| Library / Tipiṭaka / ತಿಪಿಟಕ • Tipiṭaka / ಮಹಾವಿಭಙ್ಗ-ಅಟ್ಠಕಥಾ • Mahāvibhaṅga-aṭṭhakathā |
೫. ತಲಸತ್ತಿಕಸಿಕ್ಖಾಪದವಣ್ಣನಾ
5. Talasattikasikkhāpadavaṇṇanā
೪೫೪. ಪಞ್ಚಮೇ – ತಲಸತ್ತಿಕಂ ಉಗ್ಗಿರನ್ತೀತಿ ಪಹಾರದಾನಾಕಾರಂ ದಸ್ಸೇತ್ವಾ ಕಾಯಮ್ಪಿ ಕಾಯಪಟಿಬದ್ಧಮ್ಪಿ ಉಚ್ಚಾರೇನ್ತಿ। ತೇ ಪಹಾರಸಮುಚ್ಚಿತಾ ರೋದನ್ತೀತಿ ತೇ ಪಹಾರಪರಿಚಿತಾ ಪುಬ್ಬೇಪಿ ಲದ್ಧಪಹಾರತ್ತಾ ಇದಾನಿ ಚ ಪಹಾರಂ ದಸ್ಸನ್ತೀತಿ ಮಞ್ಞಮಾನಾ ರೋದನ್ತೀತಿ ಅತ್ಥೋ। ‘‘ಪಹಾರಸ್ಸ ಮುಚ್ಚಿತಾ’’ತಿಪಿ ಸಜ್ಝಾಯನ್ತಿ, ತತ್ಥ ‘‘ಪಹಾರಸ್ಸ ಭೀತಾ’’ತಿ ಅತ್ಥೋ।
454. Pañcame – talasattikaṃ uggirantīti pahāradānākāraṃ dassetvā kāyampi kāyapaṭibaddhampi uccārenti. Te pahārasamuccitā rodantīti te pahāraparicitā pubbepi laddhapahārattā idāni ca pahāraṃ dassantīti maññamānā rodantīti attho. ‘‘Pahārassa muccitā’’tipi sajjhāyanti, tattha ‘‘pahārassa bhītā’’ti attho.
೪೫೭. ಉಗ್ಗಿರತಿ ಆಪತ್ತಿ ಪಾಚಿತ್ತಿಯಸ್ಸಾತಿ ಏತ್ಥ ಸಚೇ ಉಗ್ಗಿರಿತ್ವಾ ವಿರದ್ಧೋ ಪಹಾರಂ ದೇತಿ, ಅವಸ್ಸಂ ಧಾರೇತುಂ ಅಸಕ್ಕೋನ್ತಸ್ಸ ಪಹಾರೋ ಸಹಸಾ ಪತತಿ, ನ ಪಹರಿತುಕಾಮತಾಯ ದಿನ್ನತ್ತಾ ದುಕ್ಕಟಂ। ತೇನ ಪಹಾರೇನ ಹತ್ಥಾದೀಸು ಯಂಕಿಞ್ಚಿ ಭಿಜ್ಜತಿ, ದುಕ್ಕಟಮೇವ।
457.Uggirati āpatti pācittiyassāti ettha sace uggiritvā viraddho pahāraṃ deti, avassaṃ dhāretuṃ asakkontassa pahāro sahasā patati, na paharitukāmatāya dinnattā dukkaṭaṃ. Tena pahārena hatthādīsu yaṃkiñci bhijjati, dukkaṭameva.
೪೫೮. ಮೋಕ್ಖಾಧಿಪ್ಪಾಯೋ ತಲಸತ್ತಿಕಂ ಉಗ್ಗಿರತೀತಿ ಏತ್ಥ ಪುಬ್ಬೇ ವುತ್ತೇಸು ವತ್ಥೂಸು ಪುರಿಮನಯೇನೇವ ತಲಸತ್ತಿಕಂ ಉಗ್ಗಿರನ್ತಸ್ಸ ಅನಾಪತ್ತಿ। ಸಚೇಪಿ ವಿರಜ್ಝಿತ್ವಾ ಪಹಾರಂ ದೇತಿ, ಅನಾಪತ್ತಿಯೇವ। ಸೇಸಂ ಪುರಿಮಸದಿಸಮೇವ ಸದ್ಧಿಂ ಸಮುಟ್ಠಾನಾದೀಹೀತಿ।
458.Mokkhādhippāyo talasattikaṃ uggiratīti ettha pubbe vuttesu vatthūsu purimanayeneva talasattikaṃ uggirantassa anāpatti. Sacepi virajjhitvā pahāraṃ deti, anāpattiyeva. Sesaṃ purimasadisameva saddhiṃ samuṭṭhānādīhīti.
ತಲಸತ್ತಿಕಸಿಕ್ಖಾಪದಂ ಪಞ್ಚಮಂ।
Talasattikasikkhāpadaṃ pañcamaṃ.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಮಹಾವಿಭಙ್ಗ • Mahāvibhaṅga / ೮. ಸಹಧಮ್ಮಿಕವಗ್ಗೋ • 8. Sahadhammikavaggo
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಸಾರತ್ಥದೀಪನೀ-ಟೀಕಾ • Sāratthadīpanī-ṭīkā / ೫. ತಲಸತ್ತಿಕಸಿಕ್ಖಾಪದವಣ್ಣನಾ • 5. Talasattikasikkhāpadavaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಿಮತಿವಿನೋದನೀ-ಟೀಕಾ • Vimativinodanī-ṭīkā / ೫. ತಲಸತ್ತಿಕಸಿಕ್ಖಾಪದವಣ್ಣನಾ • 5. Talasattikasikkhāpadavaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi / ೫. ತಲಸತ್ತಿಕಸಿಕ್ಖಾಪದಂ • 5. Talasattikasikkhāpadaṃ
