| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
7. தண்ஹானிரோத⁴ஸுத்தங்
7. Taṇhānirodhasuttaṃ
208. ‘‘யோ , பி⁴க்க²வே, மக்³கோ³ யா படிபதா³ தண்ஹானிரோதா⁴ய ஸங்வத்ததி, தங் மக்³க³ங் தங் படிபத³ங் பா⁴வேத². கதமோ ச, பி⁴க்க²வே, மக்³கோ³ கதமா ச படிபதா³ தண்ஹானிரோதா⁴ய ஸங்வத்ததி? யதி³த³ங் – ஸத்த பொ³ஜ்ஜ²ங்கா³. கதமே ஸத்த? ஸதிஸம்பொ³ஜ்ஜ²ங்கோ³…பே॰… உபெக்கா²ஸம்பொ³ஜ்ஜ²ங்கோ³. கத²ங் பா⁴விதா, ச பி⁴க்க²வே, ஸத்த பொ³ஜ்ஜ²ங்கா³ கத²ங் ப³ஹுலீகதா தண்ஹானிரோதா⁴ய ஸங்வத்தந்தி?
208. ‘‘Yo , bhikkhave, maggo yā paṭipadā taṇhānirodhāya saṃvattati, taṃ maggaṃ taṃ paṭipadaṃ bhāvetha. Katamo ca, bhikkhave, maggo katamā ca paṭipadā taṇhānirodhāya saṃvattati? Yadidaṃ – satta bojjhaṅgā. Katame satta? Satisambojjhaṅgo…pe… upekkhāsambojjhaṅgo. Kathaṃ bhāvitā, ca bhikkhave, satta bojjhaṅgā kathaṃ bahulīkatā taṇhānirodhāya saṃvattanti?
‘‘இத⁴, பி⁴க்க²வே, பி⁴க்கு² ஸதிஸம்பொ³ஜ்ஜ²ங்க³ங் பா⁴வேதி விவேகனிஸ்ஸிதங் விராக³னிஸ்ஸிதங் நிரோத⁴னிஸ்ஸிதங் வொஸ்ஸக்³க³பரிணாமிங்…பே॰… உபெக்கா²ஸம்பொ³ஜ்ஜ²ங்க³ங் பா⁴வேதி விவேகனிஸ்ஸிதங் விராக³னிஸ்ஸிதங் நிரோத⁴னிஸ்ஸிதங் வொஸ்ஸக்³க³பரிணாமிங். ஏவங் பா⁴விதா கோ², பி⁴க்க²வே, ஸத்த பொ³ஜ்ஜ²ங்கா³ ஏவங் ப³ஹுலீகதா தண்ஹானிரோதா⁴ய ஸங்வத்தந்தீ’’தி. ஸத்தமங்.
‘‘Idha, bhikkhave, bhikkhu satisambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ…pe… upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ. Evaṃ bhāvitā kho, bhikkhave, satta bojjhaṅgā evaṃ bahulīkatā taṇhānirodhāya saṃvattantī’’ti. Sattamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 6-7. தண்ஹக்க²யஸுத்தாதி³வண்ணனா • 6-7. Taṇhakkhayasuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 6-7. தண்ஹக்க²யஸுத்தாதி³வண்ணனா • 6-7. Taṇhakkhayasuttādivaṇṇanā
