| Library / Tipiṭaka / තිපිටක • Tipiṭaka / අපදානපාළි • Apadānapāḷi |
2. තම්‌බපුප්‌ඵියත්‌ථෙරඅපදානං
2. Tambapupphiyattheraapadānaṃ
7.
7.
‘‘පරකම්‌මායනෙ යුත්‌තො, අපරාධං අකාසහං;
‘‘Parakammāyane yutto, aparādhaṃ akāsahaṃ;
වනන්‌තං අභිධාවිස්‌සං, භයවෙරසමප්‌පිතො.
Vanantaṃ abhidhāvissaṃ, bhayaverasamappito.
8.
8.
‘‘පුප්‌ඵිතං පාදපං දිස්‌වා, පිණ්‌ඩිබන්‌ධං සුනිම්‌මිතං;
‘‘Pupphitaṃ pādapaṃ disvā, piṇḍibandhaṃ sunimmitaṃ;
තම්‌බපුප්‌ඵං ගහෙත්‌වාන, බොධියං ඔකිරිං අහං.
Tambapupphaṃ gahetvāna, bodhiyaṃ okiriṃ ahaṃ.
9.
9.
‘‘සම්‌මජ්‌ජිත්‌වාන තං බොධිං, පාටලිං පාදපුත්‌තමං;
‘‘Sammajjitvāna taṃ bodhiṃ, pāṭaliṃ pādaputtamaṃ;
පල්‌ලඞ්‌කං ආභුජිත්‌වාන, බොධිමූලෙ උපාවිසිං.
Pallaṅkaṃ ābhujitvāna, bodhimūle upāvisiṃ.
10.
10.
‘‘ගතමග්‌ගං ගවෙසන්‌තා, ආගච්‌ඡුං මම සන්‌තිකං;
‘‘Gatamaggaṃ gavesantā, āgacchuṃ mama santikaṃ;
තෙ ච දිස්‌වානහං තත්‌ථ, ආවජ්‌ජිං බොධිමුත්‌තමං.
Te ca disvānahaṃ tattha, āvajjiṃ bodhimuttamaṃ.
11.
11.
‘‘වන්‌දිත්‌වාන අහං බොධිං, විප්‌පසන්‌නෙන චෙතසා;
‘‘Vanditvāna ahaṃ bodhiṃ, vippasannena cetasā;
අනෙකතාලෙ පපතිං, ගිරිදුග්‌ගෙ භයානකෙ.
Anekatāle papatiṃ, giridugge bhayānake.
12.
12.
‘‘එකනවුතිතො කප්‌පෙ, යං පුප්‌ඵමභිරොපයිං;
‘‘Ekanavutito kappe, yaṃ pupphamabhiropayiṃ;
දුග්‌ගතිං නාභිජානාමි, බොධිපූජායිදං ඵලං.
Duggatiṃ nābhijānāmi, bodhipūjāyidaṃ phalaṃ.
13.
13.
සත්‌තරතනසම්‌පන්‌නො, චක්‌කවත්‌තී මහබ්‌බලො.
Sattaratanasampanno, cakkavattī mahabbalo.
14.
14.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා තම්‌බපුප්‌ඵියො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā tambapupphiyo thero imā gāthāyo abhāsitthāti.
තම්‌බපුප්‌ඵියත්‌ථෙරස්‌සාපදානං දුතියං.
Tambapupphiyattherassāpadānaṃ dutiyaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / අපදාන-අට්‌ඨකථා • Apadāna-aṭṭhakathā / 2. තම්‌බපුප්‌ඵියත්‌ථෙරඅපදානවණ්‌ණනා • 2. Tambapupphiyattheraapadānavaṇṇanā
