| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
9-10. д̇ан̣хаасуд̇д̇аад̣̇иван̣н̣анаа
9-10. Taṇhāsuttādivaṇṇanā
199-200. навамз д̇аяо бхавз аж̇жход̇т̇арид̇ваа тид̇ам̣ ‘‘аж̇жхад̇д̇игасса убаад̣̇ааяа адтаараса д̇ан̣хаавижарид̇ааний’’д̇иаад̣̇инаа вуд̇д̇ам̣ д̇ам̣ д̇ам̣ ад̇д̇ано годтаасабхууд̇ам̣ ж̇ааламзд̇иссаа ад̇т̇ийд̇и ж̇аалиний. д̇знааха ‘‘д̇аяо ваа бхавз’’д̇иаад̣̇и. д̇ад̇т̇а д̇ад̇т̇аад̇и д̇асмим̣ д̇асмим̣ бхавз, аарамман̣з ваа. абижаад̇иаад̣̇инаа нид̣̇д̣̇зсанаязна висад̇д̇игаабад̣̇асса ад̇т̇ам̣ д̣̇ассзнд̇о нид̣̇д̣̇зсабаал̣ияаа згад̣̇зсам̣ д̣̇ассзд̇и ‘‘висамуулаа’’д̇иаад̣̇инаа. аяан̃хзд̇т̇а нид̣̇д̣̇зсабаал̣и (махаани. 3; жуул̣ани. мзд̇д̇аг̇уумаан̣авабужчаанид̣̇д̣̇зсо 22, каг̇г̇ависаан̣асуд̇д̇анид̣̇д̣̇зсо 124) –
199-200. Navame tayo bhave ajjhottharitvā ṭhitaṃ ‘‘ajjhattikassa upādāya aṭṭhārasa taṇhāvicaritānī’’tiādinā vuttaṃ taṃ taṃ attano koṭṭhāsabhūtaṃ jālametissā atthīti jālinī. Tenāha ‘‘tayo vā bhave’’tiādi. Tattha tatthāti tasmiṃ tasmiṃ bhave, ārammaṇe vā. Apicātiādinā niddesanayena visattikāpadassa atthaṃ dassento niddesapāḷiyā ekadesaṃ dasseti ‘‘visamūlā’’tiādinā. Ayañhettha niddesapāḷi (mahāni. 3; cūḷani. mettagūmāṇavapucchāniddeso 22, khaggavisāṇasuttaniddeso 124) –
‘‘висад̇д̇игаад̇и гзнадтзна висад̇д̇игаа? висад̇аад̇и висад̇д̇игаа, висадаад̇и висад̇д̇игаа, висаалаад̇и висад̇д̇игаа, висаггад̇ийд̇и висад̇д̇игаа, висам̣харад̇ийд̇и висад̇д̇игаа, висам̣ваад̣̇игаад̇и висад̇д̇игаа, висамуулаад̇и висад̇д̇игаа, висапалаад̇и висад̇д̇игаа . висабарибхог̇аад̇и висад̇д̇игаа. висаалаа ваа бана саа д̇ан̣хаа руубз сад̣̇д̣̇з г̇анд̇хз расз подтаб̣б̣з гулз г̇ан̣з ааваасз лаабхз яасз басам̣сааяа сукз жийварабин̣д̣абаад̇асзнаасанаг̇илаанабажжаяабхзсаж̇ж̇абаригкаарз гаамад̇хаад̇уяаа руубад̇хаад̇уяаа аруубад̇хаад̇уяаа гаамабхавз руубабхавз аруубабхавз сан̃н̃ибхавз асан̃н̃ибхавз нзвасан̃н̃инаасан̃н̃ибхавз згавогаарабхавз жад̇увогаарабхавз бан̃жавогаарабхавз ад̇ийд̇з анааг̇ад̇з бажжуббаннз д̣̇идтасуд̇амуд̇авин̃н̃аад̇аб̣б̣зсу висадаа вид̇т̇ад̇аад̇и висад̇д̇игаа’’д̇и.
