| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
3. д̇ан̣хаамуулагасуд̇д̇аван̣н̣анаа
3. Taṇhāmūlakasuttavaṇṇanā
23. д̇ад̇ияз д̇ан̣хам̣ бадижжаад̇и д̣̇вз д̇ан̣хаа зсанад̇ан̣хаа зсид̇ад̇ан̣хаа жа. яааяа д̇ан̣хааяа аж̇абат̇асан̇губат̇аад̣̇ийни бадибаж̇ж̇ид̇ваа бхог̇з зсад̇и г̇авзсад̇и, аяам̣ зсанад̇ан̣хаа наама. яаа д̇зсу зсид̇зсу г̇авзсид̇зсу бадилад̣̇д̇хзсу д̇ан̣хаа, аяам̣ зсид̇ад̇ан̣хаа наама. ид̇ха бана зсанад̇ан̣хаа д̣̇адтаб̣б̣аа. бариязсанаад̇и руубаад̣̇иаарамман̣абариязсанаа. саа хи зсанад̇ан̣хааяа сад̇и ход̇и. лаабход̇и руубаад̣̇иаарамман̣абадилаабхо. со хи бариязсанааяа сад̇и ход̇и.
23. Tatiye taṇhaṃ paṭiccāti dve taṇhā esanataṇhā esitataṇhā ca. Yāya taṇhāya ajapathasaṅkupathādīni paṭipajjitvā bhoge esati gavesati, ayaṃ esanataṇhā nāma. Yā tesu esitesu gavesitesu paṭiladdhesu taṇhā, ayaṃ esitataṇhā nāma. Idha pana esanataṇhā daṭṭhabbā. Pariyesanāti rūpādiārammaṇapariyesanā. Sā hi esanataṇhāya sati hoti. Lābhoti rūpādiārammaṇapaṭilābho. So hi pariyesanāya sati hoti.
винижчаяо бана н̃аан̣ад̇ан̣хаад̣̇идтивид̇аггавасзна жад̇уб̣б̣ид̇хо. д̇ад̇т̇а ‘‘сукавинижчаяам̣ ж̇ан̃н̃аа, сукавинижчаяам̣ н̃ад̇ваа аж̇жхад̇д̇ам̣ сукамануяун̃ж̇зяяаа’’д̇и (ма. ни. 3.323) аяам̣ н̃аан̣авинижчаяо . ‘‘винижчаяаад̇и д̣̇вз винижчаяаа д̇ан̣хаавинижчаяо жа д̣̇идтивинижчаяо жаа’’д̇и (махаани. 102) звам̣ ааг̇ад̇аани адтасад̇ад̇ан̣хаавижарид̇аани д̇ан̣хаавинижчаяо. д̣̇ваасадти д̣̇идтияо д̣̇идтивинижчаяо. ‘‘чанд̣̇о ко, д̣̇зваанаминд̣̇а, вид̇агганид̣̇аано’’д̇и (д̣̇ий. ни. 2.358) имасмим̣ бана суд̇д̇з ид̇ха винижчаяод̇и вуд̇д̇о вид̇аггоязва ааг̇ад̇о. лаабхам̣ лабхид̇ваа хи идтаанидтам̣ сунд̣̇араасунд̣̇арам̣ вид̇аггзнзва винижчинанд̇и ‘‘зд̇д̇агам̣ мз руубаарамман̣ад̇т̇ааяа бхависсад̇и, зд̇д̇агам̣ сад̣̇д̇хаарамман̣ад̇т̇ааяа, зд̇д̇агам̣ маяхам̣ бхависсад̇и, зд̇д̇агам̣ барасса, зд̇д̇агам̣ барибхун̃ж̇иссаами, зд̇д̇агам̣ нид̣̇ахиссаамий’’д̇и. д̇зна вуд̇д̇ам̣ – лаабхам̣ бадижжа винижчаяод̇и.
Vinicchayo pana ñāṇataṇhādiṭṭhivitakkavasena catubbidho. Tattha ‘‘sukhavinicchayaṃ jaññā, sukhavinicchayaṃ ñatvā ajjhattaṃ sukhamanuyuñjeyyā’’ti (ma. ni. 3.323) ayaṃ ñāṇavinicchayo . ‘‘Vinicchayāti dve vinicchayā taṇhāvinicchayo ca diṭṭhivinicchayo cā’’ti (mahāni. 102) evaṃ āgatāni aṭṭhasatataṇhāvicaritāni taṇhāvinicchayo. Dvāsaṭṭhi diṭṭhiyo diṭṭhivinicchayo. ‘‘Chando kho, devānaminda, vitakkanidāno’’ti (dī. ni. 2.358) imasmiṃ pana sutte idha vinicchayoti vutto vitakkoyeva āgato. Lābhaṃ labhitvā hi iṭṭhāniṭṭhaṃ sundarāsundaraṃ vitakkeneva vinicchinanti ‘‘ettakaṃ me rūpārammaṇatthāya bhavissati, ettakaṃ saddhārammaṇatthāya, ettakaṃ mayhaṃ bhavissati, ettakaṃ parassa, ettakaṃ paribhuñjissāmi, ettakaṃ nidahissāmī’’ti. Tena vuttaṃ – lābhaṃ paṭicca vinicchayoti.
