| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
5. தலஸத்திகஸிக்கா²பத³ங்
5. Talasattikasikkhāpadaṃ
454. பஞ்சமே தலந்தி ஹத்த²தலங். தஞ்ஹி தலதி யங்கிஞ்சி க³ஹிதவத்து² பதிட்டா²தி எத்தா²தி ‘‘தல’’ந்தி வுச்சதி. ஸத்தீதி குந்தோ. ஸோ ஹி ஸகதி விஜ்ஜி²துங் ஸமத்தே²தீதி ‘‘ஸத்தீ’’தி வுச்சதி. தலமேவ ஸத்திஸதி³ஸத்தா தலஸத்திகங், ஸதி³ஸத்தே² கோ, தங் தலஸத்திகங் உபசாரேன க³ஹெத்வா ‘‘காயம்பீ’’தி வுத்தங். காயதோ அஞ்ஞங் வத்து²ம்பி தலஸத்திகஸங்கா²தேன காயேன க³ஹெத்வா உக்³கி³ரத்தா வுத்தங் ‘‘காயபடிப³த்³த⁴ம்பீ’’தி. ‘‘பஹாரஸமுச்சிதா’’தி எத்த² ஸங்புப்³போ³ ச உபுப்³போ³ ச சிஸத்³தோ³ பகு³ணனஸங்கா²தே பரிசிதே வத்ததீதி ஆஹ ‘‘பஹாரபரிசிதா’’தி. பஹாரேன ஸங் புனப்புனங் உச்சிதா பரிசிதாதி அத்தோ². இமமேவத்த²ங் ஸந்தா⁴ய வுத்தங் ‘‘புப்³பே³பி…பே॰… அத்தோ²’’தி. அஞ்ஞம்பி ஸஜ்ஜா²யனநயங் த³ஸ்ஸேதுங் வுத்தங் ‘‘பஹாரஸ்ஸ உப்³பி³கா³’’தி. தஸ்ஸாதி தஸ்ஸ பாட²ஸ்ஸ. பஹாரஸ்ஸாதி பஹாரதோ. நிஸ்ஸக்கத்தே² சேதங் ஸாமிவசனங். ‘‘பீ⁴தா’’தி இமினா ‘‘உப்³பி³கா³’’தி எத்த² உபுப்³ப³ விஜதா⁴துஸ்ஸத்த²ங் த³ஸ்ஸேதி.
454. Pañcame talanti hatthatalaṃ. Tañhi talati yaṃkiñci gahitavatthu patiṭṭhāti etthāti ‘‘tala’’nti vuccati. Sattīti kunto. So hi sakati vijjhituṃ samatthetīti ‘‘sattī’’ti vuccati. Talameva sattisadisattā talasattikaṃ, sadisatthe ko, taṃ talasattikaṃ upacārena gahetvā ‘‘kāyampī’’ti vuttaṃ. Kāyato aññaṃ vatthumpi talasattikasaṅkhātena kāyena gahetvā uggirattā vuttaṃ ‘‘kāyapaṭibaddhampī’’ti. ‘‘Pahārasamuccitā’’ti ettha saṃpubbo ca upubbo ca cisaddo paguṇanasaṅkhāte paricite vattatīti āha ‘‘pahāraparicitā’’ti. Pahārena saṃ punappunaṃ uccitā paricitāti attho. Imamevatthaṃ sandhāya vuttaṃ ‘‘pubbepi…pe… attho’’ti. Aññampi sajjhāyananayaṃ dassetuṃ vuttaṃ ‘‘pahārassa ubbigā’’ti. Tassāti tassa pāṭhassa. Pahārassāti pahārato. Nissakkatthe cetaṃ sāmivacanaṃ. ‘‘Bhītā’’ti iminā ‘‘ubbigā’’ti ettha upubba vijadhātussatthaṃ dasseti.
457-8. விரத்³தோ⁴தி பண்ணகோ ஹுத்வா. புப்³பே³தி புரிமஸிக்கா²பதே³. வுத்தேஸு வத்தூ²ஸூதி ‘‘சோரங் வா பச்சத்தீ²கங் வா’’திஆதி³னா வுத்தேஸு வத்தூ²ஸூதி. பஞ்சமங்.
457-8.Viraddhoti paṇṇako hutvā. Pubbeti purimasikkhāpade. Vuttesu vatthūsūti ‘‘coraṃ vā paccatthīkaṃ vā’’tiādinā vuttesu vatthūsūti. Pañcamaṃ.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 8. ஸஹத⁴ம்மிகவக்³கோ³ • 8. Sahadhammikavaggo
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 5. தலஸத்திகஸிக்கா²பத³வண்ணனா • 5. Talasattikasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 5. தலஸத்திகஸிக்கா²பத³வண்ணனா • 5. Talasattikasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 5. தலஸத்திகஸிக்கா²பத³வண்ணனா • 5. Talasattikasikkhāpadavaṇṇanā
