| Library / Tipiṭaka / ཏིཔིཊཀ • Tipiṭaka / མཧཱཝིབྷངྒ-ཨཊྛཀཐཱ • Mahāvibhaṅga-aṭṭhakathā |
༥. ཏལསཏྟིཀསིཀྑཱཔདཝཎྞནཱ
5. Talasattikasikkhāpadavaṇṇanā
༤༥༤. པཉྩམེ – ཏལསཏྟིཀཾ ཨུགྒིརནྟཱིཏི པཧཱརདཱནཱཀཱརཾ དསྶེཏྭཱ ཀཱཡམྤི ཀཱཡཔཊིབདྡྷམྤི ཨུཙྩཱརེནྟི། ཏེ པཧཱརསམུཙྩིཏཱ རོདནྟཱིཏི ཏེ པཧཱརཔརིཙིཏཱ པུབྦེཔི ལདྡྷཔཧཱརཏྟཱ ཨིདཱནི ཙ པཧཱརཾ དསྶནྟཱིཏི མཉྙམཱནཱ རོདནྟཱིཏི ཨཏྠོ། ‘‘པཧཱརསྶ མུཙྩིཏཱ’’ཏིཔི སཛ྄ཛྷཱཡནྟི, ཏཏྠ ‘‘པཧཱརསྶ བྷཱིཏཱ’’ཏི ཨཏྠོ།
454. Pañcame – talasattikaṃ uggirantīti pahāradānākāraṃ dassetvā kāyampi kāyapaṭibaddhampi uccārenti. Te pahārasamuccitā rodantīti te pahāraparicitā pubbepi laddhapahārattā idāni ca pahāraṃ dassantīti maññamānā rodantīti attho. ‘‘Pahārassa muccitā’’tipi sajjhāyanti, tattha ‘‘pahārassa bhītā’’ti attho.
༤༥༧. ཨུགྒིརཏི ཨཱཔཏྟི པཱཙིཏྟིཡསྶཱཏི ཨེཏྠ སཙེ ཨུགྒིརིཏྭཱ ཝིརདྡྷོ པཧཱརཾ དེཏི, ཨཝསྶཾ དྷཱརེཏུཾ ཨསཀྐོནྟསྶ པཧཱརོ སཧསཱ པཏཏི, ན པཧརིཏུཀཱམཏཱཡ དིནྣཏྟཱ དུཀྐཊཾ། ཏེན པཧཱརེན ཧཏྠཱདཱིསུ ཡཾཀིཉྩི བྷིཛྫཏི, དུཀྐཊམེཝ།
457.Uggirati āpatti pācittiyassāti ettha sace uggiritvā viraddho pahāraṃ deti, avassaṃ dhāretuṃ asakkontassa pahāro sahasā patati, na paharitukāmatāya dinnattā dukkaṭaṃ. Tena pahārena hatthādīsu yaṃkiñci bhijjati, dukkaṭameva.
༤༥༨. མོཀྑཱདྷིཔྤཱཡོ ཏལསཏྟིཀཾ ཨུགྒིརཏཱིཏི ཨེཏྠ པུབྦེ ཝུཏྟེསུ ཝཏྠཱུསུ པུརིམནཡེནེཝ ཏལསཏྟིཀཾ ཨུགྒིརནྟསྶ ཨནཱཔཏྟི། སཙེཔི ཝིརཛ྄ཛྷིཏྭཱ པཧཱརཾ དེཏི, ཨནཱཔཏྟིཡེཝ། སེསཾ པུརིམསདིསམེཝ སདྡྷིཾ སམུཊྛཱནཱདཱིཧཱིཏི།
458.Mokkhādhippāyo talasattikaṃ uggiratīti ettha pubbe vuttesu vatthūsu purimanayeneva talasattikaṃ uggirantassa anāpatti. Sacepi virajjhitvā pahāraṃ deti, anāpattiyeva. Sesaṃ purimasadisameva saddhiṃ samuṭṭhānādīhīti.
ཏལསཏྟིཀསིཀྑཱཔདཾ པཉྩམཾ།
Talasattikasikkhāpadaṃ pañcamaṃ.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / མཧཱཝིབྷངྒ • Mahāvibhaṅga / ༨. སཧདྷམྨིཀཝགྒོ • 8. Sahadhammikavaggo
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / ༥. ཏལསཏྟིཀསིཀྑཱཔདཝཎྞནཱ • 5. Talasattikasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / ༥. ཏལསཏྟིཀསིཀྑཱཔདཝཎྞནཱ • 5. Talasattikasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༥. ཏལསཏྟིཀསིཀྑཱཔདཾ • 5. Talasattikasikkhāpadaṃ
