| Library / Tipiṭaka / திபிடக • Tipiṭaka / மஹாவிப⁴ங்க³-அட்ட²கதா² • Mahāvibhaṅga-aṭṭhakathā |
5. தலஸத்திகஸிக்கா²பத³வண்ணனா
5. Talasattikasikkhāpadavaṇṇanā
454. பஞ்சமே – தலஸத்திகங் உக்³கி³ரந்தீதி பஹாரதா³னாகாரங் த³ஸ்ஸெத்வா காயம்பி காயபடிப³த்³த⁴ம்பி உச்சாரெந்தி. தே பஹாரஸமுச்சிதா ரோத³ந்தீதி தே பஹாரபரிசிதா புப்³பே³பி லத்³த⁴பஹாரத்தா இதா³னி ச பஹாரங் த³ஸ்ஸந்தீதி மஞ்ஞமானா ரோத³ந்தீதி அத்தோ². ‘‘பஹாரஸ்ஸ முச்சிதா’’திபி ஸஜ்ஜா²யந்தி, தத்த² ‘‘பஹாரஸ்ஸ பீ⁴தா’’தி அத்தோ².
454. Pañcame – talasattikaṃ uggirantīti pahāradānākāraṃ dassetvā kāyampi kāyapaṭibaddhampi uccārenti. Te pahārasamuccitā rodantīti te pahāraparicitā pubbepi laddhapahārattā idāni ca pahāraṃ dassantīti maññamānā rodantīti attho. ‘‘Pahārassa muccitā’’tipi sajjhāyanti, tattha ‘‘pahārassa bhītā’’ti attho.
457. உக்³கி³ரதி ஆபத்தி பாசித்தியஸ்ஸாதி எத்த² ஸசே உக்³கி³ரித்வா விரத்³தோ⁴ பஹாரங் தே³தி, அவஸ்ஸங் தா⁴ரேதுங் அஸக்கொந்தஸ்ஸ பஹாரோ ஸஹஸா பததி, ந பஹரிதுகாமதாய தி³ன்னத்தா து³க்கடங். தேன பஹாரேன ஹத்தா²தீ³ஸு யங்கிஞ்சி பி⁴ஜ்ஜதி, து³க்கடமேவ.
457.Uggirati āpatti pācittiyassāti ettha sace uggiritvā viraddho pahāraṃ deti, avassaṃ dhāretuṃ asakkontassa pahāro sahasā patati, na paharitukāmatāya dinnattā dukkaṭaṃ. Tena pahārena hatthādīsu yaṃkiñci bhijjati, dukkaṭameva.
458. மொக்கா²தி⁴ப்பாயோ தலஸத்திகங் உக்³கி³ரதீதி எத்த² புப்³பே³ வுத்தேஸு வத்தூ²ஸு புரிமனயேனேவ தலஸத்திகங் உக்³கி³ரந்தஸ்ஸ அனாபத்தி. ஸசேபி விரஜ்ஜி²த்வா பஹாரங் தே³தி, அனாபத்தியேவ. ஸேஸங் புரிமஸதி³ஸமேவ ஸத்³தி⁴ங் ஸமுட்டா²னாதீ³ஹீதி.
458.Mokkhādhippāyo talasattikaṃ uggiratīti ettha pubbe vuttesu vatthūsu purimanayeneva talasattikaṃ uggirantassa anāpatti. Sacepi virajjhitvā pahāraṃ deti, anāpattiyeva. Sesaṃ purimasadisameva saddhiṃ samuṭṭhānādīhīti.
தலஸத்திகஸிக்கா²பத³ங் பஞ்சமங்.
Talasattikasikkhāpadaṃ pañcamaṃ.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 8. ஸஹத⁴ம்மிகவக்³கோ³ • 8. Sahadhammikavaggo
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 5. தலஸத்திகஸிக்கா²பத³வண்ணனா • 5. Talasattikasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 5. தலஸத்திகஸிக்கா²பத³வண்ணனா • 5. Talasattikasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 5. தலஸத்திகஸிக்கா²பத³ங் • 5. Talasattikasikkhāpadaṃ
