| Library / Tipiṭaka / திபிடக • Tipiṭaka / ஸாரத்த²தீ³பனீ-டீகா • Sāratthadīpanī-ṭīkā |
5. தலஸத்திகஸிக்கா²பத³வண்ணனா
5. Talasattikasikkhāpadavaṇṇanā
457. பஞ்சமே ந பஹரிதுகாமதாய தி³ன்னத்தா து³க்கடந்தி எத்த² பஹரிதுகாமதாய பஹடே புரிமஸிக்கா²பதே³ன பாசித்தியங், உச்சாரேதுகாமதாய கேவலங் உக்³கி³ரணமத்தே கதே இமினா பாசித்தியங். இமினா பன விரஜ்ஜி²த்வா பஹாரோ தி³ன்னோ, தஸ்மா து³க்கடங். கிமித³ங் து³க்கடங் பஹாரபச்சயா, உதா³ஹு உக்³கி³ரணபச்சயாதி? தத்த² கேசி தாவ வத³ந்தி ‘‘பஹாரபச்சயா ஏவ து³க்கடங், உக்³கி³ரணபச்சயா பாசித்தியந்தி ஸது³க்கடங் பாசித்தியங் யுஜ்ஜதி. புரிமஞ்ஹி உக்³கி³ரணங், பச்சா² பஹாரோ, ந ச பச்சா² பஹாரங் நிஸ்ஸாய புரிமங் உக்³கி³ரணங் அனாபத்திவத்து²கங் ப⁴விதுமரஹதீ’’தி.
457. Pañcame na paharitukāmatāya dinnattā dukkaṭanti ettha paharitukāmatāya pahaṭe purimasikkhāpadena pācittiyaṃ, uccāretukāmatāya kevalaṃ uggiraṇamatte kate iminā pācittiyaṃ. Iminā pana virajjhitvā pahāro dinno, tasmā dukkaṭaṃ. Kimidaṃ dukkaṭaṃ pahārapaccayā, udāhu uggiraṇapaccayāti? Tattha keci tāva vadanti ‘‘pahārapaccayā eva dukkaṭaṃ, uggiraṇapaccayā pācittiyanti sadukkaṭaṃ pācittiyaṃ yujjati. Purimañhi uggiraṇaṃ, pacchā pahāro, na ca pacchā pahāraṃ nissāya purimaṃ uggiraṇaṃ anāpattivatthukaṃ bhavitumarahatī’’ti.
மயங் பனெத்த² ஏவங் தக்கயாம ‘‘உக்³கி³ரணஸ்ஸ அத்தனோ ஸபா⁴வேனேவ அஸண்டி²தத்தா தப்பச்சயா பாசித்தியேன ந ப⁴விதப்³ப³ங், அஸுத்³த⁴சித்தேன கதபயோக³த்தா பன ந ஸக்கா எத்த² அனாபத்தியா ப⁴விதுந்தி து³க்கடங் வுத்தங். ‘ந பஹரிதுகாமதாய தி³ன்னத்தா’தி இமினா ச பஹாரபச்சயா புரிமஸிக்கா²பதே³ன பாசித்தியாஸம்ப⁴வே காரணங் வுத்தங், ந பன பஹாரபச்சயா து³க்கடஸம்ப⁴வே. ந ஹி அபஹரிதுகாமதாய பஹாரே தி³ன்னே புரிமஸிக்கா²பதே³ன பஹாரபச்சயா பாசித்தியேன து³க்கடேன வா ப⁴விதுங் யுத்த’’ந்தி. ‘‘திரச்சா²னாதீ³னங் அஸுசிகரணாதி³ங் தி³ஸ்வா குஜ்ஜி²த்வாபி உக்³கி³ரந்தஸ்ஸ மொக்கா²தி⁴ப்பாயோ ஏவா’’தி வத³ந்தி. ஸேஸமெத்த² உத்தானமேவ. குபிததா, ந மொக்கா²தி⁴ப்பாயதா, உபஸம்பன்னஸ்ஸ தலஸத்திஉக்³கி³ரணந்தி இமானி பனெத்த² தீணி அங்கா³னி.
Mayaṃ panettha evaṃ takkayāma ‘‘uggiraṇassa attano sabhāveneva asaṇṭhitattā tappaccayā pācittiyena na bhavitabbaṃ, asuddhacittena katapayogattā pana na sakkā ettha anāpattiyā bhavitunti dukkaṭaṃ vuttaṃ. ‘Na paharitukāmatāya dinnattā’ti iminā ca pahārapaccayā purimasikkhāpadena pācittiyāsambhave kāraṇaṃ vuttaṃ, na pana pahārapaccayā dukkaṭasambhave. Na hi apaharitukāmatāya pahāre dinne purimasikkhāpadena pahārapaccayā pācittiyena dukkaṭena vā bhavituṃ yutta’’nti. ‘‘Tiracchānādīnaṃ asucikaraṇādiṃ disvā kujjhitvāpi uggirantassa mokkhādhippāyo evā’’ti vadanti. Sesamettha uttānameva. Kupitatā, na mokkhādhippāyatā, upasampannassa talasattiuggiraṇanti imāni panettha tīṇi aṅgāni.
தலஸத்திகஸிக்கா²பத³வண்ணனா நிட்டி²தா.
Talasattikasikkhāpadavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 8. ஸஹத⁴ம்மிகவக்³கோ³ • 8. Sahadhammikavaggo
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 5. தலஸத்திகஸிக்கா²பத³வண்ணனா • 5. Talasattikasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 5. தலஸத்திகஸிக்கா²பத³வண்ணனா • 5. Talasattikasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 5. தலஸத்திகஸிக்கா²பத³ங் • 5. Talasattikasikkhāpadaṃ
