| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੨੦. ਤਮਾਲਪੁਪ੍ਫਿਯવਗ੍ਗੋ
20. Tamālapupphiyavaggo
੧-੧੦. ਤਮਾਲਪੁਪ੍ਫਿਯਤ੍ਥੇਰਅਪਦਾਨਾਦਿવਣ੍ਣਨਾ
1-10. Tamālapupphiyattheraapadānādivaṇṇanā
વੀਸਤਿਮੇ વਗ੍ਗੇ ਪਠਮਤ੍ਥੇਰਾਪਦਾਨਂ ਉਤ੍ਤਾਨਮੇવ।
Vīsatime vagge paṭhamattherāpadānaṃ uttānameva.
੬. ਦੁਤਿਯਤ੍ਥੇਰਾਪਦਾਨੇ ਯਂ ਦਾਯવਾਸਿਕੋ ਇਸੀਤਿ ਇਸਿਪਬ੍ਬਜ੍ਜਂ ਪਬ੍ਬਜਿਤ੍વਾ વਨੇ વਸਨਭਾવੇਨ ਦਾਯવਾਸਿਕੋ ਇਸੀਤਿ ਸਙ੍ਖਂ ਗਤੋ, ਅਤ੍ਤਨੋ ਅਨੁਕਮ੍ਪਾਯ ਤਂ વਨਂ ਉਪਗਤਸ੍ਸ ਸਿਦ੍ਧਤ੍ਥਸ੍ਸ ਸਤ੍ਥੁਨੋ વਸਨਮਣ੍ਡਪਚ੍ਛਾਦਨਤ੍ਥਾਯ ਯਂ ਤਿਣਂ, ਤਂ ਲਾਯਤਿ ਛਿਨ੍ਦਤੀਤਿ ਅਤ੍ਥੋ। ਦਬ੍ਬਛਦਨਂ ਕਤ੍વਾ ਅਨੇਕੇਹਿ ਖੁਦ੍ਦਕਦਣ੍ਡਕੇਹਿ ਮਣ੍ਡਪਂ ਕਤ੍વਾ ਤਂ ਤਿਣੇਨ ਛਾਦੇਤ੍વਾ ਸਿਦ੍ਧਤ੍ਥਸ੍ਸ ਭਗવਤੋ ਅਹਂ ਅਦਾਸਿਂ ਪੂਜੇਸਿਨ੍ਤਿ ਅਤ੍ਥੋ।
6. Dutiyattherāpadāne yaṃ dāyavāsiko isīti isipabbajjaṃ pabbajitvā vane vasanabhāvena dāyavāsiko isīti saṅkhaṃ gato, attano anukampāya taṃ vanaṃ upagatassa siddhatthassa satthuno vasanamaṇḍapacchādanatthāya yaṃ tiṇaṃ, taṃ lāyati chindatīti attho. Dabbachadanaṃ katvā anekehi khuddakadaṇḍakehi maṇḍapaṃ katvā taṃ tiṇena chādetvā siddhatthassa bhagavato ahaṃ adāsiṃ pūjesinti attho.
੮. ਸਤ੍ਤਾਹਂ ਧਾਰਯੁਂ ਤਤ੍ਥਾਤਿ ਤਂ ਮਣ੍ਡਪਂ ਤਤ੍ਥ ਠਿਤਾ ਦੇવਮਨੁਸ੍ਸਾ ਸਤ੍ਤਾਹਂ ਨਿਰੋਧਸਮਾਪਤ੍ਤਿਂ ਸਮਾਪਜ੍ਜਿਤ੍વਾ ਨਿਸਿਨ੍ਨਸ੍ਸ ਸਤ੍ਥੁਨੋ ਧਾਰਯੁਂ ਧਾਰੇਸੁਨ੍ਤਿ ਅਤ੍ਥੋ। ਸੇਸਂ ਉਤ੍ਤਾਨਤ੍ਥਮੇવਾਤਿ।
8.Sattāhaṃ dhārayuṃ tatthāti taṃ maṇḍapaṃ tattha ṭhitā devamanussā sattāhaṃ nirodhasamāpattiṃ samāpajjitvā nisinnassa satthuno dhārayuṃ dhāresunti attho. Sesaṃ uttānatthamevāti.
