| Library / Tipiṭaka / తిపిటక • Tipiṭaka / సంయుత్తనికాయ (టీకా) • Saṃyuttanikāya (ṭīkā) |
౬-౭. తణ్హక్ఖయసుత్తాదివణ్ణనా
6-7. Taṇhakkhayasuttādivaṇṇanā
౨౦౭-౨౦౮. ‘‘సో మం పుచ్ఛిస్సతీ’’తి అధిప్పాయేన భగవతా ఓసాపితదేసనం. పత్థటత్తా భావనాపారిపూరియా విత్థారితం గతత్తా. మహన్తభావన్తి భావనావసేనేవ మహత్తం గతత్తా. తతో ఏవ వడ్ఢిప్పమాణా. నీవరణవిగమే సమ్భవతో పచ్చయతో బ్యాపాదో విగతో హోతీతి ఆహ – ‘‘నీవరణానం దూరీభావేన బ్యాపాదవిరహితత్తా’’తి. తణ్హామూలకన్తి తణ్హాపచ్చయం. యఞ్హి తణ్హాసహగతం అసహగతమ్పి తణ్హం ఉపనిస్సాయ నిప్ఫన్నం, సబ్బం తం తణ్హామూలకం. పహీయతి అనుప్పాదప్పహానేన. తణ్హాదీనంయేవ ఖయా, న తేసం సఙ్ఖారానం ఖయా. ఏతేహి తణ్హక్ఖయాదిపదేహి.
207-208.‘‘So maṃ pucchissatī’’ti adhippāyena bhagavatā osāpitadesanaṃ. Patthaṭattā bhāvanāpāripūriyā vitthāritaṃ gatattā. Mahantabhāvanti bhāvanāvaseneva mahattaṃ gatattā. Tato eva vaḍḍhippamāṇā. Nīvaraṇavigame sambhavato paccayato byāpādo vigato hotīti āha – ‘‘nīvaraṇānaṃ dūrībhāvena byāpādavirahitattā’’ti. Taṇhāmūlakanti taṇhāpaccayaṃ. Yañhi taṇhāsahagataṃ asahagatampi taṇhaṃ upanissāya nipphannaṃ, sabbaṃ taṃ taṇhāmūlakaṃ. Pahīyati anuppādappahānena. Taṇhādīnaṃyeva khayā, na tesaṃ saṅkhārānaṃ khayā. Etehi taṇhakkhayādipadehi.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / సంయుత్తనికాయ • Saṃyuttanikāya
౬. తణ్హక్ఖయసుత్తం • 6. Taṇhakkhayasuttaṃ
౭. తణ్హానిరోధసుత్తం • 7. Taṇhānirodhasuttaṃ
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / సంయుత్తనికాయ (అట్ఠకథా) • Saṃyuttanikāya (aṭṭhakathā) / ౬-౭. తణ్హక్ఖయసుత్తాదివణ్ణనా • 6-7. Taṇhakkhayasuttādivaṇṇanā
