| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
৭. তণ্হক্খযসুত্তং
7. Taṇhakkhayasuttaṃ
৯০৫. সাৰত্থিনিদানং । তত্র খো আযস্মা অনুরুদ্ধো ভিক্খূ আমন্তেসি – ‘‘আৰুসো ভিক্খৰো’’তি। ‘‘আৰুসো’’তি খো তে ভিক্খূ আযস্মতো অনুরুদ্ধস্স পচ্চস্সোসুং। আযস্মা অনুরুদ্ধো এতদৰোচ –
905. Sāvatthinidānaṃ . Tatra kho āyasmā anuruddho bhikkhū āmantesi – ‘‘āvuso bhikkhavo’’ti. ‘‘Āvuso’’ti kho te bhikkhū āyasmato anuruddhassa paccassosuṃ. Āyasmā anuruddho etadavoca –
‘‘চত্তারোমে , আৰুসো, সতিপট্ঠানা ভাৰিতা বহুলীকতা তণ্হক্খযায সংৰত্তন্তি। কতমে চত্তারো? ইধাৰুসো, ভিক্খু কাযে কাযানুপস্সী ৰিহরতি…পে॰… ৰেদনাসু…পে॰… চিত্তে…পে॰… ধম্মেসু ধম্মানুপস্সী ৰিহরতি আতাপী সম্পজানো সতিমা, ৰিনেয্য লোকে অভিজ্ঝাদোমনস্সং – ইমে খো, আৰুসো, চত্তারো সতিপট্ঠানা ভাৰিতা বহুলীকতা তণ্হক্খযায সংৰত্তন্তী’’তি। সত্তমং।
‘‘Cattārome , āvuso, satipaṭṭhānā bhāvitā bahulīkatā taṇhakkhayāya saṃvattanti. Katame cattāro? Idhāvuso, bhikkhu kāye kāyānupassī viharati…pe… vedanāsu…pe… citte…pe… dhammesu dhammānupassī viharati ātāpī sampajāno satimā, vineyya loke abhijjhādomanassaṃ – ime kho, āvuso, cattāro satipaṭṭhānā bhāvitā bahulīkatā taṇhakkhayāya saṃvattantī’’ti. Sattamaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৪-৭. পঠমকণ্ডকীসুত্তাদিৰণ্ণনা • 4-7. Paṭhamakaṇḍakīsuttādivaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৪-৭. পঠমকণ্ডকীসুত্তাদিৰণ্ণনা • 4-7. Paṭhamakaṇḍakīsuttādivaṇṇanā
