| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๒. ตมฺพปุปฺผิยเตฺถรอปทานํ
2. Tambapupphiyattheraapadānaṃ
๗.
7.
‘‘ปรกมฺมายเน ยุโตฺต, อปราธํ อกาสหํ;
‘‘Parakammāyane yutto, aparādhaṃ akāsahaṃ;
วนนฺตํ อภิธาวิสฺสํ, ภยเวรสมปฺปิโตฯ
Vanantaṃ abhidhāvissaṃ, bhayaverasamappito.
๘.
8.
‘‘ปุปฺผิตํ ปาทปํ ทิสฺวา, ปิณฺฑิพนฺธํ สุนิมฺมิตํ;
‘‘Pupphitaṃ pādapaṃ disvā, piṇḍibandhaṃ sunimmitaṃ;
ตมฺพปุปฺผํ คเหตฺวาน, โพธิยํ โอกิริํ อหํฯ
Tambapupphaṃ gahetvāna, bodhiyaṃ okiriṃ ahaṃ.
๙.
9.
‘‘สมฺมชฺชิตฺวาน ตํ โพธิํ, ปาฎลิํ ปาทปุตฺตมํ;
‘‘Sammajjitvāna taṃ bodhiṃ, pāṭaliṃ pādaputtamaṃ;
ปลฺลงฺกํ อาภุชิตฺวาน, โพธิมูเล อุปาวิสิํฯ
Pallaṅkaṃ ābhujitvāna, bodhimūle upāvisiṃ.
๑๐.
10.
‘‘คตมคฺคํ คเวสนฺตา, อาคจฺฉุํ มม สนฺติกํ;
‘‘Gatamaggaṃ gavesantā, āgacchuṃ mama santikaṃ;
เต จ ทิสฺวานหํ ตตฺถ, อาวชฺชิํ โพธิมุตฺตมํฯ
Te ca disvānahaṃ tattha, āvajjiṃ bodhimuttamaṃ.
๑๑.
11.
‘‘วนฺทิตฺวาน อหํ โพธิํ, วิปฺปสเนฺนน เจตสา;
‘‘Vanditvāna ahaṃ bodhiṃ, vippasannena cetasā;
อเนกตาเล ปปติํ, คิริทุเคฺค ภยานเกฯ
Anekatāle papatiṃ, giridugge bhayānake.
๑๒.
12.
‘‘เอกนวุติโต กเปฺป, ยํ ปุปฺผมภิโรปยิํ;
‘‘Ekanavutito kappe, yaṃ pupphamabhiropayiṃ;
ทุคฺคติํ นาภิชานามิ, โพธิปูชายิทํ ผลํฯ
Duggatiṃ nābhijānāmi, bodhipūjāyidaṃ phalaṃ.
๑๓.
13.
สตฺตรตนสมฺปโนฺน, จกฺกวตฺตี มหพฺพโลฯ
Sattaratanasampanno, cakkavattī mahabbalo.
๑๔.
14.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา ตมฺพปุปฺผิโย เถโร อิมา คาถาโย อภาสิตฺถาติฯ
Itthaṃ sudaṃ āyasmā tambapupphiyo thero imā gāthāyo abhāsitthāti.
ตมฺพปุปฺผิยเตฺถรสฺสาปทานํ ทุติยํฯ
Tambapupphiyattherassāpadānaṃ dutiyaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๒. ตมฺพปุปฺผิยเตฺถรอปทานวณฺณนา • 2. Tambapupphiyattheraapadānavaṇṇanā