ਤਤਿਯਤ੍ਥੇਰਸ੍ਸ ਅਪਦਾਨੇ ਖਣ੍ਡਫੁਲ੍ਲਿਯਤ੍ਥੇਰੋਤਿ ਏਤ੍ਥ ਖਣ੍ਡਨ੍ਤਿ ਕਟ੍ਠਾਨਂ ਜਿਣ੍ਣਤ੍ਤਾ ਛਿਨ੍ਨਭਿਨ੍ਨਟ੍ਠਾਨਂ, ਫੁਲ੍ਲਨ੍ਤਿ ਕਟ੍ਠਾਨਂ ਜਿਣ੍ਣਟ੍ਠਾਨੇ ਕਣ੍ਣਕਿਤਮਹਿਚ੍ਛਤ੍ਤਕਾਦਿਪੁਪ੍ਫਨਂ, ਖਣ੍ਡਞ੍ਚ ਫੁਲ੍ਲਞ੍ਚ ਖਣ੍ਡਫੁਲ੍ਲਾਨਿ, ਖਣ੍ਡਫੁਲ੍ਲਾਨਂ ਪਟਿਸਙ੍ਖਰਣਂ ਪੁਨਪ੍ਪੁਨਂ ਥਿਰਕਰਣਨ੍ਤਿ ਖਣ੍ਡਫੁਲ੍ਲਪਟਿਸਙ੍ਖਰਣਂ। ਇਮਸ੍ਸ ਪਨ ਥੇਰਸ੍ਸ ਸਮ੍ਭਾਰਪੂਰਣਕਾਲੇ ਫੁਸ੍ਸਸ੍ਸ ਭਗવਤੋ ਚੇਤਿਯੇ ਛਿਨ੍ਨਭਿਨ੍ਨਟ੍ਠਾਨੇ ਸੁਧਾਪਿਣ੍ਡਂ ਮਕ੍ਖੇਤ੍વਾ ਥਿਰਕਰਣਂ ਖਣ੍ਡਫੁਲ੍ਲਪਟਿਸਙ੍ਖਰਣਂ ਨਾਮ। ਤਸ੍ਮਾ ਸੋ ਖਣ੍ਡਫੁਲ੍ਲਿਯੋ ਥੇਰੋਤਿ ਪਾਕਟੋ ਅਹੋਸਿ। ਤਤਿਯਂ।
Tatiyattherassa apadāne khaṇḍaphulliyattheroti ettha khaṇḍanti kaṭṭhānaṃ jiṇṇattā chinnabhinnaṭṭhānaṃ, phullanti kaṭṭhānaṃ jiṇṇaṭṭhāne kaṇṇakitamahicchattakādipupphanaṃ, khaṇḍañca phullañca khaṇḍaphullāni, khaṇḍaphullānaṃ paṭisaṅkharaṇaṃ punappunaṃ thirakaraṇanti khaṇḍaphullapaṭisaṅkharaṇaṃ. Imassa pana therassa sambhārapūraṇakāle phussassa bhagavato cetiye chinnabhinnaṭṭhāne sudhāpiṇḍaṃ makkhetvā thirakaraṇaṃ khaṇḍaphullapaṭisaṅkharaṇaṃ nāma. Tasmā so khaṇḍaphulliyo theroti pākaṭo ahosi. Tatiyaṃ.
੧੭. ਚਤੁਤ੍ਥਤ੍ਥੇਰਸ੍ਸਾਪਦਾਨੇ ਰਞ੍ਞੋ ਬਦ੍ਧਚਰੋ ਅਹਨ੍ਤਿ ਰਞ੍ਞੋ ਪਰਿਚਾਰਕੋ ਕਮ੍ਮਕਾਰਕੋ ਅਹੋਸਿਨ੍ਤਿ ਅਤ੍ਥੋ।
