| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
5. д̇аласад̇д̇игасигкаабад̣̇аван̣н̣анаа
5. Talasattikasikkhāpadavaṇṇanā
456. ‘‘гааяам̣ ваа гааяабадиб̣ад̣̇д̇хам̣ ваа’’д̇и (баажи. 456) важанад̇о гааяаад̣̇ийсу яам̣ ужжаарзд̇и , д̇ам̣ д̇алам̣ наама. д̇аламзва д̇аласад̇д̇игам̣. бот̇анасамад̇т̇адтзна сад̇д̇иганд̇и згз. д̇ам̣ ‘‘уббалабад̇д̇амбий’’д̇и иминаа нияамзд̇и. звам̣ губид̇аа хи гобавасзна бот̇анаасамад̇т̇ад̇ам̣ авижаарзд̇ваа яам̣ гин̃жи хад̇т̇аг̇ад̇ам̣ бадигкибанд̇и, сукасампассамби ход̇у, баажид̇д̇ияамзва. яасмаа бахарид̇угаамад̇ааяа бахадз буримзна баажид̇д̇ияам̣. гзвалам̣ ужжаарзд̇угаамад̇ааяа уг̇г̇иран̣амад̇д̇з гад̇з иминаа баажид̇д̇ияам̣. иминаа бана вираж̇жхид̇ваа бахааро д̣̇инно, д̇асмаа на бахарид̇угаамад̇ааяа д̣̇иннад̇д̇аа д̣̇уггадам̣. гимид̣̇ам̣ д̣̇уггадам̣ бахаарабажжаяаа, уд̣̇ааху уг̇г̇иран̣абажжаяаад̇и? бахаарабажжаяаа зва д̣̇уггадам̣. буримам̣ уг̇г̇иран̣абажжаяаа баажид̇д̇ияанд̇и сад̣̇уггадам̣ баажид̇д̇ияам̣ яуж̇ж̇ад̇и. буриман̃хи уг̇г̇иран̣ам̣, бажчаа бахааро. на жа бажчимабахаарам̣ ниссааяа буримам̣ уг̇г̇иран̣ам̣ анаабад̇д̇ивад̇т̇угам̣ бхавид̇умарахад̇ийд̇и но д̇аггод̇и аажарияо. ‘‘д̇зна бахаарзна хад̇т̇аад̣̇ийсу яам̣ гин̃жи бхиж̇ж̇ад̇и, д̣̇уггадамзваа’’д̇и иминааби бахаарабажжаяаа д̣̇уггадам̣. уг̇г̇иран̣ам̣ яат̇аавад̇т̇угамзваад̇и сид̣̇д̇хам̣, судту виймам̣сид̇аб̣б̣ам̣. ‘‘д̇иражчаанаад̣̇ийнам̣ асужигаран̣аад̣̇ийни д̣̇исваа гуж̇жхид̇вааби уг̇г̇иранд̇асса могкаад̇хиббааяо зваа’’д̇и вад̣̇анд̇и.
456. ‘‘Kāyaṃ vā kāyapaṭibaddhaṃ vā’’ti (pāci. 456) vacanato kāyādīsu yaṃ uccāreti , taṃ talaṃ nāma. Talameva talasattikaṃ. Pothanasamatthaṭṭhena sattikanti eke. Taṃ ‘‘uppalapattampī’’ti iminā niyameti. Evaṃ kupitā hi kopavasena pothanāsamatthataṃ avicāretvā yaṃ kiñci hatthagataṃ paṭikkhipanti, sukhasamphassampi hotu, pācittiyameva. Yasmā paharitukāmatāya pahaṭe purimena pācittiyaṃ. Kevalaṃ uccāretukāmatāya uggiraṇamatte kate iminā pācittiyaṃ. Iminā pana virajjhitvā pahāro dinno, tasmā na paharitukāmatāya dinnattā dukkaṭaṃ. Kimidaṃ dukkaṭaṃ pahārapaccayā, udāhu uggiraṇapaccayāti? Pahārapaccayā eva dukkaṭaṃ. Purimaṃ uggiraṇapaccayā pācittiyanti sadukkaṭaṃ pācittiyaṃ yujjati. Purimañhi uggiraṇaṃ, pacchā pahāro. Na ca pacchimapahāraṃ nissāya purimaṃ uggiraṇaṃ anāpattivatthukaṃ bhavitumarahatīti no takkoti ācariyo. ‘‘Tena pahārena hatthādīsu yaṃ kiñci bhijjati, dukkaṭamevā’’ti imināpi pahārapaccayā dukkaṭaṃ. Uggiraṇaṃ yathāvatthukamevāti siddhaṃ, suṭṭhu vīmaṃsitabbaṃ. ‘‘Tiracchānādīnaṃ asucikaraṇādīni disvā kujjhitvāpi uggirantassa mokkhādhippāyo evā’’ti vadanti.
д̇аласад̇д̇игасигкаабад̣̇аван̣н̣анаа нидтид̇аа.
Talasattikasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 8. сахад̇хаммигаваг̇г̇о • 8. Sahadhammikavaggo
