| Library / Tipiṭaka / තිපිටක • Tipiṭaka / අපදානපාළි • Apadānapāḷi |
7. තාලවණ්‌ටදායකත්‌ථෙරඅපදානං
7. Tālavaṇṭadāyakattheraapadānaṃ
31.
31.
‘‘තාලවණ්‌ටං මයා දින්‌නං, තිස්‌සස්‌සාදිච්‌චබන්‌ධුනො;
‘‘Tālavaṇṭaṃ mayā dinnaṃ, tissassādiccabandhuno;
ගිම්‌හනිබ්‌බාපනත්‌ථාය, පරිළාහොපසන්‌තියා.
Gimhanibbāpanatthāya, pariḷāhopasantiyā.
32.
32.
‘‘සන්‌නිබ්‌බාපෙමි රාගග්‌ගිං, දොසග්‌ගිඤ්‌ච තදුත්‌තරිං;
‘‘Sannibbāpemi rāgaggiṃ, dosaggiñca taduttariṃ;
නිබ්‌බාපෙමි ච මොහග්‌ගිං, තාලවණ්‌ටස්‌සිදං ඵලං.
Nibbāpemi ca mohaggiṃ, tālavaṇṭassidaṃ phalaṃ.
33.
33.
‘‘කිලෙසා ඣාපිතා මය්‌හං, භවා සබ්‌බෙ සමූහතා;
‘‘Kilesā jhāpitā mayhaṃ, bhavā sabbe samūhatā;
ධාරෙමි අන්‌තිමං දෙහං, සම්‌මාසම්‌බුද්‌ධසාසනෙ.
Dhāremi antimaṃ dehaṃ, sammāsambuddhasāsane.
34.
34.
‘‘ද්‌වෙනවුතෙ ඉතො කප්‌පෙ, යං කම්‌මමකරිං තදා;
‘‘Dvenavute ito kappe, yaṃ kammamakariṃ tadā;
දුග්‌ගතිං නාභිජානාමි, තාලවණ්‌ටස්‌සිදං ඵලං.
Duggatiṃ nābhijānāmi, tālavaṇṭassidaṃ phalaṃ.
35.
35.
‘‘තෙසට්‌ඨිම්‌හි ඉතො කප්‌පෙ, මහානාමසනාමකො;
‘‘Tesaṭṭhimhi ito kappe, mahānāmasanāmako;
සත්‌තරතනසම්‌පන්‌නො, චක්‌කවත්‌තී මහබ්‌බලො.
Sattaratanasampanno, cakkavattī mahabbalo.
36.
36.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා තාලවණ්‌ටදායකො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā tālavaṇṭadāyako thero imā gāthāyo abhāsitthāti.
තාලවණ්‌ටදායකත්‌ථෙරස්‌සාපදානං සත්‌තමං.
Tālavaṇṭadāyakattherassāpadānaṃ sattamaṃ.