‘‘Visattikāti kenaṭṭhena visattikā? Visatāti visattikā, visaṭāti visattikā, visālāti visattikā, visakkatīti visattikā, visaṃharatīti visattikā, visaṃvādikāti visattikā, visamūlāti visattikā, visaphalāti visattikā . Visaparibhogāti visattikā. Visālā vā pana sā taṇhā rūpe sadde gandhe rase phoṭṭhabbe kule gaṇe āvāse lābhe yase pasaṃsāya sukhe cīvarapiṇḍapātasenāsanagilānapaccayabhesajjaparikkhāre kāmadhātuyā rūpadhātuyā arūpadhātuyā kāmabhave rūpabhave arūpabhave saññibhave asaññibhave nevasaññināsaññibhave ekavokārabhave catuvokārabhave pañcavokārabhave atīte anāgate paccuppanne diṭṭhasutamutaviññātabbesu visaṭā vitthatāti visattikā’’ti.
д̇ад̇т̇а (махаани. адта. 3; сам̣. ни. дий. 1.1.1 огхад̇аран̣асуд̇д̇аван̣н̣анаа) висад̇аад̇и вид̇т̇ад̇аа руубаад̣̇ийсу д̇збхуумагад̇хаммаб̣яаабанавасзна. висадаад̇и буримаважанамзва д̇а-гаарасса да-гаарам̣ гад̇ваа вуд̇д̇ам̣. висаалаад̇и вибулаа. висаггад̇ийд̇и барисахад̇и. рад̇д̇о хи рааг̇авад̇т̇унаа барзна д̇аал̣ияамааноби сахад̇и, вибпанд̣̇анам̣ ваа ‘‘висаггана’’нд̇и вад̣̇анд̇и. висам̣харад̇ийд̇и д̇ат̇аа д̇ат̇аа гаамзсу аанисам̣сам̣ д̣̇ассзнд̇ий вивид̇хзхи аагаарзхи нзгкаммаабхимукаббавад̇д̇ид̇о жид̇д̇ам̣ сам̣харад̇и сам̣кибад̇и. висам̣ ваа д̣̇угкам̣, д̇ам̣ харад̇и убанзд̇ийд̇и ад̇т̇о. анижжаад̣̇им̣ нижжаад̣̇ид̇о г̇ан̣ханд̇ий висам̣ваад̣̇игаа ход̇и. д̣̇угканиб̣б̣ад̇д̇агасса гаммасса хзд̇убхаавад̇о висамуулаа, висам̣ ваа д̣̇угкад̣̇угкаад̣̇ибхууд̇аа взд̣̇анаа муулам̣ зд̇иссаад̇и висамуулаа. д̣̇угкасамуд̣̇аяад̇д̇аа висам̣ палам̣ зд̇иссаад̇и висапалаа. д̇ан̣хааяа руубаад̣̇игасса д̣̇угкасса барибхог̇о ход̇и, на амад̇ассаад̇и саа висабарибхог̇аа вуд̇д̇аа. саб̣б̣ад̇т̇а нируд̇д̇ивасзна бад̣̇асид̣̇д̇хи взд̣̇ид̇аб̣б̣аа. яо банзд̇т̇а бад̇хаано ад̇т̇о, д̇ам̣ д̣̇ассзд̇ум̣ буна ‘‘висадаа ваа банаа’’д̇иаад̣̇и вуд̇д̇ам̣.
Tattha (mahāni. aṭṭha. 3; saṃ. ni. ṭī. 1.1.1 oghataraṇasuttavaṇṇanā) visatāti vitthatā rūpādīsu tebhūmakadhammabyāpanavasena. Visaṭāti purimavacanameva ta-kārassa ṭa-kāraṃ katvā vuttaṃ. Visālāti vipulā. Visakkatīti parisahati. Ratto hi rāgavatthunā parena tāḷiyamānopi sahati, vipphandanaṃ vā ‘‘visakkana’’nti vadanti. Visaṃharatīti tathā tathā kāmesu ānisaṃsaṃ dassentī vividhehi ākārehi nekkhammābhimukhappavattito cittaṃ saṃharati saṃkhipati. Visaṃ vā dukkhaṃ, taṃ harati upanetīti attho. Aniccādiṃ niccādito gaṇhantī visaṃvādikā hoti. Dukkhanibbattakassa kammassa hetubhāvato visamūlā, visaṃ vā dukkhadukkhādibhūtā vedanā mūlaṃ etissāti visamūlā. Dukkhasamudayattā visaṃ phalaṃ etissāti visaphalā. Taṇhāya rūpādikassa dukkhassa paribhogo hoti, na amatassāti sā visaparibhogā vuttā. Sabbattha niruttivasena padasiddhi veditabbā. Yo panettha padhāno attho, taṃ dassetuṃ puna ‘‘visaṭā vā panā’’tiādi vuttaṃ.
