| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
6. д̇ан̣хагкаяасуд̇д̇ам̣
6. Taṇhakkhayasuttaṃ
207. ‘‘яо, бхигкавз, маг̇г̇о яаа бадибад̣̇аа д̇ан̣хагкаяааяа сам̣вад̇д̇ад̇и, д̇ам̣ маг̇г̇ам̣ д̇ам̣ бадибад̣̇ам̣ бхаавзт̇а. гад̇амо жа, бхигкавз, маг̇г̇о гад̇амаа жа бадибад̣̇аа д̇ан̣хагкаяааяа сам̣вад̇д̇ад̇и? яад̣̇ид̣̇ам̣ – сад̇д̇а б̣ож̇жхан̇г̇аа. гад̇амз сад̇д̇а? сад̇исамб̣ож̇жхан̇г̇о…бз… убзгкаасамб̣ож̇жхан̇г̇о’’д̇и. звам̣ вуд̇д̇з ааяасмаа уд̣̇ааяий бхаг̇аванд̇ам̣ зд̇ад̣̇авожа – ‘‘гат̇ам̣ бхаавид̇аа ну ко, бханд̇з, сад̇д̇а б̣ож̇жхан̇г̇аа, гат̇ам̣ б̣ахулийгад̇аа д̇ан̣хагкаяааяа сам̣вад̇д̇анд̇ий’’д̇и?
207. ‘‘Yo, bhikkhave, maggo yā paṭipadā taṇhakkhayāya saṃvattati, taṃ maggaṃ taṃ paṭipadaṃ bhāvetha. Katamo ca, bhikkhave, maggo katamā ca paṭipadā taṇhakkhayāya saṃvattati? Yadidaṃ – satta bojjhaṅgā. Katame satta? Satisambojjhaṅgo…pe… upekkhāsambojjhaṅgo’’ti. Evaṃ vutte āyasmā udāyī bhagavantaṃ etadavoca – ‘‘kathaṃ bhāvitā nu kho, bhante, satta bojjhaṅgā, kathaṃ bahulīkatā taṇhakkhayāya saṃvattantī’’ti?
‘‘ид̇ха , уд̣̇ааяи, бхигку сад̇исамб̣ож̇жхан̇г̇ам̣ бхаавзд̇и вивзганиссид̇ам̣ вирааг̇аниссид̇ам̣ нирод̇ханиссид̇ам̣ воссаг̇г̇абарин̣аамим̣ вибулам̣ махаг̇г̇ад̇ам̣ аббамаан̣ам̣ аб̣яаабаж̇ж̇ам̣ 1. д̇асса сад̇исамб̣ож̇жхан̇г̇ам̣ бхааваяад̇о вивзганиссид̇ам̣ вирааг̇аниссид̇ам̣ нирод̇ханиссид̇ам̣ воссаг̇г̇абарин̣аамим̣ вибулам̣ махаг̇г̇ад̇ам̣ аббамаан̣ам̣ аб̣яаабаж̇ж̇ам̣ д̇ан̣хаа бахийяад̇и. д̇ан̣хааяа бахаанаа гаммам̣ бахийяад̇и. гаммасса бахаанаа д̣̇угкам̣ бахийяад̇и…бз… убзгкаасамб̣ож̇жхан̇г̇ам̣ бхаавзд̇и вивзганиссид̇ам̣ вирааг̇аниссид̇ам̣ нирод̇ханиссид̇ам̣ воссаг̇г̇абарин̣аамим̣ вибулам̣ махаг̇г̇ад̇ам̣ аббамаан̣ам̣ аб̣яаабаж̇ж̇ам̣. д̇асса убзгкаасамб̣ож̇жхан̇г̇ам̣ бхааваяад̇о вивзганиссид̇ам̣ вирааг̇аниссид̇ам̣ нирод̇ханиссид̇ам̣ воссаг̇г̇абарин̣аамим̣ вибулам̣ махаг̇г̇ад̇ам̣ аббамаан̣ам̣ аб̣яаабаж̇ж̇ам̣ д̇ан̣хаа бахийяад̇и д̇ан̣хааяа бахаанаа гаммам̣ бахийяад̇и . гаммасса бахаанаа д̣̇угкам̣ бахийяад̇и. ид̇и ко, уд̣̇ааяи, д̇ан̣хагкаяаа гаммагкаяо, гаммагкаяаа д̣̇угкагкаяо’’д̇и. чадтам̣.
‘‘Idha , udāyi, bhikkhu satisambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ vipulaṃ mahaggataṃ appamāṇaṃ abyāpajjaṃ 2. Tassa satisambojjhaṅgaṃ bhāvayato vivekanissitaṃ virāganissitaṃ nirodhanissitaṃ vossaggapariṇāmiṃ vipulaṃ mahaggataṃ appamāṇaṃ abyāpajjaṃ taṇhā pahīyati. Taṇhāya pahānā kammaṃ pahīyati. Kammassa pahānā dukkhaṃ pahīyati…pe… upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ vipulaṃ mahaggataṃ appamāṇaṃ abyāpajjaṃ. Tassa upekkhāsambojjhaṅgaṃ bhāvayato vivekanissitaṃ virāganissitaṃ nirodhanissitaṃ vossaggapariṇāmiṃ vipulaṃ mahaggataṃ appamāṇaṃ abyāpajjaṃ taṇhā pahīyati taṇhāya pahānā kammaṃ pahīyati . Kammassa pahānā dukkhaṃ pahīyati. Iti kho, udāyi, taṇhakkhayā kammakkhayo, kammakkhayā dukkhakkhayo’’ti. Chaṭṭhaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 6-7. д̇ан̣хагкаяасуд̇д̇аад̣̇иван̣н̣анаа • 6-7. Taṇhakkhayasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 6-7. д̇ан̣хагкаяасуд̇д̇аад̣̇иван̣н̣анаа • 6-7. Taṇhakkhayasuttādivaṇṇanā
