| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
6. தண்ஹக்க²யஸுத்தங்
6. Taṇhakkhayasuttaṃ
207. ‘‘யோ, பி⁴க்க²வே, மக்³கோ³ யா படிபதா³ தண்ஹக்க²யாய ஸங்வத்ததி, தங் மக்³க³ங் தங் படிபத³ங் பா⁴வேத². கதமோ ச, பி⁴க்க²வே, மக்³கோ³ கதமா ச படிபதா³ தண்ஹக்க²யாய ஸங்வத்ததி? யதி³த³ங் – ஸத்த பொ³ஜ்ஜ²ங்கா³. கதமே ஸத்த? ஸதிஸம்பொ³ஜ்ஜ²ங்கோ³…பே॰… உபெக்கா²ஸம்பொ³ஜ்ஜ²ங்கோ³’’தி. ஏவங் வுத்தே ஆயஸ்மா உதா³யீ ப⁴க³வந்தங் ஏதத³வோச – ‘‘கத²ங் பா⁴விதா நு கோ², ப⁴ந்தே, ஸத்த பொ³ஜ்ஜ²ங்கா³, கத²ங் ப³ஹுலீகதா தண்ஹக்க²யாய ஸங்வத்தந்தீ’’தி?
207. ‘‘Yo, bhikkhave, maggo yā paṭipadā taṇhakkhayāya saṃvattati, taṃ maggaṃ taṃ paṭipadaṃ bhāvetha. Katamo ca, bhikkhave, maggo katamā ca paṭipadā taṇhakkhayāya saṃvattati? Yadidaṃ – satta bojjhaṅgā. Katame satta? Satisambojjhaṅgo…pe… upekkhāsambojjhaṅgo’’ti. Evaṃ vutte āyasmā udāyī bhagavantaṃ etadavoca – ‘‘kathaṃ bhāvitā nu kho, bhante, satta bojjhaṅgā, kathaṃ bahulīkatā taṇhakkhayāya saṃvattantī’’ti?
‘‘இத⁴ , உதா³யி, பி⁴க்கு² ஸதிஸம்பொ³ஜ்ஜ²ங்க³ங் பா⁴வேதி விவேகனிஸ்ஸிதங் விராக³னிஸ்ஸிதங் நிரோத⁴னிஸ்ஸிதங் வொஸ்ஸக்³க³பரிணாமிங் விபுலங் மஹக்³க³தங் அப்பமாணங் அப்³யாபஜ்ஜங் 1. தஸ்ஸ ஸதிஸம்பொ³ஜ்ஜ²ங்க³ங் பா⁴வயதோ விவேகனிஸ்ஸிதங் விராக³னிஸ்ஸிதங் நிரோத⁴னிஸ்ஸிதங் வொஸ்ஸக்³க³பரிணாமிங் விபுலங் மஹக்³க³தங் அப்பமாணங் அப்³யாபஜ்ஜங் தண்ஹா பஹீயதி. தண்ஹாய பஹானா கம்மங் பஹீயதி. கம்மஸ்ஸ பஹானா து³க்க²ங் பஹீயதி…பே॰… உபெக்கா²ஸம்பொ³ஜ்ஜ²ங்க³ங் பா⁴வேதி விவேகனிஸ்ஸிதங் விராக³னிஸ்ஸிதங் நிரோத⁴னிஸ்ஸிதங் வொஸ்ஸக்³க³பரிணாமிங் விபுலங் மஹக்³க³தங் அப்பமாணங் அப்³யாபஜ்ஜங். தஸ்ஸ உபெக்கா²ஸம்பொ³ஜ்ஜ²ங்க³ங் பா⁴வயதோ விவேகனிஸ்ஸிதங் விராக³னிஸ்ஸிதங் நிரோத⁴னிஸ்ஸிதங் வொஸ்ஸக்³க³பரிணாமிங் விபுலங் மஹக்³க³தங் அப்பமாணங் அப்³யாபஜ்ஜங் தண்ஹா பஹீயதி தண்ஹாய பஹானா கம்மங் பஹீயதி . கம்மஸ்ஸ பஹானா து³க்க²ங் பஹீயதி. இதி கோ², உதா³யி, தண்ஹக்க²யா கம்மக்க²யோ, கம்மக்க²யா து³க்க²க்க²யோ’’தி. ச²ட்ட²ங்.
‘‘Idha , udāyi, bhikkhu satisambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ vipulaṃ mahaggataṃ appamāṇaṃ abyāpajjaṃ 2. Tassa satisambojjhaṅgaṃ bhāvayato vivekanissitaṃ virāganissitaṃ nirodhanissitaṃ vossaggapariṇāmiṃ vipulaṃ mahaggataṃ appamāṇaṃ abyāpajjaṃ taṇhā pahīyati. Taṇhāya pahānā kammaṃ pahīyati. Kammassa pahānā dukkhaṃ pahīyati…pe… upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ vipulaṃ mahaggataṃ appamāṇaṃ abyāpajjaṃ. Tassa upekkhāsambojjhaṅgaṃ bhāvayato vivekanissitaṃ virāganissitaṃ nirodhanissitaṃ vossaggapariṇāmiṃ vipulaṃ mahaggataṃ appamāṇaṃ abyāpajjaṃ taṇhā pahīyati taṇhāya pahānā kammaṃ pahīyati . Kammassa pahānā dukkhaṃ pahīyati. Iti kho, udāyi, taṇhakkhayā kammakkhayo, kammakkhayā dukkhakkhayo’’ti. Chaṭṭhaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 6-7. தண்ஹக்க²யஸுத்தாதி³வண்ணனா • 6-7. Taṇhakkhayasuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 6-7. தண்ஹக்க²யஸுத்தாதி³வண்ணனா • 6-7. Taṇhakkhayasuttādivaṇṇanā