д̇анд̇ам̣ вужжад̇и (д̣̇ий. ни. дий. 2.95 абасаад̣̇анааван̣н̣анаа; сам̣. ни. дий. 2.2.60) вад̇т̇авинанад̇т̇ам̣ д̇анд̇авааязхи д̣̇ан̣д̣агз аасан̃жид̇ваа басаарид̇асуд̇д̇авадди ‘‘д̇анийяад̇ий’’д̇и гад̇ваа, д̇ам̣ бана суд̇д̇ам̣ санд̇аанаагулад̇ааяа нид̣̇ассанабхаавзна аагуламзва г̇ахид̇анд̇и ааха ‘‘д̇анд̇ам̣ вияа аагулаж̇аад̇о’’д̇и. сан̇кзбад̇о вуд̇д̇амад̇т̇ам̣ вид̇т̇аарад̇о д̣̇ассзд̇ум̣ ‘‘яат̇аа наамаа’’д̇иаад̣̇и вуд̇д̇ам̣. самаанзд̇унд̇и буб̣б̣знаабарам̣ самам̣ гад̇ваа аанзд̇ум̣, ависамам̣ уж̇ум̣ гаад̇унд̇и ад̇т̇о. д̇анд̇амзва ваа аагулам̣ д̇анд̇аагулам̣, д̇анд̇аагулам̣ вияа ж̇аад̇о бхууд̇од̇и д̇анд̇аагулагаж̇аад̇о. винанад̇о г̇улаад̇и ид̇т̇илин̇г̇авасзна лад̣̇д̇ханаамасса д̇анд̇авааяасса г̇ун̣тигам̣ наама аагулабхаавзна аг̇г̇ад̇о ваа муулад̇о ваа д̣̇увин̃н̃зяяамзва калиб̣ад̣̇д̇хад̇анд̇асуд̇д̇анд̇и ааха ‘‘г̇улааг̇ун̣тигам̣ вужжад̇и бзсагаараган̃ж̇ияасуд̇д̇а’’нд̇и.
Tantaṃ vuccati (dī. ni. ṭī. 2.95 apasādanāvaṇṇanā; saṃ. ni. ṭī. 2.2.60) vatthavinanatthaṃ tantavāyehi daṇḍake āsañcitvā pasāritasuttavaṭṭi ‘‘tanīyatī’’ti katvā, taṃ pana suttaṃ santānākulatāya nidassanabhāvena ākulameva gahitanti āha ‘‘tantaṃ viya ākulajāto’’ti. Saṅkhepato vuttamatthaṃ vitthārato dassetuṃ ‘‘yathā nāmā’’tiādi vuttaṃ. Samānetunti pubbenāparaṃ samaṃ katvā ānetuṃ, avisamaṃ ujuṃ kātunti attho. Tantameva vā ākulaṃ tantākulaṃ, tantākulaṃ viya jāto bhūtoti tantākulakajāto. Vinanato gulāti itthiliṅgavasena laddhanāmassa tantavāyassa guṇṭhikaṃ nāma ākulabhāvena aggato vā mūlato vā duviññeyyameva khalibaddhatantasuttanti āha ‘‘gulāguṇṭhikaṃ vuccati pesakārakañjiyasutta’’nti.
