| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
6-7. தண்ஹக்க²யஸுத்தாதி³வண்ணனா
6-7. Taṇhakkhayasuttādivaṇṇanā
207-208. ச²ட்டே² ஏதத³வோசாதி ‘‘இமிஸ்ஸங் பரிஸதி நிஸின்னோ உதா³யித்தே²ரோ நாம அனுஸந்தி⁴குஸலோ பி⁴க்கு² அத்தி², ஸோ மங் புச்சி²ஸ்ஸதீதி ப⁴க³வதா ஓஸாபிததே³ஸனங் ஞத்வா தே³ஸனானுஸந்தி⁴ங் க⁴டெஸ்ஸாமீ’’தி புச்ச²ந்தோ ஏதங் அவோச. விபுலந்திஆதி³ ஸப்³ப³ங் ஸுபா⁴விதத்தங் ஸந்தா⁴ய வுத்தங். ஸுபா⁴விதோ ஹி ஸதிஸம்பொ³ஜ்ஜ²ங்கோ³ விபுலோ ச மஹக்³க³தோ ச அப்பமாணோ ச அப்³யாபஜ்ஜோ ச நாம ஹோதி. ஸோ ஹி பத்த²டத்தா விபுலோ, மஹந்தபா⁴வங் க³தத்தா மஹக்³க³தோ, வட்³டி⁴பமாணத்தா அப்பமாணோ, நீவரணானங் தூ³ரீபா⁴வேன ப்³யாபாத³ரஹிதத்தா அப்³யாபஜ்ஜோ² நாம ஹோதி. தண்ஹாய பஹானா கம்மங் பஹீயதீதி யங் தண்ஹாமூலகங் கம்மங் உப்பஜ்ஜெய்ய, தங் தண்ஹாபஹானேன பஹீயதி. கம்மஸ்ஸ பஹானா து³க்க²ந்தி யம்பி கம்மமூலகங் வட்டது³க்க²ங் உப்பஜ்ஜெய்ய, தங் கம்மபஹானேன பஹீயதி. தண்ஹக்க²யாத³யோ தண்ஹாதீ³னங்யேவ க²யா, அத்த²தோ பனேதேஹி நிப்³பா³னங் கதி²தந்தி வேதி³தப்³ப³ங். ஸத்தமங் உத்தானமேவ.
207-208. Chaṭṭhe etadavocāti ‘‘imissaṃ parisati nisinno udāyitthero nāma anusandhikusalo bhikkhu atthi, so maṃ pucchissatīti bhagavatā osāpitadesanaṃ ñatvā desanānusandhiṃ ghaṭessāmī’’ti pucchanto etaṃ avoca. Vipulantiādi sabbaṃ subhāvitattaṃ sandhāya vuttaṃ. Subhāvito hi satisambojjhaṅgo vipulo ca mahaggato ca appamāṇo ca abyāpajjo ca nāma hoti. So hi patthaṭattā vipulo, mahantabhāvaṃ gatattā mahaggato, vaḍḍhipamāṇattā appamāṇo, nīvaraṇānaṃ dūrībhāvena byāpādarahitattā abyāpajjho nāma hoti. Taṇhāya pahānā kammaṃ pahīyatīti yaṃ taṇhāmūlakaṃ kammaṃ uppajjeyya, taṃ taṇhāpahānena pahīyati. Kammassa pahānā dukkhanti yampi kammamūlakaṃ vaṭṭadukkhaṃ uppajjeyya, taṃ kammapahānena pahīyati. Taṇhakkhayādayo taṇhādīnaṃyeva khayā, atthato panetehi nibbānaṃ kathitanti veditabbaṃ. Sattamaṃ uttānameva.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya
6. தண்ஹக்க²யஸுத்தங் • 6. Taṇhakkhayasuttaṃ
7. தண்ஹானிரோத⁴ஸுத்தங் • 7. Taṇhānirodhasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 6-7. தண்ஹக்க²யஸுத்தாதி³வண்ணனா • 6-7. Taṇhakkhayasuttādivaṇṇanā
