| Library / Tipiṭaka / திபிடக • Tipiṭaka / வஜிரபு³த்³தி⁴-டீகா • Vajirabuddhi-ṭīkā |
5. தலஸத்திகஸிக்கா²பத³வண்ணனா
5. Talasattikasikkhāpadavaṇṇanā
456. ‘‘காயங் வா காயபடிப³த்³த⁴ங் வா’’தி (பாசி॰ 456) வசனதோ காயாதீ³ஸு யங் உச்சாரேதி , தங் தலங் நாம. தலமேவ தலஸத்திகங். போத²னஸமத்த²ட்டே²ன ஸத்திகந்தி ஏகே. தங் ‘‘உப்பலபத்தம்பீ’’தி இமினா நியமேதி. ஏவங் குபிதா ஹி கோபவஸேன போத²னாஸமத்த²தங் அவிசாரெத்வா யங் கிஞ்சி ஹத்த²க³தங் படிக்கி²பந்தி, ஸுக²ஸம்ப²ஸ்ஸம்பி ஹோது, பாசித்தியமேவ. யஸ்மா பஹரிதுகாமதாய பஹடே புரிமேன பாசித்தியங். கேவலங் உச்சாரேதுகாமதாய உக்³கி³ரணமத்தே கதே இமினா பாசித்தியங். இமினா பன விரஜ்ஜி²த்வா பஹாரோ தி³ன்னோ, தஸ்மா ந பஹரிதுகாமதாய தி³ன்னத்தா து³க்கடங். கிமித³ங் து³க்கடங் பஹாரபச்சயா, உதா³ஹு உக்³கி³ரணபச்சயாதி? பஹாரபச்சயா ஏவ து³க்கடங். புரிமங் உக்³கி³ரணபச்சயா பாசித்தியந்தி ஸது³க்கடங் பாசித்தியங் யுஜ்ஜதி. புரிமஞ்ஹி உக்³கி³ரணங், பச்சா² பஹாரோ. ந ச பச்சி²மபஹாரங் நிஸ்ஸாய புரிமங் உக்³கி³ரணங் அனாபத்திவத்து²கங் ப⁴விதுமரஹதீதி நோ தக்கோதி ஆசரியோ. ‘‘தேன பஹாரேன ஹத்தா²தீ³ஸு யங் கிஞ்சி பி⁴ஜ்ஜதி, து³க்கடமேவா’’தி இமினாபி பஹாரபச்சயா து³க்கடங். உக்³கி³ரணங் யதா²வத்து²கமேவாதி ஸித்³த⁴ங், ஸுட்டு² வீமங்ஸிதப்³ப³ங். ‘‘திரச்சா²னாதீ³னங் அஸுசிகரணாதீ³னி தி³ஸ்வா குஜ்ஜி²த்வாபி உக்³கி³ரந்தஸ்ஸ மொக்கா²தி⁴ப்பாயோ ஏவா’’தி வத³ந்தி.
456. ‘‘Kāyaṃ vā kāyapaṭibaddhaṃ vā’’ti (pāci. 456) vacanato kāyādīsu yaṃ uccāreti , taṃ talaṃ nāma. Talameva talasattikaṃ. Pothanasamatthaṭṭhena sattikanti eke. Taṃ ‘‘uppalapattampī’’ti iminā niyameti. Evaṃ kupitā hi kopavasena pothanāsamatthataṃ avicāretvā yaṃ kiñci hatthagataṃ paṭikkhipanti, sukhasamphassampi hotu, pācittiyameva. Yasmā paharitukāmatāya pahaṭe purimena pācittiyaṃ. Kevalaṃ uccāretukāmatāya uggiraṇamatte kate iminā pācittiyaṃ. Iminā pana virajjhitvā pahāro dinno, tasmā na paharitukāmatāya dinnattā dukkaṭaṃ. Kimidaṃ dukkaṭaṃ pahārapaccayā, udāhu uggiraṇapaccayāti? Pahārapaccayā eva dukkaṭaṃ. Purimaṃ uggiraṇapaccayā pācittiyanti sadukkaṭaṃ pācittiyaṃ yujjati. Purimañhi uggiraṇaṃ, pacchā pahāro. Na ca pacchimapahāraṃ nissāya purimaṃ uggiraṇaṃ anāpattivatthukaṃ bhavitumarahatīti no takkoti ācariyo. ‘‘Tena pahārena hatthādīsu yaṃ kiñci bhijjati, dukkaṭamevā’’ti imināpi pahārapaccayā dukkaṭaṃ. Uggiraṇaṃ yathāvatthukamevāti siddhaṃ, suṭṭhu vīmaṃsitabbaṃ. ‘‘Tiracchānādīnaṃ asucikaraṇādīni disvā kujjhitvāpi uggirantassa mokkhādhippāyo evā’’ti vadanti.
தலஸத்திகஸிக்கா²பத³வண்ணனா நிட்டி²தா.
Talasattikasikkhāpadavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 8. ஸஹத⁴ம்மிகவக்³கோ³ • 8. Sahadhammikavaggo