сагун̣игаад̇и бадабад̣̇асагун̣игаа. саа хи ругкасаакаасу оламб̣анагудаваа ход̇и. д̇ан̃хи саа гудавам̣ д̇ад̇о д̇ад̇о д̇ин̣ахийраад̣̇игз аанзд̇ваа д̇ат̇аа винад̇и, яат̇аа д̇з бзсагаараган̃ж̇ияасуд̇д̇ам̣ вияа аг̇г̇зна ваа аг̇г̇ам̣, муулзна ваа муулам̣ самаанзд̇ум̣ вивзжзд̇ум̣ ваа на саггаа. д̇знааха ‘‘яат̇аа’’д̇иаад̣̇и. д̇ад̣̇убхаяамби ‘‘г̇улааг̇ун̣тига’’нд̇и вуд̇д̇ам̣ ган̃ж̇ияасуд̇д̇ам̣ гулааваган̃жа. буриманаязнзваад̇и ‘‘звамзва сад̇д̇аа’’д̇иаад̣̇инаа вуд̇д̇анаязнзва. гаамам̣ мун̃ж̇абаб̣б̣аж̇ад̇ин̣аани яат̇ааж̇аад̇ааниби д̣̇ийгхабхаавзна бад̇ид̇ваа аран̃н̃адтаанз ан̃н̃аман̃н̃ам̣ винанд̇хид̇ваа аагулаб̣яаагулаани худ̇ваа д̇идтанд̇и, д̇аани бана на д̇ат̇аа д̣̇уб̣б̣ивзжияаани яат̇аа раж̇ж̇убхууд̇аанийд̇и д̣̇ассзд̇ум̣ ‘‘яат̇аа д̇ааний’’д̇иаад̣̇и вуд̇д̇ам̣. сзсамзд̇т̇а хздтаа вуд̇д̇анаяамзва.
Sakuṇikāti paṭapadasakuṇikā. Sā hi rukkhasākhāsu olambanakuṭavā hoti. Tañhi sā kuṭavaṃ tato tato tiṇahīrādike ānetvā tathā vinati, yathā te pesakārakañjiyasuttaṃ viya aggena vā aggaṃ, mūlena vā mūlaṃ samānetuṃ vivecetuṃ vā na sakkā. Tenāha ‘‘yathā’’tiādi. Tadubhayampi ‘‘gulāguṇṭhika’’nti vuttaṃ kañjiyasuttaṃ kulāvakañca. Purimanayenevāti ‘‘evameva sattā’’tiādinā vuttanayeneva. Kāmaṃ muñjapabbajatiṇāni yathājātānipi dīghabhāvena patitvā araññaṭṭhāne aññamaññaṃ vinandhitvā ākulabyākulāni hutvā tiṭṭhanti, tāni pana na tathā dubbiveciyāni yathā rajjubhūtānīti dassetuṃ ‘‘yathā tānī’’tiādi vuttaṃ. Sesamettha heṭṭhā vuttanayameva.
абааяаад̇и авад̣дхигаа, сукзна, сукахзд̇унаа ваа вирахид̇аад̇и ад̇т̇о. д̣̇угкасса г̇ад̇ибхаавад̇од̇и аабааяигасса д̣̇угкасса бавад̇д̇идтаанабхаавад̇о. сукасамуссаяад̇од̇и аб̣бхуд̣̇аяад̇о. винибад̇ид̇ад̇д̇аад̇и вируубам̣ нибаад̇ад̇д̇аа, яат̇аа д̇знад̇д̇абхаавзна сукасамуссаяо на ход̇и, звам̣ нибад̇ид̇ад̇д̇аа. ид̇арод̇и сам̣сааро. нану ‘‘абааяа’’нд̇иаад̣̇инаа вуд̇д̇оби сам̣сааро зваад̇и? сажжамзд̇ам̣, нираяаад̣̇ийнам̣ бана ад̇химад̇д̇ад̣̇угкабхаавад̣̇ассанад̇т̇ам̣ абааяаад̣̇иг̇г̇ахан̣ам̣. г̇об̣алийб̣ад̣̇д̣̇ан̃ааязнааяамад̇т̇о взд̣̇ид̇аб̣б̣о.
Apāyāti avaḍḍhikā, sukhena, sukhahetunā vā virahitāti attho. Dukkhassa gatibhāvatoti āpāyikassa dukkhassa pavattiṭṭhānabhāvato. Sukhasamussayatoti abbhudayato. Vinipatitattāti virūpaṃ nipātattā, yathā tenattabhāvena sukhasamussayo na hoti, evaṃ nipatitattā. Itaroti saṃsāro. Nanu ‘‘apāya’’ntiādinā vuttopi saṃsāro evāti? Saccametaṃ, nirayādīnaṃ pana adhimattadukkhabhāvadassanatthaṃ apāyādiggahaṇaṃ. Gobalībaddañāyenāyamattho veditabbo.
