| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੬-੭. ਤਣ੍ਹਕ੍ਖਯਸੁਤ੍ਤਾਦਿવਣ੍ਣਨਾ
6-7. Taṇhakkhayasuttādivaṇṇanā
੨੦੭-੨੦੮. ਛਟ੍ਠੇ ਏਤਦવੋਚਾਤਿ ‘‘ਇਮਿਸ੍ਸਂ ਪਰਿਸਤਿ ਨਿਸਿਨ੍ਨੋ ਉਦਾਯਿਤ੍ਥੇਰੋ ਨਾਮ ਅਨੁਸਨ੍ਧਿਕੁਸਲੋ ਭਿਕ੍ਖੁ ਅਤ੍ਥਿ, ਸੋ ਮਂ ਪੁਚ੍ਛਿਸ੍ਸਤੀਤਿ ਭਗવਤਾ ਓਸਾਪਿਤਦੇਸਨਂ ਞਤ੍વਾ ਦੇਸਨਾਨੁਸਨ੍ਧਿਂ ਘਟੇਸ੍ਸਾਮੀ’’ਤਿ ਪੁਚ੍ਛਨ੍ਤੋ ਏਤਂ ਅવੋਚ। વਿਪੁਲਨ੍ਤਿਆਦਿ ਸਬ੍ਬਂ ਸੁਭਾવਿਤਤ੍ਤਂ ਸਨ੍ਧਾਯ વੁਤ੍ਤਂ। ਸੁਭਾવਿਤੋ ਹਿ ਸਤਿਸਮ੍ਬੋਜ੍ਝਙ੍ਗੋ વਿਪੁਲੋ ਚ ਮਹਗ੍ਗਤੋ ਚ ਅਪ੍ਪਮਾਣੋ ਚ ਅਬ੍ਯਾਪਜ੍ਜੋ ਚ ਨਾਮ ਹੋਤਿ। ਸੋ ਹਿ ਪਤ੍ਥਟਤ੍ਤਾ વਿਪੁਲੋ, ਮਹਨ੍ਤਭਾવਂ ਗਤਤ੍ਤਾ ਮਹਗ੍ਗਤੋ, વਡ੍ਢਿਪਮਾਣਤ੍ਤਾ ਅਪ੍ਪਮਾਣੋ, ਨੀવਰਣਾਨਂ ਦੂਰੀਭਾવੇਨ ਬ੍ਯਾਪਾਦਰਹਿਤਤ੍ਤਾ ਅਬ੍ਯਾਪਜ੍ਝੋ ਨਾਮ ਹੋਤਿ। ਤਣ੍ਹਾਯ ਪਹਾਨਾ ਕਮ੍ਮਂ ਪਹੀਯਤੀਤਿ ਯਂ ਤਣ੍ਹਾਮੂਲਕਂ ਕਮ੍ਮਂ ਉਪ੍ਪਜ੍ਜੇਯ੍ਯ, ਤਂ ਤਣ੍ਹਾਪਹਾਨੇਨ ਪਹੀਯਤਿ। ਕਮ੍ਮਸ੍ਸ ਪਹਾਨਾ ਦੁਕ੍ਖਨ੍ਤਿ ਯਮ੍ਪਿ ਕਮ੍ਮਮੂਲਕਂ વਟ੍ਟਦੁਕ੍ਖਂ ਉਪ੍ਪਜ੍ਜੇਯ੍ਯ, ਤਂ ਕਮ੍ਮਪਹਾਨੇਨ ਪਹੀਯਤਿ। ਤਣ੍ਹਕ੍ਖਯਾਦਯੋ ਤਣ੍ਹਾਦੀਨਂਯੇવ ਖਯਾ, ਅਤ੍ਥਤੋ ਪਨੇਤੇਹਿ ਨਿਬ੍ਬਾਨਂ ਕਥਿਤਨ੍ਤਿ વੇਦਿਤਬ੍ਬਂ। ਸਤ੍ਤਮਂ ਉਤ੍ਤਾਨਮੇવ।
207-208. Chaṭṭhe etadavocāti ‘‘imissaṃ parisati nisinno udāyitthero nāma anusandhikusalo bhikkhu atthi, so maṃ pucchissatīti bhagavatā osāpitadesanaṃ ñatvā desanānusandhiṃ ghaṭessāmī’’ti pucchanto etaṃ avoca. Vipulantiādi sabbaṃ subhāvitattaṃ sandhāya vuttaṃ. Subhāvito hi satisambojjhaṅgo vipulo ca mahaggato ca appamāṇo ca abyāpajjo ca nāma hoti. So hi patthaṭattā vipulo, mahantabhāvaṃ gatattā mahaggato, vaḍḍhipamāṇattā appamāṇo, nīvaraṇānaṃ dūrībhāvena byāpādarahitattā abyāpajjho nāma hoti. Taṇhāya pahānā kammaṃ pahīyatīti yaṃ taṇhāmūlakaṃ kammaṃ uppajjeyya, taṃ taṇhāpahānena pahīyati. Kammassa pahānā dukkhanti yampi kammamūlakaṃ vaṭṭadukkhaṃ uppajjeyya, taṃ kammapahānena pahīyati. Taṇhakkhayādayo taṇhādīnaṃyeva khayā, atthato panetehi nibbānaṃ kathitanti veditabbaṃ. Sattamaṃ uttānameva.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya
੬. ਤਣ੍ਹਕ੍ਖਯਸੁਤ੍ਤਂ • 6. Taṇhakkhayasuttaṃ
੭. ਤਣ੍ਹਾਨਿਰੋਧਸੁਤ੍ਤਂ • 7. Taṇhānirodhasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੬-੭. ਤਣ੍ਹਕ੍ਖਯਸੁਤ੍ਤਾਦਿવਣ੍ਣਨਾ • 6-7. Taṇhakkhayasuttādivaṇṇanā
