| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๗. ตาลวณฺฎทายกเตฺถรอปทานํ
7. Tālavaṇṭadāyakattheraapadānaṃ
๓๑.
31.
‘‘ตาลวณฺฎํ มยา ทินฺนํ, ติสฺสสฺสาทิจฺจพนฺธุโน;
‘‘Tālavaṇṭaṃ mayā dinnaṃ, tissassādiccabandhuno;
คิมฺหนิพฺพาปนตฺถาย, ปริฬาโหปสนฺติยาฯ
Gimhanibbāpanatthāya, pariḷāhopasantiyā.
๓๒.
32.
‘‘สนฺนิพฺพาเปมิ ราคคฺคิํ, โทสคฺคิญฺจ ตทุตฺตริํ;
‘‘Sannibbāpemi rāgaggiṃ, dosaggiñca taduttariṃ;
นิพฺพาเปมิ จ โมหคฺคิํ, ตาลวณฺฎสฺสิทํ ผลํฯ
Nibbāpemi ca mohaggiṃ, tālavaṇṭassidaṃ phalaṃ.
๓๓.
33.
‘‘กิเลสา ฌาปิตา มยฺหํ, ภวา สเพฺพ สมูหตา;
‘‘Kilesā jhāpitā mayhaṃ, bhavā sabbe samūhatā;
ธาเรมิ อนฺติมํ เทหํ, สมฺมาสมฺพุทฺธสาสเนฯ
Dhāremi antimaṃ dehaṃ, sammāsambuddhasāsane.
๓๔.
34.
‘‘เทฺวนวุเต อิโต กเปฺป, ยํ กมฺมมกริํ ตทา;
‘‘Dvenavute ito kappe, yaṃ kammamakariṃ tadā;
ทุคฺคติํ นาภิชานามิ, ตาลวณฺฎสฺสิทํ ผลํฯ
Duggatiṃ nābhijānāmi, tālavaṇṭassidaṃ phalaṃ.
๓๕.
35.
‘‘เตสฎฺฐิมฺหิ อิโต กเปฺป, มหานามสนามโก;
‘‘Tesaṭṭhimhi ito kappe, mahānāmasanāmako;
สตฺตรตนสมฺปโนฺน, จกฺกวตฺตี มหพฺพโลฯ
Sattaratanasampanno, cakkavattī mahabbalo.
๓๖.
36.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา ตาลวณฺฎทายโก เถโร อิมา คาถาโย อภาสิตฺถาติฯ
Itthaṃ sudaṃ āyasmā tālavaṇṭadāyako thero imā gāthāyo abhāsitthāti.
ตาลวณฺฎทายกเตฺถรสฺสาปทานํ สตฺตมํฯ
Tālavaṇṭadāyakattherassāpadānaṃ sattamaṃ.
