| Library / Tipiṭaka / д̇ибидага • Tipiṭaka / абад̣̇аанабаал̣и • Apadānapāḷi |
7. д̇аалаван̣дад̣̇ааяагад̇т̇зраабад̣̇аанам̣
7. Tālavaṇṭadāyakattheraapadānaṃ
31.
31.
‘‘д̇аалаван̣дам̣ маяаа д̣̇иннам̣, д̇иссассаад̣̇ижжаб̣анд̇хуно;
‘‘Tālavaṇṭaṃ mayā dinnaṃ, tissassādiccabandhuno;
г̇имханиб̣б̣аабанад̇т̇ааяа, барил̣аахобасанд̇ияаа.
Gimhanibbāpanatthāya, pariḷāhopasantiyā.
32.
32.
‘‘санниб̣б̣аабзми рааг̇аг̇г̇им̣, д̣̇осаг̇г̇ин̃жа д̇ад̣̇уд̇д̇арим̣;
‘‘Sannibbāpemi rāgaggiṃ, dosaggiñca taduttariṃ;
ниб̣б̣аабзми жа мохаг̇г̇им̣, д̇аалаван̣дассид̣̇ам̣ палам̣.
Nibbāpemi ca mohaggiṃ, tālavaṇṭassidaṃ phalaṃ.
33.
33.
‘‘гилзсаа жхаабид̇аа маяхам̣, бхаваа саб̣б̣з самуухад̇аа;
‘‘Kilesā jhāpitā mayhaṃ, bhavā sabbe samūhatā;
д̇хаарзми анд̇имам̣ д̣̇зхам̣, саммаасамб̣уд̣̇д̇хасаасанз.
Dhāremi antimaṃ dehaṃ, sammāsambuddhasāsane.
34.
34.
‘‘д̣̇взнавуд̇з ид̇о габбз, яам̣ гаммамагарим̣ д̇ад̣̇аа;
‘‘Dvenavute ito kappe, yaṃ kammamakariṃ tadā;
д̣̇уг̇г̇ад̇им̣ наабхиж̇аанаами, д̇аалаван̣дассид̣̇ам̣ палам̣.
Duggatiṃ nābhijānāmi, tālavaṇṭassidaṃ phalaṃ.
35.
35.
‘‘д̇зсадтимхи ид̇о габбз, махаанаамасанаамаго;
‘‘Tesaṭṭhimhi ito kappe, mahānāmasanāmako;
сад̇д̇арад̇анасамбанно, жаггавад̇д̇ий махаб̣б̣ало.
Sattaratanasampanno, cakkavattī mahabbalo.
36.
36.
‘‘бадисамбхид̣̇аа жад̇ассо…бз… гад̇ам̣ б̣уд̣̇д̇хасса саасанам̣’’.
‘‘Paṭisambhidā catasso…pe… kataṃ buddhassa sāsanaṃ’’.
ид̇т̇ам̣ суд̣̇ам̣ ааяасмаа д̇аалаван̣дад̣̇ааяаго т̇зро имаа г̇аат̇ааяо абхаасид̇т̇аад̇и.
Itthaṃ sudaṃ āyasmā tālavaṇṭadāyako thero imā gāthāyo abhāsitthāti.
д̇аалаван̣дад̣̇ааяагад̇т̇зрассаабад̣̇аанам̣ сад̇д̇амам̣.
Tālavaṇṭadāyakattherassāpadānaṃ sattamaṃ.
