад̣̇ийнам̣ васз анувад̇д̇анасийлаа, бхаваабхинанд̣̇ий гаамаад̣̇ибхавамзва абхинанд̣̇анад̇о, д̇ава саавагаа анусидтигараа. маяам̣ бана саммаасамб̣уд̣̇д̇хасса саавагаа, на д̇уяхам̣ васз анувад̇д̇аамаад̇и.

Ye tuyha chandena vasena vattinoti sabbe puthujjane cittasāmaññena gahetvā vadati. Tassattho – ye naranāriyo, ambho citta, tuyhaṃ chandena vasena ruciyā ṭhitā yaṃ gehanissitaṃ sukhaṃ anubhonti anubhavissanti, te aviddasū andhabālā, māravasānuvattino kilesamārādīnaṃ vase anuvattanasīlā, bhavābhinandī kāmādibhavameva abhinandanato, tava sāvakā anusiṭṭhikarā. Mayaṃ pana sammāsambuddhassa sāvakā, na tuyhaṃ vase anuvattāmāti.

звам̣ т̇зро буб̣б̣з ад̇д̇ано уббаннам̣ яонисоманасигаарам̣ жид̇д̇асса ниг̇г̇ан̣ханавасзна бавад̇д̇ам̣ наанаббагаарад̇о вибхаж̇ид̇ваа самийбз тид̇аанам̣ бхигкуунам̣ оваад̣̇ад̣̇аанавасзна д̇хаммам̣ гат̇зси. яам̣ банзд̇т̇а анд̇аранд̇араа ад̇т̇ад̇о на вибхад̇д̇ам̣, д̇ам̣ хздтаа вуд̇д̇анаяад̇д̇аа уд̇д̇аанад̇т̇амзваад̇и.

Evaṃ thero pubbe attano uppannaṃ yonisomanasikāraṃ cittassa niggaṇhanavasena pavattaṃ nānappakārato vibhajitvā samīpe ṭhitānaṃ bhikkhūnaṃ ovādadānavasena dhammaṃ kathesi. Yaṃ panettha antarantarā atthato na vibhattaṃ, taṃ heṭṭhā vuttanayattā uttānatthamevāti.

д̇аалабудад̇т̇зраг̇аат̇ааван̣н̣анаа нидтид̇аа.

Tālapuṭattheragāthāvaṇṇanā niṭṭhitā.

бан̃н̃аасанибаад̇аван̣н̣анаа нидтид̇аа.

Paññāsanipātavaṇṇanā niṭṭhitā.

Next: 20. садтинибаад̇о • 20. Saṭṭhinipāto

Related texts:

д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 1. д̇аалабудад̇т̇зраг̇аат̇аа • 1. Tālapuṭattheragāthā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact