| Library / Tipiṭaka / д̇ибидага • Tipiṭaka / ган̇каавид̇аран̣ий-бураан̣а-дийгаа • Kaṅkhāvitaraṇī-purāṇa-ṭīkā |
5. д̇аласад̇д̇игасигкаабад̣̇аван̣н̣анаа
5. Talasattikasikkhāpadavaṇṇanā
д̇аламзва д̇аласад̇д̇игам̣. ‘‘бот̇анасамад̇т̇адтзна сад̇д̇ига’’нд̇и згз. яасмаа бахарид̇угаамад̇ааяа бахарад̇о буримзна баажид̇д̇ияам̣, гзвалам̣ ужжаарзд̇угаамад̇ааяа уг̇г̇иран̣амад̇д̇з гад̇з иминаа баажид̇д̇ияам̣. иминаа бана вираж̇жхид̇ваа бахааро д̣̇инно, д̇асмаа набахарид̇угаамад̇ааяа д̣̇иннад̇д̇аа д̣̇уггадам̣. гимид̣̇ам̣ д̣̇уггадам̣ бахаарабажжаяаа, уд̣̇ааху уг̇г̇иран̣абажжаяаад̇и? бахаарабажжаяаа зва д̣̇уггадам̣, буримам̣ уг̇г̇иран̣абажжаяаа баажид̇д̇ияанд̇и сад̣̇уггадам̣ баажид̇д̇ияам̣ яуж̇ж̇ад̇и. буриман̃хи уг̇г̇иран̣ам̣, бажчаа бахааро. на жа бажчимам̣ бахаарам̣ ниссааяа буримам̣ уг̇г̇иран̣ам̣ анаабад̇д̇ивад̇т̇угам̣ бхавид̇умарахад̇ийд̇и но д̇аггод̇и (важ̇ира. дий. баажид̇д̇ияа 456) аажарияо.
Talameva talasattikaṃ. ‘‘Pothanasamatthaṭṭhena sattika’’nti eke. Yasmā paharitukāmatāya paharato purimena pācittiyaṃ, kevalaṃ uccāretukāmatāya uggiraṇamatte kate iminā pācittiyaṃ. Iminā pana virajjhitvā pahāro dinno, tasmā napaharitukāmatāya dinnattā dukkaṭaṃ. Kimidaṃ dukkaṭaṃ pahārapaccayā, udāhu uggiraṇapaccayāti? Pahārapaccayā eva dukkaṭaṃ, purimaṃ uggiraṇapaccayā pācittiyanti sadukkaṭaṃ pācittiyaṃ yujjati. Purimañhi uggiraṇaṃ, pacchā pahāro. Na ca pacchimaṃ pahāraṃ nissāya purimaṃ uggiraṇaṃ anāpattivatthukaṃ bhavitumarahatīti no takkoti (vajira. ṭī. pācittiya 456) ācariyo.
д̇аласад̇д̇игасигкаабад̣̇аван̣н̣анаа нидтид̇аа.
Talasattikasikkhāpadavaṇṇanā niṭṭhitā.
