| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
2. д̇амб̣абубпияад̇т̇зраабад̣̇аанаван̣н̣анаа
2. Tambapupphiyattheraapadānavaṇṇanā
барагаммааяанз яуд̇д̇од̇иаад̣̇игам̣ ааяасмад̇о д̇амб̣абубпияад̇т̇зрасса абад̣̇аанам̣. аяамби ааяасмаа буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о бияад̣̇ассисса бхаг̇авад̇о гаалз гзнажи бурз гад̇зна агусалагаммзна д̣̇уг̇г̇ад̇агулз ниб̣б̣ад̇д̇о вуд̣̇д̇хиббад̇д̇о барзсам̣ гаммам̣ гад̇ваа бхад̇ияаа ж̇ийвигам̣ габбзси. со звам̣ д̣̇угкзна васанд̇о барзсам̣ абараад̇хам̣ гад̇ваа маран̣абхаязна балааяид̇ваа ванам̣ баависи. д̇ад̇т̇а г̇ад̇адтаанз баадалиб̣од̇хим̣ д̣̇исваа ванд̣̇ид̇ваа саммаж̇ж̇ид̇ваа згасмим̣ ругкз д̇амб̣аван̣н̣ам̣ бубпам̣ д̣̇исваа д̇ам̣ саб̣б̣ам̣ ган̣н̣игз ожинид̇ваа б̣од̇хибууж̇ам̣ агааси. д̇ад̇т̇а жид̇д̇ам̣ басаад̣̇зд̇ваа ванд̣̇ид̇ваа баллан̇гамаабхуж̇ид̇ваа нисийд̣̇и. д̇асмим̣ кан̣з д̇з мануссаа бад̣̇аанубад̣̇игам̣ ануб̣анд̇хид̇ваа д̇ад̇т̇а аг̇амам̣су. со д̇з д̣̇исваа б̣од̇хим̣ ааваж̇ж̇знд̇ова балааяид̇ваа бхаяаанагз г̇ийрид̣̇уг̇г̇абабаад̇з бад̇ид̇ваа мари.
Parakammāyaneyuttotiādikaṃ āyasmato tambapupphiyattherassa apadānaṃ. Ayampi āyasmā purimabuddhesu katādhikāro tattha tattha bhave vivaṭṭūpanissayāni puññāni upacinanto piyadassissa bhagavato kāle kenaci pure katena akusalakammena duggatakule nibbatto vuddhippatto paresaṃ kammaṃ katvā bhatiyā jīvikaṃ kappesi. So evaṃ dukkhena vasanto paresaṃ aparādhaṃ katvā maraṇabhayena palāyitvā vanaṃ pāvisi. Tattha gataṭṭhāne pāṭalibodhiṃ disvā vanditvā sammajjitvā ekasmiṃ rukkhe tambavaṇṇaṃ pupphaṃ disvā taṃ sabbaṃ kaṇṇike ocinitvā bodhipūjaṃ akāsi. Tattha cittaṃ pasādetvā vanditvā pallaṅkamābhujitvā nisīdi. Tasmiṃ khaṇe te manussā padānupadikaṃ anubandhitvā tattha agamaṃsu. So te disvā bodhiṃ āvajjentova palāyitvā bhayānake gīriduggapapāte patitvā mari.
7. со б̣од̇хибууж̇ааяа ануссарид̇ад̇д̇аа д̇знзва бийд̇исоманассзна д̇аавад̇им̣саад̣̇ийсу убабанно ча гаамааважарасамбад̇д̇им̣ анубхавид̇ваа мануссзсу жа жаггавад̇д̇иаад̣̇исамбад̇д̇им̣ анубхавид̇ваа имасмим̣ б̣уд̣̇д̇хуббаад̣̇з вибхавасамбаннз гулз ниб̣б̣ад̇д̇о вуд̣̇д̇хиббад̇д̇о сад̇т̇у д̇хаммад̣̇зсанам̣ суд̇ваа басаннамаанасо баб̣б̣аж̇ид̇ваа нажирассзва арахаа худ̇ваа ад̇д̇ано буб̣б̣агаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о барагаммааяанз яуд̇д̇од̇иаад̣̇имааха. д̇ад̇т̇а барзсам̣ гаммаани барагаммаани, барагаммаанам̣ ааяанз гаран̣з вааханз д̇хааран̣з яуд̇д̇о яож̇ид̇о ахосинд̇и ад̇т̇о. сзсам̣ баагадамзваад̇и.
7. So bodhipūjāya anussaritattā teneva pītisomanassena tāvatiṃsādīsu upapanno cha kāmāvacarasampattiṃ anubhavitvā manussesu ca cakkavattiādisampattiṃ anubhavitvā imasmiṃ buddhuppāde vibhavasampanne kule nibbatto vuddhippatto satthu dhammadesanaṃ sutvā pasannamānaso pabbajitvā nacirasseva arahā hutvā attano pubbakammaṃ saritvā somanassajāto pubbacaritāpadānaṃ pakāsento parakammāyane yuttotiādimāha. Tattha paresaṃ kammāni parakammāni, parakammānaṃ āyane karaṇe vāhane dhāraṇe yutto yojito ahosinti attho. Sesaṃ pākaṭamevāti.
д̇амб̣абубпияад̇т̇зраабад̣̇аанаван̣н̣анаа самад̇д̇аа.
Tambapupphiyattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 2. д̇амб̣абубпияад̇т̇зраабад̣̇аанам̣ • 2. Tambapupphiyattheraapadānaṃ
