| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༧. ཏཎྷཱནིརོདྷསུཏྟཾ
7. Taṇhānirodhasuttaṃ
༢༠༨. ‘‘ཡོ , བྷིཀྑཝེ, མགྒོ ཡཱ པཊིཔདཱ ཏཎྷཱནིརོདྷཱཡ སཾཝཏྟཏི, ཏཾ མགྒཾ ཏཾ པཊིཔདཾ བྷཱཝེཐ། ཀཏམོ ཙ, བྷིཀྑཝེ, མགྒོ ཀཏམཱ ཙ པཊིཔདཱ ཏཎྷཱནིརོདྷཱཡ སཾཝཏྟཏི? ཡདིདཾ – སཏྟ བོཛ྄ཛྷངྒཱ། ཀཏམེ སཏྟ? སཏིསམྦོཛ྄ཛྷངྒོ…པེ॰… ཨུཔེཀྑཱསམྦོཛ྄ཛྷངྒོ། ཀཐཾ བྷཱཝིཏཱ, ཙ བྷིཀྑཝེ, སཏྟ བོཛ྄ཛྷངྒཱ ཀཐཾ བཧུལཱིཀཏཱ ཏཎྷཱནིརོདྷཱཡ སཾཝཏྟནྟི?
208. ‘‘Yo , bhikkhave, maggo yā paṭipadā taṇhānirodhāya saṃvattati, taṃ maggaṃ taṃ paṭipadaṃ bhāvetha. Katamo ca, bhikkhave, maggo katamā ca paṭipadā taṇhānirodhāya saṃvattati? Yadidaṃ – satta bojjhaṅgā. Katame satta? Satisambojjhaṅgo…pe… upekkhāsambojjhaṅgo. Kathaṃ bhāvitā, ca bhikkhave, satta bojjhaṅgā kathaṃ bahulīkatā taṇhānirodhāya saṃvattanti?
‘‘ཨིདྷ, བྷིཀྑཝེ, བྷིཀྑུ སཏིསམྦོཛ྄ཛྷངྒཾ བྷཱཝེཏི ཝིཝེཀནིསྶིཏཾ ཝིརཱགནིསྶིཏཾ ནིརོདྷནིསྶིཏཾ ཝོསྶགྒཔརིཎཱམིཾ…པེ॰… ཨུཔེཀྑཱསམྦོཛ྄ཛྷངྒཾ བྷཱཝེཏི ཝིཝེཀནིསྶིཏཾ ཝིརཱགནིསྶིཏཾ ནིརོདྷནིསྶིཏཾ ཝོསྶགྒཔརིཎཱམིཾ། ཨེཝཾ བྷཱཝིཏཱ ཁོ, བྷིཀྑཝེ, སཏྟ བོཛ྄ཛྷངྒཱ ཨེཝཾ བཧུལཱིཀཏཱ ཏཎྷཱནིརོདྷཱཡ སཾཝཏྟནྟཱི’’ཏི། སཏྟམཾ།
‘‘Idha, bhikkhave, bhikkhu satisambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ…pe… upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ. Evaṃ bhāvitā kho, bhikkhave, satta bojjhaṅgā evaṃ bahulīkatā taṇhānirodhāya saṃvattantī’’ti. Sattamaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༦-༧. ཏཎྷཀྑཡསུཏྟཱདིཝཎྞནཱ • 6-7. Taṇhakkhayasuttādivaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༦-༧. ཏཎྷཀྑཡསུཏྟཱདིཝཎྞནཱ • 6-7. Taṇhakkhayasuttādivaṇṇanā
