| Library / Tipiṭaka / തിപിടക • Tipiṭaka / സംയുത്തനികായ (അട്ഠകഥാ) • Saṃyuttanikāya (aṭṭhakathā) |
൬-൭. തണ്ഹക്ഖയസുത്താദിവണ്ണനാ
6-7. Taṇhakkhayasuttādivaṇṇanā
൨൦൭-൨൦൮. ഛട്ഠേ ഏതദവോചാതി ‘‘ഇമിസ്സം പരിസതി നിസിന്നോ ഉദായിത്ഥേരോ നാമ അനുസന്ധികുസലോ ഭിക്ഖു അത്ഥി, സോ മം പുച്ഛിസ്സതീതി ഭഗവതാ ഓസാപിതദേസനം ഞത്വാ ദേസനാനുസന്ധിം ഘടേസ്സാമീ’’തി പുച്ഛന്തോ ഏതം അവോച. വിപുലന്തിആദി സബ്ബം സുഭാവിതത്തം സന്ധായ വുത്തം. സുഭാവിതോ ഹി സതിസമ്ബോജ്ഝങ്ഗോ വിപുലോ ച മഹഗ്ഗതോ ച അപ്പമാണോ ച അബ്യാപജ്ജോ ച നാമ ഹോതി. സോ ഹി പത്ഥടത്താ വിപുലോ, മഹന്തഭാവം ഗതത്താ മഹഗ്ഗതോ, വഡ്ഢിപമാണത്താ അപ്പമാണോ, നീവരണാനം ദൂരീഭാവേന ബ്യാപാദരഹിതത്താ അബ്യാപജ്ഝോ നാമ ഹോതി. തണ്ഹായ പഹാനാ കമ്മം പഹീയതീതി യം തണ്ഹാമൂലകം കമ്മം ഉപ്പജ്ജേയ്യ, തം തണ്ഹാപഹാനേന പഹീയതി. കമ്മസ്സ പഹാനാ ദുക്ഖന്തി യമ്പി കമ്മമൂലകം വട്ടദുക്ഖം ഉപ്പജ്ജേയ്യ, തം കമ്മപഹാനേന പഹീയതി. തണ്ഹക്ഖയാദയോ തണ്ഹാദീനംയേവ ഖയാ, അത്ഥതോ പനേതേഹി നിബ്ബാനം കഥിതന്തി വേദിതബ്ബം. സത്തമം ഉത്താനമേവ.
207-208. Chaṭṭhe etadavocāti ‘‘imissaṃ parisati nisinno udāyitthero nāma anusandhikusalo bhikkhu atthi, so maṃ pucchissatīti bhagavatā osāpitadesanaṃ ñatvā desanānusandhiṃ ghaṭessāmī’’ti pucchanto etaṃ avoca. Vipulantiādi sabbaṃ subhāvitattaṃ sandhāya vuttaṃ. Subhāvito hi satisambojjhaṅgo vipulo ca mahaggato ca appamāṇo ca abyāpajjo ca nāma hoti. So hi patthaṭattā vipulo, mahantabhāvaṃ gatattā mahaggato, vaḍḍhipamāṇattā appamāṇo, nīvaraṇānaṃ dūrībhāvena byāpādarahitattā abyāpajjho nāma hoti. Taṇhāya pahānā kammaṃ pahīyatīti yaṃ taṇhāmūlakaṃ kammaṃ uppajjeyya, taṃ taṇhāpahānena pahīyati. Kammassa pahānā dukkhanti yampi kammamūlakaṃ vaṭṭadukkhaṃ uppajjeyya, taṃ kammapahānena pahīyati. Taṇhakkhayādayo taṇhādīnaṃyeva khayā, atthato panetehi nibbānaṃ kathitanti veditabbaṃ. Sattamaṃ uttānameva.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya
൬. തണ്ഹക്ഖയസുത്തം • 6. Taṇhakkhayasuttaṃ
൭. തണ്ഹാനിരോധസുത്തം • 7. Taṇhānirodhasuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൬-൭. തണ്ഹക്ഖയസുത്താദിവണ്ണനാ • 6-7. Taṇhakkhayasuttādivaṇṇanā
