| Library / Tipiṭaka / তিপিটক • Tipiṭaka / মহাৰিভঙ্গ-অট্ঠকথা • Mahāvibhaṅga-aṭṭhakathā |
৫. তলসত্তিকসিক্খাপদৰণ্ণনা
5. Talasattikasikkhāpadavaṇṇanā
৪৫৪. পঞ্চমে – তলসত্তিকং উগ্গিরন্তীতি পহারদানাকারং দস্সেত্ৰা কাযম্পি কাযপটিবদ্ধম্পি উচ্চারেন্তি। তে পহারসমুচ্চিতা রোদন্তীতি তে পহারপরিচিতা পুব্বেপি লদ্ধপহারত্তা ইদানি চ পহারং দস্সন্তীতি মঞ্ঞমানা রোদন্তীতি অত্থো। ‘‘পহারস্স মুচ্চিতা’’তিপি সজ্ঝাযন্তি, তত্থ ‘‘পহারস্স ভীতা’’তি অত্থো।
454. Pañcame – talasattikaṃ uggirantīti pahāradānākāraṃ dassetvā kāyampi kāyapaṭibaddhampi uccārenti. Te pahārasamuccitā rodantīti te pahāraparicitā pubbepi laddhapahārattā idāni ca pahāraṃ dassantīti maññamānā rodantīti attho. ‘‘Pahārassa muccitā’’tipi sajjhāyanti, tattha ‘‘pahārassa bhītā’’ti attho.
৪৫৭. উগ্গিরতি আপত্তি পাচিত্তিযস্সাতি এত্থ সচে উগ্গিরিত্ৰা ৰিরদ্ধো পহারং দেতি, অৰস্সং ধারেতুং অসক্কোন্তস্স পহারো সহসা পততি, ন পহরিতুকামতায দিন্নত্তা দুক্কটং। তেন পহারেন হত্থাদীসু যংকিঞ্চি ভিজ্জতি, দুক্কটমেৰ।
457.Uggirati āpatti pācittiyassāti ettha sace uggiritvā viraddho pahāraṃ deti, avassaṃ dhāretuṃ asakkontassa pahāro sahasā patati, na paharitukāmatāya dinnattā dukkaṭaṃ. Tena pahārena hatthādīsu yaṃkiñci bhijjati, dukkaṭameva.
৪৫৮. মোক্খাধিপ্পাযো তলসত্তিকং উগ্গিরতীতি এত্থ পুব্বে ৰুত্তেসু ৰত্থূসু পুরিমনযেনেৰ তলসত্তিকং উগ্গিরন্তস্স অনাপত্তি। সচেপি ৰিরজ্ঝিত্ৰা পহারং দেতি, অনাপত্তিযেৰ। সেসং পুরিমসদিসমেৰ সদ্ধিং সমুট্ঠানাদীহীতি।
458.Mokkhādhippāyo talasattikaṃ uggiratīti ettha pubbe vuttesu vatthūsu purimanayeneva talasattikaṃ uggirantassa anāpatti. Sacepi virajjhitvā pahāraṃ deti, anāpattiyeva. Sesaṃ purimasadisameva saddhiṃ samuṭṭhānādīhīti.
তলসত্তিকসিক্খাপদং পঞ্চমং।
Talasattikasikkhāpadaṃ pañcamaṃ.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰিভঙ্গ • Mahāvibhaṅga / ৮. সহধম্মিকৰগ্গো • 8. Sahadhammikavaggo
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / ৫. তলসত্তিকসিক্খাপদৰণ্ণনা • 5. Talasattikasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / ৫. তলসত্তিকসিক্খাপদৰণ্ণনা • 5. Talasattikasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / ৫. তলসত্তিকসিক্খাপদং • 5. Talasattikasikkhāpadaṃ