17. Catutthattherassāpadāne rañño baddhacaro ahanti rañño paricārako kammakārako ahosinti attho.
੧੯. ਜਲਜੁਤ੍ਤਮਨਾਮਿਨੋਤਿ ਜਲੇ ਉਦਕੇ ਜਾਤਂ ਜਲਜਂ, ਕਿਂ ਤਂ ਪਦੁਮਂ, ਪਦੁਮੇਨ ਸਮਾਨਨਾਮਤ੍ਤਾ ਪਦੁਮੁਤ੍ਤਰਸ੍ਸ ਭਗવਤੋਤਿ ਅਤ੍ਥੋ। ਉਤ੍ਤਮਪਦੁਮਨਾਮਸ੍ਸ ਭਗવਤੋਤਿ વਾ ਅਤ੍ਥੋ। ਚਤੁਤ੍ਥਂ।
19.Jalajuttamanāminoti jale udake jātaṃ jalajaṃ, kiṃ taṃ padumaṃ, padumena samānanāmattā padumuttarassa bhagavatoti attho. Uttamapadumanāmassa bhagavatoti vā attho. Catutthaṃ.
ਪਞ੍ਚਮਂ ਉਤ੍ਤਾਨਤ੍ਥਮੇવ।
Pañcamaṃ uttānatthameva.
੨੮. ਛਟ੍ਠੇ ਨਗਰੇ ਦ੍વਾਰવਤਿਯਾਤਿ ਮਹਾਦ੍વਾਰવਾਤਪਾਨਕવਾਟਫਲਕਾਹਿ વਤਿਪਾਕਾਰਟ੍ਟਾਲਗੋਪੁਰਕਦ੍ਦਮੋਦਕਪਰਿਖਾਹਿ ਚ ਸਮ੍ਪਨ੍ਨਂ ਨਗਰਨ੍ਤਿ ਦ੍વਾਰવਤੀਨਗਰਂ, ਦ੍વਾਰਂ વਤਿਞ੍ਚ ਪਧਾਨਂ ਕਤ੍વਾ ਨਗਰਸ੍ਸ ਉਪਲਕ੍ਖਿਤਤ੍ਤਾ ‘‘ਦ੍વਾਰવਤੀ ਨਗਰ’’ਨ੍ਤਿ વੋਹਰਨ੍ਤੀਤਿ ਨਗਰੇ ਦ੍વਾਰવਤਿਯਾਤਿ વੁਤ੍ਤਂ। ਮਾਲਾવਚ੍ਛੋ ਪੁਪ੍ਫਾਰਾਮੋ ਮਮ ਅਹੋਸੀਤਿ ਅਤ੍ਥੋ।
28. Chaṭṭhe nagare dvāravatiyāti mahādvāravātapānakavāṭaphalakāhi vatipākāraṭṭālagopurakaddamodakaparikhāhi ca sampannaṃ nagaranti dvāravatīnagaraṃ, dvāraṃ vatiñca padhānaṃ katvā nagarassa upalakkhitattā ‘‘dvāravatī nagara’’nti voharantīti nagare dvāravatiyāti vuttaṃ. Mālāvaccho pupphārāmo mama ahosīti attho.
੩੧. ਤੇ ਕਿਸਲਯਾਤਿ ਤੇ ਅਸੋਕਪਲ੍ਲવਾ। ਛਟ੍ਠਂ।
31.Te kisalayāti te asokapallavā. Chaṭṭhaṃ.
ਸਤ੍ਤਮਟ੍ਠਮਨવਮਾਨਿ ਉਤ੍ਤਾਨਤ੍ਥਾਨੇવ। ਦਸਮੇਪਿ ਅਪੁਬ੍ਬਂ ਨਤ੍ਥੀਤਿ।
Sattamaṭṭhamanavamāni uttānatthāneva. Dasamepi apubbaṃ natthīti.
વੀਸਤਿਮવਣ੍ਣਨਾ ਸਮਤ੍ਤਾ।
Vīsatimavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi
੨. ਤਿਣਸਨ੍ਥਾਰਕਤ੍ਥੇਰਅਪਦਾਨਂ • 2. Tiṇasanthārakattheraapadānaṃ
੪. ਅਸੋਕਪੂਜਕਤ੍ਥੇਰਅਪਦਾਨਂ • 4. Asokapūjakattheraapadānaṃ
੬. ਕਿਸਲਯਪੂਜਕਤ੍ਥੇਰਅਪਦਾਨਂ • 6. Kisalayapūjakattheraapadānaṃ
