| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
5. д̇аласад̇д̇игасигкаабад̣̇аван̣н̣анаа
5. Talasattikasikkhāpadavaṇṇanā
457. бан̃жамз на бахарид̇угаамад̇ааяа д̣̇иннад̇д̇аа д̣̇уггаданд̇и зд̇т̇а бахарид̇угаамад̇ааяа бахадз буримасигкаабад̣̇зна баажид̇д̇ияам̣, ужжаарзд̇угаамад̇ааяа гзвалам̣ уг̇г̇иран̣амад̇д̇з гад̇з иминаа баажид̇д̇ияам̣. иминаа бана вираж̇жхид̇ваа бахааро д̣̇инно, д̇асмаа д̣̇уггадам̣. гимид̣̇ам̣ д̣̇уггадам̣ бахаарабажжаяаа, уд̣̇ааху уг̇г̇иран̣абажжаяаад̇и? д̇ад̇т̇а гзжи д̇аава вад̣̇анд̇и ‘‘бахаарабажжаяаа зва д̣̇уггадам̣, уг̇г̇иран̣абажжаяаа баажид̇д̇ияанд̇и сад̣̇уггадам̣ баажид̇д̇ияам̣ яуж̇ж̇ад̇и. буриман̃хи уг̇г̇иран̣ам̣, бажчаа бахааро, на жа бажчаа бахаарам̣ ниссааяа буримам̣ уг̇г̇иран̣ам̣ анаабад̇д̇ивад̇т̇угам̣ бхавид̇умарахад̇ий’’д̇и.
457. Pañcame na paharitukāmatāya dinnattā dukkaṭanti ettha paharitukāmatāya pahaṭe purimasikkhāpadena pācittiyaṃ, uccāretukāmatāya kevalaṃ uggiraṇamatte kate iminā pācittiyaṃ. Iminā pana virajjhitvā pahāro dinno, tasmā dukkaṭaṃ. Kimidaṃ dukkaṭaṃ pahārapaccayā, udāhu uggiraṇapaccayāti? Tattha keci tāva vadanti ‘‘pahārapaccayā eva dukkaṭaṃ, uggiraṇapaccayā pācittiyanti sadukkaṭaṃ pācittiyaṃ yujjati. Purimañhi uggiraṇaṃ, pacchā pahāro, na ca pacchā pahāraṃ nissāya purimaṃ uggiraṇaṃ anāpattivatthukaṃ bhavitumarahatī’’ti.
маяам̣ банзд̇т̇а звам̣ д̇аггаяаама ‘‘уг̇г̇иран̣асса ад̇д̇ано сабхаавзнзва асан̣тид̇ад̇д̇аа д̇аббажжаяаа баажид̇д̇иязна на бхавид̇аб̣б̣ам̣, асуд̣̇д̇хажид̇д̇зна гад̇абаяог̇ад̇д̇аа бана на саггаа зд̇т̇а анаабад̇д̇ияаа бхавид̇унд̇и д̣̇уггадам̣ вуд̇д̇ам̣. ‘на бахарид̇угаамад̇ааяа д̣̇иннад̇д̇аа’д̇и иминаа жа бахаарабажжаяаа буримасигкаабад̣̇зна баажид̇д̇ияаасамбхавз гааран̣ам̣ вуд̇д̇ам̣, на бана бахаарабажжаяаа д̣̇уггадасамбхавз. на хи абахарид̇угаамад̇ааяа бахаарз д̣̇иннз буримасигкаабад̣̇зна бахаарабажжаяаа баажид̇д̇иязна д̣̇уггадзна ваа бхавид̇ум̣ яуд̇д̇а’’нд̇и. ‘‘д̇иражчаанаад̣̇ийнам̣ асужигаран̣аад̣̇им̣ д̣̇исваа гуж̇жхид̇вааби уг̇г̇иранд̇асса могкаад̇хиббааяо зваа’’д̇и вад̣̇анд̇и. сзсамзд̇т̇а уд̇д̇аанамзва. губид̇ад̇аа, на могкаад̇хиббааяад̇аа, убасамбаннасса д̇аласад̇д̇иуг̇г̇иран̣анд̇и имаани банзд̇т̇а д̇ийн̣и ан̇г̇аани.
Mayaṃ panettha evaṃ takkayāma ‘‘uggiraṇassa attano sabhāveneva asaṇṭhitattā tappaccayā pācittiyena na bhavitabbaṃ, asuddhacittena katapayogattā pana na sakkā ettha anāpattiyā bhavitunti dukkaṭaṃ vuttaṃ. ‘Na paharitukāmatāya dinnattā’ti iminā ca pahārapaccayā purimasikkhāpadena pācittiyāsambhave kāraṇaṃ vuttaṃ, na pana pahārapaccayā dukkaṭasambhave. Na hi apaharitukāmatāya pahāre dinne purimasikkhāpadena pahārapaccayā pācittiyena dukkaṭena vā bhavituṃ yutta’’nti. ‘‘Tiracchānādīnaṃ asucikaraṇādiṃ disvā kujjhitvāpi uggirantassa mokkhādhippāyo evā’’ti vadanti. Sesamettha uttānameva. Kupitatā, na mokkhādhippāyatā, upasampannassa talasattiuggiraṇanti imāni panettha tīṇi aṅgāni.
д̇аласад̇д̇игасигкаабад̣̇аван̣н̣анаа нидтид̇аа.
Talasattikasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 8. сахад̇хаммигаваг̇г̇о • 8. Sahadhammikavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 5. д̇аласад̇д̇игасигкаабад̣̇аван̣н̣анаа • 5. Talasattikasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 5. д̇аласад̇д̇игасигкаабад̣̇аван̣н̣анаа • 5. Talasattikasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 5. д̇аласад̇д̇игасигкаабад̣̇ам̣ • 5. Talasattikasikkhāpadaṃ