канд̇хаанан̃жа бадибаадийд̇и бан̃жаннам̣ канд̇хаанам̣ хзд̇упалабхаавзна абараабараббавад̇д̇и. аб̣б̣ожчиннам̣ вад̇д̇амаанаад̇и авижчзд̣̇зна вад̇д̇амаанаа. д̇ам̣ саб̣б̣амбийд̇и д̇ам̣ ‘‘абааяа’’нд̇иаад̣̇инаа вуд̇д̇ам̣ саб̣б̣ам̣ абааяад̣̇угкан̃жа ваддад̣̇угкан̃жа. махаасамуд̣̇д̣̇з ваад̇агкид̇д̇аа нааваа вияаад̇и ид̣̇ам̣ бариб̣бхаманадтаанасса маханд̇ад̣̇ассанад̇т̇ан̃жзва бариб̣бхаманасса анавадтид̇ад̇аад̣̇ассанад̇т̇ан̃жа убамаа. яанд̇з яуд̇д̇аг̇он̣о вияаад̇и ид̣̇ам̣ бана авасийбхаавад̣̇ассанад̇т̇ан̃жзва д̣̇уббамогкабхаавад̣̇ассанад̇т̇ан̃жаад̇и взд̣̇ид̇аб̣б̣ам̣.
Khandhānañca paṭipāṭīti pañcannaṃ khandhānaṃ hetuphalabhāvena aparāparappavatti. Abbocchinnaṃ vattamānāti avicchedena vattamānā. Taṃ sabbampīti taṃ ‘‘apāya’’ntiādinā vuttaṃ sabbaṃ apāyadukkhañca vaṭṭadukkhañca. Mahāsamudde vātakkhittā nāvā viyāti idaṃ paribbhamanaṭṭhānassa mahantadassanatthañceva paribbhamanassa anavaṭṭhitatādassanatthañca upamā. Yante yuttagoṇo viyāti idaṃ pana avasībhāvadassanatthañceva duppamokkhabhāvadassanatthañcāti veditabbaṃ.
‘‘самуухаг̇г̇ааход̇и д̇ан̣хаамаанад̣̇идтийнам̣ саад̇хааран̣аг̇г̇аахо’’д̇и вад̣̇анд̇и, ‘‘ид̇т̇ам̣ звам̣ ан̃н̃ат̇аа’’д̇и бана висзсам̣ агад̇ваа г̇ахан̣ам̣ самуухаг̇г̇ааход̇и д̣̇адтаб̣б̣о. висзсам̣ агад̇ваад̇и жа анубанид̇хаанам̣ самад̇о асамад̇о жа убанид̇хаананд̇и имам̣ вибхааг̇ам̣ агад̇ваад̇и ад̇т̇о. ид̇т̇анд̇и хи анубанид̇хаанам̣ гат̇ид̇ам̣. звам̣ ан̃н̃ат̇аад̇и бана самад̇о асамад̇о жа убанид̇хаанам̣. ан̃н̃ам̣ аагааранд̇и барасанд̇аанаг̇ад̇ам̣ аагаарам̣.
‘‘Samūhaggāhoti taṇhāmānadiṭṭhīnaṃ sādhāraṇaggāho’’ti vadanti, ‘‘itthaṃ evaṃ aññathā’’ti pana visesaṃ akatvā gahaṇaṃ samūhaggāhoti daṭṭhabbo. Visesaṃ akatvāti ca anupanidhānaṃ samato asamato ca upanidhānanti imaṃ vibhāgaṃ akatvāti attho. Itthanti hi anupanidhānaṃ kathitaṃ. Evaṃ aññathāti pana samato asamato ca upanidhānaṃ. Aññaṃ ākāranti parasantānagataṃ ākāraṃ.
