| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
7. தண்ஹக்க²யஸுத்தங்
7. Taṇhakkhayasuttaṃ
905. ஸாவத்தி²னிதா³னங் . தத்ர கோ² ஆயஸ்மா அனுருத்³தோ⁴ பி⁴க்கூ² ஆமந்தேஸி – ‘‘ஆவுஸோ பி⁴க்க²வோ’’தி. ‘‘ஆவுஸோ’’தி கோ² தே பி⁴க்கூ² ஆயஸ்மதோ அனுருத்³த⁴ஸ்ஸ பச்சஸ்ஸோஸுங். ஆயஸ்மா அனுருத்³தோ⁴ ஏதத³வோச –
905. Sāvatthinidānaṃ . Tatra kho āyasmā anuruddho bhikkhū āmantesi – ‘‘āvuso bhikkhavo’’ti. ‘‘Āvuso’’ti kho te bhikkhū āyasmato anuruddhassa paccassosuṃ. Āyasmā anuruddho etadavoca –
‘‘சத்தாரோமே , ஆவுஸோ, ஸதிபட்டா²னா பா⁴விதா ப³ஹுலீகதா தண்ஹக்க²யாய ஸங்வத்தந்தி. கதமே சத்தாரோ? இதா⁴வுஸோ, பி⁴க்கு² காயே காயானுபஸ்ஸீ விஹரதி…பே॰… வேத³னாஸு…பே॰… சித்தே…பே॰… த⁴ம்மேஸு த⁴ம்மானுபஸ்ஸீ விஹரதி ஆதாபீ ஸம்பஜானோ ஸதிமா, வினெய்ய லோகே அபி⁴ஜ்ஜா²தோ³மனஸ்ஸங் – இமே கோ², ஆவுஸோ, சத்தாரோ ஸதிபட்டா²னா பா⁴விதா ப³ஹுலீகதா தண்ஹக்க²யாய ஸங்வத்தந்தீ’’தி. ஸத்தமங்.
‘‘Cattārome , āvuso, satipaṭṭhānā bhāvitā bahulīkatā taṇhakkhayāya saṃvattanti. Katame cattāro? Idhāvuso, bhikkhu kāye kāyānupassī viharati…pe… vedanāsu…pe… citte…pe… dhammesu dhammānupassī viharati ātāpī sampajāno satimā, vineyya loke abhijjhādomanassaṃ – ime kho, āvuso, cattāro satipaṭṭhānā bhāvitā bahulīkatā taṇhakkhayāya saṃvattantī’’ti. Sattamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 4-7. பட²மகண்ட³கீஸுத்தாதி³வண்ணனா • 4-7. Paṭhamakaṇḍakīsuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 4-7. பட²மகண்ட³கீஸுத்தாதி³வண்ணனா • 4-7. Paṭhamakaṇḍakīsuttādivaṇṇanā