чанд̣̇арааг̇од̇и звам̣ агусалавид̇аггзна вид̇аггид̇з вад̇т̇усмим̣ д̣̇уб̣б̣аларааг̇о жа б̣алаварааг̇о жа уббаж̇ж̇ад̇и. ид̣̇ан̃хи ид̇ха чанд̣̇од̇и д̣̇уб̣б̣аларааг̇ассаад̇хиважанам̣. аж̇жхосаананд̇и ахам̣ маманд̇и б̣алавасаннидтаанам̣. бариг̇г̇аход̇и д̇ан̣хаад̣̇идтивасзна бариг̇г̇ахагаран̣ам̣. мажчарияанд̇и барзхи саад̇хааран̣абхаавасса асаханад̇аа. д̇знзвасса бораан̣аа звам̣ важанад̇т̇ам̣ вад̣̇анд̇и – ‘‘ид̣̇ам̣ ажчарияам̣ маяхамзва ход̇у, маа ан̃н̃асса ажчарияам̣ ход̇ууд̇и бавад̇д̇ад̇д̇аа мажчарияанд̇и вужжад̇ий’’д̇и. аарагкод̇и д̣̇ваарабид̣̇аханаман̃ж̇уусааг̇обанаад̣̇ивасзна судту рагканам̣. ад̇хигарод̇ийд̇и ад̇хигаран̣ам̣, гааран̣ассзд̇ам̣ наамам̣. аарагкаад̇хигаран̣анд̇и бхааванабум̣сагам̣, аарагкаахзд̇ууд̇и ад̇т̇о. д̣̇ан̣д̣аад̣̇аанаад̣̇ийсу баранисзд̇ханад̇т̇ам̣ д̣̇ан̣д̣асса аад̣̇аанам̣ д̣̇ан̣д̣аад̣̇аанам̣. згад̇о д̇хаараад̣̇ино сад̇т̇асса аад̣̇аанам̣ сад̇т̇аад̣̇аанам̣. галаход̇и гааяагалахоби ваажаагалахоби. буримо виг̇г̇ахо, бажчимо виваад̣̇о (д̣̇ий. ни. адта. 2.103). д̇увам̣д̇уванд̇и аг̇аарававасзна д̇увам̣д̇увам̣важанам̣.
Chandarāgoti evaṃ akusalavitakkena vitakkite vatthusmiṃ dubbalarāgo ca balavarāgo ca uppajjati. Idañhi idha chandoti dubbalarāgassādhivacanaṃ. Ajjhosānanti ahaṃ mamanti balavasanniṭṭhānaṃ. Pariggahoti taṇhādiṭṭhivasena pariggahakaraṇaṃ. Macchariyanti parehi sādhāraṇabhāvassa asahanatā. Tenevassa porāṇā evaṃ vacanatthaṃ vadanti – ‘‘idaṃ acchariyaṃ mayhameva hotu, mā aññassa acchariyaṃ hotūti pavattattā macchariyanti vuccatī’’ti. Ārakkhoti dvārapidahanamañjūsāgopanādivasena suṭṭhu rakkhanaṃ. Adhikarotīti adhikaraṇaṃ, kāraṇassetaṃ nāmaṃ. Ārakkhādhikaraṇanti bhāvanapuṃsakaṃ, ārakkhāhetūti attho. Daṇḍādānādīsu paranisedhanatthaṃ daṇḍassa ādānaṃ daṇḍādānaṃ. Ekato dhārādino satthassa ādānaṃ satthādānaṃ. Kalahoti kāyakalahopi vācākalahopi. Purimo viggaho, pacchimo vivādo (dī. ni. aṭṭha. 2.103). Tuvaṃtuvanti agāravavasena tuvaṃtuvaṃvacanaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 3. д̇ан̣хаамуулагасуд̇д̇ам̣ • 3. Taṇhāmūlakasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 3. д̇ан̣хаамуулагасуд̇д̇аван̣н̣анаа • 3. Taṇhāmūlakasuttavaṇṇanā
