| Library / Tipiṭaka / திபிடக • Tipiṭaka / கங்கா²விதரணீ-புராண-டீகா • Kaṅkhāvitaraṇī-purāṇa-ṭīkā |
5. தலஸத்திகஸிக்கா²பத³வண்ணனா
5. Talasattikasikkhāpadavaṇṇanā
தலமேவ தலஸத்திகங். ‘‘போத²னஸமத்த²ட்டே²ன ஸத்திக’’ந்தி ஏகே. யஸ்மா பஹரிதுகாமதாய பஹரதோ புரிமேன பாசித்தியங், கேவலங் உச்சாரேதுகாமதாய உக்³கி³ரணமத்தே கதே இமினா பாசித்தியங். இமினா பன விரஜ்ஜி²த்வா பஹாரோ தி³ன்னோ, தஸ்மா நபஹரிதுகாமதாய தி³ன்னத்தா து³க்கடங். கிமித³ங் து³க்கடங் பஹாரபச்சயா, உதா³ஹு உக்³கி³ரணபச்சயாதி? பஹாரபச்சயா ஏவ து³க்கடங், புரிமங் உக்³கி³ரணபச்சயா பாசித்தியந்தி ஸது³க்கடங் பாசித்தியங் யுஜ்ஜதி. புரிமஞ்ஹி உக்³கி³ரணங், பச்சா² பஹாரோ. ந ச பச்சி²மங் பஹாரங் நிஸ்ஸாய புரிமங் உக்³கி³ரணங் அனாபத்திவத்து²கங் ப⁴விதுமரஹதீதி நோ தக்கோதி (வஜிர॰ டீ॰ பாசித்திய 456) ஆசரியோ.
Talameva talasattikaṃ. ‘‘Pothanasamatthaṭṭhena sattika’’nti eke. Yasmā paharitukāmatāya paharato purimena pācittiyaṃ, kevalaṃ uccāretukāmatāya uggiraṇamatte kate iminā pācittiyaṃ. Iminā pana virajjhitvā pahāro dinno, tasmā napaharitukāmatāya dinnattā dukkaṭaṃ. Kimidaṃ dukkaṭaṃ pahārapaccayā, udāhu uggiraṇapaccayāti? Pahārapaccayā eva dukkaṭaṃ, purimaṃ uggiraṇapaccayā pācittiyanti sadukkaṭaṃ pācittiyaṃ yujjati. Purimañhi uggiraṇaṃ, pacchā pahāro. Na ca pacchimaṃ pahāraṃ nissāya purimaṃ uggiraṇaṃ anāpattivatthukaṃ bhavitumarahatīti no takkoti (vajira. ṭī. pācittiya 456) ācariyo.
தலஸத்திகஸிக்கா²பத³வண்ணனா நிட்டி²தா.
Talasattikasikkhāpadavaṇṇanā niṭṭhitā.
