| Library / Tipiṭaka / तिपिटक • Tipiṭaka / कङ्खावितरणी-अभिनव-टीका • Kaṅkhāvitaraṇī-abhinava-ṭīkā |
५. तलसत्तिकसिक्खापदवण्णना
5. Talasattikasikkhāpadavaṇṇanā
तलसत्तिकन्ति तलमेव तलसत्तिकं। ‘‘पोथनसमत्थट्ठेन सत्तिक’’न्ति (वजिर॰ टी॰ पाचित्तिय ४५६) एके। उच्चारेय्याति उक्खिपेय्य। नपहरितुकामताय दिन्नत्ता दुक्कटन्ति एत्थ पहरितुकामताय पहरिते पुरिमसिक्खापदेन पाचित्तियं। उच्चारेतुकामताय केवलं उग्गिरणमत्ते कते इमिना पाचित्तियं। इमिना पन विरज्झित्वा पहारो दिन्नो, तस्मा दुक्कटं। एत्थ पन ‘‘तिरच्छानगतादीनं असुचिकरणादीनि दिस्वा कुज्झित्वापि उग्गिरन्तस्स मोक्खाधिप्पायोयेवा’’ति (सारत्थ॰ टी॰ पाचित्तिय ३.४७१) वदन्ति।
Talasattikanti talameva talasattikaṃ. ‘‘Pothanasamatthaṭṭhena sattika’’nti (vajira. ṭī. pācittiya 456) eke. Uccāreyyāti ukkhipeyya. Napaharitukāmatāya dinnattā dukkaṭanti ettha paharitukāmatāya paharite purimasikkhāpadena pācittiyaṃ. Uccāretukāmatāya kevalaṃ uggiraṇamatte kate iminā pācittiyaṃ. Iminā pana virajjhitvā pahāro dinno, tasmā dukkaṭaṃ. Ettha pana ‘‘tiracchānagatādīnaṃ asucikaraṇādīni disvā kujjhitvāpi uggirantassa mokkhādhippāyoyevā’’ti (sārattha. ṭī. pācittiya 3.471) vadanti.
तलसत्तिकसिक्खापदवण्णना निट्ठिता।
Talasattikasikkhāpadavaṇṇanā niṭṭhitā.
