| Library / Tipiṭaka / तिपिटक • Tipiṭaka / इतिवुत्तकपाळि • Itivuttakapāḷi |
५. तण्हासंयोजनसुत्तं
5. Taṇhāsaṃyojanasuttaṃ
१५. वुत्तञ्हेतं भगवता, वुत्तमरहताति मे सुतं –
15. Vuttañhetaṃ bhagavatā, vuttamarahatāti me sutaṃ –
‘‘नाहं, भिक्खवे, अञ्ञं एकसंयोजनम्पि समनुपस्सामि येन 1 संयोजनेन संयुत्ता सत्ता दीघरत्तं सन्धावन्ति संसरन्ति यथयिदं, भिक्खवे, तण्हासंयोजनं 2। तण्हासंयोजनेन हि, भिक्खवे, संयुत्ता सत्ता दीघरत्तं सन्धावन्ति संसरन्ती’’ति। एतमत्थं भगवा अवोच। तत्थेतं इति वुच्चति –
‘‘Nāhaṃ, bhikkhave, aññaṃ ekasaṃyojanampi samanupassāmi yena 3 saṃyojanena saṃyuttā sattā dīgharattaṃ sandhāvanti saṃsaranti yathayidaṃ, bhikkhave, taṇhāsaṃyojanaṃ 4. Taṇhāsaṃyojanena hi, bhikkhave, saṃyuttā sattā dīgharattaṃ sandhāvanti saṃsarantī’’ti. Etamatthaṃ bhagavā avoca. Tatthetaṃ iti vuccati –
‘‘तण्हादुतियो पुरिसो, दीघमद्धान संसरं।
‘‘Taṇhādutiyo puriso, dīghamaddhāna saṃsaraṃ;
वीततण्हो अनादानो, सतो भिक्खु परिब्बजे’’ति॥
Vītataṇho anādāno, sato bhikkhu paribbaje’’ti.
अयम्पि अत्थो वुत्तो भगवता, इति मे सुतन्ति। पञ्चमं।
Ayampi attho vutto bhagavatā, iti me sutanti. Pañcamaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / इतिवुत्तक-अट्ठकथा • Itivuttaka-aṭṭhakathā / ५. ड्तण्हासंयोजनसुत्तवण्णना • 5. Ḍtaṇhāsaṃyojanasuttavaṇṇanā