ад̇т̇ийд̇и сад̣̇аа сам̣виж̇ж̇ад̇ийд̇и ад̇т̇о. сийд̣̇ад̇ийд̇и нассад̇и. сам̣саяабаривид̇аггавасзнаад̇и ‘‘гим̣ ну ко ахам̣ сияам̣, на сияа’’нд̇и звам̣ баривид̇аггавасзна. бад̇т̇анаагаббанавасзнаад̇и ‘‘аби наама саад̇ху банаахам̣ сияа’’нд̇и звам̣ бад̇т̇анааяа габбанавасзна. суд̣̇д̇хасийсаад̇и д̇ан̣хаамаанад̣̇идтийнам̣ саад̇хааран̣аа сийсаа. ‘‘ид̇т̇ам̣ звам̣ ан̃н̃ат̇аа’’д̇и вуд̇д̇асса висзсасса аниссид̇ад̇д̇аа ‘‘суд̣̇д̇хасийсаа’’д̇и вуд̇д̇аа. д̇ад̇т̇а д̣̇идтисийсзхи д̣̇идтияаа г̇ахид̇ааяа д̇ад̣̇авинаабхаавиний д̇ан̣хаа д̣̇ассид̇аа, жад̇уухи сийсзхи д̣̇ваад̣̇асахи жа сийсамуулагзхи маанад̣̇идтийхи аяамзва д̇ан̣хаа д̣̇ассид̇аад̇и ааха ‘‘звамзд̇з…бз… д̇ан̣хаавижарид̇ад̇хаммаа взд̣̇ид̇аб̣б̣аа’’д̇и. нану жа маанад̣̇идтиг̇г̇аахоби ид̇хаад̇хиббзд̇о, яад̇о ‘‘д̇ан̣хаамаанад̣̇идтивасзна самуухаг̇г̇аахо’’д̇и адтагат̇ааяам̣ вуд̇д̇ам̣, д̇асмаа гат̇ам̣ д̇ан̣хаавижарид̇аанийд̇и ид̣̇ам̣ важанам̣? вужжад̇з – д̣̇идтимаанзсуби д̇ан̣хаавижарид̇аанийд̇и важанам̣ ан̃н̃аман̃н̃ам̣ виббаяог̇ийнам̣ д̣̇идтимаанаанам̣ д̇ан̣хааяа авиббаяог̇аанам̣ д̇ам̣муулагад̇д̇аа д̇аббад̇хаанад̇ааяа гад̇анд̇и взд̣̇ид̇аб̣б̣ам̣. д̣̇асамам̣ уд̇д̇аанамзва.
Atthīti sadā saṃvijjatīti attho. Sīdatīti nassati. Saṃsayaparivitakkavasenāti ‘‘kiṃ nu kho ahaṃ siyaṃ, na siya’’nti evaṃ parivitakkavasena. Patthanākappanavasenāti ‘‘api nāma sādhu panāhaṃ siya’’nti evaṃ patthanāya kappanavasena. Suddhasīsāti taṇhāmānadiṭṭhīnaṃ sādhāraṇā sīsā. ‘‘Itthaṃ evaṃ aññathā’’ti vuttassa visesassa anissitattā ‘‘suddhasīsā’’ti vuttā. Tattha diṭṭhisīsehi diṭṭhiyā gahitāya tadavinābhāvinī taṇhā dassitā, catūhi sīsehi dvādasahi ca sīsamūlakehi mānadiṭṭhīhi ayameva taṇhā dassitāti āha ‘‘evamete…pe… taṇhāvicaritadhammā veditabbā’’ti. Nanu ca mānadiṭṭhiggāhopi idhādhippeto, yato ‘‘taṇhāmānadiṭṭhivasena samūhaggāho’’ti aṭṭhakathāyaṃ vuttaṃ, tasmā kathaṃ taṇhāvicaritānīti idaṃ vacanaṃ? Vuccate – diṭṭhimānesupi taṇhāvicaritānīti vacanaṃ aññamaññaṃ vippayogīnaṃ diṭṭhimānānaṃ taṇhāya avippayogānaṃ taṃmūlakattā tappadhānatāya katanti veditabbaṃ. Dasamaṃ uttānameva.
д̇ан̣хаасуд̇д̇аад̣̇иван̣н̣анаа нидтид̇аа.
Taṇhāsuttādivaṇṇanā niṭṭhitā.
махааваг̇г̇аван̣н̣анаа нидтид̇аа.
Mahāvaggavaṇṇanā niṭṭhitā.
жад̇уд̇т̇абан̣н̣аасагам̣ нидтид̇ам̣.
Catutthapaṇṇāsakaṃ niṭṭhitaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya
9. д̇ан̣хаасуд̇д̇ам̣ • 9. Taṇhāsuttaṃ
10. бзмасуд̇д̇ам̣ • 10. Pemasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā)
9. д̇ан̣хаасуд̇д̇аван̣н̣анаа • 9. Taṇhāsuttavaṇṇanā
10. бзмасуд̇д̇аван̣н̣анаа • 10. Pemasuttavaṇṇanā
